الثلاثاء، يونيو 28

كم تزِن حياتك..؟؟

المشهد الاول:
تخيل للحظة أنك تحمل حقيبة ظهر..
أريدك أن تتخيل وزنها علي كتفيك..
أتشعر بها..؟؟
الآن..أريدك أن تملأها بكل الأشياء الموجودة بحياتك..
إبدأ بالأشياء الصغيرة القيّمة .. الأدراج..الخزانة..المقتنيات..
أتشعر الآن بالوزن الذي تضيفه هذه الاشياء..!!
الان..نبدأ بوضع الأشياء الأكبر.. الادوات الشخصية.. الملابس
بدأ الثقل على الظهر يزداد..!!
الآن..نذهب للاشياء الاكبر.. المنزل...السيارة..
اريدك ان تضع كل هذه الاشياء داخل حقيبة الظهر..
والآن.. حاول ان تمشي.. اصبح التحرك صعباً..؟؟
هذا ما نفعله بأنفسنا..يومياً..!!
نزيد الحِمل على انفسنا حتى نصبح غير قادرين على الحركة..!!
ولا نخطيء في فهم هذا
أقصد بالحركة.. الحياة .

والآن..سأشعل النار في هذه الحقيبة..
ما الذي نريد إخراجه منها..؟
الصور؟؟  الذكريات..؟؟
الصور للاشخاص الذين لا يستطيعون التذكر..
تناول شيئا يقوي الذكرة..ودع الصور تحترق.
في الواقع... دع كل شيء يحترق..
وتخيّل انك استيقظت غدا..
بلا شيء..
والآن..تبدأ حياتك من جديد.

المشهد الثاني:
الآن..لديك حقيبة ظهر جديدة..
لكن هذه المرة..أريدك أن تملأها بالأشخاص..
بداية من معارفك..الزملاء في العمل.. الاصدقاء..
ثم إنتقل إلى الناس الذين تأتمنهم على أسرارك..
إخوتك وأخواتك..والديك..
وأخيرا زوجِك أو زوجَتك..

ضعهم في حقيبة الظهر هذه..
ولا تقلق...لن أطلب منك إشعال النار فيها..
أشعر بثقل تلك الحقيبة..!!
لا تخطئ في فهم هذا..
علاقاتك هي أثقل المكونات في حياتك..!!

هل تشعر الآن بالحمل الزائد..على كتفيك؟
كل تلك المفاوضات.. والمبررات..
والأسرار... والمساومات..!!
لست بحاجة لحمل كل هذا الوزن..!!
لماذا لا تضع تلك الحقيبة على الارض؟
بعض الحيوانات خلقت لتحمل بعضها البعض
لتعيش علاقة تكافلية مدى الحياة..
ونحن لسنا تلك الحيوانات..!!
كلما نتحرك بشكل أبطأ
نموت بشكل أسرع.

المشهد الثالث:
البطل ينظر الى حقيبته ويستعد لالقاء محاضرة جديدة عن التفكير بطريقة عملية والتخلص من المشاعر والعواطف التي تجعل الحياة تتحرك ببطء..
وفجأة.. ينظر لنفسة ويفكر للمرة الاولى بشكل مختلف..
فقد شعر بمدى وحدته بعد كل تلك السنوات وما حققه من نجاحات خلالها..!!
وهذا ما جعله يشعر بالفشل يتجسد ..امامه...وبشدة..!!
فقد فشل في تحقيق ما ينادي به..!!
فشل في الابقاء على حياته بلا مشاعر..
واكتشف ان كل ما ينادي به شيء زائف ..
قد لا يساوي لحظةً يشعر فيها بدفء المشاعر الحقيقية..
فا يقرر الانسحاب..من المحاضرة في صمت..
والهرب الى هناك..
اليها..
الى حيث يناديه قلبه.. وتاخذه مشاعره..
الخلاصة..
مش لازم تمر بالمشهد الاول والتاني عشان تقرر صح في المشهد التالت..

