الأحد، يناير 23، 2011

ذكريــاتك.. صفــــر

" من المحزن ان تقضي وقتا طويلا مع شخص ما عن قرب..
وبالرغم من هذا..تكتشف انك حقـاً..لم تعرفه...!!
"


دي الجملة اللي كانت في آخر فيلم:
Eternal Sunshine of the Spotless Mind

فكرت في يوم انك ممكن تصحى من نومك وناس موجودة في الحياة ومختفية من حياتك..؟؟
يا ترى ممكن تحس بإيه وقتها..؟؟
يا ترى ممكن وقتها تفتقدهم..؟؟
الفيلم ببساطة عبارة عن فكرة..
فكرة فكرت فيها زمان..
لما يوم اتمنيت اني انام من غير ما احلم..!!
ومع ذلك...كنت بأنام،،،  و
بأحلم..!!

فكرة انك تقدر تمسح شخص ما او حدث من حياتك..
من عقلك.. من ذكرياتك.. من كل لحظة بتفتقده فيها..
من كل وجود في حياتك..
تفتكر ممكن تدفع كام في تحقيقها..؟؟

لو عاوز تعرف ممكن تدفع كام..
فكر في التمن اللي ممكن تدفعه لو عاوز ترجع تاني بالزمن ..
او ترجع للذكريات..
او...تغيير فيها..
فكر بالمقابل اللي ممكن تضحي بيه عشان تعيش الاحساس ده !!
شوفت قد ايه التمن ممكن يهون عشان تحس باللحظة دي...؟
هو ده بالضبط نفس التمن اللي ممكن تدفعه عشان تمسحه او ما تفتقدش وجوده في حياتك..!!
الفيلم ده محتاج يتشاف مرتين عشان الاحداث تتفهم بطريقة الـ ( فلاش باك).
لكن..
الحياة..بنعيشها مرة واحدة..
مش مرتين عشان نقدر نفهمها..!!

الاغنية دي دايما بتتردد في دماغي  بشكل متكرر..!!
" لما تقوم الصبح وذكرياتك ميح..
مانتاش عارف نايم جارح ولا جريح..
حُب..وذكرى ، امبارح ، بكرة.. كل ده صفـــر..!!
هتلاقي نفسك تايه زي القشة في ريح.

ولا داري مين صاحب مين..؟!
وفلان بوش..ولا بوشين..؟!!
لو بالنسيان احنا عيانين..
اكيد.. احسن لنا..!! "
تامر مغازي
23-1-2011

هناك 93 تعليقًا:

Shrouk يقول...

طب بجد بجد يعني صباحك حلو :)
بالنسبة للفيلم فمعاك انه تحفة..اصلا اللي فكر الفكرة المجرمة دي ميتقالش عليه غير انه انسان بجد..عاش واتجرح وعرف يعني ايه انك تحتاج تمسح حد/حاجة من ذكرياتك تماما..وعرف برضو ان ده مش ممكن ابدا وعلشان كده خلاهم يقاوموا ويفتكروا...
بالنسبة للاغنية..فانا كمان عايزة اسمعها باستمرار...لحد ما تبطل تخليني اعيط :)

مها البنا يقول...

مهما حاولت تمسح شخص من حياتك .. مش هتقدر

سيظل دائماً أبدا هناك ندبه مؤلمه .. قد ينجح تراب الذكريات فى تغطيتها أحيانا .. لكنه سيفصح عنها كلما هبت عليا الرياح

للأسف أخى الفاضل .. ليته كان بأيدينا محو بعض الذكريات وأصحابها

أكاد أجزم بأن ذلك مستحيل

رائع عرضه للمره الألف

دمت على خير

رحاب صالح يقول...

في ايديك انك تختار رفيق رحلتك...
لكن لو ادامك اتنين تختار مين....؟
طيب لو اخترت محمد وسيبت اسامة يا تري هيبقي اختياري صح....؟
طيب ممكن ارجع تاني واختار اسامة واسيب محمد....
هبقي كدة عملت الصح....
طيب ممكن انسي اللي محمد قاله في لحظة لاني بحبه .....ولان الظروف كانت مش صح....؟!!!
طيب ولو صدقت محمد ومشيت معاه لاخر الدنيا يا تري هيكون هو ده الصح....
طيب ولو نسيت خوفي كله عشان بس احس بخوفه هو ....يا تري انا كدة هكون صح.......
ايــــــــــــة جو اللخبطة ده يا بنوتة انت يا اللي اسمك ري ...
عارفة انك بتقول ده دلوقت ...
بس يمكن لو قريت الكلام تاني وتالت هتعرف انا قصدت اية....
ذكرياتك صفر.....
لاء مش صفر ....الا لو كنت فقدت الذاكرة....وحتي لما بتفقدها بتدور عليها
هحكيلك انافقدت الذاكرة في مرة ...
اقولك استني هقولك علي حاجة تانية...
يخربيت الاغنية .....انت عارف بموت فيها ثم احمد اخويا بيموت فيها ثم انا بغنيهاله دايما وهو بيكرهني ويقوللي لو فيروز سمعتك هتعزل الغنا من خمسين سنة فاتوا....
الفيلم مشفتوش بس هدور علية واشوف
شوف هرجع تاني ...
عشان اكتب لك تاني
اوك
بس ادعي لي ...انا همتحن كمان كام يوم
ثم اني في حالة.....كدة يعني

خواطر شابة يقول...

ذكرياتنا جزء منا صعب ان ننسلخ منها ولو شئنا ذلك لكن مع ذلك الوقت وحده هو التميمة السحرية التي تجعلنا ننسى او نتناسى بمعنى أصح
دمت بكل ود

اسيره الاحزان يقول...

