الجمعة، نوفمبر 9

إلى نوفمبر..


ويأتي نوفمبر..
ومازالت المياه مشروبك المفضل..
ويمضي نوفمر..
 ومازلت انت مشروبي المفضل..
ليت كل شهور السنة نوفمبر ولا ياتي ديسمبر ابدأ..
لا أكره ديسمبر..
وليس بيني وبينه عداء..
فقط..
أكره انه يولد بموت نوفمبر..!!
قد يكون هذا آخر نوفمبر لدينا..
ولو استطعت لجعلت كل شهور السنة نوفمبر..
لكنني لا استطيع ايقاف الزمن ..!!
كا ما اعرفه.. هو اننا نمر بنوفمبر
وهو لا يحدث الا مرة واحدة..

أيها الـ (نوفمبر) العظيم..
أخشى نسيانك..
وأخشى وجودك الذي يلاحق ذاكرتي كل شهور السنة..
واعرف انك ستختفي بميلاد ديسمبر.!!
أيها الـ (نوفمبر) العظيم..
لا اطلب منك البقاء للابد..
ولكن..
فقط ..
دعني استمتع بك اقصى قدر من الاستمتاع.

بتذكرك كل ماتجي لتغيم..
وجهـــــك بيذكّـر بالخـريـف..
القصة مش طقس ياحبيبي..
هي قصة ماضي كان عنيف..
بس هلأ..مابتذكر شكل وجهك.!
بس بذكر قديش كان أليف..!!

هناك 45 تعليقًا:

لـــولا وزهـــراء يقول...

تيموووووووو
-*-*-*-*-
فينك من زمااااااااااان انت بقى اللى زى نوفمبر تأتى مره واحده فى السنه
كلامك يحمل مشاعر ربما يفسرها كل منا على هواها وربما تفسرها انت برؤياك الخاصه ولكن تظل لكلماتك وقع خاص مثل وقع شهر نوفمبر عليك


تظل كلماتنا تحمل جزء من شخصيتنا سواء بالفرح او بالحزن او ربما بالانتظار ولكنها تحمل جزء منا
تحياتى وتقديرى لك يا تيمو ويارب نشوف لك كتابات كثيره


زهـراء

Baskouta يقول...

حلوة أوي التدوينة دي
رقيقة وفيها دفا رغم ان نوفمبر شتا
:)

شيرين سامي يقول...

الله بجد :)

تعرف أنا بعشق نوفمبر
مش بس عشان شهر وصولي للحياة
لكن عشان بحس إنه شهر البدايات
بدايات القصص الرائعه
بوست دافي فعلاً :)

كل نوفمبر و إنت طيب :)

reemaas يقول...

واااااو

رغم انى مش عارفة ليه نوفمبر هو احلى حاجة فى السنة عند كتير,,عندى قناعة انه بسبب الفيلم:)

بس البوست روووعة من احد الحاجات اللى هتخلينى احب نوفمبر ;)

نهر الحب يقول...

وجاء نوفمبر...!!
ويمضي نوفمبر...!!
إلى نوفمبر....
...

نوفمبر صحيح شهر مميز
بس..تعرف
ماينفعش نمسك في وقت عشان مايمشيش
ما ينفعش نمسك في لحظة عشان متبقاش مجرد ذكري...
بكل بساطة..وبكل ألم...فيه حاجات ماتنفعش مهما حاولنا وعاندنا..

بس...
فيه حاجات لازم تبقى كدة...لازم تبقى مجرد ذكرى حلوة نفتكرها ديماً..

ولازم بجد تفضل حلوة في عينينا..ويمكن لو كانت بقت حقيقة زي ما اتمنيناها وحاولنا نمسك فيها...يمكن منلاقيش فيها اللي كنا فعلاً بتمناه...

""لا اطلب منك البقاء للابد.. ولكن.. فقط .. دعني استمتع بك اقصى قدر من الاستمتاع. ""

علشان كدة...ممكن نضيع لحظة حلوة واحنا بنحاول نفكر في بكرة لما تسيبنا...
الأحسن نستمتع علي قد ما نقدر باللي حاصل لأنه حيخلص...أكيد حيخلص..وحيجي بكرة...ديسمبر يمكن بأسرع ما كنا نتصور
..........

أيها الـ (نوفمبر) العظيم.. أخشى نسيانك....

