السبت، سبتمبر 04، 2010

البحث عن السعادة..!!

اذا كنت تملك حلم..
عليك ان تسعى لتحقيقه..
اذا أردت شيئا، كافح من أجله..
لا تسمح لأحد أبدا ان يهزمك..
لا تسمح لاحد أن يقول لك أنك لا تستطيع فعل شيء ما..
الناس الذين لا يستطيعون تحقيقه،
هم الذين سيقولون أنك لا تستطيع.

هذا..جزء بسيط من قصة حياتي..
حينما يتجمع كل من (البؤس) و (الشقاء)..
و... (سوء الحظ)..!!
مع ارادة قوية لمطاردة السعادة وسط كل هذا..
هذا هو الجزء الذي يسمى...
البحث عن السعادة..
لا زلت أذكر تلك اللحظة..
حين بدا الجميع في غاية السعادة..!!
سألت نفسي..
لماذا لا أكون مثلهم..؟!
كانت هذه اللحظة التي بدأت أفكر فيها عن "توماس جيفرسون"
و ما كتبه بوثيقة "اعلان الحرية"
و بالتحديد..
ذلك الجزء الذي يتحدث عن الحرية في السعي وراء السعادة.
أذكر تماما ما كنت أفكر فيه.
لقد تساءلت كثيرا..
كيف عرف أنه عليه استخدام لفظ " السعي"
وليس (البحث)..؟؟!!

ربما السعادة اذا تم البحث عنها فقط.....
في الحقيقة، قد ..لا... نجدها.. أبدا..!!

وهذا ما فعلت..
وما افعل..
حتى هذه اللحظة..!!
لكن نحصل على السعادة..
علينا ان نسعى اليها..
يجب انت (نتعب)..
حتى....(نرتاح)..
هذا الجزء من حياتي..
هذا..
الجزء..
الصغير...
من حياتي..
هو ما يسمى..
......
......... السعادة.

...............................على الهامش.......................
الفيلم اعمق من كلمة رائع..
يحتاج الى صبر في مشاهدته..
يحتاج الى تحمل كل (بؤس) و(شقاء) الحياة..
حتى نشعر(بالسعادة) لمجرد (لحظة) بآخر الفيلم..
الفيلم الرائع:
The Pursuit of Happiness
تامر مغازي
04-09-2010

هناك 133 تعليقًا:

حروف يقول...

الفيلم دة شوفت اعلان ليه في اوبرا وينفري عشان الولد اللي في الفيلم دة ابن ويل سميث الكبير وويل عمله انتاج لفيلم لابنه مع جاكي شان :)

عايزة اشوف الفيلم اللي انت كاتبه ده :)

Tamer Moghazy يقول...

Baskouta:
ديما...انت...هنا..
وديما باستنى تعليقك..هنا..
منوراني يا توته :)

Tamer Moghazy يقول...

حروف:
الفيلم ده لااااازم تشوفيه..
اكتر من رائع وها يفرق معاك كتير :)

Kiara يقول...

صح جدا ياتيمووو


لازم نسعي للشي مهما كان عشان نحققه

لازم نسعي للحلم للفرحه للهدف

المهم نسعي مش نحط ايدنا علي خدنا

اخيرا نزلت بوست :)

Tamer Moghazy يقول...

كيارا:
والله التاخير غصب عني وبعدين انا باكتب بوستات كتير بس بلاقي انها مش تنفع للنشر لانها كلام شايله لـ (فريدة) وبس :)
نورتني وكل عيد وانت بكل الخير :)

Kiara يقول...

ربنا يجمعك بيها علي خيييييييييير ياااااااااااااااااارب ويكون قريب اوي كمان

Tamer Moghazy يقول...

كيارا:
ايوة كده يا منى والنبي ادعي على طووول يمكن الدعوة تيجي في فريدة وتسمعها :)

Kiara يقول...

ياااااااااارب

ومش تقلق علي رامى انا كلمته وهو كويس :) وضحك كمان

Kiara يقول...
أزال المؤلف هذا التعليق.
Old Blogger يقول...

مشوفتوش للأسف
بس أحترم ذوقك اللى اختار cast away :)

البحث عن السعاده
البحث أو السعى ..
مش يمكن يكون المنطق نفسه غلط !

ما نجرب نستناها احنا
يمكن هى بتحب تيجى على مهلها
من غير زن !..

Tamer Moghazy يقول...

ابتسام مختار:
انا متاكد انك لو شوفتي الفيلم ده ها تحبية جدا..
وكمان الموسيقة بتاعته راقية جدااا
بجد ميرسي على ثقتك بذوقي وها احاول (مش اخذلك) :)

همسات وبحــ الحياه ــر يقول...

تيمو اخيرا ياراجل حطيت بوست جديد :)
مسائك سكر زيادة

كلامك مظبوط والله
اكيد لازم اتفرج على الفيلم دا :)

:
لا تستمع أبدا للأشخاص السلبيين واليائسين
سوف يبعدونك عن أحلامك المحببة والامنيات التي تحملها في قلبك
دائما كن حذرا من قوة الكلمات؛ فكل ما تسمعه وتقرأه سيتدخل في أفعالك
لذلك
كن دائما إيجابيا
وضع اصبعك في أذنيك لكي لا تسمع ذلك الشخص الذي يخبرك أنك لا تستطيع أن تنجز أحلامك
وضع في اعتقادك أنك تستطيع النجاح دائماً

مفيش حد بيحط في دماغه فكرة ويعيش علشانها..ويبذل جهده علشانها...إلا لازم يحققها قبل أن يموت..

Sahar Elgafary يقول...

بسم الله والصلاة علي رسول الله
وكأنك لمست الحقيقه في جزء من الحقيقه ...
فالجزء هو أدراك أن السعي وراء هذه السعاده هو المبتغي حتي المنتهي..
والسعي بمفهومي المتواضع الذي لا أعرف إن كنت سأصيب في تعريفه أو أخطيء...هو الهرولة وراء واجهة أو هدف نعرفه ..نراه..وندركه..
كمثال : أنا أسعي وراء أحلامي ..إذا أنا أعرف ماهي أحلامي وعنوانها..

أما البحث فهو شيئا نعرفه بداخلنا هنا تحت الضلوع أو بين الجمجمه..لكنك لاتعرف أبدا كيف تحصل عليه..فتستعين بكل أدواتك للبحث عنه..بخريطه بقي ..بفاس..بعلم..بالأستعانه بصديق..
أو أيه..بالأستعانه بالله..

إذا: كل منا سعيه وراءالسعادة يختلف..باختلاف ماهييتها ...
وأدواته في البحث تختلف..
فمنا من يبحث عنها بضوء زائف ..كشاف صيني مثلا..
ومنا من يبحث عنها بضوء ثني الله ..

وأوافقك تماما أن في جميع الحالات يجب أن نبذل جهد كبير مساوي له(الهدف) في القوه ...حتي يصل الينا ضده في الأتجاه الصحيح (يعني ما نشطبش بنزين في نص الطريق)

وعن نفسي أحب طريق الله الموصل لكل نعيم..فلقد أدركت من زمن أنه لانعيم يرضيني علي الأرض..فأحاول أن أكون أذكي ..
فمع الله فقط تكون قوتك ضعيفه(في الأعمال والعبادات) فيعطيك سبحانه أكبر قوه مضاده عباره عن رحمات..تشفي غليلي.. من هذه الدنيا الباليه وتحقق آمالي في أوسع العبادات....
فهل أدركتم الي أين مسعاكم وأين تبحثون عنها
إنه النعيم الأبدي أعمل الأن لآخذ غدا كل ما تمنيته علي الأرض ولم أناله.. بجوار من ...؟! من عنده اللذات فيما لاعين رأت ولا أذن سمعت ولا خطر علي قلب بشر..

