الجمعة، نوفمبر 26، 2010

ويمضي نوفمبر..!!



ليت كل شهور السنة نوفمبر ولا ياتي ديسمبر ابدأ..
ليس بيني وبين ديسمبر عداء..
ولكني فقط..
أكره انه يولد بموت نوفمبر..!!
....................................الى سارة..............................

"سارة..
نوفمبر هو كل ما عرفت..
وكل..
ما..
أردت..
أن أعرف. "

هناك 94 تعليقًا:

Noha Saleh يقول...

اكيد نوفمبر بيمثل لك حاجة معينة
بس هى دى الحياة شهر بيخلص علشان يبدأ شهر جديد

حاجات جوايا يقول...

سارة مين يا تيمو
مش كانت فريدة :)

تعبيراتك بجد مذهلة
بحب اقرالك جدااااااااا

كلمات قليلة ولكن لها عمق كبير
بتفكرنى باعلان "هولز"
انتعاش ورقى وسمو

دمت مبدعا وراقيا:)

رحاب صالح يقول...

بنحب أيام معينة ...يعني ممكن تحب يوم الاربع مثلا
بنحب اسماء معينة زي اسم سارة مثلا
بنكره اسماء تانية عشان اصحابها مثلا
بنكرة الشتا مثلا عشان بيحسسك بالحزن والرومانسية
بنحب الصيف عشان بيحسسنا بالانطلاق والحب والجري والتنطيط
احيانا بنحب أواخر اي شيء ..اخر قطرة ماء في الكوب
اخر قطرة عصير ...وأخر قطرةحب
كلها حاجات احيانا مبتكونش مفهومة ف ساعتها بس ليها اسباب ...أسبابها بتكون جواك باطنة وخافية ...حتي ليك انت
لكن مع الوقت بتفهم وبتعرف لية ...بتحب الحاجات دي
انا معرفش كتبت الكلام ده لية ...انت تعرف ...؟

Story pain يقول...

نوفمبر هو كل ما عرفت..
وكل..
ما..
أردت..
أن أعرف. "

دايما بيبأه فى كلام كتير بين السطور ..اكيد فريدة بس هى اللى بتعرف تقرأه...وأكيد كمان (القصة مش قصة طقس) :)

عجبنى البوست أوى

دام ابداعك

غير معرف يقول...

الحياه شهر يرحل بذكريات جميله ويجى تانى بحجات توجعنا
شهر نحبه يوم ما التقينا وشهر اخر يوم ما افترقنا
نحب شهر ونزعل من شهر تانى
نود لو شهر معين يهل علينا
ونكره شهر معين فى يوم معين انه يجى
جميل ما كتبته
ربنا يسعد ايامك
ويجعلها كلها شهور المحبه لك
تحياتى

غير معرف يقول...

جميله الاغنيه
يسلم اختيارك لماجده الرومى

لــــ زهــــــراء ــــولا يقول...

تيمو

انا كمان باحب شهر نوفمبر اوى وكمان باحب ساره جدا جدا بس اكيد ساره بتاعتى مش هى ساره اللى تقصدها

سواء كانت ساره او فريده ربنا يحقق احلامك يااااااااااارب

رغم ان كلماتك بتكون بسيطه لكنها عميقة المعنى
بلاش تغيب علينا كده
دوام الحال من المحال وصعب يبقى شهر ولا ياتى بعده الاخر ومن السهل ان مشاعرنا اللى بتكون فى نوفمبر نخليها طول السنه
اتمنى لك السعاده على الدوام

زهراء

غير معرف يقول...

الله عليك

كلماتك كلها احساااس

" ليس بيني وبين ديسمبر عداء..
ولكني فقط..
أكره انه يولد بموت نوفمبر..!! "

عجبتنى اووووووى

بس عارف لو ماانتهاش نوفمبر مكنتش هتحس بفرق بينه وبين غيره

الاستمراريه كفيله بان تفقدنا الاحساس بمعانى الاشياء

عشان كده هو نوفمبر واحد .. هتتمنى دوماً ان يتكرر

تحياتى لاحساسك العالى

دعاء العطار يقول...

