ساعات بنمشي مشوار طويل ومتعب..عشان بس نوصل للحظة حلوة..او مجرد كلمة حلوة تهون كل التعب والمشوار..
وساعات بنرفض نمشي مشوار ممتع عشان بنخاف من لحظة ألم..
المشهد ده بيقول يعني ايه لحظة ممكن تكون بتعب العمر كله..
المشهد ده بيقول يعني ايه الكنز الاجمل في الحياة..
انه العقل الجميل..
والقلب الاجمل..
"لقد كنت دائماً أثق بالأرقام.. أثق في المعادلات.. في المنطق الذى يفضى إلى سببٍ ما..
ولكن بعد هذا العمر.. بعد كل ما عرفت ، تسائلت بيني وبين نفسي..ما هو المنطق بحق..؟
من الذى يحدد السبب..؟
من الذي يضع القواعد ويصيغها..!!
وتنقلت بتساؤلاتي في رحلة طويلة بين كل الظواهر..الطبيعية وغير الطبيعية..
المادية..والفلسفية..
بين الحقائق.. والأوهام..
ثم عدت..!!
عدت مرة أخرى من حيث بدأت وقد قمت بأكبر إنجاز فى تاريخى..بل وأهم إكتشاف فى حياتى..
انه فقط.. فى المعادلات الغامضة لنبضات القلب..
حيث لا وجود للأسباب المنطقية واللامنطقية..
عزيزتي..
ربما الجزء الذي يميز الحقيقة من الاوهام يكمن .. بالقلب.. لا بالعقل..
فقط.. اردت ان اخبرك انك الكنز الاجمل في الحياة..
انت العقل الجميل..
بل والقلب الاجمل..
انت وحدك السبب فيما أكونه اليوم..
في الحقيقة..
أنت..
كل..
أسبابى..
.............أحبك."
من الفيلم الرائع
A Beautiful Mind
A Beautiful Mind
اكتر اغنية حسيتها بتعبر عن المشهد ده..
هناك 64 تعليقًا:
احجز اول تعليق
كل اختياراتك جميله وطبعا فيها فكره اجمل
تحياتى على اختياراتك
لحظه بتعب العمر كله
لحظه بتنجرح وبيكون جرح غائر اوى
مهما بعدت ولفيت وتناسيت اللحظه دى بتسيطر على كل عالمك
فى كل لازم نجرب
بدل ما نندم على حاجة حلوة ضيعها الخوف من اللى المجهول
مساء الخير
فعلا هي لحظه ممكن يكون فيها الجرح وفيها الفرح
علشان كده في ناس مابتحبش اللحظه دي لحظة اخذ القرار
وخصوصا قرار القرب اللي دايما يتبعه قرار البعد
تحياتي
عجبنى اوى لما ترجمة بيتيفول مايند...للقلب الجميل مش العقل الجميل...ٌريت البوست انا بحب الفيلم ده اوى اوى اوى مش عارفه اعلق اكتب ايه لكن بوست جميل..متغيبش بأه فالكتابه ...اكتب عن كل الأفلام الى عجبتك وانت شايفها ازاى....جميل
جامدة جدا الحتة اللي انت اخترتها دي
ساعات بنمشي مشوار طووووويل ومتعب قوي..عشان بس نوصل للحظة حلوة او مجرد كلمة حلوة تهون كل التعب والمشوار..
وساعات برفض نمشي مشوار ممتع عشان بنخاف من لحظة تنجرح فيها مشاعرنا..
كلنا بنعمل ساعات كده وساعات كده... بس المشوار الاولاني هو الاحلى... ساعتها هنحس باللحظة الحلوة اللي تعبنا علشانها دي
تسلم ايدك :)
السلام عليكم.....
كل سنة وانت طيب معلش جاية اعيد عليك بس بعد ما العيد خلص
.......وليك عندى عدية انا محبتش ادبس حد فى اتج ع الملا كده ودبست الناس فى التعليقات ....وجاية ادبسك انت كمان ممكن تقبل التدبيسة ههههههه.......دومت بخير....فى رعاية الله.
shemo
حستنى اجابتك ع التاج.......دومت بخير....فى رعاية الله.