كلنا نخشى النسيان....ونتمناه...
لكننا لا ننسي....نحن...نتناسى
...

بتذكرك بالخريف
الأغنية دي
ده وقتها....

........
الفيلم
أكثر من رائع طبعاً
لكني بقالي كتير أوي ماشوفتهوش..أو بخاف أشوفه لأنه يبكيني

E73 يقول...

هو اشمعنى نوفمبر؟!!

الاقي "يني" عنده معزوفة بعنوان "نوفمبر سكاي"

والاقي صحبتي عالفيس كاتبة بتقول وأخيرا جيت يا نوفمبر

وألاقي هنا نوفمبر له وقع خاص

متعرفوني يا جماعة هي ايه حكاية نوفمبر نوروني انا اصلي مش واخدة بالي ^_^

يكونش عيد الطفولة!!

E73 يقول...

صحيح نسيت أسأل ^_^

هو الفيلم المرادي اسمه ايه؟

حبات التوت يقول...

انا بقيت اخاف الفليم دة عشان بيخلينى اعيط
تدوينةفيها مشاعر حلوة زى سويت نوفمبر

ويلا

Timo.. يقول...

لولا وزهـراء:
انا عارف اني بقالي كتير مختفي من عالم التدوين..
بس ها اقولك ايه..
كلنا بنلف نلف.. ونرجع هنا تاني..
للجو الدافي..
وما اقدرش ييجي نوفمبر من غير ما اغازله واقوله وحشتني
زي تعليقك اللي بيوحشني :)

Timo.. يقول...

Baskouta:
..والاحلى من التدوينةوجودك يا حسنا والكلام ده بجد مش مجاملة :)

صحيح نوفمبر شهر شتا بس من غيره مش ها نعرف طعم الدفا.
يا رب ايامك كلها دفا.

Timo.. يقول...

شيرين سامي:
كل يوم في نوفمبر وانت طيبة:)
اخبار كتاباتك ايه؟
انا عارف اني مختفي بقالي فترة بس صدقيني انا اللي باخسر الجو الدافي اللي في بلوجر.

عيد ميلاد سعيد يا شيرين :)

Timo.. يقول...

reemaas:
بصي يا ري..
نوفمبر ده هو شهر الخريف..
واللي ممكن بحاجة حلوة تحصل فيه يتحول لفصل اجمل من الربيع.
وعشان تعرفي تشوفي نوفمبر كويس محتاجة تيجي هنا مكاني وتبصي
بس قبل كل ده محتاجة تشيلي ايدك من على خدك :)

مساءك قرنفل يا ريماس:)

Timo.. يقول...

نهر الحب:
وجاء نوفمبر...!!
ويمضي نوفمبر...!!
إلى نوفمبر....

انت كده ها تجمعي الخيوط كلها وها تكملي الصورة قبل الناس كلها.. بس يا ترى ها تكسبي ايييه..؟؟

"فيه حاجات لازم تبقى كدة...لازم تبقى مجرد ذكرى حلوة نفتكرها ديماً..
ولازم بجد تفضل حلوة في عينينا..ويمكن لو كانت بقت حقيقة زي ما اتمنيناها وحاولنا نمسك فيها...يمكن منلاقيش فيها اللي كنا فعلاً بتمناه."

عندك حق..
بس فيه احتمال تاني (ممكن) انها تكون زي ما اتمنينا..
وعشان الاحتمال ده مهما كان صغير..
أنا هنا..
وباكتب عن الحاجات دي.

Timo.. يقول...

E73:
أولا انت فين من زمااااان..؟؟
ثانيا فين مدونتك..؟ اختفت ليه..؟
ثالثا نوفمبر ده شهر الامنيات..
شهر الخريف..
بداية الشتا والبرد اللي بحسسنا بمعنى وقيمة الدفا.

واخيرا مبسوط قوي انك جيتي هنا :)

Timo.. يقول...

E73:
نسيت اقولك ان تقريبا انت المواطنة الوحيد اللي في العالم ومش عارفة الفيلم
sweet November

Timo.. يقول...

حبات التوت:
غالبا كل الحاجات الحلوة بتخلينا ..نعيط..!!

كل نوفمبر وانت منوراني :)

Sarah .. يقول...

