الأحد، مايو 16

مفترق الطريق..!!


ودعها بقبلة ووعد باللقاء..
لم يكن يعرف ان القدر يخبيء له مفاجاة..
فقد سقطت طائرته في المحيط..
وفجأة..
وجد نفسه وحيدا على جزيرة مجهولة ليواجه مصيرا لا يختلف كثيرا عن تِلك الجزيرة..!!

فقط كل ما يملك هو صورة.. جاهد للاحِتفاظ بها..
وأمل..ضئيل في ان يُغادر تلك الجزيرة.. ويرتمي باحضان صاحبة الصورة..!!
بعد ساعات من الانتظار..أيام من الترقب..
ادرك حقيقة الامر..
انه هـُنا.....وهي هناك..!!

شعر بوحدته على تلك الجزيرة..
اشتاق ان يتحدث اليها..
ويتحدث عنها..

صنع شخصية خيالية هي الأشهر في تاريخ السينيما..
"ويلسون"....ليست مجرد كرة..
ولكنها الشخصية التي نشأت بينهما صداقة طوال خمس سنوات..
قضاها على تلك الجزيرة..!!
ولم ينسَ..وهو يغادر تلك الجزيرة الى المحيط..
حيث الامل الضعيف والمصير المجهول..!!
ان ينقش على صخور الجزيرة اسمها كي يراه من ياتي اليها يوما من الايام..
قال : ((اخبروها اني احببتها بكل ما استطيع..وانها كانت معي بكل لحظة..قضيتها هنا))


مشهد...يستحق التأمل
كل منا عمل ما عليه ان يفعل..
هي فعلت ما في وسعها..
وقد عرفـَت بطريقة ما..أنها يحب أن تنساني..
وأنا قمت بعمل ما في وسعي لأكون معها..
وعرِفِـت ..بطريقة ما ايضاً..أنني خسرتها..!!

ما كنت لأغادر تلك الجزيرة أبداً..!!
كنت لأموت هناك..
أموت وحيداً..
كان يمكن ان أصاب بمرض أو جرحا أو شيء ما الى ان اموت بوحدتي..
الخيار الوحيد الذي كنت أملكه..
الشيء الوحيد الذي كنت أستطيع التحكم به..
هو.. متى.. وكيف...وأين سيحدث ذلك..؟؟
لذا، صنعت حبلاً..
وصعدت إلى القمة لأشنق نفسي..
لكني كان يجب أجرب أولاً كما تعودت..
وربطت وزنا الى الجذع..
ولكن الجذع لم يتحمل الوزن ..!!
فكسر طرف الشجرة
لذا، أنا ...لم أستطيع حتى أن أقتل نفسي بالطريقة التي أريد..!!

لم أكن أقوى على شيء..
ولم اكن املك أي شيء..
ولكن فجأة.. غمرني شعور بالدفء..
دفء..لم اعرفه من قبل..
عندها..عرفت ...بطريقة ما ..
بأني يجب أن أبقى..
بطريقة ما..
يجب ألا أتوقف عن التنفس.
بالرغم من عدم وجود سبب للأمل..
وكل ما أفكر به هو أني لن أرى هذا المكان ثانيةً..
وهذا ما فعلته..
بقيت حياً..
لم أتوقف عن التنفس..!!
ثم ذات يوم جاء المدّ.. وأعطاني شراع بدائي..
فعرفت.. بطريقة ما.. انني يجب ان اعيش ، وان اغادر تلك الجزيرة.

كثيرا من الوقت استغرقت.
كثيرا من الامل استنفذت..
وبعد ذلك.... ها أنا..
عدت ...!!
إلى مدينتي..!!
ولدي ثلج في كوبي..!!
وقد.. خسرتها... ثانيةً....!!!!

أنا حزين جداً، أني لست معها..
لكني ممتن جداً لأنها كانت معي على تلك الجزيرة..!!
وأنا أعرف ما يجب علي أن أفعله الآن..
يجب ألا أتوقف عن التنفس..!!
لأن غداً، الشمس ستشرق..
من يعرف.. ماذا يمكن للمدّ أن يعطيه..؟!!

من الفيلم الرائع
Cast Away

الفيلم بيه كثير من المشاهد التي تحتاج الى رؤية متأنية..
ولكن هذا المشهد من اكثر المشاهد تأثيرا..
مشهد نهاية الفيلم..
وهو نفسه مشهد بدايته..!!
البطل يقف في تقاطع رباعي للطرق..
وبينظر للاتجاهات بحيرة من لا يدري عنها شيئا..!!
لقد فقد طريقة...فتساوت كل الطرق بالنسبة له..!!