رؤيتي للفيلم الرائع
Up In The Air

هناك 89 تعليقًا:

Eman يقول...

"UP inthe Air
I was waiting for that post more than u think i adoreee this movie & i remember the details while i'm reading "Well done ya tamer"
it's gonna be my favorite post may be i need to do it "keep the bag down on the floor & take things
out of it"
هذاما نفعله بأنفسنا...يوميآ نزيد الحمل على أنفسنا حتى نصبح غير قادرين على الحركة...دع كل شئ يحترق
كلما نتحرك بشكل ابطئ نموت بشكل أسرع
i won't focus on such details make my bag heavy to carry it"
Amazing One


"اكتشف ان كل ما ينادي به شيء زائف ..
قد لا يساوي لحظةً يشعر فيها بدفء المشاعر الحقيقية..
فا يقرر الانسحاب..من المحاضرة في صمت..
والهرب الى هناك.." جاااااااااامده جدا

I'm proud of my Self to be the first one who read your post & leave my comment tab3an lazm akon awl wa7da bcoz i was waiting for it ba2ly kteeeeeeer
Well done bgd more than amazing ana 3arft hwo leah at5r el post kol dah (';')

Bent Men ElZaman Da !! يقول...

اولا حمدالله على السلامه :))

الحياه اللى بتعمل فينا مش بس احنا
بنمر بحاجات كتير فى اللى بنشلها معانا وفى اللى بنسيبها فى وسط الطريق
حتى الاشخاص
فى اللى بيفضلوا معانا طول طريقنا وفى اللى بينزل فى اى محطه
انا مش شوفت الفيلم ده للاسف
بوست جميل اوى :)

دعاء العطار يقول...

عارف ياتيمو ..

زمان كنت بحب أوى اقرا فى التنميه البشريه .. وازاى لازم أتحكم فى نفسى وانا اللى احدد امتى اكون سعيده وامتى لاء

فجأه ..

حسيت بسخافة اللى بقراه

البنى أدم مش أله .. بنضغط على مفتاح فتتحرك أو تقف

الانسان له مشاعر .. يضعف ويقوى تانى

يقف .. ويقوم ... يغلط ويتعلم ..

فيه ناس كتير بتفتكر السعاده فى انها تعمل حاجه معينه وتضيع من عمرها كتير وهى معتقده ان ده اللى هى عايزاه

وفى الأخر بتكتشف سخافة اللى بتعمله

عجبنى جداً كالعاده ... هحاول أسمع الفيلم بس يارب النت مايكسفنيش

أنا فى أمس الحاجه انى أسمع حاجه حلوه

(: (:

لـــولا وزهـــراء يقول...

تيـــــــــــــــمو

معقول كل ده غيااااااااااب كده كتيييييييير بجد

بصراحه كل مره اقرا لك بوست اعيد القراءه عدة مرات عشان اتمتع بالكلام وبين السطور وحاجات كتير اوى
عارف حاجات كتير بتعجبنى فى كلامك بس عن جد بالفرح اوى بوجهة نظرك فى بعض الافلام ولما تربطها بحاجات من الحياه بصراحه وجهة نظر ولا اجمل من كده
عن جد ادعو الله ان يوفقك ويفرح قلبك ويسعد ايامك قول امين بصوت عالى خلينى اسمعك يا برنس

المهم مش تغيب عننا ^_^


زهـــــراء

Antika يقول...

اممممم
دانا كنت خلاص اقنعت نفسى بأول مشهدين :)

Noha Saleh يقول...

اولا حمدالله على السلامة
احنا فعلا بنعمل فى نفسنا كده
فى انتظار الجديد وبسرعة مش لازم نستنى شهرين

reemaas يقول...

كالعادة ياتيمو اختياراتك بتبهرنى يا تيمو

وكالعادة عشت مع المشهدين وصعبت عليا نفسى جا بسبب الشنطة دى

وصدمنى المشهد التالت على حقيقة انى ماشلتش الشنطة دى غصب عنى بالعكس ده انا كل لحظة فيها عشتها بارادتى

صدمتنى برده الحقيقه اللى فى الاخر


مش لازم تمر بالمشهد الاول والتاني عشان تقرر صح في المشهد التالت..