أدعوا الله العلي القدير أن يمكننا من طاعته ولا يفتننا بأهوائنا ..حتي نلقاه ..ويجمع شباب المسلمين عل ضالتهم في نوره ورضاه..في الدنيا والآخره.

أأسف للتطويل ..
أول مره أعملها...
دعوه خاصه لقراءة هذه القصه الحقيقه لفتاه ريفيه مصريه ربما نعتبر منها في شيء..
الجزء الكامل والأول ل(شيطان يرقص في بيتي) .

مي يقول...

يايموووووووو يا جامممممممممممممد عارف لو زعلان منى هقطعك طرنشات نونو والله مابدخل اعلق الا نادرا انت عارف رمضان ووحوى ياوحى والكنافة مهيسانى خالص
اخيرررررررررررا بوست
ده انا بستنى البوست بتاعك يا مخ انت
المرة دى الكلام روعة بجد وشكل الفيلم اروع ومكنش اعرف ان ده ابن ويل سميث
منك نستفيد
وحشتنى ومتاخرش لحسن بجد بجد هقتل فريدة
هع هع هع
كل سنة وانت طيب يا جميل ومفيناش من زعل
انت عارف انت غالى عندى اد ايه :)

sony2000 يقول...

شوفت الفيلم
وبجد رائع اوي
فكرته فلسفيه
ذي فيلم 1000 مبروك بالظبط
واخر جمله فيه
(مااعظم ان تكون غائبا حاضرا..........علي ان تكون حاضرا غائبا)

مجرد حلم صغنتوت يقول...

اذا أردت شيئا، كافح من أجله..
لا تسمح لأحد أبدا ان يهزمك.

المشكلة بقى لما تلاقي الحاجة اللي انت عايزها بقى عليها ضباب ومعدتش واضحة اصلا قدامك
ساعتها تحس انك تايه ومش عارف تتعب علشان تعمل ايه اساسا؟ ما هو الحاجة اللي انت كنت ناوي تموت نفسك علشانها مش موجودة اساساً
ساعتها تعمل ايه بقى؟
مش عارفة بصراحة
بوست جميل يا تيمو.. عايزة اشوف الفيلم من زمان بس لسه مشفتوش لحد دلوقتي

Rosie يقول...

>>ازاى كل مرة أحسك بتكتب عن موقف فى الحياة و بعدين يطلع فيلم..أنا بس عايزة أسئل سؤال هى كل الكتابات عن الأفلام؟؟
..أنا عايزة أعلق على كذا حاجة عاجبتنى من أول الأغنية لغاية كلمة" انا لا أدون لمجرد التدوين رجاء لا تعلق لا مجرد التعليق" ..وصولا لكلماتك..بس هو ده اسمه الأسلوب السهل الممتنع..

ميلودى سبورت يقول...

فعلا الفيلم حلو قوى

غير معرف يقول...

تيمو اخيرا ؟
مش صدقت نفسى لما شوفت لك بوست
وبعدين يا سيدى اكتب ومش يهمك اهه ع الاقل نتعرف على فريده من كتاباتك ربنا يجمعك بيها يارب
نيجى بقا للبوست مش ها قولك ان اختيارتك متميزه انت عارف انا بفضلها اد ايه
انا مش شوفت الفيلم ده ولا عمرى سمعت عنه زى ماانت عارف مش بشوف التلفزيون
بس كلامك عنه حسسنى انى على موعد مع حدث ها يغير مودى الفتره الجايه
الامل جميل وموجود بس انت عارف لو ماكنش موجود احنا لازم نصنعه صدقنى الامل بيتولد لما بنبتسم ونقول احنا لسه بخير
عارف يا تيمو طول ما قلبى بيدق ولسه فيا نفس بعرف ان اكيد لسه فى حاجه جميله مستنيانى
بكره اكيد احلى يا تيمو
طلب شخصى بقا انا عاوزه الفيلم زى ما تكرمت وبعت لى افلام قبل كده ده طبعا لما يسمح وقتك
مستنيه ...
انا استمتعت اوى بوجودى هنا النهارده
كون بخير

داليـ ـ ـ ـ ـ ـ ــــا يقول...

فى ناس ممكن تعيش عمرها كله
بحثا عن السعاده ولن تجدها

بس انتا قولت حته حلوه
اللى هى السعى مش البحث

تحياتى

داليـ ـ ـ ـ ـ ـ ــــا يقول...

نسيت اقولك
اسعى ازاى ايدى على كتفك

Noha Saleh يقول...

انا ماشوفتش الفيلم هحاول اشوفه ان شاء الله
يمكن دايما السعادة الحقيقية بتيجى لما بنتعب اوى
يعنى لما بنذاكر مثلا بننجح ولما بنتعب فى الشغل مركزنا بيزيد ولما نربى ولادنا كويس هنحصد تربيتهم ونفرح بيهم
ربنا قال
ان الله لايضيع أجر من أحسن عملا

مها البنا يقول...

البحث عن السعاده ..

ممممممم

أعتقد إن السعاده مقرونه بالرضا

فالرضا مع الطموح .. من أروع مفاتيح الحياه وأبسطها

تحياتى

Tamer Moghazy يقول...

دموع القمر:
"فكل ما تسمعه وتقرأه سيتدخل في أفعالك"
فعلا ناس كتير كان ممكن يعملوا حاجة لو وكلام الناس السلبيين اللي حواليهم منعهم..!!
"مفيش حد بيحط في دماغه فكرة ويعيش علشانها..ويبذل جهده علشانها...إلا لازم يحققها قبل أن يموت"
حتى لو مش حققها يكفيه شرف المحاولة.
تعليقك متمير كالمعتاد واسف جدا على التاخير :)

Tamer Moghazy يقول...

خيط الحرير:
"السعي وراء هذه السعاده هو المبتغي حتي المنتهي"
فعلا ده اللي الناس مش بتاخد بالها منه وديما كل واحد عاوز (يتأكد) انه ها ينجح من قبل ما يسعى..!!
نورتيني ومش ها تكون (اخر مرة تعمليها) (';')

Tamer Moghazy يقول...

مي:
ميوووووية (';')
ما خلاص انت ضحكت على بكلامك.. ومش عارف اعمل نفسي زعلان منك :) :D
(واوع تفتكريني مرعوب ولا خايف من حكاية التقطيع دي يعني) نووووووو...مش انااااا :)
انا دلوقت عرفت انا غالي عندك قد ايه بدليل انك جيت هنا، بس والنبي سيبك من موضوع قتل فريدة ده لحسن انا انا حاسس ان اعداءها كل يوم بيزيدوا (';' )

Tamer Moghazy يقول...

Sony2000:
كل فيلم ممكن نطلع منه بحاجة فلسفية (لو) بس اهتمينا بالتفاصيل و(دققنا) شوية آآآآآآد كده :)
وعندك حق طبعا في الجملة الاخيرة من (1000 مبروك)
كل سنة وانت طيب :)

الغاردينيا يقول...

