الأحد، سبتمبر 26

على فكرة..


كل ليله وكل يوم..

أسهر لبكره ..
في انتظارك يا حبيبي
فكري طول الليل في ليلك..
والنهار كله في نهارك يا حبيبي..

يا ترى..
يا واحشني..
بتفكر في مين..!!
عامل ايه الشوق معاك..؟
عامل ايه فيك الحنين..؟
سهرت السهر في عنيا..

صحيت المواجع فيا..
كل ساعة..
وكل ليله..
وكل يوم..
بعد ما اطمن عليك..
ح يجيني نوم يا حبيبي..
يا حبيبي.

.........
.....................
...........
..................
................................
................على فكرة..
............
.............حلمت بيكِ النهاردة.

هناك 116 تعليقًا:

الغاردينيا يقول...

هههههه

مش عارفة حبيت اضحك فضحكت

حلمت النهاردة ؟ اممم الساعة كم طيب ؟

عشان هي كانت كلمتني انها حلمت بيك كمان ؟ هههه

يارب يارب يبقى حلمك يا تيمو واقع

لان مفيش أسوا من حلم ميتحققش او حلم ياخذنا لوهم

و تحياتي لفريدة ^_^

الغاردينيا يقول...

اه نسيت ابارك لنفسي اني اول تعليق هههههههه

مبرووووووووووك يا غاردينيا اول تعليق

يارب دائما الاولى ^_^

أحمد الصعيدي يقول...

ربنا يرزقك السعاده ويحققلك كل احلامك

The illusionist يقول...

عارف
انت مش بتكتب حاجه بتشدنى
ولا اى حاجه مبهره انى اعلق عندك
انت فعلا مبتكتبش عشان تاخد تعليق

بس اسلوبك فى الكلام
بيخلينى لما اتخيل نفسى وانا كده

احس انو كلام بيمس الواحد

صدقنى باجى كتير
بس لما بقرا كلمه مكتعلقش لمجرد التعليق بمشى
لانى مش هعلق لمجرد التعليق

مسا الفل عليك

همسات وبحــ الحياه ــر يقول...

حمد لله على السلامه ايه الغيبة دى

جميل البوست كلماته قليلة بس بيحمل معانى كتير
ربنا يفرح قلبك ويسعدك

كيــــــــــــارا يقول...

الله ياتيمووو

ربنا يجمعك بفريده ياااااااااااارب

richardCatheart يقول...

جمممممممممممممممممممممممممممممممميل

تسلم يا تيمو بجد

تحياتى على البوست دا

وتحياتى عى البوست اللى فات الفيلم اكثر من رائع

وتدونك اكثر من رائعه يا تيمو

صحيح بتغيب عننا كتير بس بترجع بالزوبد


على فكره فى تجمع فى اسكندريه ابقى ادخل عندى وشوف التفاصيل يمكن تقدر تكون معانا

خواطر شابة يقول...

احساسك وصلني وهذا دليل على صدق الكلام ورقته
اخر جملة فكرتني بفيلم ظرف طارق لاحمد حلمي الموقف مشابه وعلاقة الحب بالرقي نفسه
دمت بكل ود

Timo.. يقول...

الغاردينيا:
هاااااااه..؟؟
معقول.؟؟
هي كمان حلمت بيا..؟!!
على فكرة انا عارف الضحكة اللي قصدك عليها ;)
ومبروك يا غاردينيا اول تعليق شكلك مش بتنامي غير الصبح :)

Timo.. يقول...

احمد الصعيدي:
يااارب يسمع منك انا وانت وكل الناس :)

Timo.. يقول...

The illusionist:
زناتي يا جمييييل..
مساءك ورد وفل وزهور..
والله بافرح لما بتيجي هنا..وعلى فكرة انا مصدقك وفاهم كويس قووووي قصدك لانك حد محترم وبيحترم فكر الاخرين ومش بتعلق لمجرد التعليق.