فرحت لما لقيتك كاتب

بحب الواد جورج ده انا

فتافيت يقول...

تي مــو،، إيه دي كلها غيبة؟!

ممممممممم
بس ممكن جدا توصل للمشهد التالت
بعد ما تمر بالاول والتاني،،
وبرضو تختار غلط،،!

أنا بقول نولع في الشنطة اللي محيرانا دي
ونمشي خفاف كده احسن،، بلا وجع قلب!

أنا قررت ما شيلش حاجة خالص
كفاية اللي شيلته سنين!

paix يقول...

شكرا يا تيمو بتعرف فاجأتني الفكره بس كتير عجبتني انا حاولت احمل بالحقيبه اي شخص ما حسيت معه بخيبه امل فلقيت الحقيبه فاضيه ومشيت بدون حدا معي لقيت الموضوع اخف واسهل ..

Timo.. يقول...

Eman:
الشنطة ماينفعش تكون فاضية..
ولا ينفع تكون مليانة..
والحياة بتعلمنا ايه يستحق يكون في الشنطة..
وايه يستحق يكون (براها).

مبسوط انك كنت اول تعليق. (';')

Timo.. يقول...

Bent Men ElZaman Da:
اولا: الله يسلمك :)
ثانيا: الحياة زي الشنطة.. محتاجين نفضي منها كل فترة اللي بيزحمها على الفاضي..
وفيها حاجات ماينفعش نفضيها مهما كانت (تقيلة) علينا :)

Timo.. يقول...

دعاء العطار:
عارفة..
بيعجبني فيك انك بتقري بتمعن وبتحللي مابين السطور وبتخرجي منه بحاجة انت بس اللي بتعرفي تصيغيها :)
وديما بيعجبني تعليقك....كالعادة :)

Timo.. يقول...

لولا وزهراء:
واخيرا زهراء اللي باحب اشوف البوست بتاعي بعيونها :)
بأتاخر كتير بسبب طبيعتي اللي اللي مابتحبش الزحمة وهجمات البوستات اليومية..!!
وعشان عارف انك بتستنيني..انا كمان باستنى تعليقك :)
انا قولت آآآآمين اهو بصوت عااالي :)

Timo.. يقول...

Antika:
والله انت عملت تعليق انتيكا بجد يا انتيكا..(حلو قوي يعني) (';')
بس سؤال صغنون.. انت ليه بتهربي من المشهد التالت..؟؟
منوراني ديما بوجودك :)

Timo.. يقول...

Noha Saleh:
لازم نعمل كده عشان ندرك قيمة (الاشياء) ونتعلم ما نعملش كده تاني.

حاااضر ها احاول مااتاخرش كتير بعد كده :)

نهر الحب يقول...

انا أول مرة أجي المدونة ولأول مرة أتوه مع البوستات كدة واقعد أقرا كتير ومزهقش كان نفسي اقول تعليق علي كل بوست عشان كل واحد أثر فيا بطريقة معينة

بالنسبة للفيلم
انا ماشفتهوش للاسف لكن انا مختلفة معاك في ان البطل مكنش لازم يمر بالمشهد الأول والتاني عشان يقرر صح في المشهد الثالث
بالعكس جدااااا
احنا لازم نمر بمشاهد كتير اوي عشان نعرف الصح ونعمله ولازم نعرف طعم المر عشان لما ندوق الحلاوة نستطعمها أوي
بس عارف المشكلة في ايه؟
اننا ديماً مستعجلين وعايزين ننقي من فيلم حياتنا المشاهد الحلوة بس ونلغي المشاهد الوحشة الحزينة وللأسف ده عمره ما حيحصل غير في الجنة ان شاء الله لو لينا فيها نصيب

اتمني ميكونش تعليقي شيء آلي زي ما بيضايقك
ولا تكون زيارتي مجرد زيارة لأني بحب القراءة جداا
مدونتي للأسف مش بكتب فيها بقالي فترة
وووبس

متهيألي دلوقتي حروح اكمل قراءة وتعليقات في باقي البوستات
:)

Timo.. يقول...