هناك 73 تعليقًا:

مي يقول...

قال : ((اخبروها اني احببتها بكل ما استطيع..وانها كانت معي بكل لحظة..قضيتها هنا))

لله جميلة اووووووووووووووووى الجملة دى

لقد فقد طريقة...فتساوت كل الطرق بالنسبة له..!!
ياااااااااه من اجمل الافلام للى بتعرفنا معنى حب حتى لو كانت النهاية مش فى مصلحتنا

جميلة الكلمات اوى وحمد الله عالسلامة راجع بقوة كالعادة يا تيمو

الشـوكة الــنـاعـمـة يقول...

اختياراتك راقيه كا العاده
وانا ومشهد مفترق الطرق الرباعى لديه الكثير من الرموز الرسائل اختيار رائع للمشهد والتعبير احلى
فقد طريقه فااصبحت كل الطرق سواسيه
تحياتى

الغاردينيا يقول...

لم اسكن روح الرجل لاتيقن اذ كان احبها بالفعل

فعاد لاجلها ...ام أنها كانت بالنسبه له ...

شمعه الامل .. ففي حياتنا كثير ما تختلط المفاهيم

لا أنكر أحب أيضا ان اراه عاد لأجلها حتى لو لم

ينتصر الحب في الأخير ... ( احب نهايات التعسية )

فهي جزء من الحياه ^_^

تحية عطره ,,

العيسوى الصغير يقول...

ان تساوت كل الطرق لى فاسير نحو الشمس ولكن
ان لم يكن عندى امل فلم ارى الشمس
وان لم اهوى فمن اين ياتى الامل ؟؟؟

خواطر شابة يقول...

هل تعلم ان هذه هي حال الكثيرين منا نقف في مفترق طرق وكل الطرق متساوية امامنا بحيث لانعرف ما علينا اختياره والله انه توصيف رائع ودقيق لحالتنا
تحياتي وودي

داليـ ـ ـ ـ ـ ـ ــــا يقول...

اعرف الفيلم ده
واتفرجت عليه
واتأكدت من صوره الا بيرسم فيها بدم ايديه ان هو ده الفيلم

جميل اووووووووووووووى ع فكره

طالبة مقهورة ..درجة أولى يقول...

تيمو..

انا عاوزة اعيط دلوقتي اتصرف وهاتلي علبة كلنكس 500 منديل..ويكون معطر كمان :((

انا بس اللي كنت بفكر فيه هيا حالها ازاي من غيره..ممكن تكون تخطته ونسيته..ولا لسه على وعده ومستنيه اللقاء اللي وعدها بيه..هوا قال انها كان معاه طيب وهيا؟؟

كل ما يمكننا فعله هو التنفس...ده اسم اغنية افتكرتها وانا بقرأ..

حلو الامل اللي عنده..اصله لو فقد امله هيموت بجد..

تعرف لما بقرا الحجات ديه بحس بالخوف اوي..بخاف اتمسك بأي حد..بقى عندي فوبيا ان الحب يدمرني ف يوم

هات كمان علبة كلينكس عشان هعملك فيضان ف المدونة ديه...

richardCatheart يقول...

جميله التدويه
فيلم كاست اوى من اجمل افلام توم هانكس التعبير الرمزى طبعااااااااااا عالى جدا فيه

زى انه عاش بالرغم من كل مامر به وحتى محولته الفاشله فى الانتحار ليه عاش؟

معنى الحياه معنى الصعاب معنى الاختبارات معنى الامل

مشهد مش بنساه بعد رجوعه وبعد معرفه بجواز حببته بعد علمها بسقوط طائرته وهو ماسك الولاعه وضغط عليها طلعت نار وهو بيبصلها نظره تأمل سريعه
وكانه بيقول لنفسه عدت للعالم الذى يسهل فيه كل شىء
حتى النسيان والمشاعر(متذكر المستحيل اللى وجهه فى اشعال شعله كانت تعنى له الحياه)
مشهد مفترق الطرق مش بس ضل وجهته اعتقد ان كل الطرق عنده بقت سواء
لانه بعد مروره بتجربه الموت والحياه رسخ فى نفسه
اى طريق يسلكه مهما وجد فيه يستطيع التغلب عليه
لانه مش هايكون اصعب من اللى كان فيه

شكرا على البوست

мαησηα يقول...

