الاثنين، أبريل 04، 2011

حد فاهم؟

الحـكـاية عــامـلة زي الدوايــــر..
دوايـر صغـيرة..جـوه دايرة كبيـرة
الدوايــر الصغيـرة ممكن تتغيــر..
لكن الدايرة الكبيرة ما بتتغيرش..!!

ممكن تكون قدرت تغير الدايرة الـ( كبـيــرة) وده كان صعب..
لكن المشكلة انه لسه الدواير الـ(الصغيرة) بتلف بنفس الاتجاه ، وبنفس (الطريقة)..
وعلى الرغم من سهولة تغير الدواير الصغيرة عن الدايرة الكبيرة..
الا انه عددها هو أكبر مشكلة دايماً بتواجهنا !!


..............................مجرد نقاش.............................

- هو في حد يقدر يغير الواقع..؟؟
- طبعا.. نقدر نغير الواقع لأنه بيحصل بسببنا.. انما اللي ما بيتغيرش.. القدر.
- ليييه..؟؟
- لأنه بيحصلنا.

هناك 85 تعليقًا:

Tears يقول...

كل اللى بيحصل متوقع و كتب التاريخ بتقول انه حصل فى كل مكان بل بالعكس عندنا ارحم كتير من غيرنا

ツSmiLeY AnGeLツ يقول...

لانتقدر ان نغير قدرنا
لاننا لن نقدر ان نعيش لاجل لاشي
فالقدر هو الذي يجمعنا باشياء ممكن لم نكن نحلم بها
تقبل مروري ^_^
سلامي ليك اخي.

لــــ زهــــــراء ــــولا يقول...

"
- هو في حد يقدر يغير الواقع..؟؟

- طبعا.. نقدر نغير الواقع لأنه بيحصل بسببنا..

أنما اللي مابيتغيرش..القدر.

- ليييه..؟؟

- لأنه بيحصلنا.
"

كلام فلسفي اتقال في الف مبروك لكن انا بتسأل هل ممكن يكون الكلام ده مضبوط؟؟؟

تعرف اننا ممكن نغير القدر ... بالدعاء الاقدار بتتغير ...متصدقش كلام الافلام هههههه ... سلملي على فريدة (:

لولا

صفا سارة يقول...

وربما كله قدر وربما كله اختيار
التفكير واليقين هو اللى دواير داخله فى بعضها اعتقد

دعاء العطار يقول...

عارف النقاش بتاعك ده بيرجعنى لداااااايره بلف فيها ومش فاهماها

احنا مسيرين ولا مخيرين ؟

بس بعد تفكير طويل توصلت للى قولته ده
اكتشفت اننا مسيرين فى بعض الحاجات ومخيرين ف البعض الاخر

وبالتالى نرجع لكلامك عن الواقع والقدر

اللى مخيرين فيه .. الواقع .. فممكن نغيره

واللى مسيرين فيه ... القدر .. فمش ممكن ابدا نغيره

وحشتنا بوستاتك بجد

(: (:

Antika يقول...

ما هى الدواير الصغيرة مش هاتتغير غير لو كانوا عايزين يتغيروا فعلا من جواهم

وكتير .. او معظمهم مش ف دماغه
او مش فاهم

انا مُحبَطة بجد :S

ghada mOhsen يقول...

هلا تيمو ^^

نحن بإستطاعتنا تغيير أشياء كثيره ولكن أهم شي أن تسبقنا الإراده

الواقع ممكن تغييره بإسلوبنا
ولكن القدر لايتغير إلا بالدعاء وذلك بإرادة الله ...

وفي مصر هنا ف حاجات بدات تتغر ممكن تكون بشكل بطيء بس أحسن من الأول
وده أنا بشوفه بعنيا :)
ــــــــــــــ
زيارتي الاولى وليست الأخيره إن شاء الله

تحياتي الملونه لك أخي
^_^

reemaas يقول...

ياصباح الروقان ياتيمو جميله لما اصحى الائيك اخيرا كتبت حاجة

الدواير الصغيرة هى اللى عملت الديرة الكبيرة والدايرة الكبيرة مجرد ايطار لصورة كسرت الايطار بس الصورة زى ماهى

ان الله لايغير مابقوم حتى يغيروا ما بانفسهم

بالنوسبة لموضوع تغيير الواقع والقدر بتغيير الواقع محتاج ارادة وفى ناس كتيرة شايفه ان الواقع هو القدر ودى بقى
مأساتى انا...........

