بِحلوه..بِمُره.. كُله بيتسخط لمفيش!

مفيش إحساس لحُسن الحظ ، ولسوئه مابيعديش..

مفيش ولّا طعم حاجة من اللي بتدوقه مسيرُه يعيش

بحلوُه.. بمُره.. كُله بيتسخط.. لمفيش !!
 

إحساس إنك جوّه مشهد أو حدث كبير قوي ، وإنك واقف ع المنصة لوحدك ، وان كل الأضواء والكاميرات متسلطة ليك أو عليك..
وان كل حاجة في المشهد بتتعمل بإيقاع متناغم لمجرد (بس) إنه يوّاكب المشهد واللي مش بيدوم للأبد لأنه -وببساطة- بعد شوية أو شويتين المشهد بيتغيّر والعدد بيّقل من الصورة!
الأضواء بتختفي ، والفلاشات بتخرج من المشهد..
الكاميرات بتنسحب واحدة..  ورا التانية !
العمال كل واحد اخد (سبوت لايت) معاه.. ومشي!
صوت الحركة بيّقل ، الخطوات بتبعد خطوة ورا التانية..
لحد صوت خروج آخر رِجل م المشهد..
لحد.. مايفضل.. إنت.. وبس..
انت.. وبس في المشهد !

بُص فوق.. و فُوق شوية..
هتشوف لمبة.. أو إتنين.. أو يمكن تلاتة..
كانوا هناك.. موجودين.. في أول المشهد.. أو حتى من قبله..
عشانك انت موجودين..
هُما دول اللي هايكملوا ، هُما دول اللي هاينوّروا المكان حتى بعد ما(إنفض) المولد ، حتى بعد ماخِلص المشهد.
يمكن وسط الزحمة ماكانوش باينين ، ماكنتش شايفهم وسط الزحمة والدوشة من الأغراب..
مش المُهم انك ماخدتش بالك من وجودهم من الاول..
بس الأهم انك تاخد بالك إنهم دايما موّجودين.. موجودين (بس) عشان ينوّروا لَكْ حتى لو مفيش ناس.. حتى لو مفيش مشهد.
حاول تمسك فيهم.. بإيديك.. أو سِنانك
(جايز) مايكونش نورهم بقوة الباقيين ف المشهد..
بس الأهم.. إنهم دايماً هايكونوا هناك.. حتى لو مفيش مشهد!
موجودين..
عشانك.. وليك.. موجودين.

يا سبحان اللى بيعودنا ع الحاجة..فاننساها..
وبيخفف كاسات الناس بميه.. بدال ما يملاها..
عشان طعم اللى فيها يروح..
عشان طعم اللى فيها يخف..

  20-02-2015

قصيدة تفرانيل

بين الأبيض.. والأسود

"يَاللي بتسأل عَن الحيَّاه ، خُدها كِده زَي مَاهي ، فيها إبتسَامه وفيها آه ، فيها آسيه وحنيه‏"

(هي) تعشق كل ما هو قديم ، لكنها تتوه بين قصتين لا تعرف أيهما قصتها الحقيقية ، فهل هي مصممة الديكور التي تعمل في عالم السينما؟ أم إنها الزوجة التي تعمل مدرسة للرسم ولديها طفلة من زوجها ، وتعيش بعيداً عن صخب القاهرة؟

(هي) لا تشعر بنفسها في أي من العالمين..
(هي) تشعر بالظلم.. والقهر.. والغضب ..وأحيانا.. الاهانة.
(مَها) التي طالما عشقت السينما ، وطالما بحثت عن حياه خاليه من الضغوط ، مليئه بالمتعه ، لكنها تعاني من روتينية الحياة وخفوت الاضاءة التي فرضها عليها مشهد الحياة ، وقلة الاختيارات التي هي على حقيقتها مجرد خيارا محدداً مسبقاً مابين الأبيض والأسود!

ولأن العقل البشري هو الوغد الأكبر في تاريخنا الانساني ، فكانت النتيجة الحتمية لكل تلك الضغوط والصراعات بأن يهرب عقلها من كل هذا ، أن ينجح في إختلاق عوالم موازية تحقق بها حرية الاختيار للمرة الاولى.. وتجمع بين كل ما ترغبه من خلال الشخصية الحقيقية والخيالية ، وبرغم ذلك فهي لم تختار أيا منها ، هي فقط لاتريد مواجهه مشاكل كل حياه عند كل تنقل من حياتها كمصممة ديكور الى ربة منزل والعكس ، فهي تفضل الهروب بدموعها ، أو بالانسحاب من المشهد او المكان عن انها تقف بشجاعه وتواجه حقيقه الأمر أوالمشكله.
لكنها مع الوقت تتوغل في العالمين الى الحد الذي تختلط فيه الاحداث بين الواقعي ، والخيالي..  وللمرة الاولى تجد نفسها على حافة الاختيار بين الحياتين ، وللمرة الاولى يصبح عليها اختيار ما تريده حقاً ، لتصل عند النقطة التي يجب ان تتخلص فيها من خيالها الذي يلعب ضد القوانين الكونية والذي خلق الشئ ونقيضه في ذات الوقت ، لتكتشف بالمشهد الأخير ان الحياة بها المزيد من الألوان.. والاختيارت.. فالحياة ليست مجرد خياراً مابين الأبيض أو الأسود فقط.. لكنها تركتنا عالقين عند تلك نقطة مع تساؤل بلا إجابة.. أي تلك العوالم حقيقي؟ وأيهما يستحق الوجود والاستمرار!

رؤيتي للفيلم الرائع: ديكور
تامر مغازي

على الهامش: 

• المشهد الاخير – تحديدا الثانية الاخيرة – هي صوت اصابع الساحر لنستفيق من جلسة التنويم. 
•  فريق عمل الفيلم بصق "بشياكة" قي وجه سينما السبكي واعوانه.