يجب ألا أتوقف عن التنفس..!!
لأن غداً، الشمس ستشرق..
من يعرف.. ماذا يمكن للمدّ أن يعطيه..؟!!

عجبانى اوى الحتة دى فهماها اوى وحساها اوى

بحب الاصرار والمعافرة والجزء ده دليل كبير عليهم

تسلم يا تيمو دايما متألق ف سياقة رؤيتك للامور

Timo.. يقول...

مي:
ميووووية :)
الفيلم مليان مشاهد وكلمات حلوة قوووي
كل مشهد فيه محتاج لبوست لوحدة من وجهة نظري الشخصية (';')

Timo.. يقول...

الشوكة الناعمة:
الفيلم ده بيشكل لي مجموعة رموز فعلا مركبة وعشان كده اتكلمت عنه لانه محتاج بوستات..مش بس بوست واحد.
نورت وديما مستنيك :)

Timo.. يقول...

الغاردينيا:
"أحب نهايات التعسية..فهي جزء من الحياه "
للاسف..عندك حق جداااا..
وبرغم اختلاط المفاهيم الا انني متاكد انه في الفيلم عاد لانه أحبها..!!

Timo.. يقول...

العيسوي الصغير:
ممكن....يكون ...عندك حق..
وممكن..........لأ

Timo.. يقول...

خواطر شابة:
مفترق الطرق هو مشهد النهاية..
والغريب انه هو نفس مشهد البداية..
انا اخدت بالي من ده وكانه ايحاء للي بيحصل..!!

Timo.. يقول...

دالــــــيا:
الفيلم ده من اجمل الافلام وكمان مميز بشخصية "ويلسون" الكرة اللي اصبحت من اشهر الرموز في السينيما العالمية.

Timo.. يقول...

طالبة مقهورة دجة اولى:
واضح انك مش اتفرجت ع الفيلم..بس صدقيني يستحق انك تشوفيه وبعناية كمان وانت تعرفي قد ايه هو حبها..!!

ماتخافيش تحبي حد من قلبك لانه حتى لو في يوم اكتشفت اختفاء الحد ده ها تتمنى يرجع ولو للحظة عشان تقولي له قد ايه انت حبتيه..!!

مش لازم تجربي الاحساس ده عشان تتعلمية.

Timo.. يقول...

richardCatheart:
"وكانه بيقول لنفسه عدت للعالم الذى يسهل فيه كل شىء..حتى النسيان والمشاعر"
بجد انحني احتراما لذكاءك لانك اخدت بالك من مشهد انا كان نفسي احكي عنه بس ما حبيتش البوست يكون طويل..
بجد انت حد لماح وبيفهم قوووي :) :)

Timo.. يقول...

мαησηα:
عارفة يا منونا..
ديما باقول لنفسي الكلمة دي لما باكون في اسوأ حالاتي..
وصدقيني فعلا..يجب ألا (نتوقف) عن التنفس..!!
لأن غداً، الشمس ستشرق..
من يعرف.. ماذا يمكن للمدّ أن يعطيه..؟!!

Ms Venus يقول...

تيمو

يمكن انا للأسف مش شوفت الفيلم واكيد ده من سوء حظى


علشان كده مش قادرة اكون فكرة

بوجه عام بحب جدا الافلام اللى بتحمل فلسفة بسيطة بين سطورها

مشهد صامت .. بدون كلمات تجرحه هو وحده كافى ليعبر عن مجلدات كلام

كالعادة انحنى احتراما لفكرك

لـــولا وزهراء يقول...

السلام عليكم ورحمة الله وبركاته

انا جيت زي ازور مدونتك تاني زي ما طلبت يافندم ويسعدني جداَ اني اقرأ بوستاتك وموضوعاتك حضرتك بتتناولها بشكل مختلف وبوجهة نظر جميييلة كنت منتظرة اشوف رسمتك المرة دي في البوست بس مكانش فيه برافوووو تعرف ليه؟ لانك المرة دي مش بتتكلم عنك او عن فريدة انت بتتكلم عن فيلم فالاوقع انك تستخدم صور من الفيلم جميلة جداَ والاجمل حكيك عنه نقلتهولنا بتفاصيل في المشاعر فائقة
اكتر جملتين قلتهم اثروا فيا
مشهد...يستحق التأمل

كل منا عمل ما عليه ان يفعل..
هي فعلت ما في وسعها..
وقد عرفـَت بطريقة ما..أنها يـجب أن تنساني..
وأنا قمت بعمل ما في وسعي لأكون معها..
وعرِفِـت ..بطريقة ما ايضاً..أنني خسرتها..!!