احب الاسلوب الذي تسكب فيه انعكاس افلامك على روحك

فهو يولد احساس روحاني جدا

كنت هنا ^_^

Tamer Moghazy يقول...

مجرد حلم صغنتوت:
المشكلة الكبيييرة جدا اللي انت بتوصفيها هي (اعادة تحديد الهدف) اللي بيلاعبنا وبيغير مكانه كل شوية لحد ما نتعب من المحاولة..!!
عندك حق والله..
اسها اننا نعاني في الوصول للهدف الواضح.. من اننا نعاني من عدم وضوح الهدف..!!

"ما هو الحاجة اللي انت كنت ناوي تموت نفسك علشانها مش موجودة اساساً..ساعتها تعمل ايه بقى؟"

ساعات بسال نفسي السؤال ده لحد ما احدد هدف جديد..بس عندي مشكلة كبيرة..
اني برضة بافضل احاول في وسط الطريق اشوف الهدف القديم من تاني..!!!
ديما بيعجبني تعليقك......جدا :)

Tamer Moghazy يقول...

Rosie:
عارفة..
تقدري تقولي اني (بأستخبى) وراء الافلام عشان اقول اللي عاوز اقوله :)
بجد تعليقك ده فرق معايا لانه معناه انك متابعة وبتهتمي بالتفاصيل :)

"انا لا أدون لمجرد التدوين رجاء لا تعلق لا مجرد التعليق" كلمة نفسي اقولها بصوووت عاالي لان الناس بتكتب يومياتها وناس بتدخل (تسجل) مرورها (للاسف)
على فكرة..
ديما بيعجبني تعليقك :)

Tamer Moghazy يقول...

Admin:
الفيلم عميق جدا..
شبه الحياة اللي (لو) عاوزين نطلع منها بحكمة ها نطلع.
نورتني :)

Tamer Moghazy يقول...

الشوكة الناعمة:
"طول ما قلبى بيدق ولسه فيا نفس بعرف ان اكيد لسه فى حاجه جميله مستنيانى"
الفيلم ده بيقول ببساطة..
كل ما الدنيا بتغلق ابوابهااكتر..
كل ما الحياة بتبقى اصعب اكتر..
ما تقلقش..
لسه فيه لحظة حلوة....جاية.

موضوع فريدة ده انا بحاول اتعرف عليها معاكم :)

"كون بخير" كلمة حلوة قوووي :)
ربنا يملأ ايامك بالامل والسعادة

Tamer Moghazy يقول...

داليـــا:
الحكمة في (السعي) مش في (الوصول)
لما بننام ونحلم..
في احلام بتتحقق..واحلام مش بتتحقق..
بس المهم..
اننا ديما....نحلم.
كل سنة وانت طيبة :)

Tamer Moghazy يقول...

Noha Saleh:
بالضبط يا نهى..
احنا بنعمل اللي علينا وربنا بيقدر تعبنا احسن من اي حد..
ولو مش اخدنا حقنا في حاجة..
بنلاقيه في حاجة تانية بيتعوض..
وفعلا السعادة الحقيقية بتيجي لما نتعب قوي.
كل سنة وايامك كلها سعادة :)

Tamer Moghazy يقول...

مها البنا:
الرضا من اعظم النعم..
والسعادة بالـ(سعي) مش ها تتحقق الا بوجود الرضا.
ربنا يرضينا ويرضى عنا.
كل سنة وانت بكل الخير والسعادة والرضا :)

Tamer Moghazy يقول...

الغاردينيا:
بجد تعليقك هو اللي عمل لي بسمة عاملة كده :)
وولد جوايا احساس روحاني بعمق الكلام الحلو اللي انت قولتيه..
انا بجد باستخبى ورا الافلام عشان اقول (كلامي) :)
كل سنة وانت بكل الخير والسعادة

Story pain يقول...

بعد مطالبة المدونين..وإلحاح الغلسين (اللي هو انا طبعا )..استجاب تيمو لمطالبنا..وكتب بوست جديد :) :)

رغم اني قرأت أغلب البوستات لكن مالحظتش أن اغلب كتابتك بتبأه تعليق عن فيلم يمكن لأن البوستات اللى اثرت فيا ماكنش فيها الفكرة دي ..زي يوميات لذيذة جدا واعترافات سريعة..بس أكيد تعليقك عن الفيلم مش مجرد تعليق او نقد لكن بتخلينا نشوف الفيلم بطريقة مختلفة...فكرة جميلة جدا ومدونتك منفردة ومميزة بيها

تيمو ..لو لئيت التعليق متكرر احذف واحد...هو الصفح الكتيرة دي اللي بتتفتح لارسال التعليق..

Tamer Moghazy يقول...

Story pain:
اقولك سر..
انا (كتبت) بوستات..
لكن مش (نشرتها) :)
وبعدين انا لو اعرف الطلبات دي كنت نشرت من زمان.

على فكرة الافلام دي (الشماعة) اللي باعلق عليها أخطائـ...آآآ... قصدي بوستاتي (';' )
بجد مبسوط بالتعليق بتاعك
وان مدونتي بتعجبك (وش مكسووووف)

Ramy يقول...

timo

غيرت ليه الأغنية

بس دى جميله برضه

يا عم رامى يعنى متأخر و بتتكلم

معلش يا عم

(:

من عشمى

(:

أزيك يا باشا البوست الجميل دة

ربما السعادة اذا تم البحث عنها فقط.....
في الحقيقة، قد ..لا... نجدها.. أبدا..!!

أكيد السعادة مش بتتقاس بشيىء منطقى

او محسوس

السعادة شيىء متغير و نسبى من شخص لشخص

بس تعالى هنا

انت مش قلت هتعمل تدوينة عن فيلم

the lake house

ها يا عم

تسلم ايدك يا تيمو (:

فتــافيت (رحاب الخضري) يقول...

ايه يا تيمو ده
تعرف إني قريت المدونة كلها :)
تخيل بقى.. بجد عجبتني اوووووووي بجد جدا

انا قليل جدا لما ادخل اقرا مدونة كاملة..
اول بوست ليك يا راجا تكتب عن ديستوفسكي
ده أنت موسوعة بقى

عجبني اوي كلامك لفريدة.. بس عندي سؤال
ومعلش اصلي فضولية جدا
هي فريدة كانت موجودة.. ولا فريدة بتتمنى وجودها؟؟

البوست بتاع لحظة.. جامد جدا
الراجل الأجنبي ده.. انسان محترم يعرف يعني ايه مشاعر انسان .. ام احنا لسه اصلا مانعرفش يعني ايه انسان

بوست انت فين.. بجد مجرم
مجرم حاجة حلوة على فكرة :)

وأكتر بوست عجبني.. وزعلني في ذات الوقت
تعليق لا يلق... عجبني لانه فعلا حلو
زعلني.. لاني كاتبه بوست نفس الفكرة وكنت هانزله
بس بجد انت ابدعت فيه

نيجي بقى للبوست ده.. انا طولت صح
مش مهم بقى.. يجعل بوستات المدونين عمار

البحث عن السعادة.. يعني انك يمكن ان تجدها ويمكن لا
السعي للسعادة.. يعني إنها من المؤكد في اخر الطريق

مابحبش اوي الافلام الاجنبي
بس هانزل الفيلم واشوفه

سعيدة جدا بزيارتك..
واسعد كتيييير قرايتي لمدونتك

اووووووووووه كنت هانسى
كل سنة وانت طيب

Lady E يقول...