ياريت اشوفك لو متاح في لقاء الاسكندرية :)

Timo.. يقول...

همسات وبحـ الحياه ـر:
الله يسلمك ويسلم عمرك :)
انا مش غيبت المرة دي اهو بدليل اني نزلت بوستين الشهر ده (وش مكسوف)
ربنا يفرح قلبك زي ما فرحتيني بالتعليق الحلو ده :)

Timo.. يقول...

كيـــارا:
(وش مكسوف)
وكمان (وش مكسوف)
.....
.......
آآآآآ....يا رب (';' )

كيــــــــــــارا يقول...

ليه؟

Timo.. يقول...

RichardCatheart:
منوراني والله يا ريتشارد بس ايه موضوع سرقة عقد فريدة ده..؟؟
لو الموضوع ده اكيد فا انا ها اجي مخصوص عشان امنع الجريمة دي :)

Timo.. يقول...

خواطر شابة:
تصدقي انك نبهتيني للمشهد ده لاني بجد ما اخدتش بالي غير لما قريت التعليق الحلو بتاعك :)
انا يا ستي كنت قاعد بارسم صورة لفريدة وباتامل فيها وانا باسمع ثومة..فا قولت انقل احساسي بيها هنا (';' )
نورتيني بوجودك :)

لـــولا وزهـــراء يقول...

تيـــــمو


عارف ان كلماتك بسيطه لكنها عميقه
حروف هذه الكلمات تحتوى كميه من المشاعر والاحاسيس غير عاديه
على فكره
انت اسلوبك غير
متميز وبسيط

فى انتظارك فى لقاء اليكس ان شاء الله


زهراء

mrmr يقول...

الله الله ياست
سورى ده اغنيه الست ام كلثووووووووم
اوعى تفكر غير كده
كلمات الاغنيه جميله انا بحب الست قوووى ومن عشاق اغانيها

شكرا يا تيتوووووو
ياريت نسمعها بصوتها اكون شاكره ليك
وشكرا كمان لزيارتك مدونتى ربنا ما يحرمنى منها
وكمان فى دعوه للقاء سكندرى مرمرى
http://sahrdodo.blogspot.com/
ياريت تفكر ونشوفك باذن الله يبقى يوم جميل

ربنا يسعدك

Timo.. يقول...

لولا وزهراء:
انا مش باكتب غير اللي باحسة...وبس :)
كلمات بسيطة..عبرت عن اللي حبيت اقولة..
نورتيني وان شاء الله نتقابل في لقاءالاسكندرية على خير :)

Timo.. يقول...

mrmr :
لألألألأ..مش ها افكر غير كده ;)

طبعا ثومة عرفت تقول كل اللي بنتمناه..
بس عشان نسمعها لازم يكون فيه طقوس عشان نعرف نفصل نفسنا عن اي حاجة ونستمتع بيها.
ان شاء الله نتقابل على خير كلنا ويا رب ما يكونش عندي شغل يومها :)

мαησηα يقول...

عقبال مايبقى حلمك احلى حقيقة يا تيمو يارب

الاغنية تحفففففففة اعشقها فعلا

اختيارك جميل يا تيمو

ربنا يكرمك ويكتبلك كل احلامك الجميلة حقيقة

يارب اللهم امين

طالبة مقهورة ..درجة أولى يقول...

:)

Tears يقول...

دمها خفيف اوى

فيها حب ممزوج بمرح


دمت بحب

miroooo يقول...

ايه الرومانسيه دى يا تيمو
انت من عشاق ام كلثوم ولا ايه؟
طالما بتحبها كده يبقى اكيد رومانسى جامد
مش الكلمات دى باردو اغنيه لام كلثوم ولا انا غلطانه ممكن اكون غلطت فى العنوان
على العموم جميله جدا الكلمات
تسلم ايدك يا تيمو
يارب دايما متواجد بيننا

مجرد حلم صغنتوت يقول...