امممممممم عارف انا مفيش حاجه شاغلانى بقالى يومين غير الموضوع دا وكنت فاتحه انهارده عشان اكتب عنه... واستريحت انى لاقيت غيرى كمان عنده نفس الاحساس

احنا ليه فى ناس خرجت من حياتنا بقالها سنين ولسه عايشه جوانا فاكر كل ايامها معاك فاكر لحظات حلوه عشتها معاه فاكر خوفه وقلقه عليك فاكر لما بيوحشك كنت بتعمل ايه ... فاكر لما كنتوا بتنطقوا الكلام فى نفس الوقت ... واللى كان بينك وبينه لسه لحد دلوقتى مش لاقيه مع حد تانى .... وهتفضل ديما مشتاق تسمع صوته وتعرف اخباره ...تبقى عايز تمسحه من حياتك مش عشان بيجرحك لا عشان اللى كان بينكم مش هينفع يرجع تانى وذكرايتك ديما معاه هتفكرك بيه وهتجرحك وتعذبك

وفى ناس بيدخلوا حياتك يبوظوها ويبهدلوها ويجرحوا فيك واحنا اللى سمحنالهم بكده برده تبقى عايز تمسحهم ومش عارف


فالحالتين لو فعلا كنا عيانين بالنسيان او فى حبوب نسيان الاحد ياخدها بمزاجه كان هيبقى اريح بكتير بس للاسف احنا بنى ادمين بس الآت

وبالنسبه للفيلم جارى التحميل

تحياتى

reemaas يقول...

اى الصباح الحلو ده
اولا انا ماشفتش الفيلم بس حالا ننزله
ثانيا بموت انا فى حكايه الفلاش باك دى

نيجى بقى للمضمون انى اصح والاقى ذكرياتى ميح ددى صعبه
انا بالنسبالى الذكريات هى الحياه صعب اعمل حاضر ماضى الا اذا كان عندى ذكريات مؤلمة او مفرحة

انك تمسح حد من ذكرياتك دى عمليه صعبه بس مش مستحيله
ودرجة صعوبتها على حسب الشخص ده كان ايه وخرج ازاى من حياتك

النسيان نعمة جميله من ربنا

رحاب صالح يقول...

صباح الوروووووووود
والفل والياسميـــــــــن
الحمد لله المرة اللي فاتت كنت تعليق رقم تلاتة والمرة دي سبعة
بحب الارقام الفردية.....اوووي
شوف يا تيمو....انا الجملة دي فعلا تأثيرها فيا قوي جدا ....جدااااا
ومش هقولك اد اية....احساسك انك تحس ان الشخص ده اللي عرفته وحبيته واديته جزء كبير من حياتك وذكرياتك مش هو اللي ادامك دلوقت ....
صدمة ......حزن.....كأنة فيلم ولحظة زوووم علي وشك وتعبيراته الحزينة اللي مختلطة بعدم الصدق وعدم الفهم وعدم الاستيعاب .....هو ليه بقي كدة ....مع انه كنت شايفة غير كدة....يا تري هو اصلا كان كدة من الاول وانت عشان بتحبه معرفتوش ومشفتش عيوبة ....والا هي الظروف اللي غيرته.....؟
بس للأسف احنا في حياة....مش في فيلم...
مش هينتهي نهاية سعيدة...عشان المؤلف عايز كدة والمخرج عايز كدة والبطل عايز كدة.....
دي حياتنا....احنا.....حقيقتنا...
وحقيقة الاشياء ....
حقيقة الناس .....اللي انت متعرفش تغيرها......
تعرف تنسي....وتخللي ذاكرتك صفر....؟!
لاء طبعا....استحالة....
بس نعمة من نعم ربنا علينا هي النسيان...او التناسي او التأقلم مع الامور ....وده اللي بنحاول نعمله...
بس كتير مننا مش بيعرف يعمل كدة...
وبيفضل اسير ذكرياته....
واحيانا بيحصل العكس....
فكرت في يوم اصحي م النوم والنس اللي معايا حاساهم بعيييييييد ومش معايا...كتير حسيت الاحساس ده لحاجات كتيرة....يمكن لاني اسرت نفسي في قوقة ...بس الحمد لله عرفت اخرج منها وبإرادتي ...انا....
متعرفش تمسح او تمحي حد من ذاكرتك....
لان كل شيء بتتعلم منه...
الاهم تتعلم صح
وحتي كل جرح لازم تفتكره وتبتسم..^-^ عشان قدرت تتغلب علية...
احنا مش في الة زمن عشان نرجع تاني لورا ونغير في الاحداث ونختار عكس اللي اختارنه زي ما قلت لك في التعليق الاول...احنا في حقيقة مش في فيلم فانتازيا....اقدر اعمل فيه اللي انا عايزه...اغير وابدل الاماكن...
حياة....واحدة....ومش للأسف
لان لو كل واحد فينا فكر انها حياة واحدة وبس اكيد هيحاول يعمل كل شيء في حياته بطريقة تخليه سعيد...ومهما حصل ....يقدر يعيش ويفتكر ...ويبتسم...^-^ ...احلي ابتسامة...عشان هو عاش ...زي ما تمني...وحقق من احلامه ولو جزء بسيييييط
يبتسم^-^ ويقول ...هعيش وهحقق امنياتي تاني....

Ramy يقول...

الفيلم هدور عليه و اسمعه

بالنسبة للتدوينة عموماً

فكرت كتير فى انى يااااه لو أصحى مش فاكر كل ده

بس ايه هو ده

ذكريات الطفولة

و لا والدتى

و لا أخواتى

طب يمكن تقصد

الناس اللى سابت اثر سيىء فى حياتك

بس الناس دى سبب فى أظهار ناس أحلى فى حياتك

صعب لو الواحد فكر فيها كده

شوفت فيلم رسايل البحر

شوفت محمد لطفى لما كان هيعملوا له عمليه علشان يعيش بس هينسى كُل ماضيه

فكر انه ينتحر

صعب الشعور ده قبل ما يحصل

و صعب بعد ما يحصل

صعب اعيش و حد يقولى انا اخوك و شعور اللى مش متأكد جوايا

شعور اللى مش عارف اللى حواليا ممكن ساعتها يموتك

انا على فكرة بأتكلم عموماً مش على شخص مُعين

تحياتى يا تامر

عاوزين نشوفك تانى بقى و لا ايه انت زى هلال العيد (:


ربنا يوفقك دايماً

ツSmiLeY AnGeLツ يقول...