فعلا الفيلم أعمق من كلمة رائع

أنا بحبه جدا ولما بحب أحس بالأمل والتفاؤل بتفرج عليه

وكمان في أغنيه مركبه على الفيلم بس للأسف شالوها من على اليوتيوب ! لكن اسمها when you believe فالمشاهد من الفيلم مع الأغنية بجد حاجة مش معقولة

ده لينك الأغنية بس متركبه على فيلم تاني http://www.youtube.com/watch?v=E1wf1HrZrmA

safa7_karmooz يقول...

لكن نحصل على السعادة..
علينا ان نسعى اليها..
يجب انت (نتعب)..
حتى....(نرتاح)..

yep , ur right

This Movie is awesome really , i guess it's the best Movie ever 4 well smith

Ms Venus يقول...

تيمووو


انا مش شوفت الفيلم للأسف

بس اوعدك هشوفه

لانى واثقة جدا فى ذوقك


كل ثانية وانت بخير دايما


سامحنى على التأخير

غير معرف يقول...

قد ايه الاغنيه اللى انت حاططها دلوقتى دى حبيبة الى قلبى جدا

رائعه !!

اما عن الفيلم , فانا شفته , و عجبنى جدا , حسسنى انه واقعى , زى الحياه , تتعب 100 سنه عاشان لحظه سعادة كاملة , بتروح , عاشان هى لحظه , بس كفاية انها جت , و جابت معاها نور و امل هيفضلوا معاك عاشان تفضل تحاول تجيبها تانى

رائع :)

همسات وبحــ الحياه ــر يقول...

كل سنة وانت طيب ياتيمو

غير معرف يقول...

حينما يتجمع كل من (البؤس) و (الشقاء)..
و... (سوء الحظ)..!!
مع ارادة قوية لمطاردة السعادة وسط كل هذا..

طوول ما جوانا مؤمنين .. الإراده دي هتقوي .. وتقوي .. وتقوي .. لحد ما نوصل للي بنتمناه ..


عارف يا تيمو ،
فكرتني بكتاب the secret ..
كان برضو بيتكلم عن سر السعاده والنجاح ..
كان بيقول ان اهم حاجه الواحد يؤمن بنفسه وبقدراته .. ويتفائل ويخلي عنده امل في تحقيق حلمه ده .. ويحاول يعمل كل حاجه ممكن توصله لحلمه مهما كانت بسيطه في نظر اي حد ..
البني آدم مننا ليس الا مغناطيس هو اللي بيجذب الافكار الايجابيه والسلبيه ليه ..

بجد ، رغم ان ممكن اي حد يعتبره مجرد كلام نظري .. إلا انني قدرت احقق 3 حاجات بسبب الكتاب ده :) .. الحمد لله :)


لكن ، لو الواحد معندوش شوية امل واراده ، عمره ما هيحس بطعم الشقي المنعش لما الواحد يحلم بلحظة السعاده اللي جايه بعد الشقي ده ..!

عارف يا تيمو ،
لحظة سعاده واحده .. ممكن تنسينا كل حاجه وحشه مرت علينا .. :)

غير معرف يقول...

شوية شخابيط كده قبل ما امشي :

* علي فكره انا بعشق الاغنيه دي .. اووووووووي .. :)


* انا مشفتش الفيلم .. بس كنت بعلق علي كلامك ..
بس انت حمسني انزله واتفرج عليه :)


* اقولك علي سر ؟

انا مبعرفش اجي هنا الا وانا واثقه انني هقرا الموضوع واندمج فيه بكل حاسه فيا ..
يمكن عشان كده بتأخر شويتين :$
اعذرني :)


* كل سنه وانت بخير يارب :)

وياااارب العيد ده يبقي اجمل من اي عيد عدي عليك :)

Sahar Elgafary يقول...

بسم الله والصلاة علي رسول الله
إظاهر إن تطويل ي في التعليقات ستصبح سمه خاصه لي ..ومش هاتبقي أول مره ..لأن أفكاركم بتدفعني أحيانا للفلسفه ..لأنها مليئه بالمعاني الرائعه..
وعلي فكره مش أول مره أدخل مدونتك ..عندك تقريبا 4 تعليقات ليا بس حضرتك مش بترد ..خصوصا علي قطعة التلج وحفنة الدفيء..

أنا هنا عشان أقول :
عيد سعيييييييييييييييييييييييد...كل سنه وأنت طيب.

basma bahaa يقول...

معاك حق:)

just waiting يقول...

اخيييييييييييييييييييييييييرا عرفت اعلق عندك
مش عارفة جيت هنا كتير والتعليقات كانت معلقة
عموما كل سنة وانت طيب وعيد سعيد عليك
اما بالنسبة للفيلم اكيد ان شاء الله هشوفه وطبعا على ضمانتك :)

Eman يقول...

كلّ عيدٍ وأنتَ بخير (:

راء يقول...

امممممممم
جميلة اوي الكلمات

غريبة فعلا استخدام لفظ السعي بدل البحث
اصل دايما"الاشياء التي نريدها دائما ما تأتي متأخرة"

السعي اعمق واجمل :)


كل سنة وانت طيب يا تيمو ومنور البلوجر كله
موضوعاتك دايما مميزة
بيفكرني باللي كتبته زمان انك بتتأخر ف البوستات بس بتنزل بحجات رائعة ومتميزة

Angham Allam يقول...

بوست جميل أوي و فكرة المدونة رائعة ربنا يوفقك يارب :)

لــــ زهــــــراء ــــولا يقول...

تيمو


كل ثانيه وانت بخير ويارب يحقق كل احلامك وامنياتك
اعتقد ان دى اول زياره ليا هنا وان شاء الله مش تكون الاخيره

للاسف مش شوفت الفيلم لكن ممكن اتكلم معاك شويه عن السعاده
السعاده شئ نسبى متغير يعنى كل فتره من حياتنا بتكون فى حاجه تسعدنا يعنى على سبيل المثال واحنا طلبه اكتر حاجه تسعدنا كان النجاح ولكل فتره اشياء تدخل السعاده على قلوبنا

فى جمله مره سمعتها بتقول ان اسهل طريقه لكى تسعد الناس هو ان تتركهم فى حالهم وكمان لا تستطيع ان توزع السعاده على الاخرين بدون ان تبلل يداك يعنى ياريت كل واحد فينا يحاول يتقاسم السعاده مع غيره

جميل ان الوحد يكون عنده هدف بيسعى له ويحاول جاهدا ان يصل اليه لكى يشعر بالسعاده

عن جد اتمنى لك مزيد من السعاده وان تحيا بها انت ومن تحب ....

زهراء

أتنين حبيبين يقول...

جميل اووى احداث الفيلم

شوقتنى يا تيمو انى اشوف والله


زوقك هايل وسردك اجمل

أتنين حبيبين يقول...

عيد سعيد عليك وعلى الاسرة الكريمه والامة الاسلاميه جمعااء

يارب تكون بخير

طوبه فضه وطوبه دهب يقول...