البونو ادمه اللى فاتت دى انا


بس علقتلك باكونت تانى

كان زمانك دلوقتى بتضرب اخماس فى اسداس مين دعاء

(:

Elsayed Azab يقول...

وتمضــــــــى الأيــــــام .. ولكن نوفمبر يحمل لك الكثير والكثير ..

بس نقطة التحول اللى كانت مفاجأة ليا هى من فريدة إلى ســارة ..

ربنا يجعل كل أيامك سعادة وخير ..

ودمت بود وبعز يا تيمــو ..

Tears يقول...

عبد الناصر مات فى سبتمر

السادات مات فى اكتوبر

كان عندى أمل فى نوفمبر و كنت ح حبه فعلا ساعتها

sal يقول...

ايوه يا عم تيمو ماشية معاك

يا سيدى اعتبر كل الشهور نوفمبر
وبالتالى الحكاية ما تنتهيش


تحياتى

shoshta_ joker يقول...

السلام عليكم....

ازيييييييييييك يا تيمو
بجد ببقى فرحانة اوى اما بدخل هنا

كنت لسه حسئل سؤال حجات جوايا

سارة مين يا تيمو مش كانت فريدة

اكيد نوفمبر حاصلت حاجة فيه بتعنى ليك الكثير

وبجد بتعجبنى اوى اسبوتات بتعملها فى كتاباتك

وعجبنى اوى بنر المدونة تسلم ايدك

دومت بخير
ودام التواصل بينا
فى رعاية الله.
shemo

miroooo يقول...

السلام عليكم
ازيك يا تيمو؟
وحشتنى بوستاتك وكلامك الجميل ده
بجد باحب ادخل مدونتك اوى
بس عايزة اعرف مين ساره؟ هى كانت فريده
مش مشكله الاسماء اهم حاجه انك تكون سعيد
كلامك بسيط جدا بس لى معانى كتير
انا كمان بحب شهر نوفمبر لانى اتولدت فيه واتولد فيه ناس عزيزة جدا على قلبى
ربنا يسعد قلبك يا تيمو

Ms Venus يقول...

فى حياه كل واحد مننا

نوفمبر


مش عاوزينه يخلص

مش عاوزينه يموت

حتى لو موته يساوى ميلاد جديد


دايما راقى يا تيمو

حقيقى هنا بلاقى جو تانى خالص

وردة ليك

sony2000 يقول...

يارب
كل حياتك كدا
تكون السنه كلها شهر نوفمبر ليك ياعم
علشان متصدعنااااااااش(بهذر)
:)

Tamer Moghazy يقول...

Noha Saleh:
بداخل كل منا...نوفمبر..
فيه ناس عرفت تلاقيه..
وناس لسه بتدور عليه..
وناس مش بتفكر فيه..!!

مها البنا يقول...

جميلة ورقيقة هى تلك الكلمات

ولكنى على يقين من أنك تعلم أن مضى الزمن لا يعنى بالضروره إنتهاء الحدث

فهناك دائما ما يسمى بالذكريات

تقبل إحترامى

Tamer Moghazy يقول...

حاجات جوايا:
سارة مجرد(اسم) وفريدة (هي الروح)..
وانا باحب وجودك هنا ديما..وباستنى تعليقك من بوست للتاني :)
باحس انه تعليق (يليق) (';' )

Tamer Moghazy يقول...

Re7ab Sale7:
"احيانا بنحب أواخر اي شيء ..
اخر قطرة ماء في الكوب..
اخر قطرة عصير ..
وأخر قطرةحب"

الكلام ده محتاج بوست لوحدة يا ري..
وعلى فكرة..
انا عارف انت كتبت الكلام ده ليه.

لأ....مش ها اقولك :P

Tamer Moghazy يقول...

Story pain :
دايما بيبقى فى كلام كتير بين السطور ..
وديما بتعرفي (تحسي) اللي بين السطور

وفعلا..(القصة مش قصة طقس) :)

تعليقك عمل حاجة حلوة جوايا..
وده اللي باستناه ديما....من وجودك :)

Tamer Moghazy يقول...