الفيم ماشفته بعد
لكن ان شاءالله اشوفة
ومن كلامك باين انه رووووووووووووعة
كيف لما اشوفة بيكون اروع
ومهما حاولت انك تمحي اي شخص من حياتك من ذاكرت
لابد ماياتي يوم وتعود مرة اخرى الذكريات
رغم ان النسيان نعمه لكن لاتدم طويلة هذه النعمه
فتعود الذكريات
الموضوع تحـــــــــــــــــــــــــفة
تقبل مروري
سلامي ليك اخي.

shoshta_ joker يقول...

السلام عليكم.....


كنت غيبة بقالى كدا حواااااالى 4 ايام النت بقى منه لله ...

المهم اخيرا ياتيمو نزلت بوست
بس بجد حلوة اوى ع فكرة الفكرة دى من التفاصيل الى دايما بفكر فيها جايما افكارك بتيجى فى الجو...

بس عشان اعلق بقى بمزاج لازم اجى ع روقان .تانى واقرا تانى ع روقان واسيبلك تعليق بقى تانى خلينى نشوفك بقى فى بلوج اوكى.....

ولنا عودة ههههه
دومت بخير
فى رعاية الله.
shemo

richardCatheart يقول...

مش هاقولك ان البوست تحفه والكلام دا

هاقولك انك اتكلمت عن حاجه جويا من فتره

نفسى انام واصحى الاقى ذاكرتى صفررررررررررررررررررررررررررررررررررر


التمن ادفع نص عمرى ولو فاضل فيه سنه واحده اعشها صفففففففففففففففففر

جميل زيك يا تيمو

... سعد الحربي ... يقول...

صدقت بكل ما ذكرت

تقبل مروري واحترامي أخوي الغالي.

الغاردينيا يقول...

اوجعتني بصراحه :(
بجد توجعت ... ونفسي ابكي :(
انا اصنف نفسي دائما ضمن أشقى اهل الارض
لان ذاكرتي قويه جدا جدا مبنساش اى شئ كله بيظل بذهني بتفصيل وبظل حافظاه بنص لذا لما بتجرح من حد وحاول انسى بيصبح الامر جنوني لان الحل الوحيد اني اتخلص من نفسي .!
ونا مؤمنه جدااا وقوية جدا لذا لازلت هنا امثالي بيعيشوا في الماضي والحاضر بنفس الوقت ... بس لو بيدي ارجع للماضي برجع وبمسح ومستعده ادفع اى ثمن
احسن من ثمن صداع الوجع و فقدان الثقه
بالناس واللى بيندفع كل يوم
مش مؤمنه بتاتا اني اقدر اعيش بذكريات صفر وبصراحه كرايي شخصي مفيش حد بيعيش بذكريات صفر الا لوكان مش انساان بجد ..
تحيه

Unknown يقول...

لا لا لا ده أنا هزعل أوي لو صحيت لاقيت نفسي ناسيه كل حاجه ده أنا عايشه على الذكريات أساساً:)
بوست جميل أوي و الأغنيه الأخيره بحبها جداً
شكراً يا تيمو هو انت شبه الحمد حلمي أنا حسه انك شبهه و صوته كمان

هبة فاروق يقول...

مساء الفل يا تيمو
وبعدين بقى انا بصراحة مش عارفة اتابعك فين قائمة المتابعين يا استاذ
نيجى للتعليق انا بصراحة نفسى احذف حاجات بس مش لدرجة انى امسح كل حاجة يعنى الاشياء المؤلمة بس اما الباقى فذكريات حلوة
وان شاء الله اشوف الفيلم قريب
سلامى لاطيب تيمو

EL pRiNcEssA يقول...

ياخبر علي الموضوع اصلا
وانت بتعلق علي الكلمة الوحيدة الصغيرة ومكانتش بتاعتي ومش واخد بالك ان الموضوع بتاع المسح ده كبير اوي
لو عاوز رأيي انا شايفه اننا منمسحش حد خالص ولا حدث حتي من حياتنا لان اي شخص مر بينا ف حياتنا علمنا حاجة بتفيدنا بعد كده حتي لو كان شخص وحش
ساعتها انك تتجاهله وهو موجود فعلا هيحسسه بقيمته كويس اوي

القوة اننا نمتنع عن الشئ وهو قدامنا
ووو بكامل ارادتنا

انا لا اعلق لمجرد التعليق بس واخدة بالي جدا انك مبتردش ع الناس اللي اهتمت وعلقت
دمت بخير

Tamer Moghazy يقول...

Shrouk:
طب بجد بجد يعني.. صباحك سكر :)
الفيلم فعلا صعب الفهم..
محتاج حد مركز قووووي عشان يحسه وكمان مش كل الناس ها تحبه..!!

آآآآ..هو انت ممكن تسمعي الاغنية بس من غير ما تعيطي؟ (';' )

وصف الفكرة انها "مجرمة" عجبني :)

Tamer Moghazy يقول...

مها البنا:
"قد ينجح تراب الذكريات فى تغطيتها أحيانا .. لكنه سيفصح عنها كلما هبت عليا الرياح"
فعلا يا مها..لانها (جثة) بنحاول نموتها اكتر من (مرة)..!!
وعشان ده صعب.. بنفضل ديما نتمناه :)

Tamer Moghazy يقول...

Re7ab Sale7:
انت فعلا سمعتيني وانا باقول كده عليك :)
ايه يا بنت يا ري انت اللي انت عملتيه ده..؟؟
لخبطتيني بين محمد واسامة..
عارفة انت خلتيني كده فعلا (بلبل حيران)

فعلا ماحدش بيقدر يمسح ذكرياته..
بس كتير بنتمنى اننا نقدر نعمل ده :)
ربنا معاك في امتحاناتك :)

Tamer Moghazy يقول...

خواطر شابة:
"وحده هو التميمة السحرية التي تجعلنا ننسى او نتناسى "
صح والله كلامك جداااااا..