عايزة اقولك ان كل كلماتك عبرت عن الفيلم والفكرة حتى لحظة تأملية بس الفقرة اللي نقلتها شدتني اكثر

* استخدامك لخلفية موسيقية لايقة جداااااااااا على موضوع الفيلم وفيروز اختيار رااااائع

* اخر سطورك فكرتني بـ أليس في بلاد العجائب لما كانت محتارة بين اكتر من طريق وسألت أرنبها باني باني اي الطرق اسلك
قالها اي هدف تريدين
قالت له ليس لدي هدف
قال لها اذاَ اي طريق اسلكيه.
اشكرك يافندم على دعوة استمرار الزيارة ويشرفنا زيارتك لمدونتنا
* وفي انتظار المزيد من المواضيع الشيقة وسلملي على فريدة :d

دعاء العطار يقول...

كل منا عمل ما عليه ان يفعل..
هي فعلت ما في وسعها..
وقد عرفـَت بطريقة ما..أنها يحب أن تنساني..
وأنا قمت بعمل ما في وسعي لأكون معها..
وعرِفِـت ..بطريقة ما ايضاً..أنني خسرتها..!!



يااااااااااه يعنى هو طول المده دى بيتمنى يرجعلها وحاول جاهدا انه يحتفظ بالصوره عشان تبقى معاه

وهى طول المده دى بتحاول تنسااااااااه !!

والمحزن اكتر ان هى ليها عذرها
والمشترك اللى بينهم ان الاتتنين حاولوا التعايش هو بالتمسك بيها وهى بنسيانه

بجد مؤلمه جدااااااااااااااا

بس احسن حاجه عجبتنى فيه انه بيفهم الرسايل كتيييير بيبقى مبعوتلنا رسايل لينا احنا وواضحه وضوحح الشمس لكن احنا مش بنفهمها

تسلم ايدك بجد

جارة القمر يقول...

((اخبروها اني احببتها بكل ما استطيع..وانها كانت معي بكل لحظة..قضيتها هنا))


أوووووووووه

الجملة دي أثرت بيا بشكل كبير

قصة مؤثرة وكلمات دافئة

احساس الحب يطغى على معاني الكلمات

رائـــــــــــع

القمرالباكي يقول...

السلام عليكم ورحمه الله وبركاته
معلش ع التاخير فالرد انا قرات الموضوع اول ماانت نزلته لكن وقتها مكنتش مستعديه اضع تعليق
الفيلم فعلا جميل اوووي ورومنسيه نقيه
اجمل مافيك انك بتجيب الحاجات المعبره ببساطه ولكن بفلسفه في نفس الوقت السهل الممتنع
موضوع شيق
مشهد النهايه اد ايه حيره لما يكون قدامك اربع طرق وكل واحد فيهم مجهول متعرفش هيوديك لفين اعتقد انا لو فالوضع ده هفضل افكر كتير
مع ان التفكير وقتها مش هيجيب نتيجه لان جميع الخطوات مجهوله شكلي فالاخر هكتفي بالوقوف فمكاني

دومت بخير

Wanda يقول...

كنت فى مدونة بسمع فيها فيروز و جيت منها لهنا سامعة فيروز :-)
شدنى بوست الفيلم
فيلم قوى
و شخصية مستر ويلسون المرسوم بالدم
و اللوحة الى بتمنح امل فى نجاة
و المفترق الى فيهم طريق مفتوح و ثلاث طرق مسدودة
ملوش حل الا الواحد يجرب و خلاص

فكرة من الزمن ده يقول...

انت بتجيب الفلسفات دي كلها منين
حقيقي فيلسوف
اما عن الفيلم ده مش هقول انا بحبه قد ايه
بيقول حجات كتير من جوايا
تحياتي ياتيمو

أحمد عاطف يقول...

الفيلم دا وفيلم terminal

من اروع افلام توم هانكس تحس في الفيلمين دول بعبقرية ملهاش حل

عبقرية اداء وعبقرية فكرة وقصة وعبقرية احساس

بداية الفيلم دا ونهايته الاتنين ليهم معنى واحد عندي

عندما لا تعرف نهاية اي طريق فاختر اي طريق فكلهم واحد

ahmed_k يقول...