تيمو
ام كلثوم في البوست كانت حاجة حلوة
انا بحبها جداااا

يا ترى فريدة هتفضل تيجي في الحلم بس لامتى؟ ما تدور عليها كويس يمكن تلاقيها.. انا تعبتلك بصراحة :D

Noha Saleh يقول...

حلو البوست ده
رغم بساطته بس جميل اوى

داليـ ـ ـ ـ ـ ـ ــــا يقول...

وهذا للعلم بالشيئ

مها البنا يقول...

بوست رومانسى وحلم جميل

رزقك الله بزوجه صالحه تستحق تلك المشاعر ورزقك القدره على الحفاظ عليها

أمين

مع إحترامى

خيط الحرير يقول...

بسم الله والصلاة علي رسول الله
عاوز نصيحه!!
بطل تسمع أم كلثوم ..بدل ما تختم معاك..ب
وقدرت أبعد وعرفت أعند
حتي الهجر قدرت عليه
شوف ..شوف القسوه بتعمل أيه...

الحب الحقيقي ..بجد ها تلاقيه علي مقطع الفيديو ف ملف تعريفي..
حب فاق حب البشر ..بمراحل ..حب فريد!!!
واليك دعوتي الخاصه..بقراءة(شيطان يرقص في بيتي 1,2)
ولو بقي فطنت...تتعلم منها دروس العمر كله...
أرجو قبول الدعوه..

donya يقول...

هههههه
هيفكر فيمين فيه طبعا

هههههه

ربنا يسعدك

ويجمعكم علي خير

*تحياتي

hana يقول...

على فكرة في حروف بتنكتب تبئا مش هي هي الحروف
بتبئا حاجة تانية بحس تاني فيها حاجة كدة
مش سهل تتوصف
الحاجة دي هنا بين حروفك بجد

يسلم الإحسآآآآآآآس

هـــرشــــه دمــااااااااغ "3mr wa2el " يقول...

, على فكره حلو البوست ده اوي اوي
تسلم

Ms Venus يقول...

تيمووو



الله عليك



وبس

re7ab.sale7 يقول...

اه ......وآهيييييييييين
من الحب والمحبين....
فكرتني بحاجة كدة يعني
بسيطة وصغيرة ولذيذة ....
وكالعادة الصورة روووووووووعة جدا
بتجيب الصور الحلوة دي منين...؟

rack-yourminds يقول...

فين ايام الست ام كلثوم ........وفين ايام الزمن الجميل

lostlove يقول...

اولا طبعا ازززززززززززززززززززززززززززززززيك كتير اوي ومرسيىىىىىىىىىىىىىى كبريه جدا علي سؤالك المتكرر عليا انا تمام والغيبه فعلا طالت بس العوده قربيه عشان العقد طلعت بتزيد اجرب افكها هنا بقي شويا
ثانيا ايه الكلام الجامد دهاسلوبك ديما مبهر بجد
ثالثا بقي في تعلقي بيقول لقاء اليكس عيب عيب لو في حد جاي عندنا يقول عشان اعزمك علي شويت رمله من البحر ولا حاجه يعني ومش عزومه مركبيه ولا حاجه
تحياتي واتمني التوفيق

Nesreen يقول...

طب مش تقولها الحلم كان فيه ايه

فتافيت يقول...

عظمة على عظمة يا ســــــــت

::

::

::

سومة طبعا ^_*

المهم إنها تكون حست إنك حلمت بيها
وإلا حلمك هايكون حلم
من طرف واحد

قطة وخيوط يقول...

حلم على أنغام أم كلثوم
لازم طبعا يبقى حلو أوى

أول مرة أقرى مدونتك بس بجد حبيتها جدا وحاسة انه كان فايتنى كتير انى ما قريتهاش قبل كده
أكيد مش هتكون اخر مرة اقراها

gogo!sf يقول...