بننسى...
او..
نتناسى..!!

Tamer Moghazy يقول...

أسيرة الاحزان:
شوفت بقى انه توارد خواطر او توارد بوستات :)

"احنا ليه فى ناس خرجت من حياتنا بقالها سنين ولسه عايشه جوانا..؟!"
السؤال ده انا باساله لنفسي في اليوم مليون مرة..!!

"تبقى عايز تمسحه من حياتك مش عشان بيجرحك لا عشان اللى كان بينكم مش هينفع يرجع تانى"

انت بجد كان المفروض تعملي البوست ده :)

ها استنى رايك في الفيلم بعد ما تحمليه..اتفقنا..؟

Tamer Moghazy يقول...

reemass:
انت يا بنوتة يا مصرية ديما محيراني بصورتك دي..
وانا بسال نفسي.. يا ترى بتبص لايه وبتفكر في ايه..؟

فعلا زي ما قولت.. صعب نعيش حياة من غير ذكريات..
بس ساعات بيبقى النسيان (نعمة)
لو فعلا بتحبي الفلاش باك يبقى ها تحبي الفيلم ده..
ها استنى رايك فيه :)
صباحك سكر :)

Tamer Moghazy يقول...

Ramy:
قصدي الجميل رامي :)
بد انت واحشني جدااا..
وعاوز اشوفك في اقرب فرصة لقاء..

عارف يا رامي..
اصعب حاجة في الدنيا.. انك تمسح ذكرياتك..
ماضيك..
وبنفسك..!!
بس اكيد اللي بيخليك تعمل كده.. حاجة انت بس اللي حاسس وجعها.

ابعتي على الميل بتاعي في البوفايل رقم تليفونك :)

Tamer Moghazy يقول...

خواطري مع الحياة:
فعلا زي ما انت وصفتي..
احنا مش بنقدر نمسح حد من حياتنا تماما..
كل اللي بنقدر نعمله بس هو اننا نخلية هناك.. بعيد.. جوة حتة ضلمة..لكنه فعلا..بيفضل موجود :)
اسعدني وجودك :)

Tamer Moghazy يقول...

shemo_Joker:
يا شيمووو..
انا مستنيكي اهو تيجي تاني وتقري بروقان وتقولي رايك..
انت اتاخرتي كده ليه بقى (';')

Tamer Moghazy يقول...

richardCatheart:
والله انت ديما بتحسسيني ان تعبي في كل كلمة وصورة وتفكير في البوست مش راح على الفاضي عشان يستحق تعليقك الجميل ديما :)

هو ده اللي انا فعلا عاوز اقوله..
ان التمن اللي ممكن ندفعة عشان ننسى..
هو نفس التمن اللي ممكن نضحي بيه عشان نغير الذكريات في الماضي..!1!
يعني يبقى...صفر..!!
ديما منوراني وديما باستنى تعليقك :)

Tamer Moghazy يقول...

كنوز القمم:
منورني لاول مرة ويا رب تنورني ديما
بس مش بالمرور...لكن بالتواجد :)

Tamer Moghazy يقول...

الغاردينيا:
هو انت بتتكلمي عنك ولا عني يا غاردينيا..؟!!
بجد زي ما قولت..
للايف ماحدش بيعيش بذكريات صفر..
لكننا (احيانا) بنتمنى ده..!!

احسنت في الوصف جدااا يا غاردينيا :)

Tamer Moghazy يقول...

شيرين سامي:
عارفة يا شيرين..
كلمة "شكرا" اللي انت قولتيها دي..
حسستني قد ايه انه فيه ناس بتقدر وبتفكر في اللي بتقراه وبجد الكلمة دي كاني سمعتها وحسيتها قوي :)
قليل الناس اللي بتعرف امتى وازاي تقولها :)
شبه..حلمي...مش عارف..
صوته......مممم.....مين قال..؟
انت حد بيفهم على فكرة :)

Tamer Moghazy يقول...

هبه فاروق:
مساء الفل يا هوبه..(';')
تقريبا المشكلة عندك في الريدر..!!
للاسف يا هوبة..
ساعات مش بيبقى من حقنا نحدد اللي ها نمسحة..وده معناه اننا ها نخسر.. زي ما ها نكسب..
يعني برضه = صفر..!!
اتفرجي على الفيلم و(لو) عجبك ابقى قوليلي :)

Tamer Moghazy يقول...

EL pRiNcEssA:
فعلا الموضوع كبير جداا..
وزي ما قولتِ :
"اي شخص مر في حياتنا علمنا حاجة "
صح..
ولو حتا كان علمنا اننا مش نعمل كده تاني..!!

سؤال صغنون: هو انت ليه قولت اني مش بارد على اللي بيهتم بالتعليق..؟
يمكن باتاخر شوية..
لكني لازم ارد ويارتني اقدر اوفي كل حد حقة بكل حرف بيكتبه :)

رحاب صالح يقول...

يا سلالالالالالالالالالالالالالام
طيب والتعليق التاني
يا عم تيمو
اظن بقي حلو اووي
لا فيهم محمد ولا اسامة
ولا حتي سي السيد
دعواتك

miroooo يقول...

ازيك يا تيمو؟
بجد انت بتغيب علينا اوى وبترجع ببوست يكسر الدنيا
البوست جميل اوى وكمان فكرة الفيلم تحفه ياه لو الانسان يقدر يمحى شخص او شىء من ذاكرته صعب اوى مهما كانت الذكريات مؤلمه اكيد الشخص ده ليه ذكريات كويسه معايا ومش عايزه امحيها
الذكريات جزء من حياتنا حتى لو جتلنا الفرصه ان احنا نمحيها يبقى بنقضى على حياتنا
ابدعت بجد يا تيمو
دمت بكل خير

shoshta_ joker يقول...

السلام عليكم....


تيموووووو
انا جيت اهو
تأخرتش ولا حاجة
بس ع ما الروقان جاه ههههه الثانوية العامة والارف بتاعها بس والله ياتيمو هما الى مش بيخلونى ادخل كتير
أدعيلى بق اخلص السنادى ع خير.
ولاقى كلية ادخلها هههههه احسن مش بينلها كليات كدا بالى البلد فيه دا....