صباحك سكر

حاجات جوايا يقول...

لا يرد القضاء الا الدعاء
ربنا يحفظ مصر ويحميها ويحمى ثورتها من كل سوء

وزى ما قدرنا عالدايرة الكبيرة
هنقدر بإذن الله على الدواير الصغيرة مهما كان عددها .. ويمكن نكتشف فى النهاية ان الدواير الكبيرة والدواير الصغيرة لم تكن الا بالونات صابون مهما كبرت وارتفعت وحاصرتنا من كل اتجاه مسيرها تفرقع وتذوب وميتبقاش منها غير رغوة سهل نمسحها بمنديل ورق

تحياتى لك اخى الفاضل

رحاب صالح يقول...

ممكن ولية لاء...؟
احنا نقدر نغير الواقع اكيد لو عايزين ...
لكن لو مستسلمين للي بيحصل وساكتين وعادي خالص ومش هاممنا شيء يبقي خلاص ...الدايرةالكبيرة زي الصغيرة مش فارقة معانا واهي عيشة والسلام
بس صحيح الدواير الصغير اللي بتشتت اتجاهتنا كتير بس احنا اكيد قادرين علي اننا نسيطر عليها بس محتاجين وقت ....
لك وحشة يا تيمو ....حمد الله بالسلامة

Unknown يقول...

تيمو حمد لله على السلامه البلوجر نور:)
كلامك سهل و عميق في نفس الوقت تعرف أغنية (بنلف فدواير) بتاعة فيلم أوقات فراغ و ده اللي أنا حاسه بيه دلوقتي و اللي انت لخصته بكلامك.
ربنا يعديها على خير
تحياتي ليك

Ms Venus يقول...

تعرف يا تيموو

بصراحة انا مش متفائلة :(

علشان كده مش هعرف اعلق


على فكرة وحشتنا

بلاش تغيب كتير

سكرتيرة جديدة يقول...

لا يدفع القدر سوا الدعاء

يعنى ايه ؟

يعنى حضرتك يبقى مكتوبلك انك النهارده تقابل فلان ...قدر ومكتوب
لكن تدعى ربنا الصبح ..يااااااارب ارحمنى من انى اشوفه واكفيني شره ...

برحمة ربنا وحكمته وقدرته ...يستجيب لدعائك وماتشوفوش


اما اللى مش ممكن ابدا تغييره هو القضاء واللى خلاص اتكتب عليك وحصل
وطبعا الموت لانه قضاء الله اللى لابد يحصل للبشر

سكرتيرة جديدة يقول...

هو انت بقى بتتاخر علينا ليييييييييييه؟

قضاءُوقدرٌ؟

sony2000 يقول...

تيمي
انا شفت الفلم

وفهمت

الفكره
ففكر الدوير الصغيره
واللي حولين الدايره الكبيرا

دول مهمين جدا ياتيمي
تحياتي

Tamer Moghazy يقول...

Tears:
وعشان كده يا تيرز انا باحب (التأريخ) مش التاريخ :)

Tamer Moghazy يقول...

خواطري مع الحياة:
لا نقدر ان نغير قدرنا..
لكننا نقدر ان نغير (واقعنا) وده الاهم.
نورتيني بمرورك :)

Tamer Moghazy يقول...

لولا وزهراء:
يا لولا ديما بيعجبني انك فاهماني وكمان اوعدك او ما الاقي فريدة ها اسلم لك عليها (وبحرارة كمان ) (';')

Tamer Moghazy يقول...

صفا سارة:
.......
..........
.............احتمال :)
بس اللي اكيد هو ان الدواير فعلا متداخلة بشكل مربك..!!

Tamer Moghazy يقول...

دعاء العطار:
وهو ده الفرق بين القدر والواقع يا دعاء..
بجد الدايرة مهما كانت كبيرة.. في النهاية هي جزء من دايرة تانية اكبر لدرجة ممكن تخلينا ندوخ من غير ما نتحرك..!!
على فكرة..وحشتني كمان تعليقاتك :)

Tamer Moghazy يقول...

Antika:
ما هي الدواير الصغيرة من (مصلحتها) انها مش تتغير لانها (اتعودت) تلف وتدور في نفس الاتجاه..!!