فيلم رائع أذكر أني رأيت مقتطفات او أجزاء منه
وفعلا حتى وإن لم نصل للهدف المنشود
فيكفيه أنه يوما كان هدفا وكان باعثا للأمل

دمت مبدعا

Boky يقول...

واحشنى جدااااااااااااا
أنا عدت أخيرا

صباحك مسك وورد وعنبر
وسكر وكل الحاجات الحلوة فى الدنيا

والتعليق دة ليك انت مش للمدونة

ممكن تدخل الفيسبوك وتعمل تشيك للانبوكس بتاعك النهاردة :)

Boky يقول...

بجد مش عارفة أعمل كومنت من روعة احساسى بالبوست
أنا قرأته ورجعتلك تانى

عارف اكتر حاجة بجد بتعجبنى فى معالجتك للامور واختيارك للمواضيع اللى بتحسها

انك بتجيب تفاصيل صوغنونة اوى دايما وراقية ومهمة من قلب الاشياء وتظهر اجمل واهم مافيها كانك بتلقى ضوء على نقطة الارتكاز اللى كانت مظلمة
عارف الفكرة اللى بتوضح ان اصغر ذرات العالم هى اللى بتصنع قنبلة نووية
بالظبط كدة اختيارك لادق التفاصيل
بيلمس اهم الاحاسيس فى الموقف او الفكرة

تحياتى لذوقك وفكرك الراقى بجد يا تيمو :)

حاجات جوايا يقول...

المدونة دى تحفة بجد
عجبنى جدا اسلوبك فى ملاحظة ادق التفاصيل والتبحر فى فيما وراء المظهر
زى البوست ده وبوست لحظة قد تعنى الكثير

وخدت بالى من حاجات مخدتش بالى منها قبل ده
لما قلت فى بوست سابق "كلام مع فريدة "

ده انا كمان اكتشفت اني باكره صدى الصوت....لأنه ببساطة....مش صوت..
ووصلت في الاخر اني اكره الاحلام...لانها ببساطة...مش واقع..!!

جميل اننا نحب ونقدر اصول الاشياء ولا ننخدع بمجرد الشكليات اللى من الممكن جدا انها تكون خادعة أو مجرد وهم

وفقك الله دائما أخى الفاضل
دمت بخير

Bent Men ElZaman Da !! يقول...

من اجمل الافلام بجد
بخلاف ان توم هانكس اصلا عبقرى فى تمثيله
وبيوصل الاحساس بنظراته اكتر حتى من اى شئ
"لقد فقد طريقة...فتساوت كل الطرق بالنسبة له..!! "
حبيتها الجمله دى
مابقتش فارقه يتوه او يمشى صح
عشان النهايه ماتهموش
عاجبنى انك اهتميت بالتفاصيل النفسيه اكتر حاجه

هوبتي يقول...

انا بحب الفيلم دا قوي وبشدة
وبيلمسني بشكل وحش قوي قوي قوي بجد

Just waiting يقول...

للاسف انا مش شفت الفيلم دا بس ان شاء الله هشوفه في اقرب فرصة
انا تصفحت مدونتك وعجبني جدا اسلوبك
وعجبني جدا الجملة دي
اكتشفت اني بكره صدى الصوت لانه ببساطه مش صوت
تحياتي ليك

hana يقول...

عند فقد الطريق امنية كانت أو
حلمه عشقه حياته التي ما إنتظر
غيرها تتساوى الإتجاهات لديه فأي طريق يسلك
ما عاد هناك من إختلاف كلها تتساوى
لم أشاهد الفلم بعد
أعجبني تصويرك لما بداخل النفس
والإحسآآس مما دفعني لأن آراه أشعره كوكبة من المشاعر الإنسانية النادرة
عميق تحيتي لحسك النقي

Boky يقول...

تيمو تيمو تيمو تيمو

انت عامل ايه
مبسوط ولا ايه
الدنيا جميلة كمعاك
بتضحك ولا ايه
:)

أنا هشتكيك منك
مش بتدخل الياهو ليه عااااااااا
الحبة اللى بسرقهم واقعد دايما مش بلاقيك وسبتلك مسج اوفلاين قبل يوم الوقفة بيوم
بعدها معرفتش اكلمك
عشان رجعت تعبانة وحصلت حصاليل هحكيهالك كتير

طمنى عليك بجد عشان واحشنى جداااااا

Timo.. يقول...