shemo
اظن ان ده ما يسمى حب
حلو جدااااااااا البوست
لانو انا بحب جدااااااااااااا الفيلم ده
وبحب اووووووووي سيلين ديون
فالازم يبقي جامد البوست
تحياتي
علامات استفهام كثيرة تدور برؤسنااا
علامات تعجب ايضا كثيرة لاننا لا نجد اجابة تريح
وفي النهاية يمكننا ان نقول هذة الكلمة التي تملاء الكثير والكثير من عطش قلوبنا دون ان نعرف لماذا نحب ان نؤلم انفسنا ونتعبها كثيرا بكلمة قد تكون هي سبب نهايتنااا
احييك علي اختيارك لهذا المشهد
دمت بخير
كل عام وانت بخير
هذه هى اولى زياراتى للمدونة
وفى الحقيقه فقد نحج تصميمها البسيط والراقى فى جذب انتباهى
تدوينه جميله جدا جدا وموفقه
والفيلم ده حقيقى اكتر من رائع ...
تقبل مرورى ،،،،
اييييه ده ياتيموووووووووو
وساعات برفض نمشي مشوار ممتع عشان بنخاف من لحظة تنجرح فيها مشاعرنا
صحححححححححححح اوىىىىىىىىىىى
على فكرة الاغانى اللى انت بتخترها روووووووعة بجد
متتاخرش تانى بقى ولا انت هتكون شهرى ولا ايه(وش بيغمز)
اولا: السلام عليكم
ثانيا : كل سنة وانت طيب
اختيارك للاغنية...
للمشهد ...
للفيلم.... اكتر من رائع
احساسك عالى اوى وبيوصل بسرعة كلماتك بسيطة ورقيقة...الفيلم جامد انا بحبه..استمر...(وش بيغمز)
(وش خبيث)...فين اغانى اسف على الازعاج ؟؟؟؟(هههههههه)
ما شفت عالفيلم :(
السلام عليكم
شكرا على زيارتك وانا اول مره اجى المدونه بس حقيقى هى جميله واسلوب محترم مع تمنياتى بالتوفيق
راقَ لي ماسطر هنآ .,
قلمٌ تمَيَز بِـ أَسلوب رآقي
..
دمت بخير
يا تيمو انت مش ممكن بجد
كلماتك واصله للهدف تمام وبتعبر بيها صح اوى عن اللى عاوز توصله
حلو اوى انك ممكن تمشي مشوار طويل متعب علشان لحظة سعادة حلوة
بتختار افلام بموت فيها
والفيلم دا مهما اشوفه مش بزهق منه
مش تتأخر تانى كدا ممكن اخلى لك كل الشهور نوفمبر علشان نطمن عليك
مي:
بجدددد... غصب عني بابتسم وانا بأقرا تعليقك
ابتسامة عاملة كده....
شوفتي..؟؟
وبعدين ايه شهري ده..؟ انا كل تلات شهور وعليهم شهر ببلاش
(وش بيطلع لسانه)
"يا من يحن اليك فؤادى "
اولا: وعليكم السلام
ثانيا: وانت بكل الخير
ثالثا: اشكرك على الاهتمام بما اكتب وعلى الكلمات الرقيقة بجد
رابعا: الاغاني عندي فعلا.. :)
خامسا: انت مين..؟
أقصوصة:
بجددد...فايتك كتييييييييييييير..
========================================
حنين:
شرفتي المدونة بزيارتك ويا رب مش تكون الاخيرة
========================================
أنثى من حرير:
الللللللله....
بجد انا اللي (راقَ لي ما سطرتِ)
حلو كلامك لانه بالتشكيل وانا بافتقد الناس اللي بتحب ده من زماااان
نورت ويا رب ديما تزوريني:)
Reem:
بجد مش تعرفي تعليقك بيبسطني قد ايييييييه وباستناه
وبالنسبة لموضوع نوفمبر.............بجد تقدري..؟؟
السلام عليكم.......
ازيك يا تيمو....معلش اتاخرت فى الرد ع الميل بتاعك ومكنش عندى وقت ارد عليك بميل فقولت اسيب تعليق.....انا حستنى ردك ع التاج برواقة بعد متخلص كل الافكار الى عندك وحستنى شكل التاج بعد ما تضيفله الاسئلة واكيد كلنا حنبقى مبسوطين لما تكون الاجابات بشكل افضل والاسئلة بصورة احلى وادق ....وحستنى تدبيستك ليا فى التاج لما تنازله .......دومت بخير ....ارجو دوام التواصل والود....فى رعاية الله .