مبسووط قوي انك جيت يا انتيكا ولو اني مقصر في حقك :)

Tamer Moghazy يقول...

gada mOhsen:
الارادة..والامل..
اهم حاجتين لازم يكونوا معانا الفترة الجاية..
والاهم من وجودهم..اننا (نحافظ) عليهم..
نورتيني بزيارتك الاولى..وياريت فعلا مش تكون الاخيرة :)

Tamer Moghazy يقول...

reemaas:
يا ري....ماس..
الاجمل اني اصحي الاقيك عندي وبتعملي كومنت كمان :)

مأساتك يا ري انك (فاهمة) في وسط ناس كتير (حافظة) وبس..!!

ملحوظة: انا نفسي اسالك سؤال يا ري.. هو انت في صورتك دي بتبصي فين..؟؟
هـــه.؟؟

صباحك مسك وعنبر :)

Tamer Moghazy يقول...

حاجات جوايا:
حلو تشبيه بالونات الصابون اللي في الاخر بتتمسح (بمنديل ورق)..
بس الفكرة في الوقت اللي ها نستغرقة لحد ما (نمسحها) ممكن يتعمل في الوقت ده ايه..؟
نورتيني بمرورك زي ما تعودت دايما :)

Tamer Moghazy يقول...

re7ab.sale7:
فعلا يا ري الموضوع محتاج وقت..
بس الوقت ده مش رخيص..
ده ممكن يتعمل فيه حاجات كتير تطلعنا لـ(قدام)..
وممكن يتعمل فيه اللي يرجعنا (ورا)..!
معلش يا ري بتأخر بس قلت لك مش باحب اكون مجرد بوق في وسط الموجة وخلاص :)

Tamer Moghazy يقول...

شيرين سامي:
والله البلوجر منور بوجودك يا شيرين :)
وعلى فكرة انا كنت ها اضيف الاغنية دي في البوست لانها فعلا بتعبر عن اللي بيحصل لنا..!!

"بنلف دواير .. و الدنيا تلف بينا
دايما ننتهي .. لمطرح مإبتدينا"

صباحك مسك وعنبر :)

Tamer Moghazy يقول...

Ms Venus:
على فكرة..
وجودك هو اجمل من التعليق..
وعشان كده باقول مش ها نعلق لمجرد التعليق :)
وعلى فكرة كمان وحشتني تعليقاتك ولما باغيب بيبقى غصب عني :)

Tamer Moghazy يقول...

سكرتيرة جديدة:
فعلا زي ما قولتِ: لا يدفع القدر سوا الدعاء.

وحكاية التاخير دي مش بايدي لاني ديما مشغول جدا ومش باحب اكتب لمجرد اني اكتب وخلاص فا ديما باحترم تفكير اللي بيقرأ وباعتني باللي بحاول اوصله :)
عميق شكري على سؤالك وعجبني موضوع (قضاء وقدر) (';')

Tamer Moghazy يقول...

Sony2000:
المشكلة اننا فعلا بنلف في الدواير وبنلف معاها ، وخايف نكون بنلف (ع الفاضي)..!!

على فكرة..حلو "تيمي"..
وعشان كده.. ها اقولك صباحك سكر :)

الغاردينيا يقول...

بوست فلسفي جميل جدا زي العاده
و ممكن اشوفه باكثر من ناحيه يعني ببساطه ممكن دواير صغيره تبقى روح
والدايره الكبيره تبقى انت ويمكن
تكون انت الدايره الصغيره اللي بتطفو بالعالم دا فالبعض يقول اننا فقاعات
طافيه والكره الارضيه هي الفقاعه الكبيره :) و ممكن تكون الدايره صغيره
سهل تغييرها عن الكبيره والعكس صح
ودا يعتمد على الرمزيه انا برمز للدايره الكبيره بايه والصغيره بايه .

القدر بيغيره الدعاء :)
...........................

في حاجه احب اقولهالك في معظم بوستاتك حسيتك بتكتب عن تيمو المشاهد و المحب للافلام هو تيمو عنده هويات ثانيه صح ؟ اذا عنده ياريت يبقى يتقمص لنا شئ 2 ويكتب عنه :) مش عشان انا مش حابه اسلوبك لا بجد اسلوبك جميل بس بحب اشوف ايه ثاني عندك :) وازاي هتعبر عنه

كمان كل مره بتكتب عن فيلم انت مستخبي وراه ممكن مره 2 تكتب عن فيلم يبقى هو مستخبي وراك ^_^ ؟ جرب ^_^
متاكده انك هتبدع

ارق تحيات

miroooo يقول...