Ms Venus:
صدقيني يا فينوس فاتك كتير انك مش شوفت الفسلم وده سوء حظ..لانه يستحق انك تشوفيه..
الفيلم من النوع اللي بيحمل فلسفااااات كتير بين السطور وكالعادة انا انحني احتراما امام (كلماتك الرقيقة)

Timo.. يقول...

لـــولا وزهراء:
بجد بيعجبني تعليقك ديما لانه بيحلل البوست وانا بحب اسمع التحليل جدا واعرف ايه من بين السطور وصل وايه مش كان واضح انه يوصل..
بالنسبة لموضوع فريدة انا كمان (نفسي) اسلم عليها :) :)

Timo.. يقول...

دعاء العطار:
"يااااااااااه يعنى هو طول المده دى بيتمنى يرجعلها وحاول جاهدا انه يحتفظ بالصوره عشان تبقى معاه
وهى طول المده دى بتحاول تنسااااااااه !!"

تخيلي انك (عرفت) تقولي اللي انا (حاولت) اقوله..؟؟
بجد انحني لتعبيرك الذكي وفعلا للاسف الحاجة المشتركة بينهم انهم حاولوا التعايش مع الواقع المؤلم..!!

Timo.. يقول...

جارة القمر:
عارفة..انا نفسي اكون مكانه واكتب على الصخور..بس مش ها اكتب اللي هو كتبه..
ها اكتب حاجة تانية لفريدة..
ايه..؟؟
ها اكتب ايه..؟؟
ده سر بيني وبينها وبسسس :)

Timo.. يقول...

القمر الباكي:
مشهد النهاية جميع الخطوات مجهوله شكلي فالاخر هكتفي بالوقوف فمكاني..
انت بتعملي زيي على فكرة :) :)

Timo.. يقول...

Wanda:
باشكر فيروز اللي جابتك عندي وبجد نورتيتي يا اجمل سواحة في الكون :)

Timo.. يقول...

فكرة من الزمن ده:
انا باجيب الفلسفات دي من نفس المكان اللي بتجيبي منه افكارك الحلوة يا فكورة يا قمر :)

Timo.. يقول...
أزال المؤلف هذا التعليق.
Timo.. يقول...

احمد عاطف:
اعذرني اني مقصر في الزيارات..
وفعلا زي ما بتقول الطرق المجهولة ..كلها واحد..!!

Timo.. يقول...

Ahmed_k:
فيلم رائع لو مش كنت شوفت غير مقتطفات منه انصحك تفضي نفسك ساعتين وتعيش مع قصة وتصوير واهتمام بادق التفاصيل :)

Timo.. يقول...

Boky:
بوكي يا بوكي يا بوكي :)
واحشاني اكتر والله ومن كتر الكلام الحلو اللي بتقوليه مش باعرف ارد وابابقى عامل كدهو (';')
عاجبك كده يا بوكي يعني..؟؟
طب ارد انا على الناس دلوقت ازاي بقى..؟؟
هـه..؟؟
هــه..؟؟

Timo.. يقول...

حاجات جوايا:
بجد مش عارف اقولك الاحساس الحلو اللي وصلني من زيارتك وكمان من ردك واسلوبك الراقي وكمان بيعجبني قوي الناس اللي بتهتم بادق التفاصيل فما بالك بقى بالناس اللي بتعرف تقرأ وتحلل ادق التفاصيل في البوستات القديمة مش بس الجديدة..
دي ناس فعلا تستحق الاهتمام ...زيك :)

Timo.. يقول...

Bent Men ElZaman Da:
انا اهتميت بالتفاصيل قد ما قدرت لاني كنت واثق انه ناس ها تيجي وتستحق اهتمامي بالتفاصيل ده..
ناس بتعرف تتذوق ما بين السطور ..
وانت بجد واحدة منهم..
نورتني وديما ها استنى رايك :)

Timo.. يقول...

هوبتي:
والفيلم كمان يستحق انك تحبيه:)
نورتيني بالزيارة وبانتظارك دائما :)

Timo.. يقول...

Just waiting:
بجد ياريت تتفرجي على الفيلم لانه يستحق.
والجملة اللي عجبتك في المدونة دليل انك بتعرفي تتذوقي معنى الكلمات..
نورتيني بالزيارة :)

Timo.. يقول...

hana:
عميق تحياتي لكلماتك الرقيقة..
ووجودك القوي بمدونتي..
ارجوا ان تشاهدي الفيلم وتكتبي رايك :)

Timo.. يقول...