زى ما قولتلك الفكرة دايما اساسا بتروضنى
وخصوصا بقى لو اذكريات دى اتحفريت جواك مش بمعنى اهميتها بمعنى انها اثرت فى شخصيتك وتفكيرك وتكوينك
اكيد مفيش ثمن يضاهى انك تنساها اساسا

حجيب الفيلم واشوفه واقولك راييى باذن الله.

حلو البنر الجديد(وش بيغمز )ههههههه
خلاص بقى كفاية رغى ايه دا هههه


دومت بخير
فى رعاية الله.
shemo

موديل يقول...

هي دي البوستات و الا فلا
جتنا نيلة في حظنا الهوباب
بوستاتنا على ادها
يا الله
حظوظ
بجد عجبني
و الاغنية تاتشي جدا
لكن من الغباء نسيان من يؤلمونا
فهم اكبر دافع لنجاحنا فلولاهم لتمبلنا و استمرئنا الفشل
ارصد اي ناجح او متميز تجد خلفه كلكيعة عقد اااااااااااد كده عايز يثبت و بيموت نفسه من اجل التحدي
في لبنان واحد عامل قلعة جميلة اصبحت مزار اسمها قلعة موسى
و وجدت ان باب القلعة واطي يعني لازم تنحني بشدة و انت داخل له
فبحثت ووجدت ان الاخ موسى كان تقدم و هو صغير لفتاة ثرية و جميلة فرفضه والدها و الباقي مكرر حلف يبقى حاجة و اول ما اغتنى بنى القلعة و عزم زوالدها عشان يشوفه و هو بينحني امامخ
اشياء لا تنسى
كيف تننسى و ما الهدف ان ننسى التراكم المعرفي لخبراتنا باالامها و امالها
تحياتي
انا موديل
كاتبة مدونة
عايزة اخس

Aya يقول...

النسيان حلو مش وحش
مساءك نسيان

esraa يقول...

wallahy gamda geda ya tamer


begad to7faa

ma3ak 7aa

esraa يقول...

wallahy gamda geda ya tamer


begad to7faa

ma3ak 7aa

ツSmiLeY AnGeLツ يقول...

مبروووووووووووووووووووووك عليك ياشعب مصر
مبروووووووووووووووووك عليك يامصر
بكرة يوم جديد امل جديد حياة جديده
ربنا يحميك يامصر ويحمي شعبك

حـــلـــم كـــان يقول...

"ذكريــاتك.. صفــــر"
واقفت قدام العنوان فتره طويله تقدر
تقول تنحت قدامه
صعب اوى لما بتفضل عايش طول عمرك وفجاه تلاقى ذكرياتك صفر

مع انى مشفتش الفلم
لكن حاسه شفته وكمان حبيته من وصفك

من المحزن ان تقضي وقتا طويلا مع شخص ما عن قرب..
وبالرغم من هذا..تكتشف انك حقـاً..لم تعرفه...!! "
الاحساس ده مش من المحزن بس ده احساس ممميت

سكرتيرة جديدة يقول...

ماشفتش الفيلم ده حقيقى

لكن رغم ان بعض الذكريات بتبقى مؤلمه

لكن تخيل بقى انك ماعنكدش ذكريات
!!!!!!!!!!!!!
وفكرنى بقى انا خطفتك ليه
:)

بس صدقنى بعد فترة الذكريات دى بتبقى مهمه قوى وبتبقى مجرد نسمه بتهف عليك عشان تفضل فاكرها وماتغلطش نفس الغلطه اللى خلتك تتالم وتتعب على مالجرح يندمل


ياعم الف مبروك لمصر

الف مبروك علينا الحريه

يارب انصرنا دايما واظهر الحق فى كل مكان

الف مبروك


سيبك انت الثورة تاريخ لايمكن ننساه

لانك لو عايز زكرياتك تضيع
يبقى كلها هيضيييييييييع

ومش هتفتكر تغيير التاريخ عشان تحكيه لاحفادك ان شاء الله

Bullet يقول...

ذكرياتي + كل ما اسرفته من مشاعر + ما اريد تعويضه من خيبات حصلت = صفر ):

و ... آسفة ع الازعاج )):

Shrouk يقول...

الا هو انت مختفي ليه من زمان
من ساعة الثورة ;)
لعل المانع خير يعني!

reemaas يقول...

فينك ياتيمو انت كده تقريبا مختفى من وقت الثورة ماقامت ودى حاجة تقلق

ياريت لما تدخل تطمنا حتى لو ماكتبتش موضوع

دعاء العطار يقول...

لكن..
الحياة..بنعيشها مرة واحدة..
مش مرتين عشان نقدر نفهمها..!!


وهى دى المشكله .. ان اللى فات مش هيرجع تانى

والذكريات ماتبقاش ذكريات لو قدرنا نتحكم فيها ونرجعها

ممكن نقدر نخلى بكره احلى وممكن مانقدرشى

بس الاكييييييييد ان مفيش حد فينا مش عايش على ذكريات معينه ودايماً بيفتكرها

ماسمعتش الفيلم .. لكن هسمعه

والاغنيه دى بحبها اووى

دمت داااائماً مبدع ياتيموو

(:

saragebaly يقول...

برغم ان كل كلمة هنــا كانت تتلاعب على اورتار الوجع

الا اني لا اقدر على لحم الاوتار ممزقة ولم شمل تبعثر النبضات

فـ لا اقدر على التعبير عما بداخلي بكتابة تعليق

فقط التزم الصمت


* الاغنية جميلة جدا

اشكرك على سؤالك في غيابي

اعتدته من اخ وفي مثلك

تحياتي لكـ

سارة

صاحبة الشباك يقول...

مش عارفة هي كده بالظبط ولا لأ
بس أفتكرتها بما معناها تقريباً

( تاريخ الإنسان بيفضل ملازمه لغاية لما يموت )


أحنا بنتناسى
لغاية لما ننسى
إن أحنـا فعلاً مانعرفش ننسى !