جميل تعليقك على الفيلم كل سنه وانت بالف خير وصحه وسعاده

حيـــــاه يقول...
أزال المؤلف هذا التعليق.
حيـــــاه يقول...

كل سنه وانت طيب وبصحه وسعاده ويارب يكون عيد سعيد عليك وعلى المسلمين يارب

انا مشفتش الفيلم بس عجبتنى اوى الفكره بين السعى والبحث اعتقد ان السعى افضل من البحث و عجبنى اكتر روح التفاؤل فى كلماتك معلش اوقات كتير واحنا بنسعى لشىء بنلاقى كتير يقفو بطريق ويحاولو يعطلو بدون اى سبب لدرجه اليأس بس طبعا لما نرجع لربنا نلاقى ان الامل كبير جدا
انا مبسوطه جدا انى دخلت البوست ده وانى عرفت الطريق لهنا ويارب استفيد من كتابتكم
تقبل تحياتى وتقديرى لفكرك

هوبتي يقول...

انت شجعتني اني اشوف الفيلللللللم اكيد هاشوفه مادام اكثر من رائع

سمسمة الاسكندرية يقول...

حلو موضوع السعادة والله بجد جاى فى وقتة بالظبط
كتير لما بلاقى نفسى زعلانة وحزينة او حتى مكتئبة بحاول اسعد نفسى بانى اعمل حاجات بحبها واسعى للسعادة علشان انتشل نفسى من حزنى
بس ساعات بقى مبيكونش عندى ارادة او زى ناتقولوا كدة ياس.فبصراحة بقى بستسلم وافض اعيط وخلاص
لحد ماربنا ياذن انة يفرجها من عندة وتدريجيا كدة الاقى نفسى بقيت كويسة
وبفضل اقول لنفسى كل مرة اية اللى بيخلينى استسلم كدة .....المفروض اقاوم وادور على سعادتى وموصلش لمرحلة الياس دية
والاقى الاجابة الوحيدة انى معنديش ارادة او زهقت من محاولاتى فى اسعاد نفسى وانى دايما ادور على السعادة ...لية هى متبقاش مودجوة لوحدها
لية مايجاولش اللى حواليا يسعدونى...هو دة كتير يعنى
على فكرة انا بينطبق عليا نظام حتة الثلج اللى نفسها تعقد فى الشمس...بس انا عارفة انة استحالة اعمل كدة ابدل..مش علشان خايفة ادوب....لا علشان انا جبانة؟

miroooo يقول...

اخير نزلت بوست جديد
الصراحه البوست ده طال انتظاره
حمد الله على السلامه
جميل البوست بس الصراحه مسمعتش عن الفيلم لانى مش من هواه الافلام الاجنبي مش عارفه ده غباء منى ولا ايه؟
بس قصته جميله فعلا السعاده محتاجه لسعى اكتر من مجرد البحث
ربنا يساعدنا ويسعدنا
تحياتى
دمت بكل الخير

رحاب صالح يقول...

يخربيت الجمال ده كله
بجد بداية قوية وممتلئة بحاجات متنوعة من الافكار اللي تخللي اي حد يقرا الكلام ويفكر مش يسيبه يعدي كدة بالساهل
فيلم السعي للسعادة لويل سميث فيلم لا يقال عنه رائع او جميل ...لان الكلمة دي هتظلمه اووي
بجد الفيلم اكثر واروع من كل هذا
موضوعاتك بجد رائعة وبتمنالك المزيد والمزيد من الابداع والسعادة

Tamer Moghazy يقول...

Ramy:
منورني يا جميل ومن حقك وعشمك طبعا تعمل اللي انت عاوزة :)
انا عملت البوست بتاع Lake House بس لسه مش اتنشر وشكلك هاتخليني انشره قريب :)

Tamer Moghazy يقول...

فتافيت:
ما تتصوريش قد ايه التعليق فرحني واتمنيت انه يطول اكتر من كده لانك مركزة في التفاصيل وده شيء بيعجبني جدا..

- قريت المدونة كلها...؟؟
بجد مش عارف اقول لك ايه بس انت خلتيني احس احساس (مجرم) ;)
على فكرة احساس مجرم ده حاجة كويسة (';')

- تعليقك على البوست بتاع (لحظة) بجد لخص كل الكلام اللي انا قولته :)

- بوست تعليق لا يليق.. ممكن يكون توارد خواطر حصل ما بينا نتيجة اننا بناخد بالنا من التفاصيل :)

- البحث عن السعادة .. انت عندك قدرة تلخصي الرغي بتاعي كله في كلمتين اتنين :)

- كل سنة وانت طيبة وميرسي على الزيارة وماليش دعوة ها استناكي كل بوست :)

Tamer Moghazy يقول...

Lady E:
ياااه لو تعرفي انا دوخت قد ايه على الاغنية دي..
بس انت كويس انك متابعة وبتحبي الفيلم ده..
لأ وايه.. كمان بعتي اللينك :)
شكلي ها استعين بيك بعد كده عشان مش اتعب كتييييير (';')

لو بتحبي تتفرجي على الفيلم ده عشان محتاجة امل فا انصحك كمان تتفرجي على الفيلم الرائع:
Men of Honor

ميرسي على الزيارة الحلوة دي بجد :)

Tamer Moghazy يقول...

Safa7_Karmooz:
هو فعلا من اروع افلام ويل سميث
بس كمان فيه فيلم حلو قوي اسمه:
Men of Honor
كل سنة وانت طيب :)

Tamer Moghazy يقول...

Ms Venus:
بجد ميرسي على ثقتك في ذوقي واللي ها احاول انه
(مش يخذلك) (';' )

"كل ثانية وانا طيب"..؟؟ ايه التعبير الحلو قوي ده..؟
كل لحظة وانت بكل السعادة :)

Tamer Moghazy يقول...

She..:
هو ده معنى الامل اللي بيخلينا نتحمل ونمشي المشوار الطويل عشان اللحظة الحلوة اللي ممكن مش تتكرر تاني ومع ذلك (بنتمناها) تتكرر تاني.
بجد تعليقك رائع :)

Tamer Moghazy يقول...

همسات وبحـ الحياةـر:
كل سنة وانت بكل الخير وميرسي على الزيارة :)

Tamer Moghazy يقول...

Hager Za3bal:
التعليق اللي بيغير مودي مهما كان وحش للاحسن :)

"البني آدم مننا ليس الا مغناطيس هو اللي بيجذب الافكار الايجابيه والسلبيه ليه"
والله عندك حق والكتاب فعلا انا مش قريته لكن سمعت عنه كتير قوي وانت شجعتيني اقراه.

اقولك انا بقى على سر..؟؟
بافضل استنى واستنى تعليقك من بوست للتاني وخايف مش تيجي..!!
ممكن بقى مش تتاخري علي تاني..؟؟
كل لحظة وانت بكل الخير :)

Tamer Moghazy يقول...

Hager ZaǮbal:
اه...نسيت اقولك على حاجة..
انا بحب الشخابيط بتاعتك قوووي..

Tamer Moghazy يقول...

خيط الحرير:
اشكر وجودك كثيرا بقدر تعبك واهتمامك :)
انا رديت على تعليقك في بوست فريدة بس يمكن باتاخر شوية لاني مش ديما متواجد :)
كل سنة وحياتك كلها اعياد :)

Tamer Moghazy يقول...

basma bahaa:
قصدك تقولي (معه حق) :)
نورتيني بالزيارة
كل سنة وانت طيبة :)

Tamer Moghazy يقول...