Reemaas:
فعلا يا ري.. احنا مش بنشيل الشنطة غصب عننا..
احنا بنختار في كل لحظة اننا نشيلها وبإرادتنا..
بس الموضوع بيحتاج كل فترة اعادة ترتيب.

على فكرة..
انا كمان فرحت لما لقيتك عندي..
وتصدقي انه جورج كمان بيحبك قوي؟ :)

sony2000 يقول...

كدا هتخيلني اشوفوا

ميرسييييييييييي

Timo.. يقول...

فتافيت:
يا فتفوتة السكر ماينفعش نمشي لوحدنا من غير شنطة حتى (لو) كانت فاضية..
وبعدين اللي يولع في شنطته ممكن قوي يولع في (اي حاجة)
وعلى فكرة. احنا بنتعب..عشان نرتاح..
خليك فاكرة الكلمة دي ها ييجي يوم وتحسي معناها

Timo.. يقول...

Paix:
يبقى لسه ماجاش الحد اللي يستحق يكون بالشنطة لكن (المبدا) نفسه..موجود..
بتعرفي كلمة شكرا اللي في اول التعليق عملت فيا ايه..؟؟
كاني تعبت وحد حس بتعبي في فكرة البوست وقدر تعبي وقال لي (شكرا) من كل قلبة..
بجد انا اللي باقولك (شكرا) على الكلمة الحلوة قووووي دي :)

Timo.. يقول...

نهر الحب:
بكل حرف كتبتيه..
وكل حرف قرأتيه مش هاقدر اكفيك كلام :)
وواضح جدا ان وجهة نظرنا واحدة في حاجات كتير بدليل اني ديما باقول (لازم نتعب عشان نرتاح) وعشان كده ها أطلب منك تقري بوست بعنوان (البحث عن السعادة)

تعليقك على البوستات معناها انك مدققة جيدة ولا يمكن يكون ده تصرف (آلي) ابدا.

مبسوط فوق ما تتخيلي بزيارتك وديما مستني تعليقك :)

Timo.. يقول...

Sony2000:
طبعا لااازم تشوفيه وعلى ضمانتي كمان وها استنى رايك :)
انا اللي باشكر وجودك عندي :)

still-searching يقول...

ما زلت تتفوق على نفسك

جميل اوي البوست ده يا تيمو

1- مش بسهولة انك تفقد الأشياء الثمينة في حياتك " ودي المقصود بيها الحاجات اللي متتعوضش "
كل ذكرى ليك بتحتاجلها بعد فترة في حياتك عشان تعيشك لحظات سعادة ولو حتى في أحلامك

2- أما عن الأشخاص وتحملهم
من الضروري ان احنا نتحمل الأشخاص اللي بنحبهم
عشان نلاقي اللي يتحملنا مهما كانت ظروفنا :)

3- الجميل هو الخاتمة
وفعلا زي ما قلت
"" واكتشف ان كل ما ينادي به شيء زائف ..
قد لا يساوي لحظةً يشعر فيها بدفء المشاعر الحقيقية.. ""

متألق كالعادة يا تيمو :)

just waiting يقول...

ياصباح الافلام الي زي الفل
بجد بيعجبني قوي تحليلك للأفلام
عارف حياتنا هي اختيارتنا وعلشان نوصل لحاجة لازم نتنازل عن حاجه في المقابل ودي مش المشكله
المشكله هي ان احنا نتنازل عن حاجه كبيرة ومهمة علشان حاجه بنكتشف بعد كدا انها مش اهم ابدا من الي اتنازلنا عنه بالظبط زي الحكمه الي بتقول لا يكفي ان تكون بالنور لكي ترى وانما ينبغي ان يكون في النور ماتراه
ساعات كتير بنمشي طريق طويل علشان نوصل لهدف وفي النهاية بنكتشف ان مش دا الي احنا عايزينه ولا بيحققلنا السعادة
تصبح على خير بقى علشان مانمتش

كيــــــــــــارا يقول...