الحب الجميل:
ممكن الذكريات تخينا نتمسك بـ(شهر)..
وممكن الحياة كلها تبقى (شهر)..
جميل وجودك..وجميل تحليلك اللشهور..
لكني مازلت متمسك بشهري..المفضل..
(شهر سارة)
تحية عطرة لوجودك :)

Tamer Moghazy يقول...

الحب الجميل:
لو بتحبي ماجدة الرومي اسمعي لها :
"دوب في الفنجان قطعتين..
وفي دمي ذوّب وردتين "

Tamer Moghazy يقول...

لولا وزهراء:
سارة هي شخصية (فريدة) ;)
ونفسي اكون هنا ديما بس بخاف تملوا مني ومن فريدة :)

ديما بتحللي ادق تفاصيل في البوست..
وعشان كده..ديما باستنى تعليقين..
واحد منك..وواحد من لولا :)

Tamer Moghazy يقول...

دعاء العطار:
"هو نوفمبر واحد .. هتتمنى دوماً ان يتكرر"
صدقيني السعادة ديما في السعي و (الامل) في الوصول للشيء.. وليس (الوصول) اليه فقط..!!

حتى لو علقتي باكونت تاني كنت ها اعرف انه انت :P
وبعدين معاك بقى..
انا هلاقيها منك ولا من فريدة ولا من سارة..؟؟
منوااني ديما يا دعاء :)

Tamer Moghazy يقول...

elsayed azab :
"وتمضـــــى الأيــــام .. ولكن نوفمبر يحمل لك الكثير والكثير "
لو تعرف يا صديقي عجبني التعليق ده قد ايه..
خاصة ومـــــــد الحروف في كلمة "تمضي" و "الايام"..
بجد ليها مغزى بيحسسني بالزمن..
لمسة حلوة قوي قوي لاني باحب التفاصيل الصغيرة دي قوووي..
وعلى فكرة مفيش نقطة تحول لان سارة هي شخصية فريدة :)

Tamer Moghazy يقول...

Sal:
لأ..مش ينفع نخلي الشهور كلها نوفمبر (ولو اني باتمنى ده) لان كده ها يفقد احساسه الخاص اللي بنستناه من سنه للتانية :)
نورتني بوجودك :)

Tamer Moghazy يقول...

shemo_ joker:
يا شيمووو..يا شيمووو..
وانا كمان بجد بابقى فرحان قوي لما بتيجي هنا..
وبعدين سارة وفريدة وجهان لنفس العملة (النادرة)
يلا بقى مش تغيب عني تاني وتعالي ديما :)
وبالنسبة للبانر لو عاوزة تعملي زيه لمدونتك مفيش اي مانع :)

Tamer Moghazy يقول...

miroooo :
ميرووووو..
وحشني وجودك وتعليقاتك :)
وسارة مجرد اسم لشخصية (فريدة) :)
وبما انك بتحبي نوفمبر يلا بينا نعمل مظاهره سوا ننادي فيها ببقاء نوفمبر :D
على فكرة الدعوة حسيتها بجددد من قلبك..
ربنا يسعد ايامك ديما :)

Tamer Moghazy يقول...

Ms Venus:
"فى حياه كل واحد مننا..نوفمبر.
مش عاوزينه يخلص..
مش عاوزينه يموت..
حتى لو موته يساوى ميلاد جديد"

بجد تعليقك وقفت قدامه مش عارف ارد عليه..
يمكن لمعاني الكلمات الحلوة اللي كتبتيها..
يمكن لانك عرفت توصفي اللي انا (مش) عرفت اوصفه..
يمكن لانك ديما بتعرفي تنتقي وروودك :)
تحية لاحساسك الرائع يا فينوس :)

Tamer Moghazy يقول...

sony2000:
مش بايدنا نختار شهورنا..وايامنا..
لكن اللي بايدينا..اننا نحاول نخليها كلها (نوفمبر)
توقعي مني كل سنة نفس (الدوشة) (';' )
تحية لوجودك :)

Tamer Moghazy يقول...