كلامك منطقى اوى يا تيمو عجبنى
بغض النظر من انى مفهمتش حاجه من الكلام الاولانى ده اصلى لسه صغيرة وفهمى على قدى ههههههه
بس ان شاء الله الحال هيتغير للافضل باذن الله
ربنا موجود
دمت بكل خير

reemaas يقول...

عجبنى تفسيرك يا تيمو رغم انه بيدينى حبة غرور فعلا بتعامل بقالى فترة مع حافظين لدرجة انى جالى اكتئاب

الصورة دى بتبص ياسيدى عليا من برا
على نور بكل مايها بقى من حاجات عدت وحاجات بتحصل وحاجات جايه وناس موجودين فى حياتى

Tamer Moghazy يقول...

الغاردينيا:
من اجمل التعليقات اللي بتحاول تحلل مابين السطور دائما، وده اللي اتعودته منك يا غاردينيا :)
على العموم هي الدوائر بتتفسر فعلا على حسب الرمزية .


"كمان كل مره بتكتب عن فيلم انت مستخبي وراه ممكن مره 2 تكتب عن فيلم يبقى هو مستخبي وراك"

لما وصلت للجزء ده لقيتني بابتسم ابتسامة حلوة كده زي تعليقك الجميل ده :)

عجبني قوووي تعبير "مستخبي وراه" بس انت مش شايفة يا غاردينيا انه لما بنختار حاجة بتعجبنا فده بيعبر عننا؟
وكمان هتلاقيني باكتب بين الكلام كلام وفي الاخر باختار موقف من فيلم يلخص كل الكلام :)

بجد عجبني تعليقك جدااا
صباحك معطر بالزهور :)

Tamer Moghazy يقول...

miroooo:
ازاي كلامي منطقي وازاي مش فهمت حاجة يا ميروو انت ها تجننيني ..؟!
والله شكلك فاهمة وعاملة نفسك مش فاهمة :)

صباحك مسك وعنبر :)

Tamer Moghazy يقول...

reemaas:
نتعامل مع حافظين...أه..
نبقى زيهم.........لأ..
وبعدين هو انا ينفع اجي جنب الصورة وابص انا كمان..؟؟ (';')

eman يقول...

الدايرة الكبيرة جواناهى جزء من كل دايرة صغيره بس يمكن عشان كلهم متدخلين مع بعض كل دايره فقدت الملامح المميزه ليها الدايرة الكبيرة حتتغير لو الدواير الصغيرة بدأت تتلاشى ويظهر مكانها دواير تانيه تشكل وتغير الدايرة الكبيرة للاحسن...فاهم حاجة... الحياه مش دايما لازم نفهمها ساعات يكون من الاحسن لينا اننا منركزش فى تفاصيلها...
الواقع ممكن يتغير عشان احنا اللى بنختار الطريق اللى نمشى فيه
والقدر برضو ممكن يتغير بس لما يكون عندنا يقين انه حيكون فى صالحنا دايما (انا عند ظن عبدى بى فليظن بى ما شاء)

reemaas يقول...

فى كرسى جنبى فاضى اهو تعالى بس حضر نفسك علشان هتبقى شبه البنوتة دى بنفس الريأكشن

Bent Men ElZman Da !! يقول...

كان بردو لافت نظرى حكايه الواقع والقدر دى
حاسه ان القدر هو اللى بيوصلنا للواقع
عشان الواقع بيحصلنا وكل حاجه بتحصلنا هى قدرنا
فى النهايه حسيت انى بردو مش فاهمه حاجه وايه اللى ممكن يتغير وايه اللى مش ممكن يتغير

رحاب صالح يقول...

افهم بقي ازاي ازاي ازاي
انا اصلا قفلت التعليقات
يبقي مفيش توارد خواطر
هههه
اقصد انت اكيد كتبت التعليق وانا بقفل التعليقات
بس عموما شفت التعليق وميرسي جدااااااااا
بس فعلا لو حطيت كام نقطة.....قبل للأبد.....يبقي هتبقي ..............................................................................................................................................................................................................................................للأبد ....الخ الخ الخ

Tamer Moghazy يقول...

eman:
عندك حق..ان فعلا الدواير الصغيرة متداخلة مع الدايرة..