انا ركبت التوك توك وجيت

...

البوست دا مش مجرد بوست ومش مجرد مسج للناس

احساس حسيته لما بدات فيه

اني جو بحر ومع كل حرف كل رمز بقراه ببحر اكتر واكتر

وفي الاخر

ببساطة متناهية بوصل للبر

وبتقول وبسهولة متناهيه مش شرط عشان توصلي للبر تمشي كل المسافات دي
ودا " السهل الممتنع "

انا فعلا مش هعرف اعلق

بس ........

رغم كل دا جعلتني ابتسم :)

sosonata88 يقول...

gameel al post..i like al idea..
i like the ideas related 2 emotions w al human relationship
i like ur selections..
بس انا شايفه ان احنا مفروض نمر بمواقف وعلاقات كتير عشان نتعلم ونعرف نختار صح بعد كده..مهما سمعت مش حيكون زى ما بتمر بتجربه بنفسك
ومدام متاح انك تعيد ترتيب الشنطه تانى يبا مفيش مشكله..واذا كان على التعب البتحس بيه بعد اى علاقه فاشله فا مش مهم الوقت بينسى اى حاجه بيفضلك بس الخبره الكتسبتها من الموقف وعلماء النفس بيقولوا ان لازم تتعب وتاخد وقت عشان تكتسب الخبره ومش تكرر الغلط تانى
w f3ln u have 2 make amixure bet emotion and mind w the practical life..2 be able 2 combine bet happy and success
w bgd bgd al song 7lwa gdnnnn..i feel averyyy wonderful emotions when i heard it..
w bgd bgd al comment tweel gdn..m3lsh b2aa

نهر الحب يقول...

:))
انا مبسوطة اني جيت هنا اوي وقريت البوست طبعا وسيبتلك تعليق هناك

لو شبه بعض يبقي شيء افخر بيه
:)
عشان انا مفيش حد شبهي كتير

نهر الحب يقول...

بالمناسبة عجبتني اوي ذكرياتك صفر وسبت تعليق هناك

اسفة اني اتأخرت عليك وفرحت فوق ما تتصور بزيارتك عندي

Rosie يقول...

صراحة انا مشفتش الفيلم بس من خبرتى من الأفلام اللى شوفتها و شفت تعليقك عليها....الأسلوب اللى بتكتب بيه "رؤيتك" على الفيلم -زى ما قلت-...بيخليك ماتفكرش في الفيلم أد ما تفكر إن الكلام ده رسالة موجهة لنفسك.....بس هو ليه أنت مش بتكتب غير عن قضايا اتاقشت فى الأفلام بس؟......
"قد شعر بمدى وحدته بعد كل تلك السنوات وما حققه من نجاحات خلالها..!!
وهذا ما جعله يشعر بالفشل يتجسد ..امامه...وبشدة..!!
فقد فشل في تحقيق ما ينادي به..!!
فشل في الابقاء على حياته بلا مشاعر..
واكتشف ان كل ما ينادي به شيء زائف ..".....أد أيه ده صح......ببساطة لأن مفيش انسان يقدر يعيش كده مهما حاول...

shemo_ joker يقول...

السلام عليكم.....


يااااااااااه والله مش مصدقة نفسى ان تيمو بحاله نزل بوست

كنت مفكرة الريدر فى المدونة كداب والله
بس ظلمته طلع حقيقى
بجد كتاباتك ليها وحشششششششة بجد.....


دايما بتعزف ع الاوتار الجامدة دى

انا بعشئق up in the air

وانا بقرأ كنت اكنى بشوف الفيلم قدامى تانى....

تحليلك للفكرة تحففففففففة

تسلم دماغك ودا مش جديد يعنى عليييك يا تيمو.

يارررررب متغبش تانى كدا علينا...


دومت بخير فى رعاية الله.
shemo

saragebaly يقول...