مها البنا:
"فهناك دائما ما يسمى بالذكريات"

وعشان فيه ذكريات..
بنعيش في نوفمبر ياقي شهور السنة..!!

جميل تعليقك يا مها..زي وجودك :)

vanilla scent يقول...

لا املك سوى ان ابتسم
لاحتفاظك بتفاصيل الذكري:)

واحزن لاحساسي بعمق حزنك لرحيل نوفمبر :(

هبة فاروق يقول...

متزعلش يا تيمو برحيل نوفمبر حيجى تانى
السنة الجاية ولا تزعل وانا بقى بحب ديسمبر اوى
لانة شهر ميلادى
تحياتى لك تيمو تقبل مرورى

رحاب صالح يقول...

صباح الورد يا تيمو
عايزة ارد الاول علي تيرز واقولها وانا كان نفسي حد كدة يموت ف ديسمبر وخلينا ندخل عام جديد سعيد ...بس تفتكري يكون فعلا عام جديد سعيد...؟
تيمو....متشكرة لك فعلا عشان حاجات كتيرة وبجد مش عارفة اقولك اية ...انت صديق فعلا ...والكلمة دي معناها عندي كبير اووي اووي اووي
وانا عارفة انك هتعرف انا كتبت الكلام ده ليه ...
تحياتي وتمنياتي لك بكل خير دايما

5o5a يقول...

ليس بيني وبين ديسمبر عداء..
ولكني فقط..
أكره انه يولد بموت نوفمبر..!!

عميقه قوي كلماتك

في حياة كل منا شهر مميز عن غيره ودائما يبقي بذكرياته التي لا تموت ابدا حتي لو مضت الايام

Old Blogger يقول...

:)

أنا معاك لو السنه كلها نوفمبر هيفقد معناه
بس ممكن تبقى السنة نوفمبر .. و مارس .. و أغسطس ..
و كل واحد فيهم له معنى ..
يعنى متوقفهاش على شهر :)
حاول تعمل حاجه مختلفه من كام واحد غيره
عشان كل فترة تستنى اختلاف مختلف :))

أنا وحماتي يقول...

ليت كل شهور السنة عندي يوليو...
عشان ده الشهر اللي حبيت فيه
وعرفت معني الحب
واتخاصمنا
واتصالحنا
وافترقنا
ورجعنا لبعض
وكان
أول
وأخر
حب....
حلوة مدونتك

شمس النهار يقول...

انا بقا بكره يناير

وبالغيظه فيه كتبت فيه بوست من سنه كده

:))

الفقيرة إلى الله أم البنات يقول...

اشياء كثيرة تولد بموت اشياء نحبها
ولابد ان نتعايش مع الجديد لان لا حياة مع اموات
ولكن ذكريات واشياء تفرحنا لا نجدها مع الاحياء

عاجبنى مثل الجميع تعبير

أكره انه يولد بموت نوفمبر..!!

ツSmiLeY AnGeLツ يقول...

السلام عليكم
على مااعتقد اني اول مره ازور مدونتك
كلمات جميلة جدا
فضلت اقرئها اكثر من مره
طب اشمعنى نوفمبر
ليه مايكون ديسمبر
عشان هو اخر شهر بالسنه نفضل نستنيه 11 شهر عشان يجي
ربنا يوفقك
تقبل مروري
وان شاءالله لن تكون اخر زياره لي في ارق مدونة رائيتها

دعاء العطار يقول...

تيموووووووو

تم استدعائك لحضور انطلاااق اوووول توبيك فى يوميات شباب متمرمط

http://ywmyat-shbab.blogspot.com/2010/12/blog-post.html

شوفت جايبهولك لغاية عندك ازااااى ؟

اى خووووودعه

(:

Unknown يقول...

أنا كمان بحس ان نوفمبر ده شهر مش عادي مش عشان اتولدت فيه:) لكن عشان عمره ما خذلني دائماً بكون سعيده فيه
تحياتي ليك و يارب كل أيامك سعيده و كل شهورك نوفمبر:))

فكرة من الزمن ده يقول...