يا عينى يا عينى يا سى تيمو
يا باختها يا سيدى اللى انت حلمت بيها

بس تفتكر بقى هى بتعمل ايه
اقولك انا هتلاقيها يا حرام مش بتبطل تفكير فيك طول اليوم واكيد هى كمان حلمت بيك مهو كده يا تيمو الحب بهدله يا ابنى انت مش كنت شايفنى عامله ايه فى جوزى هههههههههه بهدله ع الاخر

تسلم يا تيمو انا بجد بحب الاغنيه دى جدا والمقطع ده بالاخص

gogo!sf

Timo.. يقول...

мαησηα :
منووووونا يا قمر..
منوراني ديما.. وعجبني التاج الاخير قوي عندك..
ولما تتزنقي بلاش تستلفي من فودافون واستلفي مني بفايدة 140% وبسسسس :)

Timo.. يقول...

طالبة مقهورة ..درجة أولى:
منوراني يا رضوى :)

Timo.. يقول...

Tears:
فيها (حب) وده كفاية..
(';' )

Timo.. يقول...

Mirooo:
ميرووووو..
لا طبعا مش غلطت في العنوان ..
هي ثومة..
وهي طقوس ثومة..
وهي المفضلة وقت العصاري وبعد منتصف الليل لما انا وفريدة نقعد سوا في البلكونة :)
منوراني وميرسي على كلامك (الحلو)

Timo.. يقول...

مجرد حلم صغنتوت:
والله انا كمان تعبت منها..
غلبتني فريدة وراها عمال انادي عليها في كل حتة :)

Timo.. يقول...

Noha Saleh:
حاجات بسيطة..
ساعات بتخبي معاني (مش) بسيطة :)
منوراني :)

Timo.. يقول...

دالــــــيا:
مممممممممم...
ممكن..
:)

Timo.. يقول...

مها البنا:
نص الدعوة الاول حلو..
والاحلى منه النص التاني..
لانه اهم من اننا نلاقي الحاجة...اننا نحافظ عليها :)

Timo.. يقول...

خيط حرير:
نورت المدونة وشكرا لاهتمامك :)
ان شاء الله ها ادخل وألبي الدعوة

Timo.. يقول...

donya:
يا رب يسمع منك :)
منوراني ديما :)

Timo.. يقول...

hana:
على فكرة وقفت قدام حروف تعليقك كتيييير..
يمكن عشان انت اهتميتي توصلي المعنى..
فا وصلتيه باجمل تعبير :)

تسلم حروفك يا هنا :)

Timo.. يقول...

هرشه دماغ "3mr wa2el :
على فكرة بقى..
وجودك هنا هو اللي حلو (قوي قوي)
بتنورني بجد وبافرح لما بلاقيك عندي :)

Timo.. يقول...

Ms Venus:
كفاية بجد الحروف البسيطة اللي قولتيها وصلت معاني حلو جداااا (وبس) (';' )
نورتني يا فينوس :)

Timo.. يقول...

Re7ab.Sale7:
ممممممم..
اعترفي يا ري..
فكرتك بايه..؟؟
ومش تخافي..ماحدش ها يسمع (';' )
الصورة دي يا ستي انا اللي باعملها..
مجرد ما افكر في فريدة الاقيني قاعد باعمل لها صورة على طووووووول :)

Timo.. يقول...

rack-yourminds:
وعايزنا نرجع زي زماااان..
قول للزمان..ارجع يا زمان..!!

اللي بيروح مش بيرجع فعلا..
كلها محاولات اننا نرجعه...وبس

Timo.. يقول...

Lostlove:
آآآآآ....
آآآآآآآآ....
آآآآآآآآآ......وانت عاملة ايه..؟؟
(';' )

بجد ميرسي على الكلام الحلو ده وبالنسبة للقاء انا روحت في الاخر للاسف لان كان عندي شغل..
وبجد انبسطت بالناس اللي كان نفسي اشوفهم بس طبعا مش قدرت اتعرف على كل الناس خاصة والعدد كان كبير وانا باعاني من الزهايمر المبكر :)

Timo.. يقول...