ياتيمو ربنا يخليك يارب
انا كمان بستنى تعليقك وبستفيد منه وبحب جدا اقرا تعليقك في المدونات اللى بتدخلها لانى بحس انك لك دايما وجهة نظر مختلفة
وانا بتعجبنى جدا العقول المختلفة والغير نمطية
اما بالنسبة لنوفمبر فأنت تأمر يا باشا
نخلى السنة كلها نوفمبر
بس الاول تقولى ايه سر نوفمبر معاك ( وش فضولى جدا عاوز يسأل على اللى مش له فيه )
ما اجمل هذا الحب
انا بحب الفيلم ده جدا
الحب اجمل شئ فى الدنيا بس المهم يكون الحب ده لانسان يقدره بالفعل ويصونه مرسيى لزيارتك المدونة
مدونتك جميلة وان شاء الله مش هتكون اخر زيارة باذن الله
**
وساعات برفض نمشي مشوار ممتع عشان بنخاف من لحظة تنجرح فيها مشاعرنا..
**
الشخصيات ديه بتتعب كتير اوي ف حياتها والخوف بيسيطر عليها وبيعملها فوبيا من كل حاجة لو لقيت للموضوع ده علاج ابقى قوللي ^_^
**
أنه فقط...فى المعادلات الغامضة... فى الحب.
حيث لا وجود للأسباب المنطقية..
**
:) لفتت نظري جدا الكلمة ديه..وافتكرت سؤال واحد سأله لواحدة بيقولها انتي بتحبيني ليه..؟قالتله ده من احد الاسئلة اللي ملهاش اجابة لسه ولا عمرها هيكون ليها اجابة عندي..
ميرسي على مرورك اللذيذ عندي وفعلا عجبتني فكرة الافلام ديه
متابعاك باذن الله
رااااائع البوست والمدونة كلها ليها طابع خاص زي صاحبها
تيمو
شكرا على سؤالك وكل سنه وانت طيب
لكن كلنا بنحتاج نبقى مع نفسنا شويه
اما عن البوست دا فبجد جميل
انا شفت الفيلم اكتر من مره
تحياتى لاختياراتك الجميله
ودائما تختار كل ماهو جديد
فلقد عرضت الفيلم بفكره جديده
قلب جميل
المهم نوصل للإحساس ده في الاخر
في الحقيقة..
أنت كل أسبابى..
.......
...................
..........
.....................
....................أحبك
عجبني الجزء ده اوي بنقطه كمان وفراغاته
شكرا تيمو
على فكرة نفسي اعرف سر صورتك الشخصية
مدينا ضهرك ليه
تحياتي
الفيلم ده رائع , والمشهد اللى أنـت مختـاره أروع ..
عاجبانى أوى فكـرة مدونتك على فكــرة ..
" Someone you know "
الحقيقة اختياراتك دائما رائعة
احييك عليها وعلى زوقك الرفيع
هههههههههههههههههههههههههههههههههههههههههههههه مش ملاحظ حاجة انى بكون موجوده دايما ولا دى احم احم وش بيغمز هههههههههههههههههههههههههههههههههه
7anen:
من السهل ان تضحي من اجل الحب..
ولكن اصعب الاشياء..هو الحصول على من يستحق هذا الحب
========================================
آيوشة:
نورت المدونة وابقى تعالي تاني :)
Just Smile:
اولا: ما تيجي ندور على حد يعرف علاج لينا احنا الاتنين..؟؟
ثانيا: عجبني تذوقك الخاص لاجزاء من البوست بطريقتك
ثالثا: بجد نورت وديما ها ااستنى تعلقك
غير معرف:
ها اقولك شرفت المدونة بمرورك..
ومش ها اقول نورت لانك واقف في الضلمة.
دموع كابر:
ميرسي على التعليق الجميل ومش تختفي كتير كده...بلاش تعملي زي تيمو (‘;’)
micheal:
هو انت ليه بتحاول ديما في موضوع الشغل ..؟
صدقني احيانا المتعة في المحاولة..مش في الوصول للهدف
المهم يكون فيه امل ولو وهمي.
فكرة من الزمن ده:
بجد اختيارك للجزء ده...وكمان بتفهمي في لغة النقط..يبقى انت احساسك مرهف وبتعرفي تتذوقي حاجات كتير
بخصوص الصورة..فدي ليها معنى عندي...في يوم من الايام ها احكي عليه
بجد شكرا لوجودك واهتمامك.
"يا من يحن اليك فؤادى"
I feel..