;كارولين فاروق يقول...

تيمو مساء الخير
اتمني تكون بخير
فأنت غائب كما
غابت قائمه المتابعين
كنت اتمني اشترك في مدونتك
المميزه واتمني ان تكون بخير
وترجع بالسلامه
فأنا عندما تابعت التعليقات
عرفت انك غائب من ايام الثوره

غير معرف يقول...

صباح الخيييييييييييييييير .... مش عارفة ليه انا الوحيدة اللي تعليقاتي مش بلاقيها ...


عموما ........ كنت حابة اصبح عليك يا احلى تيمو

Tamer Moghazy يقول...

Mirooo:
والله يا ميرووو ما عارف اقولك ايه..
يمكن لاني اكتر حد تقريبا عارف معنى و (قيمة) الذكريات
واللي من غيرها احنا (ولا حاجة)..!!

Tamer Moghazy يقول...

shemo_ joker:
انا اللي اتأخرت المرة دي يا شيمو..
(وش مكسوف)
وبالنسبة لموضوع البانر اللي عاجبك مش ها اقولك غير (وش بيخبط راسة في الحيط)
ما تعرفيش ده ممكن يكون مين يا شيموأ..؟؟ (';')

Tamer Moghazy يقول...

موديل:
ما تتخيليش تعليقك عجبني قد ايه..
خاصة وواضح انك حد محلل للتفاصيل كويس جدا..
"من الغباء نسيان من يؤلمنا، فهم اكبر دافع لنجاحنا "
قد ايه عرفت تختاري جملة (صح) قوووووي.

Tamer Moghazy يقول...

Aya:
النسيان (نعمة) بتنقذنا من المشاعر اللي بيتحول لـ(نقمة)..
مساءك ورد وسكر :)

Tamer Moghazy يقول...

esraa:
مبسوط انك وصلتي هنا (حمد الله على السلامة) D:

Tamer Moghazy يقول...

خواطري مع الحياة:
مبروك..علينا كلنا :)

Tamer Moghazy يقول...

حلم كان:
ديما بتعرفي تفهمي التفاصيل المنمنمة..
وعشان كده انا بأكتبها :)
انا كمان وقفت قدام العنوان كتير وكتبت (بس) شوية صغننين من اللي سرحت فيه وقتها..!! (';')

Tamer Moghazy يقول...

سكرتيرة جديدة:
"لكن رغم ان بعض الذكريات بتبقى مؤلمه..لكن تخيل بقى انك ماعنكدش ذكريات..!!"

مؤلم قوي احساس انك معندكش ذكريات..
قاتل جدا احساس اللي كان عنده ذكريات وضاعت منه..
بس صدقيني الاقوى من الاتنين؟؟
الحد اللي بيمسح ذكرياته بنفسه...بنفسه....!!

Tamer Moghazy يقول...

Bullet:
بالعكس.. ياريت كل الازعاج يبقى كده..!!
انت قولت تعليق جاااامد فوق ما تتخيلي بكلمات صغنونة آآآآد كده..
(';')
ياريت ديما اشوف تعليقك :)

Tamer Moghazy يقول...

Shrouk:
انا اهو..اهو..اهو...
هااا...؟
شوفتيني..؟؟

Tamer Moghazy يقول...

reemaas :
انا جيت اهو..
بجد مش عارف اقولك ايه لسؤالك علي :)

حبات التوت يقول...

بغيب بيغب بس لازم ارجع اشوف المدونة اللى انا بحبها واسبح معاها مع ارق كلام يدخل القلب بسرعة
وبزعل اوى اوى لما الاقى البوست يخلص بسرعة


انا صحيح فى وقت من الاوقات تمنين انى امسح شخص من حياتى او امسح موقف حصل فى حياتى

كنت بقول اعمل اى حاجة بس انسى
بس مهما كان بتنام وتصحى وتمر الايام وانتة مش بتنسى
وبعد مابيمر وقت معين بفهم وبقول سبحان الله
لكل حاجة حصلت للواحد فى حياتة ليها معنى حتى لو فهم المعنى دة بعد عشرين سنة

الحياة..بنعيشها مرة واحدة..
مش مرتين عشان نقدر نفهمها..!!

Tamer Moghazy يقول...

دعاء العطار:
اخدت بالك من المعنى...؟
ديما كل لحظة بتعدي في حياتنا مش بتتكرر تاني..
وعشان كده فيه لحظات بنهرب ليها..
ولحظات تانية بنهرب منها..!!

الفيلم حلو قوووي..اتفرجي عليه بس بتركيز.

Tamer Moghazy يقول...

saragebaly:
عارفة يا سارة..
حتى لو التزمتِ الصمت ، فا كلامك برضة بيوصل لان ده ارقى انواع الحوار.

Tamer Moghazy يقول...

NaDa:
"أحنا بنتناسى
لغاية لما ننسى
إن أحنـا فعلاً مانعرفش ننسى !"

وقفت قدام الكومنت بتاعك ده كتير...!!
عندك حق يا ندى.....
.....................
................قوي..!!

Tamer Moghazy يقول...

كارولين فاروق:
فعلا انا غايب بقالي كتير لاسباب كتيرة..
منها اني عندي بس 4 ساعات اللي ممكن انامهم كل يوم او...اقل.
وباحب اهتم بالناس اللي بتيجي عندي ومش ينفع اكتب (لمجرد) مجاراة الاحداث وخلاص :)
صباحك ورد وياسمين :)

Tamer Moghazy يقول...

غير معروف:
تعليقاتك وصلت وانا بأرد عليها اهو :)
بس ممكن تعمل معروف وتبقى (معروف)..؟؟
صباحك سكر :)

Tamer Moghazy يقول...

wella:
عارفة يا ويلا..
انا كمان باستناكي تيجي هنا لانك ديما بتقولي اللي كان نفسي اقوله :)

"مهما كان بننام ونصحى وتمر الايام واحنا مش بننسى..
وبعد مابيمر وقت كتير بنفهم ونقول سبحان الله..
كل حاجة حصلت للواحد فى حياتة ليها معنى حتى لو فهم المعنى دة بعد عشرين سنة"
عرفت ليه انا قولت كده..؟؟
صباحك ورد وياسمين :)

سَارةٌ يقول...