Nesreen:
ما انا قولت لها يا نسرين وكتبت الحلم في ورقة جوة زجاجة ورميتها في المحيط..
ودي اسرع وسيلة تواصل بيني وبين فريدة في الوقت الحالي :)

Timo.. يقول...

فتافيت:
اه والله.. انا خايف يطلع حلم من طرف رابع :)
فتافيت السكر ديما منوراني :)

Timo.. يقول...

قطة وخيوط:
اسم حلو جدااا.. بيخليني اتخيل شكل المشهد مع القطة الشقية والخيوط :)
نورت المدونة واااااارب مش تكون اخر مرة :)

Timo.. يقول...

gogo!sf :
والله يا بختي انا اني حلمت بيها..
كنت منورة اللقاء انت وزوجك ربنا يبارك لكم في بعض :)
ولما جيت هنا نورت المدونة كمان :)

lostlove يقول...

انا تمام الحمد لله
ويابختكم ب لقاء ده والمره الجيا هاجي معاكم مش هفوتها
ومش انت بس الي عندك زهيمر دي مشكلها بقت منتشره
بس تصدق الزهيمر سعات بيكون مفيد
وفي اوقات تانيه بيكون كارثه
بس اهو شغال
يلا بقي كفايه رغي
المهم ان القاء كان حلو وانكم شفتم بعض

طوبه فضه وطوبه دهب يقول...

الله على الست بجد جميله فى كل اغانيها واحاسيسها ربنا يكرمك وتجد ما تتمنى

Tears يقول...

حلوه اوى الرومانسية اللى فى البوست حتى اختيارك للصورة مميز

بدون حب نعيش اجساد بلا روح و لا امل او رغبه فى الغد

elsayed azab يقول...

السلام عليكم ..

أولا أح ان ابدى اعجابى الشديد بمدونتك وهيه احقاقا للحق مدونة مختلفة وفكرتها تحفة وبجد مميزة جدااااا وعجبانى جدااااااا

ثانيا اسعدنى كثيرا مرورك بمدونتى المتواضعة جداااا

ثالثا ياريت تسمحلى اضيف مدونتك بالمدونات الصديقة لمتابعة "اسف على الازعاج" أكثر وأكثر

رابعا ربنا يوفقك دائما وتحياتى لحضرتك :)

moon light يقول...

جميله اوى الاغنيه والاجمل ام كلثوم
حقاً تتصف بالعشق لكل عاشق ولهان
دومت فى غايه الحب والهنا والسعاده

يسلم اختيارك يا تيمو

احلام سعيده دايماً

NaiRa يقول...

اولا كده اسيك اسيك
انا يمكن اول مره امر عليك بس لفت نظرى اسم تيمو لانى بصراحه من عشاق تامر حسنى واسم تامر
فا قولت ادخل ارخم شويه
بس لقيت البوست منعنى انى ارخم واقولك انك زووووء اوى
وبجد نايس ميوزك وسونج
وربنا يديلك كل اللى تتمناه وربنا يوفقك
واسفه على عدم مرورى قبل كته
تقبل رخامتى

NoNa

لـــولا وزهـــراء يقول...

على فكرة..
............
.............حلمت بيكِ النهاردة.

" النهاردة .. بس !!..متأكد..؟ انت بتحلم بيها وانت صاحي وانت نايم وانت بين الغفوة واليقظة ...اوراق الزهرة البيضاء التي تشبه لون قلبها تخبرك عن ذلك .. حروف اسمها التي تعطرت الوردة بحبرها تخطرك بذلك ... جلوسك المسترخي والمنفرد مع زهرتك تجيبك عن سؤالك ... قطرات الندى التي تشبه زخات عينيك في حنينك اليها تقول انك غير صادق فأنت تحلم بها ليل نهار ترى طيفها كأمواج البحار متتالية .. غير متناهية ..مرة ثائرة واخرى هادئة كشوق قلبك وولع الانتظار... "

لولا

Story pain يقول...