Just Waiting:
اخيرا علقت عندي...؟؟!!
ده معناه اني خسرت كتييير الفترة اللي فاتت لما مش عرفتي تعلقي (';' )
كل سنة وانت طيبة واتفرجي على الفيلم وعلى (ضمانتي) :)

Tamer Moghazy يقول...

وحبي لك لن يموت :
كل سنة وانت بكل الخير والسعادة :)

Tamer Moghazy يقول...

طالبة مقهورة درجة اولى:
انت متابعة وفاكرة كويس يا رضوى :)
كل سنة وانت من احسن لاحسن ويارب ما تبقيش ابدا (مقهورة) :)

"الاشياء التي نريدها دائما ما تأتي متأخرة" فعلا...بس على ما تيجي ها نحاول نستمتع بكل لحظة اشتياق وانتظار ليها :)

Tamer Moghazy يقول...

Angham Allam:
كل سنة وانت طيبة وميرسي لوجودك ومبسوط قوي انه المدونة عجبتك ومبروك على مدونتك الجديدة:)
على فكرة...بيعجبني الاهتمام بالقديم مش بس الجديد.
وعشان كده عجبني تعليقك على بوست قديم :)

Tamer Moghazy يقول...

لولا وزهراء:
زهراء... نورتيني ويمكن تكوني اول مرة تيجي هنا لكن الاسم المشترك بينك وبين لولا بيتكرر عندي وبيسعدني كتييييير جدا :)
بصراحة لولا بتعلق ديما ، وديما تعليقها مميز وبيسعدني تحليلها للبوست.
كلامك عن السعادة حقيقي وفعلا اجمل حاجة اقتسام ومشاركة السعادة مع الاخرين.
كل سنة وانت بكل الخير ...و...السعادة :)

Tamer Moghazy يقول...

اتنين حبيبين:
الفيلم جواه معاني كتير قوي وفعلا يستحق انك تشوفيه :)
كل سنة وانت ديما منوراني :)

Tamer Moghazy يقول...

طوبة فضة وطوبة دهب:
الفيلم هو اللي (جميل) بجد ويستحق المشاهدة بعمق .
كل سنة وانت بكل الخير والسعادة :)

Tamer Moghazy يقول...

حياة:
طبعا السعي افضل من البحث على الاقل في الايجابية اللي بيوحي بيها.
مبسوط انك وصلت هنا وياريت تيجي ديما هنا :)
كل سنة وانت بكل الخير والسعادة :)

Tamer Moghazy يقول...

هوبتي:
ايواه..لازم تشوفيه لانه يستحق..
كل سنة ونت بكل الخير :)

Tamer Moghazy يقول...

سمسمة الاسكندرية :
ههههههه..بجد اخر جملة في تعليقك ضحكتي قوووي..
يا سمسمة يا مسمسمة البحث عن السعادة هو الثمن للحظة الحلوة اللي بنشعر فيها ونعيش السعادة :)
زي ما تتعبي طول السنة وفي الاخر تنجحي وبتفوق كمان.. غير لما يجيلك النجاح على الجاهز فا مش بتحسي بطعمة ولا بتقتنعي انك عملتي حاجة :)

كلنا بنحس بالياس والارهاق النفسي..لكن المهم اننا مش نسيب نفسنا فيه كتير.
نورتيني ويارب الاقي لك مدونة قريب عشان اعرف ازورك واتعرف عليكي فيها :)

كل سنة وانت بكل الخير والسعادة :)

Tamer Moghazy يقول...

miroooo:
اول حاجة (وش مكسوف)
على طول كده
انا اسف بجد اني باتاخر في البوستات بس مش ديما موجود وباحب اهتم بالتفاصيل وزي ما قلت انا مش بادون لمجرد التدوين :)
ميرسي بجد لاهتمامك ومتابعتك ومرة تانية (وش مكسوووف جدا) (';' )

كل سنة وانت بكل الخير والسعادة :)

Tamer Moghazy يقول...

Re7ab Sale7:
ايوا كده..
اخيرا حد بيحب تفاصيل الفيلم الصغننة اللي بتاخدنا للحاجات الكبيرة :)
بجد مبسوط قوي بعد التعليق بتاعك خاصة واضح انك عارفة الفيلم كويس قووي وعارفة كمان تفاصيله :)

كل سنة وانت بكل الخير...و...السعادة ;)

صدى الصمت - عاشقة الورد - يقول...

جميل قوى وصفك لفكرة الفيلم
حسيت انى اتنقلت لعالم السينما الممتع
تحياتى
وكل عام وانت بألف خير

رحاب صالح يقول...

ياااااااااه
انا شفته مرة وحيدة علي الشوتايم من فترة كبيرة يمكن بعد عرضه سينمائيا بفترة
وبجد فيلم روووعه
كفاية ان بطله ويل سميث...والا الولد الصغير ياااه بجد روعه
تفاصيل حلوة وقصة مبهرة بتخليك تتقهر علي افلامنا المصرية اللي البطل بياخدفيها عشرة مليون لوحدة ده غير الباقين من تصوير وسيناريو وابطال تانين وخلافه وبعد كدة الفيلم ميجبش ولا اتنين تلاتة مليون ...مش مليارات زي الافلام دي ...وبستثني افلام احمد حلمي منها لانه بجد افلام رائعة ...واذا اتكلمت عن الافلام والسينما مش هخلص ...يعني ممكن اسيب مهنة الصحافة بتاعتي واشتغل ناقدة سينمائية

ميس فلسطين يقول...

والله الحياة كلها صعبه بس لازم نستحمل
والبحث عن السعاده مش بساهل

طول بالك ياtimo

تحياتي

القمرالباكي يقول...

السلام عليكم ورحمه الله
كل سنه وانت طيب
اخبارك ايه
مع كلامك اوي لازم نحقق حلمنا ونحاول ع قدر المستطاع
مهما تعبنا عشان نوصله احساس السعاده وقت مبنوصله رائع فوق الوصف
بالنسبه للسعاده كتير بقول لنفسي ليه احزن مفيش شئ هيتغير في الكون بحزني انا الي هتغير هصاب بالاحباط والاسي
هزعل من نفسي ومن الدنيا وكله تاثير سلبي
ليه مكونش سعيده استمتع بحياتي وارمي كل شئ ورا ظهري واحدد مصيري بايدي للصح وللاحسن لكن بيبقي كلام وبنستسلم للحزن
لان الانسان ضعيف ديما بيفكر كتير وبيحب يتعب نفسه فعلا

دومت بخير

صفــــاء يقول...

أة الفيلم رائع فعلا
وفيه كميه من المشاعر وطريقه التعبير عنها جميله جدا

لكن البحث عن السعادة حلو .. أو وهم

خليك انت ماشى عادى خالص ولا واخد بالك كدة وهتتكعبل فيها لوحدك

dr.lecter يقول...

اللي عايز يدور بقي

انا هرفتها مره وضاعت مني

The illusionist يقول...