بوكي يا بوكي..
ياللي واحشاني قد ما انا زعلان منك..
هااااا..؟؟
عرفت انا زعلان منك قد ايه..؟

بنت وولد يقول...

الله على اختيارك الجميل
انا بحب الفيلم ده قوى و الاجزاء اللى اخترتها كلها احلى من بعض
خصوصا مشهد مفترق الطرق فى اخر الفيلم
شيىء محير جدا اما الانسان يقف فى حياته فى مفترق طرق و يخس ان اختياره حيأثر عليه بقيه عمره

تسلم ايدك

(ست* جنى* الحسن) يقول...

سلامو عليكو..
عارف كرتون اليس فى بلاد العجائب.
كانت ماشية هيا والارنب صاحبها لحد موصلت لمفترق طرق.
سألها الرنب :رايحة فين؟
قالت اليس :مش عرفة.
قالها الارنب :يبقى امشى فى اى اتجاه مش فرقه.
لك تحياتى

أم الخــلـود يقول...

اصحى يا نايم ووحد الدايم ..

(حملة الجسد الواحد)

أرجوا من المدونين الموقرين أن يضعوا شعار الحملة واسمها في الشريط الجانبي لمدوناتهم كدلالة على وحدة صف أمة محمد

لمزيد من المعلومات

http://dndanh111.blogspot.com/2010/06/blog-post_14.html

جعله الله في ميزان حسناتكم .. آمين

Ramy يقول...

فيلم رائع

و تفاصيل أظهرتها أكثر من رائعة

لو بتحب افلام من هذا النوع الحب الصعب

لازم تشوف منزل البحيرة the lake house

دمت بخير

Ramy يقول...

نسيت احيك على اغنية فيروز

بس هلا ما بتذكر شكل وجهك

خبرى ان بعدك بتحن

):

Dr. Mohammed Ali يقول...

يتحتم علينا احيانا الحسم في الاختيار مع تقبل المصير ..
تحياتي لك وتقبل مروري.

لـــولا وزهـــراء يقول...

اين جديدكم في انتظار المزيد من الابداع

لولا

موجة يقول...

السلام عليكم ورحمة الله وبركاتة
شرفتنى زيارتك جدا واول حاجة عملتها جيت اشوف مدونتك
وبجد عجبنى القصة الجميله دى وعجبنى طريقة سرد الحكاية وعجبنى بدايه ونهايه الحكاية
بس للاسف نهايه مؤلمة
فقد الامل بعد ان بذل كل ما فى وسعة للوصول لاى نقطة امل تعيده اليها

Ramy يقول...

temo

شكرا على مرورك الكريم شكرا على التعليق

انا اسف لو مكنتش نشرته بس حصل عندى اعبكة فى التعليقات بس انا علقت ورديت عليك عندى

شكرا واسف للحصل (: دى ابتسامة خجل

Timo.. يقول...

ولد وبنت:
فعلا (شيىء محير جدا اما الانسان يقف فى حياته فى مفترق طرق و يحس ان اختياره حيأثر عليه بقيه عمره)
نورت المدونة :)

Timo.. يقول...

(ست* جنى* الحسن):
فعلا زي ما في القصة الكارتونية..
اذا لم يكن لدينا طريق..فا كل الطرق تتساوى..!!
شكرا لمرورك :)

Timo.. يقول...

Ramy:
The Lake House
من اجمل الافلام اللي اتفرجت عليها في حياتي وكتبت بوست عنه لكن لسه مش نشرته..
شكلك بتعرف تتذوق الافلام صح :)
نورت المدونة :)

Timo.. يقول...

Dr. Mohammed Ali:
الحسم مطلوب ولكن بعد تفكير لان اختيار الطريق قد يكون قرار مصيري لا يمكن الرجوع منه بدون خسائر..!!

Timo.. يقول...

موجة:
مش كل النهايات سعيدة..
ويمكن اكبر قصص الحب اللي عاشت ..عاشت لان نهايتها كانت (مش سعيدة)
نورتيني بالزيارة :)

Mona يقول...

الفيلم جميل وله ذكرى غالية جدا على قلبى وأعجبنى تحليلك والبوست جدا والنهاية واقعية جدا - تحياتى

Noha Saleh يقول...