الاحساس اللى فى البوست حسيته فى كل حرف مكتوب ...حتى فى النقط الكتييييراللى فى الآخر ..بس أكيد الحلم كان أجمل من كل الكلام...

ربنا يكتر من احلامك بفريدة علشان تكتبلنا البوستات الرقيقة دى :)

ده تأثير الحلم...امال لما تظهر فى الحقيقة هتكتب ايه...

ما تيجى بأه يا فريدة

فكرة من الزمن ده يقول...

على فكرة يعني اسمي مكتوب
لكتابتك صوت خاص جدا وجميل
تحياتي

Timo.. يقول...

lostlove:
طبعا الزهايمر ميزة ((للي يعرف يستخدمها كويس)) ;)
(وش بريء مووووت)

Timo.. يقول...

طوبه فضه وطوبه دهب:
طبعا الله على الست..
وزمن الست..
وكل حاجة حلوة في زمن الست..
منوراني دايما :)

Timo.. يقول...

Tears:
"بدون حب نعيش اجساد بلا روح و لا امل او رغبه فى الغد"
حلوة قوي الجملة دي..
آآآآآ..الرومانسية دي اتعلمتها من فريدة..
والصورة دي باقعد اعملها لما بافكر فيها :)
نورت المدونة :)

Timo.. يقول...

elsayed azab:
بجد نورتني وطبعاااا شرف ليا انك تضيف مدونتي..
ولو اني لسه مش عامل Reader لاني باحب ادور واتعب عشان اوصل للناس :)
دماغ غريبة شوية :)
ها استناك ديما (';' )

Timo.. يقول...

moon light:
احلام سعيدة ايييييييييه...؟؟
قصدك تقولي (احلام فريدة ديما)
(';')
ولعلمك.. مش بس الاغنية اللي جميلة...
وجودك هنا هو الاجمل :)

Timo.. يقول...

NaiRa:
اولا كده بما اني باخد بالي من التفاصيل فا انا باحب الناس اللي بتكتب اسمها بنفس الحروف اللي الناس بتكتب اساميها بيها لكن مع اختلاف الطريقة..
باحسهم منمقين شوية ;)

ثانيا.. ترخيمك كان جميل جدااا..
ويا ريت مش تحرمينا منه ابدا :)

ثالثا.. (وش مكسوووف) عشان الكلام الحلو اللي انت قولتيه (';' )

رابعا...انت لخبطتيني معاك..
هو انت NaiRa ولا NoNa...؟؟ :)

Timo.. يقول...

لـــولا وزهـــراء:
التعليق اللي ديما باستناه (';' )
اولا: آآآآآ..مين قال لك..؟؟؟؟ (وش مكسوف)
ثانيا: عجبني قوي انك اول حد اخد باله من اوراق الوردة خاصة اني تعبت فيها جدااا :)
ثالثا: بيعجبني قووووي طريقتك في الغوص في اعماق البوست واكتشف في الاخر انك بتقولي اللي انا عاوز اقوله بطريقة اجمل من اللي انا قولته..!!
بجد..تحية ليكِ :) :)

Timo.. يقول...

Story pain:
ممكن تيجي معانا هنا..؟
ايوااا..كده بالظبط..
قدام شوية..
خطوة كمان..
تمام كده..
يلا بقى كلنا مع بعض بصوت واحد..
((ماتيجي بأة يا فريييييييدة))

على فكرة..البوستات الكتير بتتكتب كل يوم..لكنها مش بتتنشر ديما ;)
وبعدين عجبني قوووووووي انك اخدت بالك من الكلام اللي بين النقط :)

ميرسي على احساسك بالحروف ..وانك نورتيني ...هنا :)

Timo.. يقول...

فكرة من الزمن ده:
ههههههههههه...
ولوجودك انت كمان رونق خاااص جدا..
منوراني يا فكورة بس انت بتغيبي كتييير :)

جارة القمر يقول...