تيمو كل سنة وانت طيب
سويت نوفمبر من اجمل الافلام اللي بحبها جدا جدا
ودايما تدويناتك مختلفة ومتميزة ولا تنسى
تحياتي

Tamer Moghazy يقول...

ميـكانـو :
وانا لا املك امام احساسك بكلماتي الا ان انحني احتراما لوجودك وحسك المرهف:)

Tamer Moghazy يقول...

هبة فاروق:
حتى لو زعلت يا هوبة ها افرح بوجودك عندي هنا :)
وكللل سنة وانت طيبة يا ستي من قبل عيد ميلادك..
هو يوم كام عشان نيجي الحفلة انا و (فريدة) :)

Tamer Moghazy يقول...

re7ab.sale7:
اكيد يا ري انت قصدك بكلمة (كان نفسك حد يموت في ديسمبر) يعني ( كان نفسك حد يموت في حب ديسمبر) وربنا عارف اللي في ضميري (وش خبيث موووووت) :D
وبعدين يا ري مفيش بينا متشكرة..
فيه فلوس..
فيه مقابل خدمات...
كده يعني :)

Tamer Moghazy يقول...

5o5a:
في حياة كل منا شهر مميز..
(نسعى) الا يموت ابدا..!!

عمق كلماتي..بعمق احساسك بها..
نورتني :)

Tamer Moghazy يقول...

ابتسام مختار:
"عشان كل فترة تستنى اختلاف مختلف"
هي دي ابتسام مختار..
وهي دي طريقتها اللي ديما مميزة :)
ها اعتبر نفسي سعيد الحظ لانك مش ديما بتكتبي تعليقات وفيها كلمات كتيرة :)
نورتيني :)

Tamer Moghazy يقول...

انا وحماتي:
"واتخاصمنا...واتصالحنا..
وافترقنا...ورجعنا لبعض
وكان...أول...وأخر..حب.."

عجباني قوي طريقة كتابتك في التعليق..
وبجد حسيت بـ(وقت) كل كلمة وعيشت زمانها وانا باتنقل من سطر لسطر :)
تحياتي لوجودك وديما ها استنى منك تعليق بالطريقة اللي باحبها ..دي :)

Tamer Moghazy يقول...

شمس النهار:
ليه بس تكرهي يناير..ده لسه اول السنة :)
وبعدين ده عيد ميلادي انا وسانتاكلوز (';')
نورتيني :)

Tamer Moghazy يقول...

الفقيرة إلى الله أم البنات:
الموت والحياة وجهان لنفس العملة..
ولايوجد ميلاد بلا موت..
ولكنها المشاعر البشرية التي تطمع دائما لـ (آخر كل حاجة) :)

سؤال صغنون ليك: هو بناتك فيهم حد اسمه فريدة؟
نورتيني بوجودك :)

Tamer Moghazy يقول...

خواطري مع الحياة:
شكرا على رقة كلماتك..
والموضوع مش ينفع فيه (اشمعنى) لانه زيه زي اي شهر تاني كان ممكن (نموت في حبه) من غير ما نختاره :)
وفي كل الحالات برضه لو كان اي شهر تاني ها نستناه 11 شهر لانه (شهرنا) :)

Tamer Moghazy يقول...

دعاء العطار:
الدعوة الحلوة دي شرف ليا..
ربنا يوفقك ديما :)

Tamer Moghazy يقول...

شيرين سامي:
كل سنة وانت طيبة ولو اني مش عارف يوم كام في نوفمبر :)
وبعدين لازم تبقي مبسوطة في نوفمبر لان اكيد بتجيلك الهدايا فيه (';' )

Tamer Moghazy يقول...

فكرة من الزمن ده :
ميرسي يا فكورة وكل سنة وانت بكل الخير والسعادة وبعدين تعالي هنا..فيييينك من زمان..؟(';')

reemaas يقول...