تيــمو :

الشَّـعب عَـآيزْ ..

بُـوست جديد .. :D:P

فرييييييييييييييييييييييييييدة يقول...

يا بخت كل اللي رديت عليهم

EL pRiNcEssA يقول...

حمد الله بالسلامة
كنت من ضمن الناس اللي مستنينك
وافتقدت تعليقاتك
و ............جديدك فين

ندا منير يقول...

لو ينفع ندفع فلوس العالم ونرجع الزمن اللى نحب نقف عنده دايما كان الكل عمل كدة

بس للاسف اللى بيروح مبيرجعش ابدا

وعشان ننسى حد بنحبه فى حياتنا دا بيكلفنا كتير بجد وابعاده بتفضل ممتدة فترات طويلة من حياتنا

shoshta_ joker يقول...

السلام عليكم....

ازيييييييييك يا تيمو
كنت فين كل دا يابنى

والله كتابتك وتعليقاتك وحشونى مووووووووت عارف بجد لو مش نزلت جديد قريب حيبقى ف كلام تانى بجد مش حدخل تانى الا اما تنزل جديد ايييية الناس دى فى حد كدا (وش مطله لسانة )


كل شوية ادخل مفيش حاجة كل شوية كل شوية فى كدا اديدى وجعتنى بقى ههههههه

بغلس بس اما تنزل الجديد لينا كلام تانى

يارب تكون بخير
دومت بخير
فى رعاية الله...

shemo

رحاب صالح يقول...

i'm very sure
this never happened to me before
i met you and now i'm sure
this never happened before

now i see
this is the way it's supposed to be
i met you and now i see
this is the way it should be

this is the way it should be for lovers
they shouldn't go it alone
it's not so good when you're on your own

so come to me
now we can be what we wanna be
i love you and now i see
this is the way it should be

this is the way it should be

ازيك يا عم تيمو....انت فينك
هتتأخر علينا كتير كدة والا اية ...؟
انت عارف الاغنية دي ...
انا بحبها اوووي
ههههههه
يلا بقي بجد عايزة بوست جديد كدة من بوستاتك اللي تجنن ...وياريت تاخد بالك م الاغنية بقي ....
اية مش عارفها...؟
عارف فيلم ....the lake house
اهي هي دي الاغنية اللي فيه
صباحك ورد انت وفريدتك.....^-^

دعاء العطار يقول...

تيموووو

فيييييييينك ؟

هو انت دايما كده تشوقنا لبوستاتك

وحشتنا توبيكاتك

(:

شفـقــة و إحســــان يقول...

ده انت شجعتنا نشوف الفيلم اصل بصراحة عايزة انسى ناس كتير وخاصة واحد نفسى انام واقوم الاقى نفسى نسياه وناسيه البيت والطبيخ والغسيل
هههههههههههههههههه

Remas يقول...

تيمووووو
وحشتنى اوى المدونة هنا
وكنت مفتقدة البوستات بتاعتك وافكارك الحلوة

الفكرة فعلا غريبة وحلوة
وكتيييييير اوى اوى لما بفتقد حد فعلا بكون هاتجنن وامسحه تماما من حياتى طالما مش عارفه اعوض شعور افتقادى ليه

ازاى جبتها الفكرة دى يا تيمو ؟؟
كلنا بنحسها فعلا بس ولا مرةعرفنا نمسك الفكرة زى ما انت عملت كدا

الاغنية اللى على المدونة تجنن وانا هاقعد عندك طول اليوم لانى بحبها وبحب اسمعها

رغيت كتير معلش بس انت عارف انا كنت مفتقده اوى وجودى هنا

Emtiaz Zourob يقول...

ساعات البني ادم بيحب انه يصير عنده زهايمر علشان ينسى اشخاص تواجدوا في حياته ولم يكن له يد في هيك موضوع ..
بس أصعب شيء لما حدا ينسى وجودك في حياته وكأنك لم تكن من قبل ..
في امور كثير صعبة في الحياة بس في الاخر لازم نكمل علشان نوصل للنهاية.. بزهايمر ولا بدونه .. لازم نكمل ..

تقبل مروري وخالص تحيتي.. وشكرا على الرابط ..

Tamer Moghazy يقول...

حباية بنادول:
هههه...عجبني قوي الكومنت بتاعك..
والله لو حكيت يومياتي اللي بتحصل ممكن اخد اكتر من بوست بس بجد انا بقيت بانام وانا سايق على الطريق من قلة النوم والارهاق.

Tamer Moghazy يقول...

EL pRiNcEssA:
الله يسلمك..
وبجد مش لاقي كلام ارد بيه على الكومنت الحلو بتاعك ، وباعتذر عن التأخير اللي (مش بأيدي)
وده كمان (وش مكسوف) جداااا (';')

Tamer Moghazy يقول...

ندا منير:
"وعشان ننسى حد بنحبه فى حياتنا دا بيكلفنا كتير بجد "
عندك حق جدااااا..
لانه ساعات بيخلص عمرنا ومش بتخلص الذكرى جوانا..
فا بنفضل نعيش في جمالها..
او نتعذب بألمها..!!

Tamer Moghazy يقول...

shemo_ joker:
يا شيمووو..
انا مش عارف اعمل حاجة لاني دخلت في ضغط شغل مرة واحدة مش عارف ارتاح منه خالص وانت طبعا مش يرضيك اني اكتب اي كلام في الحمادة..
صح يا شيمو..؟؟
صح...؟
بجد ميرسي لسؤالك عني وده اللي اتعودته منك ديما :)

Tamer Moghazy يقول...

re7ab.sale7:
ري..
صباحك سكر..
طبعا عارف الاغنية وبحبها وباحب فيلمها كمان..
وكتبت عنه بس لسه مش نشرته..
ها اخلي فريدة تقراه الاول وبعدين انشره (وش بيطلع لسانه)

Tamer Moghazy يقول...