والله انا اللى خسران يا عم الحاج تيمو انى بتااخر كده

بس تعالى قولى
انت بتغيب دهر لحد ما بنسى ان دى مدونه وافتكرها بتاعه احمد حلمى وان ده الفيلم
واخش اقول يا جدعان اللنك ده انا عارفه
والنبى ما تغيب فى الشهرين تلاته وتيجى
خليك فى المعقول كده

ميرام يقول...

(:
رائع بجد
هشوف الفيلم في أقرب فرصه تتاح لي ان شاء الله
(:
متشوقه جدا لرؤيته لاني بتبع نفس نهج التفكير ده
(:
تحيتي

حبات التوت يقول...

انا ماشوفتش الفليم دة لسة
بس اكيد انتة كتبت عنة يبقى فية حاجة مميزة هحطة فى الخطة الخمسية وهبقى اشوفة
اسلوبك رائع كالعادة
تحياتى

همسات وبحــ الحياه ــر يقول...

ازيك ياتيمو
انا جاية اسلم واشرب كوباية الشاى وامشى :):)

Mona Shereif يقول...

السلام عليكم
ازيك يا تيمو عامل ايه؟
جارى البحث عن الفيلم يا فندم وسوف يتم التحميل ان شاء الله
تشكرات كتير خالص لان كلامك فى البوست ده غير كتير من حالتى المزاجية الحالية
ربنا ما يكتبها على حد ابدا
الحمد لله على كل حال

بجد شكرا

حـــــروف متــبعترة " عــمرو الشــايب يقول...

لما شوفت الاسم قولت ياااه هي السعادة بقت صعبه اوي كدة لما نبحث عليها كاننا بنعمل بحث عن ابره في كوم قش زي ما بيقولوا انك بتدور في حاجة بسيطة مش عارف تلاقيها وسط الزحمة
اقولك ربنا معاك و خلتني ابقى بقول كلام مش عارف ليه خلاني اقوله بس بجد ممكن نسمي مودنتك دعوة للتامل و اسف على الازعاج بجد

Unknown يقول...

الفيلم شكله رائع انا هدور عليه باذن الله وانزله

اما موضوع السعي مش البحث

اعتقد واامن من جوايا بحاجه
هو استخدم العسي مش البحث عشان السعاده مش محتاجين ندور عليها لانهاحولينا في كل مكان وكل شئ لكن محتاجين اننا ندمن مطارتها والسعي ورائها
في اي مكان تتوجد فيه لازم نكون اول الموجودين عشان ناخذ النصيب الاكبر من نورها
السعاده مش شئ غامض
لكن شئ صعب يجب احترامه واتقان التعامل معاه
السعاده الشئ السهل الممتنع
اما الناس المحبطه فدول ناس فشله معرفوش يكتشفوا السر
ويحزنهم انك تتمتع باكتشاف الحقيقه لوحدك

كن سعيدا دائما مهما كانت الظروف
:)

Tamer Moghazy يقول...

صدى الصمت - عاشقة الورد:
ديما بتدي للصمت (صدى) لما بتيجي :)
شكرا لوجودك :)

Tamer Moghazy يقول...

re7ab.sale7:
طيب ما تجربي موضوع النقد السينيمائي ده..؟؟لو بتحبي تتابعي وتدققي في التفاصيل يعني :)
عندك حق.. الولد الصغير في الفيلم كن بيعمل تعبيرات تحففففففة بالنسبة للشخصية اللي قام بيها.

Tamer Moghazy يقول...

ميس فلسطين:
والله انا مطول بالي على الاخر واكيد اللي عاوز السعادة لازم يتحمل عشان ينولها في الاخر..
نورتيني :)

Tamer Moghazy يقول...

القمرالباكي:
انا مش ضد ننا نحس بالحزن..شوية..
ونتعب ...برضه شوي..
ونتوقف...كمان شوية..
لكن ديما بنفوق من حزننا..
وبنقوم من وقفتنا لان عندنا (اصرار) اننا نحس بالسعادة ونجري وراها.
نورتني :)

Tamer Moghazy يقول...

صفــاء:
مش الفكر اني (اتكعبل) فيها..
الفكرة اني اجري وراها..
اطاردها..
حتى لو مش نولتها في الاخر..
كفاية اني حاولت :)

Tamer Moghazy يقول...

dr.lecter :
كلنا عاوزين..
وكلنا لازم ندور.
انت جربت مرة الاحساس الحلو ده
واكيد حسيت بطعمها..سواء فضلت معاك..
او ضاعت منك زي ما بتقول..

الفكرة انه بعد شوية وقت...كتير او قليل.. ها تحتاج تدور على (الاحساس) ده تاني.

تحياتي ونورتني بوجودك :)

Tamer Moghazy يقول...

The illusionist :
زناتي يا جميييل...منورني بجد
وبافرح لما بتيجي هنا :)

حاضر يا سيدي ها احاول اظبط نفسي في مواعيد البوستات ..كويس كده..؟؟ (';' )

Tamer Moghazy يقول...

ميرام:
نورتني بوجودك.. والفيلم فعلا يستحق انك تشوفيه وباستمتاع كمان لانه فيه تفاصيل كتييييير حلوة :)

Tamer Moghazy يقول...

wella:
بجد الفيلم حلو وفيه افكار كتير لازم تشوفيه..
وبجد ميرسي لثقتك في ذوقي ويا رب مش يخذلك ابدا
(وش مكسوف)

Tamer Moghazy يقول...

همسات وبحـ الحياةـر:
ممممممم... سلام وشاي بس..؟؟
لالالالالا يمكن ابدا..
لازم ترتاحي شوية من المشوار الاول وبعدين غدا وبعدين عشا ووراه الشاي..بس للاسف ها تشربي الشاي لوحدك عشان انا مش بحبه..
او...مكن احبة لو فريدة بتحبة (وش مكسوف) :)

Tamer Moghazy يقول...

Somtimes:
انا مبسوط قوي لسببين.
الاول انك جيتي هنا :)
والتاني ان غيرت من حالتك المزاجية ولو اني مش عارف للاحسن ولا للاوحش بس المهم انه يبقى لي تاثير وخلاص :) :D
وبعدين انت اكتر حد المفروض يبقى عارف انه الدنيا (ساعات و ساعات) ...صح..؟؟ ;)

Tamer Moghazy يقول...

هرشة دماغ 3mR Wa2el:
اللي بيسعى وراء اسعادة هو اكتر واحد بيعرف قد ايه هي صعبة وقد ايه هو بيحاول (يتعب) عشان (يرتاح).

على فكرة..الكلام اللي انت قولته كان اجمل ازعاج وياريت لو الازعاج بالشكل ده ما تبطلش ازعاج:)

دعوة للتأمل..بجد شرف ليا انك تقول كده على مدونتي الصغنونة وانت من الناس النشيطة جدا والمشهورة فغي عالم التدوين :)

Tamer Moghazy يقول...

Nesreen:
فعلا..السعي هو التعب من اجل الراحة..
احساس انك صنعت السعادة بتعب واستمتاع..
اتفرجي على لفيلم وقولي لي يا ترى اختلف كتير عن ما انا نقلته..؟ :)
نورتيني بوجودك :)

شاب فقرى يقول...

صديقى
كنت مؤمنا باننى سأتمكن من صنع السعادة يوما ما
لكنى لم اعرف تلك الخلطة السحرية لها
:(

=====
عالهامش
جارى تحميل الفيلم
وكل سنة وانته طيب وبخير :)
يارب تكون بخير
ونشوفك كدا فى لقاء اسكندرية
تحياتى
الفقرى

lostlove يقول...