دى " :) " كفاية .. أعتقد ؟!
:)

بس مش عارفة إنت كنت كاتب حاجة شبيهة بالبوست دا قبل كدا , أو كنت ربطت الغنوة دى ببوست تانى

أو يمكن دا هاجس الديجافو اللى عندى
!!

يمكن .. :)

Timo.. يقول...

ٍSarah:
دي كفاية قوووي :)

لأ انت كويسة يا سارة
انا فعلا كتبت حاجة قريبة في بوست من تلات سنين وكمان ربطت الاغنية ببوست من سنتين..

استنيني كل نوفمبر :)

Miss LoZa يقول...

هو أنا كنت جاية أقول شكرا على الكومنتس الحلوة الى عندى
وبعدين
لقيتك بتمدح فى نوفمبر قوى وسايب ديسمبر يا حرام
ديسمبر ده اصلا أمور وعسول ومسكر :P
كفاية أنى أتولدت فيه اصلا :$

وأخشى وجودك الذي يلاحق ذاكرتي كل شهور السنة..

عجبتنى جدا دى

خليتنى اقرأ حاجة وأنا بقالى كتير قوى قوى ماقريتش

شكرا بقه بقه :)

Bent Men ElZman Da !! يقول...

بحب اوى ارتباط الاشخاص بـ اوقات وشهور معينه
مش عشان اسباب محدده
لكن عشان الواحد بيلاقى نفسه فى الوقت ده بالذات مبسوطه وحاسس ان الوقت ده فعلا بتاعه
انا على عكسك بحب ديسمبر
مش عشان شهر ميلادى او ميلاد زوجى
بس عشان معاه بحس بجد بالشتاء
والشتاء بالنسبه ليا حياااه كامله لوحده :)

ربنا يجعل كل ايامك نوفمبر :)

رباب طلعت يقول...

كنت بستغرب من تعلقي بنوفمبر كشهر عادي ملوش معايا اي ذكرى لكن على ما يبدو ان لنوفمبر سحر خاص على الناس كلها .. عجبتني التدوينة وعجبني احساسها واحساس دفى نوفمبر

غير معرف يقول...

Happy Sweet November <3<3

Timo.. يقول...

Miss LoZa :
نوفمبر شهر الامنيات..
ويستحق اننا نكتب عنه..
تقريبا فيه ناس تحب ديسمبر
وناس لأ,,
لكن مفيش حد مابيحبش نوفمبر :)
كل سنة وانت طيبة قبل ديسمبر ما ييجي :)

Timo.. يقول...

Bent Men ElZman Da :
حلوة الدعوة دي..
وانا كمان بما ان ديسمبر مميز قوي عندك ها اقولك ربنا يجعل كل ايامك ديسمبر :)

مبروك الزواج
وربنا يسعد ايامكوا :)

Timo.. يقول...

رباب طلعت:
انت كمان اتعلقت بنوفمبر من غير ذكرى محدده..
وده يثبت ان نوفمبر له كاريزما خاصة عند كل الناس.
نورت المدونة في زيارتك الاولى :)

Timo.. يقول...

غير معروف:
Happy Sweet November to u.. too..!!

Butterfly يقول...

جميله بجد :)

gogo!sf يقول...

كل نوفمبر وانت بخير يا تيمو

re7ab.sale7 يقول...

ولكن..
فقط ..
دعني استمتع بك اقصى قدر من الاستمتاع.

بتذكرك كل ماتجي لتغيم..
وجهـــــك بيذكّـر بالخـريـف..
القصة مش طقس ياحبيبي..
هي قصة ماضي كان عنيف..
بس هلأ..مابتذكر شكل وجهك.!
بس بذكر قديش كان أليف..!!
وبتضل تذكر ما بتنسي
وبتضل تتمني لو بس يبقي شوية نوفمبر...بس لآنه بيذكرك ؟...بالحب

ريـــمـــاس يقول...

مساء الغاردينيا تيمو
لن يغيب نوفمبر مهما غاب ورحل
لأنه حمل في جيب أيامه ذكراها ودفئها الخاص "
؛؛
؛
رغم قلة كتاباتك تبهرني لأكون هنا
لروحك عبق الغاردينيا
كانت هنا
Reemaas

Nesreen Mohamed يقول...

ليت عندي شهر مميز مثلك :)
ولكن للاسف من كثر ما الواد اتبعتر في كل شهر شويه بقي يتمني ان السنه تولد بشهور جديده ...