صدى الصمت - عاشقة الورد :
الذوق الرفيع لا يدركة الا صاحب الحس المرهف
شكرا لمرورك ولكلماتك
مي:
It’s a sign ;)
يا بخته لقى المعادله وحلها
انت فنان يا تيمو بجد بتجيب مشاهد من الافلام بتكون هي المسترسين بتاعت الفيلم
يارب تكون بخير
عايزه افلام عربي كفايه اجنبي :)
وجاء ديسمبر
بأجمل بوست قريته
وأجمل تحليل للفيلم اللي بحبه
وأجمل أغنية لسيلين ديون بعشقها
أنت بجد هايل ... أنت عندك بيوتيفول مايند
هاااااااااى ازى حضرتك
بجد جمييييييييل اوى وعجبنى كتيييييييير اوى
ويستحق اكيد بجد
واكيد فاتنى الفيلم الجميل دة
بس
مافاتتنيش زيارتى للمدونة الجميلة دى حقيقى
تحياتى
سلاااااااام
انت بتختار افلام جبارة يا تيمو الفيلم دا بجد بجد تعب لي اعصابي
راسل كرو تفوق على نفسه في الفيلم دا ووصل لمرحلة وهمية من الاداء
في فيلم انت قولتلي اشوفه وهو فيلم المفضل
men of honor
هاقولك انا على فيلم كل ما بشوفه وانا في قمة يأسي باحس انه في لحظة حلوة جاية
pursuit of happiness
للعبقري ويل سميث
تحياتي يا متميز على فكرة عندي مكتبة افلام رائعه لو تحب نتشارك :D
بس انا اعتزلت وبقيت عميد متقاعد
:)
تحياتي
اي حد ممكن يتفرج علي فيلم .. اي حد ممكن يفهم فكرة الفيلم .. بس، مش اي حد ممكن يحس فيلم .. ومش اي حد يبقي ذوقه عالي اوي كده .. راقي وجميل في اختياراته :)
في ناس بتعيش عمرها كله علي امل انها تعيش لحظة حب واحد تمحيلها كل آلام العمر اللي ضاع ..
متتأخرش علينا :)
أنا هنا الليلة بسببك.. أنت..
أنت وحدك..
أنت السبب فيما أكونه اليوم..
في الحقيقة..
أنت كل أسبابى..
/
/
تمنيتها تلك الكلمات
اووووووووووووووه
جميل ذلك الحب
مدونتك اكثر من رائعة
ياسمينة لقلبك
لابد وأن لديك حديث جديد عن كل أشهر السنة
دمت دفئ المشاعر
مودتي
u can add me on messenger
جميل , رائع , مبدع
شكرا
اول مره اعلق بس مش اول مره ازور المدونه
عندك ذوق رفيع في اختيار الافلام والا غانى
الي جانب كلماتك الجميله
بجد استمتعت هنا
اول ما شوفت اسم الفيلم
حاجه حصلت واتشقلبت كده
انا بعشق حاجه اسمها الفيلم ده
انت جاى فى الجون والله
انا بزورك اول مره
بس مدونتك رووووووووووعه
كل سنة وأنت طيب وعام جديد وسعيد إن شاء الله
تحياتي
.."كل سنة وانت طيب"...بمناسبة السنة الجديدة....
.." كل سنة وانت طيب"... دى بقى بمناسبة عيد ميلادك..
وان شاء الله تكون سنة جميلة عليك وعلينا كلنا...
ويا رب كدة تحقق فيها كل اللى بتحلم به ...
" you feel what????".....
اة انت نسيت تكمل
حقا ممكن ان نقضى اعمارنا باكملها نختبىء كى لانصطدم بلحظه الم وعندما نفتح عيوننا وقلوبنا تصدمنا الحياه باقسى الاقلام على وجوهنا فهل نفيق بعدها ام نعتزل الحياه ونكتفى بالاختباء ما بقى لنا تسلم ايدك بجد قصه فيلم رائعه
تيمو
انت فين ياتيمو
طيب حتى طمنا عليك
مش تتأخر علينا كدا
مبروك الصورة الجديدة
أميرة علي كوكب مهجور:
بجد سعيد انه بوستاتي بتعجبك يا ميرو..
خليني اشوف تعليقك ديما
=============================
mimi :
وجاء نوفمبر بأجمل تعليق بجد فرق معايا قوي..
ها استناكي كل اول شهر...آآآ..قصدي
كل اول بوست (';')
=============================
Yasmina:
ياسو..فايتك فيلم حلو جدا ومشاعر اجمل جواه..