الأحساس الي في البوست عالي اوووي

re7ab.sale7 يقول...

ممممممممممم
انا شفت البوست من زمااااااانطوقرأته
بس في غمرة انشغالي
ما عرفت اعلق
أو بمعني أصح وأدق في غمرة وزن زائد من حاجات كتير ما عرفت اقول شيء بالمرة
مشفتش الفيلم
بس راح اشوفه أكيد لانه باين عليه حلو كتير ومفيد وله فكرة وهدف وانا بحب النوع ده من الافلام اللي بفتقدها للأسف ف الافلام العربي
تعرف يا تيمو
احنا اللي بنزود الوزن ده
واحنا اللي بنقلله

بس في وزن زائد بنحبه مهما زاد علينا وزنه
تمام زي البامبينو...اقصد يعني البيبي جوه بطن مامته...أد إية بيكون وزن ....زائد...وتعب زائد...بس وزن وتعب لذييييييييييييييييييييييذ
وفي وزن مهما كان خفيف بيكون زيادة ...لانه مش بحب
مش مهضوم
مش مفهوم احنا لية مش حابينه وحاسينه لية زيادة علينا وتقيل برغم انه اصلا خفيف ....تمام زي ما تلاقي حد بيحبك بس انت مش قادر تحبه ...مش عشان عيب فيه ...لاء ومش عشان انت بتحب حد غيره لاء
بس عشان في شيء ربنا زرعه فينا ف قلوبنا ده نحبه وده مش نحبه لكن مش نكره...ف الوقت ده تلاقي كلامك وزنه زايد علي لسانك وشفايفك مش قادر تقوله ...عشان متضيعش صديق منك لانه مش راح يفهم كلامك
ومش راح يبقي صديقك زي الاول
وللأسف ان ده بيحصل وبيكون في شيء انكسر مش ممكن يتصلح
مممممممم
تيمو بجد وحشتني مدونتك وافكارك وكلامك
بس عندي امتحانات
ادعي لي
وسلملي علي فريدتك

ابتسام مختار يقول...

مشوفتش الفيلم..
بس ده من أفضل ما قرأت من تحليلاتك


مستنية تدوينة من غير أفلام قريب :)

Story pain يقول...

قد نتحمل ثقل حقيبة الحياة بتفاصيلها الكبيرة والصغيرة ونسير بذلك البطء الذى تسير به الراحة الينا...لكننا نستطيع أن نسرق لحظات نشعر فيها بالسعادة الحقيقة ونحن نختلس النظر لما نملك فى حفيبتنا...

وقد نشعر بتلك الخفة التى تملأ حقيبتنا ...أرواحنا ..حياتنا..ولكن عندما تمتد أعيننا وأيدينا لتبحث عن السعادة فى تلك الحقيبة سنجدها فارغة الا من هواء يبدو كمرآة تعكس لنا فقط...ما حصلنا عليه من ..لا شيء

هكذا يكون الفرق دائما بين الحقيبتين

بين الباحثون عن الراحة بين المشهد الأول والثانى..والباحثون عن السعادة التى قرر البطل أن يهرب اليها فى المشهد الثالث

اختيار وتحليل رائع لمشاهد الفيلم

فى انتظار بوست جديد

Timo.. يقول...

still-searching:
بيعجبني تعليقك اللي باحسة دخل بين الحروف مش بس الكلمات ووصل للمكان اللي استنيت حد يوصله :)
ولو تعرفي كلمات بتخليني مبسوط قد ايه وبحاول احافظ ديما على اللي باكتبة عشان الناس اللي بتهتم بادق التفاصيل زيك :)

Timo.. يقول...

just waiting:
"لا يكفي ان تكون بالنور لكي ترى وانما ينبغي ان يكون في النور ماتراه"
حكمة حلوة ها اخليني فاكرها ديما..

على فكرة دي مش تحليلات لافلام قد ما هي وجهة نظري وبانقلها بطريقة الافلام اللي بتعجبني..

صباحك مسك وعنبر :)

Timo.. يقول...