انا ممكن اقول كلامك على اكتوبر لو ينفع ياتيمو

مع ان ببصلها على ان اللى جاى اكيد احلى من اللى فات

وانت عشت نوفمبر وعرفت ايه جواه ديسمبر بقى جواه حاجات احلى
طالما ممكن
يبقى في امل

hana يقول...

في كل قلب نسمة دافئة حينما تمر على جليده
تشعره بالحنين لذاك الـ نوفمبر الذي لم يشعر غيره

دوماً هٌناك مذاق مختلف بين حديثك
دام الحس دافء
هنــأ

;كارولين فاروق يقول...

اشكرك علي اضافه ماجده الرومي اثناء كتابه التعليق فأنت فنان ...واتمني ان تكون الشهور كلها نوفمبر بالنسبه لك ..

همسات وبحــ الحياه ــر يقول...

كل عام وانتم الي الله اقرب هذا عام جديد وعلى عملك شهيد فبادر بالسعى والتجديد .......اللهم اجعله عاااام يعز فيه الاسلام والمسلمييييييين ......ولا تنسوا احب الصيام الي الله بعد رمضان صيام شهر محرم ولا تنسونا من صالح دعائكم اللهم احسن خاتمنتنا

بعتذر عن تقصيرى معاكم

Tamer Moghazy يقول...

reemaas:
ممكن فعلا يكون اللي جاي (احلى) من اللي راح..
بس الفكرة مش (احلى) ولا (اوحش)..
الفكرة..ان ده (شهرنا) بـ (الحلو) ....و(الوحش) اللي فيه :)
نورتيني

Tamer Moghazy يقول...

hana:
عجبني قووووي تعبير (ذاك الـ "نوفمبر" الذي لم يشعر غيره)
دائما كلمات رقيقة و راقية تعبر عن وجودك هنأ :)

Tamer Moghazy يقول...

كارولين فاروق:
الفنان هو من يتذوق ويشعر بعبير كلمات ماجدة الرومي الراقية...مثلك :)
اسعدني وجودك كارولين مثلما اسعدك وجود ماجدة الرومي :)

Tamer Moghazy يقول...

همسات وبحـ الحياه ـر:
كل عام وانت بكل الخير..
ودائما يسعدني مرورك هنا :)

بسنت الصاوي يقول...

يارب طول السنة يقى نوفبر يارب :)

و تقولي كل سنة وانت طيبة السنة الجاية بقى 4 /11
:) :)

صفا سارة يقول...

اول مره اشوف المدونة النهارده وقريتها كلها
جميله جدا :) حبيت اسجل اعجابى بيها ده

Tamer Moghazy يقول...

Bassant Elsawy:
كل سنة وكل لحظة وانت طيبة وبجد مبسوط انك جيت هنا
وها استنى ديما تنوريني بس خدي بالك من المذاكرة :)

Tamer Moghazy يقول...

صفا سارة :
يااااااه..
قريتيها كلها..؟؟
بجد مش عارف اقولك ايه على الاحساس الحلو اللي خلتيني احسه :)
ها استناكي تزوريني ديما :)

shoshta_ joker يقول...

السلام عليكم....

انا جيت كنت عاوزة اعرف سارة بس مين ههههههههه ايووووووووة ع الرخامة منا خلاص عرفت يا تيمو

وع البنر الصراحة هو طالع من عينى الصراحة يعنى


بذات الامضاء عجبنى اوى عشان شبى خط الايد

ممكن اعرف بقى ازاى ....هههه قصدى اعمله

رخاااااااااامة موووووت

دومت بخير
فى رعاية الله.
shemo

غير معرف يقول...

طيب أنا بعشق شهر فبراير وبتمنى السنة كلها تكون فبراير لكن بعرف أستمتع بيناير وأبريل ويوليو وأغسطس ونوفمبر العزيز وأخوه ديسمبر
بستمتع بيهم وأنا منتظرة بدورانهم حلول شهر فبراير فى سنة جديدة سعيدة إن شاء الله

انت مخلص جدا للذكريات
ومتعلق بيها جدا
ربنا يجعل كل شهورك سعيدة :)

حـــلـــم كـــان يقول...