انه ذلك الشوق الذي يطغى على المعنى قبل الحرف
/
/
مودتي

كبر دماغك يقول...

اممممممممممممممممممممممم حلو على فكره

همسات دافئه يقول...

ايوه انا عارفة بتيجي الحالة ده مع الحلم طبعا:):)

عجبني بوست اول مره اعملها فكرته لذيذة

معلش اعذر كسلي ف المتابعة

شيماء:)

الحب الجميل يقول...

على فكرة...
جميلة جدا
كل تجمع وانت معانا ووسطينا
بس متبقاش تيجى متأخر تانى حتى على الأقل الواحد يلاقى وقت كاف يتعرف على كل الناس
تحياتى

sal يقول...

والله زمان يا ست


ربنا يسعد ايامك

غير معرف يقول...

مصر فى مهب الريح

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

أرجو من كل من يقراء هذا أن يزور مقالات ثقافة الهزيمة بالرابط التالى www.ouregypt.us

star in the sky يقول...

وانا كمان مش بيجى لى نوم عشان ببقى عاوزة اطمن عليه

مع انى عارفة انى مش هعرف اطمن عليه


اممممممم مش عاوزة اقول عجبتنى بس اصله رد تقليدى وعبيط شوية وكانى بقول انا جيت هنا




بس الصراحة







عجبتنى

Soul.o0o.Whisper يقول...

أولا : شكرا ليك على زيارتك
و أتمنى انها ماتكونش الاخيرة

ثانيا : ربنا يكرمك ، و يحقق لك اللى بتحلم بيه


دمت بود

صفــــاء يقول...

طب يا رب تكون هى كمان حلمت بيك وافتكرتك

Timo.. يقول...

جارة القمر:
ديما منوراني :)

Timo.. يقول...

كبر دماغك :
امـمممممم...
وجودك هو اللي (حلو) على فكرة (';' )

Timo.. يقول...

همسات دافئه:
طيب انت عارفة منين..؟؟
اعترفي يا شيمووووووو..
شكلك حلمت بفريد :)

Timo.. يقول...

الحب الجميل:
حاضر يا فندم :)
عُلم..وجاري التنفيذ (';' )
ميرسي لاهتمامك جداااااا :)

Timo.. يقول...

sal:
مش بس زمان..وكل زمان.
انا وانت وكلنا يا رب يسعد ايامنا :)

Timo.. يقول...

star in the sky:
اللله على الكلام الحو..
بس ليه مش ها تعرفي تطمني عليه...؟؟ (';' )
بجد تعليقك حتى لو كان بكلام تقليدي بس انت وصلتي معنى حلو جداااا و (غير تقليدي) :)

Timo.. يقول...

Soul.o0o.Whisper:
يااااارب :)
ميرسي للزيارة الجميلة :)

Timo.. يقول...

صفاء:
انا كمان (باحلم) باللحظة دي..
وباستناها تحلم بيا ولو مرة واحده :):)

همسات وبحــ الحياه ــر يقول...

فين جديدك
انا جايه اسلم واشرب حاجة
عايزة كوبايه سحلب :)
ع النوته :)

Timo.. يقول...

همسات وبحر الحياةـر:
حساب النوتة تقل..
والمعلم مانع اي مشاريب تطلع من غير حساب (';' )

ابراهيم العجمى يقول...

كلام جاميل و احساس أجمل

ميس فلسطين يقول...

احساس جميل
الله على الكلام الحزين

مجرد حلم صغنتوت يقول...

لقاء المنصورة اتأجل علشان لقاء بورسعيد يتعمل الاول
التفاصيل هنا

http://uwtarr.blogspot.com/2010/10/29.html

ان شاء الله أغلب مدوني المنصورة هيبقوا موجودين في اللقاء ده.. شوف بقى هتقدر تيجي ولا ايه :)

انا رديت عليك عندي على فكرة :)

دعاء العطار يقول...