"الحياه مش دايما لازم نفهمها ساعات يكون من الاحسن لينا اننا منركزش فى تفاصيلها"

حلوة قوي الجملة دي. :)

Tamer Moghazy يقول...

reemaas:
انا جاي اهوه.. :)

Tamer Moghazy يقول...

Bent Men ElZaman Da !!:
بصي يا ستي..
الواقع هو اللي بتعيشيه دلوقت..
واللي ممكن تغير في طريقته..
اما القدر فا هو اللي بيحصل لنا في النهاية حتى لو كنا قدرنا نغير من طريقة عملنا للواقع..
فهمت حاجة..؟؟؟

Tamer Moghazy يقول...

resab.sale7:
ما انا ديما يا ري باجي في الثانية الاخيرة :)
وبعدين النقط دي بيني وبينها حكاياااات..وحكايات :)

Elsayed Azab يقول...

جميلة رؤيتك بالشكل ده بس فعلا التاريخ الحديث كل بيقول ان اينما وجدت ثورة وجدت معها ثورة مضادة .. تيمو ان شاء الله بلدنا هتكون فالمكانة التى تليق بها وبأبنائها ..

تيمو ليا طلب عندك ياريت متخذلنيش .. رغم انى عارف وجهة نظرك فى الموضوع بس يا سيدى علشان سهولة متتبعيك .. لوسمحت حط اشتراك جوجل لوسمحت وحياة فريدةعندك :)

دمت بكل ود وعز وسعادة ان شاء الله ..

تحياتى ..

still-searching يقول...

تيموووو
انا عارفة اني مقصرة والله

بس الظروف بقى

المهم اني جاية أبلغك اعجابي رغم بساطة البوست لكنه معبر جدا للواقع اللي احنا عايشين فيه

واللي احنا قلقانين منه

فاكر زمان لما كانوا بيدونا درس عن التعاون في المدارس وحكاية الاب اللي جاب أولاده واداهم حزمة من الخشب باين :D
محدش عرف يكسرهم
لكن لما فرقهم وادا لكل واحد واحدة كسروها

هي دي الفكرة
الفساد كتير وصغير
بس لو احنا كلنا قمنا عليه وفرقناه واحنا اتجمعنا
هتتحل

زي ما وقعت الدواير الكبيرة
الصغيرة واحدة واحدة هتقع او هتغير نفسها وتمشي عدل

تحياتي ليك وشكرا على سؤالك :)

Unknown يقول...

المكتوب مفيش منه مفر
بس أيه المكتوب بقى؟
الله اعلى وأعلم وعلشان
كدا لأبد من السعى دائما !

همسات وبحــ الحياه ــر يقول...

المدونة دى وحشتنى كتيييييير

انا دخت من كتر الدواير اللى فى البوست

علفكره انت ممكن تغير القدر

بالدعااااااء

(لا يرد القضاء إلا الدعاء)،

(إن الدعاء ينفع مما نزل ومما لم ينزل

تحيااااااتى

Ramy يقول...

على فكرة انا بعت النمرة ع الفيس

لو وصلت طمنى (:

همسات وبحــ الحياه ــر يقول...

انا بس جاية احييك على اختيارك للاغنية
كنت لسه بقول عايزة انزلها واسمعها لقيتك حاططتها ^_^

بس المفروض مع كمية الدواير دى تحط اغنية بنلف فى دواير :D

Old Blogger يقول...

اه حد فاهم حاجه
بس محدش فاهم كل حاجه

على فكره لو بصينا للواقع
هنلاقى ان كل حاجه بتتغير
الدواير الصغيره والكبيره
بل على العكس..
الدواير الصغيره تغييرها أصعب من الدواير الكبيره
يعنى بص للثورة المصريه مثلاً
غيرنا الرئيس وغيرنا النظام كله تقريباً
مش بسهولة طبعاً..
لكن أظن بالمقارنة بسلوكياتنا وروتين الموظفين والمصالح الحكومية وتراكمات اللى عمله فينا النظام السابق.. تغيير الدايره الكبيره أسهل إلى حد كبير من تغيير الدايره الصغيره
بس بما إن معنوياتنا ارتفعت لأقصى درجاتها الحمد لله.. فـ أكيد الجى أحسن مهما كانت صعوبته إن شاء الله


اقتراح فى صيغة سؤال :) ,,
ليه ديماً موضوعاتك فلسفية بحتة أو رومانسية بحتة؟ وفى الغالب مستوحاه من أفكار أفلام أو أغانى أو ما شابه؟
طبعاً مفيش اعتراض على ده..
بس أتمنى اشوف موضوعات متنوعه أكتر من كده.. وواثقه انها هتكون بنفس روح موضوعاتك المختلفه

معلش طولت عليك

غير معرف يقول...