تيمو
وحشانى كلامك وطريقتك

Tamer Moghazy يقول...

shemo_ joker:
شيمووو..
البانر عندك في الميل بتاعك..
اتفرجي عليه وقولي لي رايك :)

Tamer Moghazy يقول...

Samakafelmo7eet:
عارفة اكتر حاجة ممكن توجعك طول العمر ايه..؟؟
الاخلاص للذكريات :)
نورتيني بالزيارة الحلوة واللي من غيرها ماكونتش ها اعرف مدونتك الجميلة :)

Tamer Moghazy يقول...

حلم كان:
يااااه..
فينك من زمان وحشتي المدونة والله :)

أسماء حسين يقول...

وحشتنى وحشتنى وحشتنى المدونة بجد <3
ووحشتنى القراية ليك يا تيمو
الحالة الجميلة اللى من عالم تانى اللى بكون فيها لما بقرالك

والبوست دة بالذات
<3<3
قريب لقلبى جدااااااااااا
:)

Unknown يقول...

للاسف تعليقي المره ده مش للاضافه خالص لان معنديش كلمه توصف الاحساس اللي حسيته من البوست
لكن فيه شئ احب اعلق عليه
اغنيه ماجده
قد ايه حقيقيه

يابخت صاحبه الروح
:)

riri يقول...

انا بيعجبنى فى التدوين البوستات اللى بتبقى قصيرة وصغيرة كده

معبرة جدا بس كلامها قليل

بحبها اكتر من البوستات الطويلة

انا كنت بحسب انك عامل بوست عن الفيلم ده بس طلعت عامل بوستات عن كذا فيلم

انا بحب برده كاست اواى جدا

لسه هاخد لفة طويلة فى باقى البوستات

عاجنى طريقة البوست - لاهو تحليل ولا هو كلام عام

اقتباسات

هروح اتفرج على الباقى

NaiRa يقول...

تيمو
مبدئيا دى هنا الزياره الاولى ليا ومش هتبقى الاخيره ان شاء الله
بغض النظر عن اى مش هوصل للتفكير اللى فىا لبوست
بس كل اللى هقوله كل ايام ربنا حلوه
بس فيها اوقات بنحس اننا مش عاوزين الايام دى تمر
بس النصيب زى ما بيقولو
كل اللى هقدر اقولهولك
ربنا يوفقك ويهديلك الحال
ووصل سلامى لساره القمرايه اللى خلت اخويا يكون مبسوط

lostlove يقول...

السلام عليكم
تيمووو ازيك وايه اخبارك
يارب كل شي يبقي بخير
وحشتني جدا المدونه وحشني جدا كلامك
وفريده وحشتني
بس جيت ملقتها لقيت ساره
الا قلي مين ساره دي
وحكيتها ايه
فهمني فهمني هو انا غبت كتير كده
شكلي غبت كتير
بس انا عملت فلاش باك ع الماضي في المدونه حجات حلوه كتير واحساسه رائع بجد
هحاولاشوف الفليم الي اخر مشهده فيه هو مشهد الساعده
عشان فعلا ممكن نلاقي السعاده في ابسط لاشياء
تحياتي واتمني التوفيق
وديما ياررب في حجات كتير هنا حلوه
وبردو هسئل تاني
مين ساره دي هاا مين

غير معرف يقول...

كلامك حلو
اوحش حاجة في نوفمبر انه خلص

shoshta_ joker يقول...

السلام عليكم.....


ازيك يا تيمو بجد مرررررررررررررررسى اوووووووووووووووووووووووووووووووووووووووووى ع البنر وع انك لبيت كدا الطلب بسرعة حلو موت تسلم ايدك بجد يا (جدو) ههههههه زى ما بتقول يعنى . ومرسى انك تعبت نفسك وعملت اتنين بجد حلوين موت هى اكتر حاجة كانت عجبانى اساسا الكتابة الى شبة خط الايد
ان شاء الله
اتعلم فوتو شوب
ونردهالك كدا فى فى الافراح هههههه
وربنا يديم التواصل

دومت بخير
فى رعاية الله.
shemo

Tamer Moghazy يقول...