ده مش تعليق لمجرد التعليق
السعي للسعاده والبحث عنها
ولا الاحسن انتظار السعاده تيجي لوحدها
ولو مجتش نجري نجبها بس انا عندي فكره بعملها وتقربيا مشه في مبداء السعي عن السعاده ومش البحث عنها
السعاده في ابسط الاشياء حاجه صغيره لاكن ممكن توصل فرحه كبيره حتي لو في ضحكت طفل صغير ماشي بيلعب في الشارع وانت متعرفهوش اي حاجه بس احنا ندور عليها
تحياتي اتمني التوفيق

Tamer Moghazy يقول...

شاب فقري:
يا كيموو الخلطة بتختلف من حد للتاني.. يعني تقدر تقول النسب والمقادير :)
انا مبسوط اني شوفتك في اللقاء :)

Tamer Moghazy يقول...

Lostlove:
فعلا عندك حق..
حتى لو اخترعنا سعادة مش بتمت لنا بصلة..
على الاقل نحاول نجري وراها..
ربنا يجعل ايامك كلها سعادة :)

غير معرف يقول...

اااااااااااااااااااااااااه ......... رغم انك عارف اني تعبانة من غيرك وانت كمان تعبان من غيري ... بسي بتبعد عني و بتهرب .........فريدة

Shrouk يقول...

الفيلم ده من افلامي المفضلة(لان اي فيلم يعيطني بالشكل ده لازم يبقي مفضل)
والكلام اللي انت نقله هنا ده من اعلي الاجزاء في الفيلم...بيفسر كل حاجة ..بيقوللك انه كان لازم يتعب قوي كده علشان يفهم ان السعادة بتحتاج "سعي" ومطاردة وان الحقيقي منها قوي مبيجيش علي طبق من فضة ابداً
البوست ده عرفني ان مش بس مشاهدة الفيلم اللي بتدخلني في الحالة اللي مش عارفة اوصفها دي لا كمان قراية الكلام كده ومشاهدة الصور


ملحوظة*
انا طبعا مقريتش ال118 تعليق اللي فوق فلو كررت كلام حد استحملني بقي
:)

غير معرف يقول...

tamer you r good man
i like your mind

Tamer Moghazy يقول...

Shrouk:
مبسووووط فوق ما تتخيلي انك جيت هنا عندي..
ولو حتى كلامك مكرر فاكفاية انه خارج من جواكِ
الفيلم ده من الافلام اللي تحتاج تاني وتفكير في كل مشهد منه :)
اتمنى اشوفك ديما...هنا :)

Tamer Moghazy يقول...

غير معروف:
اتمنى لو عرفتك عشان اشكرك على الكلمات وعلى الثقة دي :)

غير معرف يقول...

انا اتمنى اعرفك اكتر بس not now
another time انشاء الله
but
i reaaly like your mind

Tamer Moghazy يقول...

غير معروف:
اولا :
take ur time
بس الحياة مش طويلة زي ما بنتوقع ديما :)
ثانيا:
اشمعنى البوست ده اللي بنسيب التعليق فيه..؟؟!!
ثالثا:
I guess something
بس مش ها اقوله دلوقت ......
.........
.............يمكن.....بعدين (';' )

غير معرف يقول...

hello timoo
first
عايزنى اسيب التعليق فين
second
ما تخمينك
really i want to know
third
who r uuuuuuuuuuuuuuuuuuuuuu?

غير معرف يقول...

??????????????????

Aya يقول...

وزي ما قالت غادة السمان

"عندما نكون سعداء فعلاً لا يخطر لنا أن نتساءل إن كنا سعداء أم لا ، السعادة تصبح جزء منا ..أنت لا تتساءل إذا كانت يداك في مكانها أم لا ..نحن نتحسس الأشياء فقط عندما نشك في وجودها "
.
.
ربنا يسعد أيامك
:)

نهر الحب يقول...

:))
حسألك سؤال
لو عرض عليك تعيش سعيد أوي فوق ما تتصور
بس حجيلك احساس دائم بالخوف من السعادة دي؟؟

وعرض عليك انك تبقي عادي يعني تحس السعادة احيانا ومشاكل الدنيا العادية احيانا

وعرض كمان انك تبقي تعيس جدا
تختار ايه؟؟

انا مش حختار ابقي سعيدة

عشان مبحبش ابقي خايفة
حختار تبقي حياتي فيها ده وده عشان احس طعمها زي ما قلتلك قبل كدة


وووبس
ححرص اني اشوف الافلام دي علي قد ما اقدر

كل بوست بيقربني لفكرك وبيعجبني اكتر

Eman يقول...

الفيلم مستوحى من قصه حقيقية!!!!!!!!
اول مرة اكون مش عارفه أأقول تعليق على فيلم شوفته
لا تسمح لأحد ابدآ ان يقول لك انك لا تستطيع فعل شئ ما..اذا كان لديك حلم عليك تحقيقه...الناس الذين لا يستطيعون تحقيق شئ هم الذين سيقولون لك انك لا تقدر...اذا أردت شيئآ كافح من اجله
"انا ازااااااى فاتنى فيلم زى ده"
i didn't like his wife in that movie 5alas
الفيلم كله مشاهد حلوة واحلى لحظه لما اتقبل فى الوظيفه وقاله اول يوم شغل حيكون بكره وطلع يمشى فى وسط الناس فرحان عجبنى جدآآآآ المشهد ده عشان هو فى اول الفيلم وهو ماشى وسطهم وشاف ابتسامتهم على وجههم سأل نفسه لماذا لا اكون مثلهم؟!!
this post is different i likeeee it bcoz this movie is So different

Eman يقول...

نسيت حاجة مهمه جدآانا عرفت الفرق بين البحث عن السعادة؟؟؟ و السعى وراء السعادة لما شوفت الفليم دة
الفرق طلع كبييييير مش نفس المعنى خاااالص

حبات التوت يقول...

انا لسة شايفة الفليم دة النهاردة

فليم منتهى منهتى الروعة

لكن نحصل على السعادة..
علينا ان نسعى اليها..

EL pRiNcEssA يقول...

السعادة تبقي ايه
امتي احس اني سعيدة ولا ليه


طبعا نقدك جاامد جدا

دعاء العطار يقول...

" يحتاج الى تحمل كل (بؤس) و(شقاء) الحياة..
حتى نشعر(بالسعادة) لمجرد (لحظة) بآخر الفيلم.. "

لسه شايفه الفيلم حالاً .. وافتكرت انك كاتب هنا عنه

عارف ...

رغم ان الفيلم المفروض انه بيتكلم عن السعادة الا انى طول الفيلم شايفة حد بيعاااافر عشان بس يعيش .. هى دى السعادة عمرك ماهتلاقيها غير بتحديات وصعوبات ... " لا تردك الراحة الا بالتعب "

الفيلم اكتر من رائع .. والمعانى اللى فيه محتاجه تأمل كتييير

وكتابتك عنه خلت له طعم مختلف :)

عبد الرحمن سالم يقول...

عجباني أوي فكرة مدونتك، تجيب أفلام وتاخد جزئية من الحوار وتضيف عليها ما أردت.

والبوست ده بالذات عجبني أوي.

تحياتي :)