الفيلم ده حلو اوى واكتر حاجة شدتنى فيه ارتباطه بويلسون وحواره معاه وحزنه عليه لما فقده فى المحيط

لقد فقد طريقة...فتساوت كل الطرق بالنسبة له..!!

عجبانى جدا الجملة دى

wella يقول...

اااااااااه مش عارفة كلماتك بتوجعللى قلبى

يجب ألا أتوقف عن التنفس.
بالرغم من عدم وجود سبب للأمل..


الجملة دى قوية اوى اوى ومش يقدر اى حد ينفذها غير شخص قوى بمعنى الكلمة

ابدعت ياتيمو

كلماتك عجبانى اوى

She ... يقول...

عجبانى المدونة جدااا !! احيييك و بشده !

Shrouk يقول...

كلنا نمر بهذا المفترق مرة واحدة علي الاقل ففي حياتنا..
الشاطر فعلا اللي ياخد باله انه مفترق صعب وانه لازم يركزز قببل ما يتحرك في اي اتجاه..وانه لو اتحرك فعلا احتمال كبير ميعرفش يرجع علي نفس الخطوات...وانه حتي لو عرف يرجع فرجعوه مبيمسحش اللي فات وبيفضل اختياره ورجعوه والوقت اللي ضاع "وقت ضايع لا يعوض"



"يجب ألا أتوقف عن التنفس..!!
لأن غداً، الشمس ستشرق..
من يعرف.. ماذا يمكن للمدّ أن يعطيه..؟!!"

الجملة دي تحديد كان ليها وقع قوي في نفسي يمكن لانها لما بتتحط جنب مجموعه من الجمل اللي اثرت فيها وكان ليها علاقة بالتفنس واستمرار الحياة بعد موقف صعب بتفكرني بنفسي وبتقوللي ان التنفس لازم يتحول لفعل ارادي وليس لا ارادي..لازم تتنفسي بوعي وحب ورغبة زي ما هو لازم تعيشي بوعي وحب ورغبة

نهر الحب يقول...

كنت بشوف الفيلم ده من يومين كدة
وكنت فاكرة كويس انك كاتب عنه ....

قلت لازم اجي اقول رأيي
..

الفيلم رغم انه مؤلم جداً ورغم التعب اللي فيه الا انك زي ما بتقول ديما أخر حتة في الفيلم ممكن ندي شوية أمل

عجبتني الجملة دي أوي
لم أكن أقوى على شيء..
ولم اكن املك أي شيء..
ولكن فجأة.. غمرني شعور بالدفء..
دفء..لم اعرفه من قبل..
عندها..عرفت ...بطريقة ما ..
بأني يجب أن أبقى..
بطريقة ما..

يجب ألا أتوقف عن التنفس..!!
لأن غداً، الشمس ستشرق..
من يعرف.. ماذا يمكن للمدّ أن يعطيه..؟!!
........

في آخر حته كمان مفترق الطرق دي سرحت فيها اوي...عشان أحيانا كتير كلنا بنمر بالمرحلة دي انك يبقي قدامك سكك كتير مفيش فرق بينها لمجرد انك مش عارف فيها ايه...وساعتها لازم تجازف وتدخل في طريق....او ممكن تستني حد ياخد ايديك ويقولك تعالي الطريق ده هو اللي صح


الجملة دي وانا بسمعها كمان وقفت عندها كتير

أنا حزين جداً، أني لست معها..
لكني ممتن جداً لأنها كانت معي على تلك الجزيرة..!!

تحس انك طول ما انت منتظر حاجة وبتحلم بيها ممكن متكونش زي ما انت متخيل كدة لما توصلها وتوصل لدرجة تتمني انك ترجع تاني لوحدك وعندك امل تلاقيها احسن ما تشوف الحقيقة ان الحاجة دي مش ليك

طريقتك في سرد الفليم اكتر من رائعة عشان كدة رجعت اقراها تاني لما شفت الفيلم لاني مكنتش شفته من زماااان اوي
:))

ازعجتك بالرغي ده كله معلش بقي
:)

Cleaning services يقول...

شركة تنظيف بالباحه
شركة تنظيف فلل بالباحه
شركة تنظيف شقق بالباحه
شركة تنظيف منازل بالباحه
شركة تنظيف مجالس بالباحه
شركة تنظيف موكيت بالباحه
شركة تنظيف خزانات بالباحه
شركة لنظافه المنازل بالباحة
شركة مكافحة حشرات بالباحه
شركة رش مبيدات بالباحه