السلام عليكم و رحمة الله و بركاته كيف حال الاخوة المدونيين لي الشرف أن أدعوى سيادتكم الموقرة لزيارة مدونتي و التفاعل فيها و اعطائي رأيكم في مدونتي

تقبلو سلامي و تحياتي

shoshta_ joker يقول...

السلام عليكم.....


ازييك يا تيمو ع فكرة انا زعلااانة منك اوووووووى

اتهيئلى عارف لية

وع فكرة انا جاية متأخر لانى لسه شايفة البوست دلوقتى مش عارفة ازاى بس عمتا انا مش بدخل كتير دلوقتى

ان شاء الله حنقدر نغير الدواير الصغيرة بدال قدرنا نغير الصعب مش حنغير الاسهل ودا بالرغم من ان عدده كبير بس حنحتاج وقت مش اكتر عشان العدد دا

انا بعشئق اسلوب احمد حلمى فى التمثيل وافكاره فى افلامه وكانت عجبانى اخر حاجة كتابتها فى البوست اوووى ع ما اعتقد الى كان قايلها حلمى فى فيلم اااالف مبروك


دومت بخير
فى رعاية الله
shemo


هو في حد يقدر يغير الواقع..؟؟

- طبعا.. نقدر نغير الواقع لأنه بيحصل بسببنا..

أنما اللي مابيتغيرش..القدر.

- ليييه..؟؟

- لأنه بيحصلنا.

sweet angel يقول...

القدر بيتغير بالدعاء
والواقع احنا الي بنعمله علشان كده نقدر نغيره
احنا مسيرين ولا مخيرين؟؟
لازم نفهم كويس
محدش يقول أنا مخير علشان كده مفيش حاجه ربنا كاتبها احنا عايشين "كده"
ومينفعش نقول مسخرين
يقوم واحد يرمي نفسه قدام القطر ويقول نصيبي بقى ربنا كاتبلي كده
لكن الاصح انك تقول
انك "مسخر باختيارك"
ربنا كتب كل حاجه صحيح
لكن كل حاجه بتتم بارادتك واختيارك

بس
كفايه
سلام

Prince-Palestine يقول...

القدر بإيد ربنا


ااحنا نقول الحمد لله على كل حال



تحياتي لقلمك

Emtiaz Zourob يقول...

اذا كان قصدك بالقدر القضاء والقدر .. فإنه يتغير .. مرة سمعت بأنه القضاء والدعاء يتعاركان في السماء وتكون الغلبة للأقوى .. فأكثروا الدعاء .. في حديث بالمعنى هذا " ع حد علمي " كمان في مقولة " ربنا اني لا اسألك رد القضاء ولكننا اسألك اللطف بي .." كمان هذه ممكن احنا نغيرها والاصح نقول .." ربنا اني اسألك رد القضاء واللطف بي " طبعا والله اعلم ..
بالنسبة للدوائر .. تذكرت قصيدة عبد الرحمن الابنودي ..
بنلف بدواير والدنيا تلف بينا ..
وننتهي من مطرح ماابتدينا ..
" حاجة زي هيك "
سعيدة بمروري هنا..

5o5a يقول...

لا يغير القدر لا الدعاء

يعني م نستسلم لأي حاجه صعبه في حياتنا ندعي وكمان نسعي ونعمل

جميله فكرة البوست ,,

تسلم ايدك

Story pain يقول...

دايما بتبهرنى حاجة مشتركة فى كل البوستات

كل بوست فعلا بيجى فى وقته

بنحسه اوى وبيختصر كل الكلام اللى عايزين نقوله

بيخلينا نشوف كل الدواير الكبيرة والصغيرة اللى فى حياتنا...واللى مش سهل اننا نقف حتى دقيقةعلشان نشوفها.... ونفهم حاجه

دايما متميز يا تيمو:)

اللى بجد مش فهماه ازاى فريدة تتأخر أوى كده

على صوتك شوية يا تيمو واحنا كلنا ننادى معاك علشان نفسى بأه أقرأ بوست تفرحنا فيه وانت معاها...