اولاً: حمد الله ع سلامتى

ههههههههههه

كتاباتك وحشتنى جداااااا

ثانياً : ياسيدى ياسيدى ع الرومانسيه

ربنا يوفقك يااارب ويسعدك ويحققلك كلللل احلامك

بس مش تقولنا بقى حلمت ايه ؟

حشريه انا عارفه

قول ياااارب يقول...

انا يمكن اول زياره ليا هنا بس بجد مدونتك جميله ورومانسيه اووووى
وكلماتك صادقه بجد
سلمت الايادى

Noha Saleh يقول...

هو مفيش حاجة جديدة؟

salwa يقول...

السلام عليكم اخ تيمو
اول مرة اتشرف بزيارة مدونتك الجميلة
ادراج جميل و معبر
شكرا لك

Timo.. يقول...

ابراهيم العجمي:
نورت المدونة ووجودك هو الاجمل :)

Timo.. يقول...

ميس فلسطين:
ميرسي على وجودك ولو اني مش فهمت النص الاخير من التعليق :)

Timo.. يقول...

دعاء العطار:
طبعا حمد الله على سلامتك..
وكتاباتي وحشها انك تقريها :)
و.........وش مكسوف آآآآد كده (';' )

Timo.. يقول...

قول ياااارب:
اول زيارة مش بتتحسب :)
ها استناك تاني لانك نورتيني :)

Timo.. يقول...

Noha Salrh:
طبعا فيه جديد بس مش بيتنشر :)
ميرسي على سؤالك (';' )

Timo.. يقول...

Salwa:
يا رب مش تكون اخر مرة تنوريني بالزيارة..
وابقي تعالي ديما ومعاك اغاني لطيفة :)

Hager Abd El-QuadeЯ يقول...

يبقي هي كمان حلمت بيك :)

عارف، ماما كانت لسه بتقوللي ان لما الواحد بيحب حد من قلبه اوي، قوة حبه بتخلي اللي قدامه يحبه غصب عنه !
لما هتحلم بيها .. وانت صاحي او حتي نايم ، هي هتحلم بيك :)
واكيد دلوقتي مستنياك زي مانت مستنيها ..

وان شاء الله هتلاقيها :)

بقالي كتير مجتش هنا .. حاسه ان حاجات كتير وحشاني هنا ...


*علي فكره : عاجباني الورده اللي في الصوره :)

Timo.. يقول...

Hager Abd El-QuadeЯ:
اول حاجة تسلمي لي على ماما وتشكريها لي قوووي لانها طمنتني ان فريدة ها تحبني :)
تاني حاجة انت اللي وحشتني المدونة والله لانها بتستناك تيجي هنا ديما..
تالت حاجة مبسوووووووط قوي انك جيت بجد ومن قلبي ( ';')

على فكرة.. تعليقك اجمل من الوردة :)

Boky يقول...

عارف يا ولد يا تيمو بجد
انت بتطلب ان محدش يعلق لمجرد التعليق
وانا اوقات بحس انى عاجزة عن التعليق قدام كلامك وجمال روحك
بس عارف بقى
ببقى عاوزة اقولك انك اكبر من اى تعليق
بجد
انت جميل يا تيمو فعلا
<3

غير معرف يقول...

بحبك

Timo.. يقول...

Boky:
عارفة يا بوكي..
كتييييير بتغيبي وتختفي وتتاخري..
بس في الاخر بتيجي ومعاك اجمل وارق تعليق :)
ممكن حتى لما تيجي لو مش عاوزة تعلقي تسيبي لي نقطة صغنونة آآآآد كده ومنها انا ها اعرف كل اللي كنت عاوزة تقوليه ومش قولتيه..؟؟
ممكن..؟
ممكن...؟؟ (';')

نهر الحب يقول...

انا عاجباني الأول الجملة اللي انت كاتبها
just make someone happy and u will be happy

u make me happy so i hope u r very happy

ووووووبس