انصحك تشوفيه فورا :)
=============================
احمد عاطف:
ميرسي على النواصل واكيد ها نتبادل افلام كتير لاني باحب كده جدا :)
مساء الياسمينوووز
مش صباح بقى بما انى بنام بالصبح كتير الايام دى..
بحب أوى طريقتك يا تيمو فى أنك بتعيش الحاجات الصغيرة زى ما بتقول
وبتحس بحاجات فى قلب التفاصيل مش بياخد ناس كتير بالهم منها مع انها ممكن تكون هى اللى بتدى الاشياء جمالها الحقيقى
اختياراتك جميلة أوى بجد ودايما بتنفذ لتفاصيل فى الفكرة اللى بتابعها سواء فيلم او مادة او اغنية او كلمة وبتعرف ازاى توصلها بجد بحييك
وكمان ذوقك فى الاغانى جميل أوى مع انى مش هحمل اغنية النهاردة علشان عندى :D:D
بص مش هقولك كدة كل مرة بس بلاقينى عاوزة اقول..بجد ماتعرفش اد ايه برتاح فى مدونتك لما بدخل اقرا فيها
بتصلحنى نفسيا أوى :)
طيب
الحمد لله الفيلم ده شوفته ومن افلامي المفضلة اوي اوي
انا عاجباني الجملة دي اوي
أهم إكتشاف فى حياتى..
أنه فقط...فى المعادلات الغامضة... فى الحب.
حيث لا وجود للأسباب المنطقية..
واللامنطقية..
ده رأيي في الحب بقوله ديماً
الحب عامل زي واحد اعمي ماشي ممكن يخبط وممكن يفضل ماشي وسكته تبقي حلوة او حد يساعده
مينفعش نعتقد اننا المفروض نعمل كدة عشان ميحصلش كدة
يعني مفيش قاعدة ثابتة نمشي عليها
مفيش واحد اتنين تلاتة لو عملتهم حكون سعيدة ولو معملتهمش حكون تعيسة
بجد مفيش ولو فيه حاجة نمشي عليها مكنش فيه حد غلب
يعني ممكن نحب الاول وبعد ما نحب نفكر ونحاول نسأل لكن المفروض اللي بيحب مش بيسأل لأنه بيكون مش عايز يسأل ونفسه يفضل زي ما هو مانا قلتلك زي الاعمي مش اعمي يعني وحش عشان مش شايف لأ بيكون شايف بقلبه كل حاجة وعاجباه حتي لو وحشة احيانا بيشوف الحاجات الوحشة دي لما يمكن تحصل مشكلة او حاجة تزعله لكن غير كدة مبياخدش باله او بيعمل نفسه مش واخد باله ان فيه عيوب
كمان مفيش حاجة كاملة خاااااااااالص بين الطرفين يعني كل واحد فيه عيوب
برضه رجعنا لنقطة ان مفيش اسس نمشي عليها
الموضوع كله عامل زي احتمالات بنركبها علي بعض وفي الحب كل الاحتمالات ممكنة يعني لو فرضنا اننا عندنا عشر ارقام وعشر ارقام من واحد لعشرة
ممكن يبقي 1 مع 2 و1 مع 3 وعدي بقي كام حالة
مينفعش اقول بلاها حب عشان مش حنلحق نقول كدة لان المتحكم هو القلب بجد هو القلب لما بنحب مش بنبقي واخدين بالنا وديما بنعمل جدعان ونقول مش حنحب ابدا وحنكون اقوياء واحنا ضعفاء جدا من حاجة بسيطة بنحب
انا شايفة الحب حاجة ربنا بيخلقها جوة الانسان عشان يخليه اجمل ويحس احاسيس حلوة حتي لو الحكاية مكملتش بيحس انه خسران بس الحقيقة هو الكسبان
حتي لو الطرف التاني جرحه عارف ليه؟؟
عشان اللي كسبان الي حب بجد وحس الحب وعرف ان فيه حاجة اسمها حب حتي ان كان الحب ده جرحه
وعلي راي الست ام كلثوم العيب فيكم يا في حبايبكم اما الحب يا روحي عليه
مش عايزاك تبقي من النوع ده
"وساعات برفض نمشي مشوار ممتع عشان بنخاف من لحظة تنجرح فيها مشاعرنا.."
عشان الخوف احساس صعب اوي وبكرهه
إرسال تعليق