ربنا يسعدك يا تيمو

shoshta_ joker يقول...

السلام عليكم.....






يااااااااتيمو انت فيييييين يبنى
بتحفتى كتير اوووى كدا ليه

صوت من مصر يقول...

تيمو اسمحلى
الموضوع اللى انا اتكلمت فيه قريب جدا لفكرتك
طب ليه نسكت على الدواير الصغيرة

سابرينا يقول...

أنا كنت فاكرة انها دايرة واحدة بنلف من أول نفطة فيها ونتنهي برضة علي نفس النقطة بجد أنا حسيت بكده جدا !لكن اللي أنت بتقوله ده جديد حسيت انك بتكمل اللي أنا كنت فاهمة يمكن أنت وصلت لمرحلة متقدمة عني!

Unknown يقول...

السلام عليكم

أنا لن أضيف إجابة جديدة على ما قدمه المعلقين السابقين..

لكن اردت إبداء إعجابي بأفكار مواضيعك وطريقتك في العرض..
صدقا مدونتك مميزة.. مع تحفظي -اسمح لي- على بعض الصور فيها.!!

وبالمناسبة.. أردت أن أوضح شيئا: عندما اخبرتك (في أحد ردودي عليك) أني زرت مدونتك، كنت مخطئا، وآسف لهذا الخلط لدي، فهناك "تيمو" زرته من قبل وكان مميزا أيضا :) فآسف بصدق على هذا الخلط.. لكن المهم أنني عندما أتيت هنا وجدت جوا ساحرا راق لي بالفعل...

تحياتي أخي الكريم.

Tamer Moghazy يقول...

elsayed azab:
ها احاول مدام انت حلفتني بفريدة :)
بس لو تشرح لفي الموضوع ها اكون شاكر جدا ليك..
وبجد ديما انت منورني بزيارتك ونصايحك المميزة :)

Tamer Moghazy يقول...

still-searching:
عندك حق طبعا..
الموضوع محتاج مجهود مننا كلنا وبروح واحدة..
منوراني ديما :)

Tamer Moghazy يقول...

norahaty:
"لابد من السعي دائما"
هو ده بالضبط المقصود :)

Tamer Moghazy يقول...

ت وبحــ الحياه ــر:
سلامتك من الدوخة بس دي جزء صغنون من الدواير الكتير حوالينا..!!
انت كمان وحشتي المدونة :)

Tamer Moghazy يقول...

Ramy:
,wgj dh v,ld, ,ih h;gl; rvdf uahk kvyd a,dm lu fuq ghk; ,hpakd :(

اللي فوق دي رسالة ليك بس متشفرة عشان محدش يعرف يقراها :) :)
واحشني يا روميو كتير والله :)

Tamer Moghazy يقول...

ت وبحــ الحياه ــر:
عندك حق بس الاغنية فيها مشكلة :(

Tamer Moghazy يقول...

ابتسام مختار:
عارفة..قبل اي حاجة انا مبسوط انك جيتِ ، وكمان علقتِ تعليق كبير وده على عكس طبيعتك الـ(قليلة الكلام) :)
وطبعا عندك حق في موضوع الدواير الصغيرة وان تغييرها نوعا ما اصعب من الداسرة الكبيرة..!!

اما بالنسبة لموضوعاتي فا انا مش (اديب) ولا (كاتب) انا بس باستعين بحاجات حسيتها عشان اوّصل اللي عاوز اقوله للي (يقدر) يلاقيها بين السطور..!!
يعني ببساطة (ده) انا :)
معلش بقى.. استحملوني :)

انا بجد مبسوط قوي من زيارتك واللي ديما باستناها :)

Tamer Moghazy يقول...

shemo_ joker:
شيموووو..
ليه زعلانة..؟؟
صدقيني ما عارف السبب ولو ممكن ابعتي لي وقولي وانا اشتكيني لفريدة لو كان يرضيك :)

Tamer Moghazy يقول...

sweet angel:
انت "مسخر باختيارك"
حلو قوي التفسر ده ، فعلا عندك حق وكنت اتمنى التعليق يطول اكتر من كده :)

Tamer Moghazy يقول...