ماعلينا :)

المهم انك في نوفمبر استمتع بقي وعيش كل اساس فيه علي انه الاخير :))

الحياه كدا

Nadeen salama يقول...

صباح الخير

تامر

ذات نوفمبر ولد الرجل الذي احب

ومن ذلك الوقت وحتى يغيبني الموت

سيبقى بيني وبين هذا الشهر رابط

خفي...يجذبني تارة للارض

ويقذفني احياناً للسماء


اهلاً بعودتك يا صديقي

وشكراً ل نوفمبر ان جاء بك

بعد طول غياب

"اشاطرك المزاج والاحساس"


دمتَ خلاق

Nadeen salama يقول...
أزال المؤلف هذا التعليق.
Story pain يقول...

كل ما اعرفه.. هو اننا نمر بنوفمبر وهو لا يحدث الا مرة واحدة.

نوفمبر...شهر الاحلام التى نعيشها مرة واحدة..ونحيا بها باقى الشهور ...وباقى العمر.

بوست يحمل حنين الخريف ..وألم الذكرى..فى نوفمبر


doaa elattar يقول...

احم احم احم

طب أنا جيت بعد نوفمبر ينفع أعلق ولا خلاص نوفمبر خلص ومش ينفع نجيب في سيرة حد غايب :D :D

اممممم أنا هعلق عشان معنى نوفمبر مش عشان نوفمبر نفسه... نوفمبر بيخلص لكن المعنى هو اللي ممكن يخللي أي شهر مميز زي نوفمبر

أنا مقتنعة إن في ذكريات بنحطها تحت بند ذكريات سعيدة حد الألم

الأحداث نفسها أحسن حاجة حصلتلنا .. لكن المؤلم إنها خلصت وبقت ذكرى

أيها الـ (نوفمبر) العظيم..
أخشى نسيانك..
وأخشى وجودك الذي يلاحق ذاكرتي كل شهور السنة..
واعرف انك ستختفي بميلاد ديسمبر.!!

بنخاف ننسى الذكريات دي لأن لو نسيناها مش هيتبقى لنا حاجة حلوة نفتكرها ونتمنى لو ترجع ... وفي نفس الوقت بنخاف وجودها اللي مش مخلينا نشوف حاجة أحلى رغم إنها بقت ذكرى

وكل نوفمبر وانت طيب :)

Timo.. يقول...

gogo!sf:
كل شهر مميز في حياتك وانت طيبة:)

Timo.. يقول...

re7ab.sale7:
فقط..لانه يذكرنا بالذكريات..
اجمل ذكريات..!!

...!!!

Timo.. يقول...

ريماس:
ودائما ما تبهرني تعليقاتك المميزة ريماس..
ودائما ما تتركي بالمدونة عبق اجمل غاردينيا :)

Timo.. يقول...

Nesreen Mohamed:
اتمنى لك شهرا (واحدا) مميزا من كل شهور السنة..
ولكن..تذكري..

قد يكون التميز حد الالم..!!

Timo.. يقول...

Nadeen salama :
"اشاطرك المزاج والاحساس"
من اين لك بهذا التعبير العميق..؟؟
مازال يبهرني كلما قرأته..!!

"ذات نوفمبر ولد الرجل الذي احب"
وكان اجمل لحظة ميلاد لـ (نوفمبر)..!!

امتعني وجودك فوق الوصف يا صديقتي :)

Timo.. يقول...

Story pain :
نوفمبر...شهر الاحلام التى نعيشها مرة واحدة..
و(نتألم)بها باقى الشهور ...وباقى العمر..!!

like ur comment :)

Timo.. يقول...

doaa elattar :

"ذكريات سعيدة حد الألم"
اعدك ان يكون عنوان بوست..

ليس لانها الذكريات الافضل.. لكنها تبقى الذكريات الاكثر تميزا..
وبها يقارن كل الحاضر الذي ينهار خاسرا امام تلك المقارنة الظالمة..!!

آخر جملة بالتعليق..
أتفق معك تماما:)

E73 يقول...

انا دورت عالفيلم وملقتهوش لو تعرفله رابط حطهولي

حالة من الانسحاب >_<

richardCatheart يقول...

كل سنة وانت طيب يا تيمو يارب سنة سعيدة عليك

غير معرف يقول...

kol sana wenta tayeb