دعاء العطار:
سوري والله ما قصدي اعمل كده بس انشغلت قوووي مرة واحدة وانا مش باحب اكتب من غير احساس لمجرد الكتابة :)

Tamer Moghazy يقول...

شفقة واحسان:
وهو بصراحة فيلم يستاهل :)

كل ما تفتكري انك عاوزة حد يختفي من حياتك اتفرجي على الفيلم كويس قوي وبعدين اسالي نفسك نفس السؤال بعد كده: يا ترى فعلا عاوزة تمسحية من مخك بلا عودة..؟
اتفرجي على الفيلم وبعدين جاوبي :)

Tamer Moghazy يقول...

Reem:
وانت كمان وحشتي المدونة وعالم التدوين يا ريم يا ريم ياريييم :)

الفكرة دي مجنناني من زماااان..
وليها معايا حكايات وحكايات..
المهم كنت اتمنى ان (رغيك) يطول عن كده :)
ونورتي المدونة بكل لحظة قضتيها هنا :)

Tamer Moghazy يقول...

وجع البنفسج:
"بس أصعب شيء لما حدا ينسى وجودك في حياته وكأنك لم تكن من قبل .."
فعلا عندك حق..
وساعتها بنسأل نفسنا السؤال الابدي..
ليه ظهر..؟!!
وليه اختفى..؟!
نورتيني بوجودك هنا :)

هوبة ... توتي يقول...

يا ترى هترد عليا امتى ؟؟؟؟

بكلمك كتييييييييييييييييير و ببعتلك رسايل و حتى بتصل بيك و مفيش منك اي رد

افهم من كدة ايه ؟؟؟؟؟؟؟؟؟

هوبة ... توتي يقول...

هااااااااااااا ... أفهم من كدة اييييييييييه ؟؟؟؟؟؟؟؟

مجرد حلم صغنتوت يقول...

تفتكر ممكن تدفع كام وقتها..؟؟

هدفع وقت من عمري بس في الاخر هعرف اعملها
هدفع جهد نفسي وذهني وهتعب وهحس ان الدنيا مش هتنفع واني هموت ومش هقدر اعيش مع ذكرى مؤلمة زي دي
وفي الاخر بعيش والدينا بتعدي.. وارجع ابص على الفترة دي واقول هو انا ليه كنت تاعبة نفسي كتير اوي كده اكتر من اللازم

لو فيه اختراع يخلينا نمسح الذكريات كانت هتبقى اختراع غالي اوي
بس ربنا رحمنا لما خلانا نعرف نعمل كده مع نفسنا مع مرور الزمن بس بتختلف من شخص للتاني في الوقت وكيفية تقبل ده بعدها

ملحوظة
احنا مش بنبقى عيانين بالنسيان.. احنا بنتمتع بالنسيان كنعمة مش كمرض

خير يا تامر؟؟ مختفي من كل حتة وكلامك كله بيوجع كده؟؟ طمننا عليك

Eman يقول...

I believe in that:People Who Choose to be out of our life today when they realize that they lose alot & wanna Come back they will find that their are no places available for them any more..."BUT"...trying to forget Someone u love is like to remember Someone u never meet before So
If they deserve don't try to forget just let days play their roles to get them back or make u see them in another view

paix يقول...

ما فينا نمسح حدا كان موجود بقوة بحياتنا حتى لو مسحنا الصفحه مش حترجع بيضا كتير رح يبقى لونها رمادي ومكانهم ما رح يعبيه حدا تاني لانه ما حدا بيقبل ينكتب بحياتك على صفحه رمادي كل حدا بيجي بحياتك بدو صفحة بيضا جديده اطوي الصفحه الرمادي من كتاب حياتك واكيد بس ترجع الذكرى بعد سنين تفتحها .. رح تغطي وجهك ابتسامه وحزن بزات اللحظه

نهر الحب يقول...

برضه مشوفتش الفيلم ده
:))
بس حقولك رأيي
انا واكيد معظم الناس بتجيلنا لحظات يأس كتير أوي من جرح ناس قريبين اوي كنا نعتقد اننا عارفينهم وفاهمينهم واتجرحنا لما اتكشفنا عكس كدة ساعتها بنتمني نمسح ذاكرتنا ونمحيهم من دماغنا عشان بس منحسش قد ايه كنا أغبياء ومش فاهمين وبنتعامل بحسن نيه

بس انا احياناً ببص لناحية تانية ايجابية
اننا لو اتجرحنا من حد كنا بنحبه او حسينا ولو للحظة واحدة بمشاعر ناحيته سواء حبيب او صديق او قريب المشاعر اللي احنا حسيناها دي مكسب لينا مش خسارة بالعكس هو اللي خسر عشان احنا حسينا وفهمنا عرفنا معني اننا نحب ونهتم ونخاف وحاجات كتير يمكن مكوناش حسيناها لو مقابلناش الشخص ده النتيجة بقي في الاخر اننا اتجرحنا اه بنتعب ونندم وو بس في الاخر حنعرف قد ايه احنا اقوياء لما يمر علينا نفس الشخص ومنتهزش ويمكن نسلم عليه بكل قوة وشجاعة ونتاكد كمان من نظرة عينيه انه هو اللي ظلم الي قدامه ومقدرش يتخطي ده

مينفعش نعيش من غير ذكريات حتي لو كانت مؤلمة

Eman يقول...

من المحزن ان تقضي وقتا طويلا مع شخص ما عن قرب..
وبالرغم من هذا..تكتشف انك حقـاً..لم تعرفه...!! "

ذكريااااااتك صفر
النسيان نعمه بس لحد ما وقت النسيان ده يجى بتفضل الذكريات موجوده حتى اذا رفضت انك تفتكرها او قررت انك تهرب منها
maybe tomorrow maybe after a month after a year waiting to that day which i can see these memories & laugh Just smile & said Oh why i was sad when that happen ??!!!