Prince-Palestine:
القدر بايد الله..
ونعم بالله..
تحياتي لوجودك ولكل اهل فلسطين الحبيبة :)

Tamer Moghazy يقول...

وجع البنفسج:
لايرد القدر الا الدعاء..
وبالنسبة للاغنية فهي فعلا تنطبق على الموضوع لاننا فعلا بنلف في دواير والحياة بتلف بينا..!!
تحيك عطرة لوجودك :)

Tamer Moghazy يقول...

5o5a:
جميل وجودك اللي بيتأخر ديما :)

Tamer Moghazy يقول...

Story pain:
...وديما انت متميزة في تعليقك.. ودي حقيقة مش مجاملة :)

ممكن بقى تطلعي لقدام خطوة..
ايوة..هنا بالضبط..
يلا بقى كلنا مع بعض في صوت واحد..
(انت فيييييييين يا فرييييدة)
(';')

Tamer Moghazy يقول...

shemo_joker:
انا هنا اهو اهو اهو يا شيموا :)

Tamer Moghazy يقول...

صوت من مصر:
كيمو.. عندك حق طبعا..
الدواير صغيرة.. بس كتير.. وكتير قوي كمان..!!

Tamer Moghazy يقول...

سابرينا:
تقصدي اني وصلت لمرحلة متقدمة عنك في اللف ولا في الدواير..؟؟
صدقيني كل ما ها تخرجي من دايرة كبيرة.. هتلاقيها مجرد جزء من دايرة اكبر..!!!
تحياتي لمرورك :)

Tamer Moghazy يقول...

ماجد القاضي:
انت من الناس المميزين اللي باحترم طريقتهم وصدقني وجودك عندي شرف كبير لمدونتي :)
وديما باتنتظار وجودك ورأيك :)

مجرد حلم صغنتوت يقول...

- هو في حد يقدر يغير الواقع..؟؟

- طبعا.. نقدر نغير الواقع لأنه بيحصل بسببنا..

أنما اللي مابيتغيرش..القدر.

- ليييه..؟؟

- لأنه بيحصلنا
-----------------------------
احلى حاجة في فيلم 1000 مبروك هي الفكرة دي.. انا عايزة اغير الواقع يبقى هعرف اعمل كده اكيد
ده بايدي
وزيها الدواير الصغيرة والكبيرة
حتى لو خدت مجهود بس في الاخر هتتغير لو صدقنا اننا هنعرف نغيرها

E73 يقول...

هرد عالأسئلة

آه

آه

انت رديت عليه

كل سنة وحضرتك طيب

Tamer Moghazy يقول...

مجرد حلم صغنتوت:
طبعا نقدر نغير الواقع لانه (واقعنا)
وده طبعا بيحتاج مجهود لان دواير واقعنا ممكن (تدوخنا).
بتتاخري......وبستناكِ :)

Tamer Moghazy يقول...

E73:
حلو الرد ده..
سيم يعني :)

كل سنة وانت اطيب :)

Eman يقول...

الحـكـاية عــامـلة زي الدوايــــر..

دوايـر صغـيرة..جـوه دايرة كبيـرة

الدوايــر الصغيـرة ممكن تتغيــر..

لكن الدايرة الكبيرة ما بتتغيرش..!!

الدايرة الكبيرة بتلف فى عكس اتجاه الدواير الصغيرة يعنى لو عرفت اغير الصغيرة مش حعرف اغير الكبيره لانها فى عكس الاتجاه (ضد التيااااار) يبقى لازم أتأقلم واذا معرفتش يقبى غصب عنى حتأقلم لان ده واقع واظاهر انه فعلا صعب انه يتغير

عبد الرحمن سالم يقول...

مدونة قوية جداً عجباني أوي كل البوستس وبالذات البوست ده !

تحياتي ليك :)

www.3een-wants-to-see.blogspot.com

kmhmhgfd يقول...

قدرنا برده واقع ,, لفرق ان القدر مرة حلو ومرة وحش وف الاخر بنرضى بيه بس الواقع دايا مجبرين عليه
انا مرة افكرت اغير الواقع
ولحد دلوقتى لسا بفكر // وحاولت
محاولاتى رغم انها كتير بس المجموع ( zeRo )
حد فاهم حاجة :d