Boky:
بوووكي يا اجمل بوكي..
وحشتينا انا ومدونتي فينك بقى من زمان...؟؟
بجد الحالة الحلوة اللي بابقى فيها وانا باكتب بتكمل لما بتيجي وتكتبي رايك ساعتها بس باحس اني ماشي صح :)
ممكن مش تغيبي تاني بقى؟ (';' )

Tamer Moghazy يقول...

Nesreen :
ويا بخت مدونتي انك زورتيها يا نسرين :)
انا بقيت باقلدك في البوستات الصغنونة الفترة الاخيرة :)

Tamer Moghazy يقول...

riri:
قد ايه انا مبسوط وعاوز اوصل لك سعادتي بزيارتك ورايك المهم جدا بالنسبة لي..
انا ها استنى نتايج الجولة بتاعتك عندي ورايك في البوستات خاصة وانك ليك رؤية عجباني قوي :)

Tamer Moghazy يقول...

NaiRa:
كل ايام ربنا فعلا (حلوة)
لكن فيه ايام بتبقى (مميزة)
سلامي لاخوكي وبالنسبة لسارة فاهي فعلا (قمراية)
نورتيني بوجودك نيرة (';' )

Tamer Moghazy يقول...

lostlove :
يااااااه..
اخيرا ظهرت..؟؟
بتغيبي كتير قوي حتى عن مدونتك ليه؟ مش عارفة ان فيه ناس بتسال عليك..؟؟

سارة دي يا ستي مجرد اسم لكن الشخصية (فريدة)
لو فهمت حاجة ابقى فهميني :D: D

Tamer Moghazy يقول...

يوميات شحات:
والله عندك حق..
اوحش حاجة.. ان نوفمبر خلص..!!
نورتني بالزيارة الحلوة :)

سمكه واحده يقول...

تصدق انا كمان بحب شهر نوفمبر اووووي
بس مش عشان ساره
تؤ
ده عشان سمكه
اصلي اتولدت في الشهر ده
نرجسيه بقي
كل سنه وانت بخير
ويجي عليك شهور نوفمبر كتير كتير
اعوام واعوام بخير وصحه

مجرد حلم صغنتوت يقول...

http://ndaelyasmeen.blogspot.com/2010/12/blog-post_27.html

لقاء في المنصورة
يا ترى هتيجي ولا ايه؟؟؟؟

:)

Bullet يقول...

أحيانا نوّد لو أن كل شهور السنة .. شهر واحد ,
لموقف , لكلمة , لشي ما قد حصل فيه ,
أحيانا نوّد أن نلبس هذه اللحظة ولا نخلعها ,
قد تتكرر في شهر آخر لكن " الطعم الأول " دائما يختلف (:

دمت بألف خير (:

Tamer Moghazy يقول...

سمكة واحدة:
كل واحد له شهر مميز..بيستناه من سنه للتانية..
كل نوفمبر وانت طيبة يا سمكة :)

Tamer Moghazy يقول...

Bullet :
"أحيانا نوّد أن نلبس هذه اللحظة ولا نخلعها"
عرفتي ازاي..؟؟
ده انا دورت على المعنى ده ومش عرفت اقوله...!!

"قد تتكرر في شهر آخر لكن (الطعم الأول) دائما يختلف (: "

قد ايه كلماتك بتسعدني ومش بتكون مجرد (تعليق)..
صباحك ورد وقرنفل :)

lolita_mrgo يقول...

الله .. :)
نوفمبر يعنيني كثيراً في نهايته
اذ انه المخاض الذي ولدت منه افراحي

أحببت حديثك عنه
جداً
جداً

بل دعاني الى اضافتك لقائمة قرائتي
لأنه شهر يعنيك :)

شكراً لنوفمبر الذي جمعني بحرفك

Unknown يقول...

ي سلام ع الرد الجميل المقنع