الاثنين، أبريل 21، 2014

لحظة ميلاد..



اختفيت الفترة اللي فاتت (رغم انه كتير مش هاياخدوا بالهم)
عشان كان عندي معركة للانتصار على حالة مرضية غريبة..
نوع من القتال الصامت..
والحمد لله.. ربنا كان جنبنا واتغلبنا على جزء كبير منه..
رغم انه محدش فاهم حاجة..
بس ان انا فاهم.. وده لوحده كفاية..
مش لازم كل الناس تفهم.. لانها حاجة سخيفة قوي ان كل الناس تحاول تفهم كل جزء من حياتك لدرجة ان مايبقاش حاجة ليك انت وبس..!!
المهم ان الهدوء اللي حسيته بعد انتهاء العاصفة هو اللي بيعبر عنه
James Horner
في مقطع موسيقي من اروع المقاطع اللي كانت في فيلم
 
Beautiful Mined

اللي عاوز يفهم اللي انا اقصده يسمع المزيكا المرفقة
 ويركز قوي على الدقيقة  1:58

وهو ها يحس يعني ايه "لحظة ميلاد"

الحمد لله ..بقلبي.. قبل لساني.



هناك 25 تعليقًا:

رحاب صالح يقول...

اكيد انا واخدة بالي انك مختفي
بس عارفة انك بتختفي وبتيجي تاني
وكنت مستنية انك تيجي
انا فاهمة اووي معني اكلامك
ومش مهم انك تقول
المهم انك تكون فاهم ومش مهم الباقي يفهم ...
خللي كل واحد يفكر بطريقته ويفهم بطريقته
خرج الي جواك
وانتصر علي المك
خليك شجاع مع نفسك قبل ما تكون شجاع مع غيرك

Nour يقول...

مش مهم كنت فين ومش مهم كان فيه ايه .. اهم حاجة انه عدَى فالحمد لله :))
بكون مبسوطة اوي لما بلاقي الناس اللي بدأت ادون وانا بقرالهم رجعوا يكتبوا تاني، حاول ماتبعدش كتير

Do3aa El_attar يقول...

لما لاقيتك كتبت بوست جديد ابتسمت بفرحة :) .. يمكن دي خطة خبيثة منك إنك تقلل وجودك عشان لما تيجي نفرح (نيتي شريرة أنا :D)

المهم إنك بخير ياتيمو .. وفي حاجات ربنا بيخليها تحصلنا عشان نوصل لـ "الحمد لله" بالقلب قبل اللسان .. ربنا بيكون حابب يسمعها مننا بقلبنا :)

الحمد لله .. يارب دايماً تكون بخير ^ــ^

Story pain يقول...

after the storm comes a calm‬‏

وصولك للحظة الميلاد ...وصولك للهدوء وأنت بتقول (الحمد لله)...معناه ان العاصفة عجزت عن هزيمتك وكمان بينتلك اد ايه انت قوى ..بينتلك تتمسك بايه جامد اوى لما تيجى عاصفة تانيه....

على فكرة..اجمل الاسرار اللى بتباه بينا وبين نفسها ...ماحدش عارفها غير ربنا.

يارب تكون دايما بخير واقوى من كل عواصف الحياة

نهر الحب يقول...

حمدا لله على سلامتك
......

ديما لحظات الاختفاء...والوجع.....والصمت...وعدم فهم أي حد ليك ....بتكون صحيح لحظات صعبة بس يمكن هي دي اللحظات الوحيدة اللي بنقرب فيها لنفسنا ونستعيدها وساعتها فعلا مش بيبقي حد من اللي حوالينا حتى الناس القريبين فاهمين احنا مالنا عشان كمان احنا اللي بيدور جوانا جوانا اووووي اوووي كأنه وسط البحر لدرجة اننا لا قادرين نطلعه ولا نشرحه ولا نفهمه ومهما شرحنا محدش حيفهم
.....

ع العموم الحمد لله انك رجعت بالشكل اللي يريحك لأن الدوامة اللي بتكون جوانا بتبقى متعبة أوووووي أووووي
:)

sony2000 يقول...

حمدلا علسلامه

هكذا تحدث الشاعر يقول...

اختياراتك الموسيقية جميييييييييييييييييلة قوووووووووووووى

نيللي علي يقول...

أولاً ألف حمد لله على السلامة
ثانيًا: نفسي الناس تفهم أن الإنسان حر في حياته وحر يبوح ويكتم سرها وده مش معناه أبدًا أنه مش عاوزهم معه بس هو مش عاوز يتكلم عنها وخلاص لأنها حياته..موضوعك رائع وإن شاء الله يتيح لي الوقت أن أرد على موضوعك بموضوع بيدور في نفس فكرة موضوعك!

لك مني كل التحية!

Bent Men ElZman Da !! يقول...

حمدالله علي السلامة :) المهم إنك بخير

hana يقول...

إن شاء الله ايامك كلها خير وسعاده

نورت بإحساس حروفك الجميل وطلته المميزه :)


heba atteya youssef يقول...

كل منا يمر بفترة اختزال أحيانا تطول
وكنها سرعان ماتنتهي
عود حميد
دمت متميزاً باختياراتك المنتقاه بعناية

Unknown يقول...


thx

شركه تنظيف

Tamer Moghazy يقول...

رحاب صالح:
حاضر

Tamer Moghazy يقول...

Nour:وعشان كده.. انا رجعت

Tamer Moghazy يقول...

Do3aa El_attar:
تصدقي ممكن برضه احط كلامك في الخطة..؟؟

Tamer Moghazy يقول...

Story pain :
صح جدا..

Tamer Moghazy يقول...

نهر الحب:
اولا: الله يسلمك (وطبعا ده صدى الصوت بعد الصوت بسنه )
ثانيا: اديني رجعت اهو..

Tamer Moghazy يقول...

Sony 2000:
الله يسلمك :D

Tamer Moghazy يقول...

هكذا تحدث الشاعر:
شكرا يا فندم :)

Tamer Moghazy يقول...

نيللي علي:
ولوجودك مني كل التحية :)

Tamer Moghazy يقول...

Bent Men ElZman Da :
الله يسلمك..
الحمد لله..انا تمام

Tamer Moghazy يقول...

hana:
شكرا لمرورك ومتابعتك :)

Tamer Moghazy يقول...

heba atteya youssef :
شكرا للمتابعة..
وعذرا في التاخير

Mona Shereif يقول...

حمد الله علي السلامه
يارب انا كمان

Tamer Moghazy يقول...

Sometimes:
ان شاء الله وانت كمان.. بس انوي :)