كيـــارا:
تصدقي ان انت قولت ببساطة اللي انا كتبت كتير عشان اقدر اقوله..؟!!
وعشان كده انت قولت اكتر من مجرد التعليق .

البوست ده متخبي جواه رسايل لكل حد ممكن يكون بيدور عليها -الرسالة طبعا- (وش خبيث) (';')

اه نسيت..حمد الله على سلامة التوك توك :)

Timo.. يقول...

sosonata88:
عندك حق اننا فعلا لما بنمر بتجربة مهما كانت قاسية اكيد برضة بنطلع منها بخبرة بتفيدنا اننا على الاقل ما نكررش الغلط ده تاني.
بس انت مش معايا في اننا المفروض نحاول نتعلم بدون ما نمر بكل التجارب اللي ممكن تتعبنا..؟
بجد بجد اتفضلي الاغنية اللي عاجباك وابقى كده عملت اللي عليا P:
وبجد بجد مبسووووط انك بتيجي هنا ومتابعة وبيعجبني رايك وتعليقك :)

Timo.. يقول...

نهر الحب:
انا كمان مبسوط انك جيت هنا (ولو حتى بالصدفة) وانا كمان باحب "ذكرياتك صفر" قوي لانه له معنى كبير بالنسبة لي وديما مستنيك بس المرة دي (مش صدفة) :)

Timo.. يقول...

Rosie:
انا باقول اللي انا عاوز اوصله بس من خلال الافلام اللي باحبها والمشاهد اللي باحسها ممكن تفيد بحاجة.
وبعدين ما انا في الاخر باقول رأيي ووجهة نظري اللي باحسها من كلللل ده.
خدوني زي ما انا بقى وامركم لله :)

Timo.. يقول...

shemo_Joker:
والله يا شيمو انا مكسووووف منك بس اعمل ايه كل مرة لازم اقولك انا انا بيزنس مان ومشغول وعندي مديرة اعمال ووقتي محجوز لحد 2019 (';')

بس تصدقي ان تعليقك بيوحشني قوي..؟
اه والله ديما باستناك وباستنى رأيك :)
كل سنة وانت طيبة يا شيموأ P:

Timo.. يقول...

Saragebaly:
واحساس اللي قرا البوست وحس الاحساس العالي اللي فيه اكيد اعلى بكتير :)
منوراني ديما يا سارة ولو انا اتأخرت عنك بلاش تتاخري انت عن زيارتي :)

Timo.. يقول...

re7ab.sale7:
يا سلاااام عليك يا ري وعلى تشبيهك الحلو للبامبينو.. حلوووو قوووي :)
وكمان تشبيه ان حد بيحبك وانت مش عارف تحبه رغم انه احساس قاتل لاحد الطرفين ..!!

انت كمان وحشتي المدونة وربنا معاك يا ري :)
واوعدك اول مااشوف فريدة ها اسلم لك عليها سلااااام (حااار) (';')

Timo.. يقول...

ابتسام مختار:
لازم تتفرجي عليه وتقولي رايك لانه فيلم مفيد جداااا..
والتدوينة اللي جاية قريب..
ممكن تكون من غير افلام..
لكن مش ممكن تكون من غير فريدة :)

Timo.. يقول...

Story Pain:
"هكذا يكون الفرق دائما بين الحقيبتين
بين الباحثون عن الراحة بين المشهد الأول والثانى..
والباحثون عن السعادة التى قرر البطل أن يهرب اليها فى المشهد الثالث"

بصراحة وقفت قدام تعليقك الاقرب للتحليل العميق منه الى التعليق وحسيت بالحيرة لاني مش عارف ارد على التعليق الاكثر من رائع ده .

وحقا..كل منا يملك حقيبته..
ويختار محتوياتها بعناية..
وكل ما تقدمنا في مشوار الحياه..
علينا ان نسرق لحظات نشعر فيها بالسعادة الحقيقة ونحن نختلس النظر لما نملك فى حفيبتنا (وبكامل اختيارنا)
تحية لوجودك :)

shemo_ joker يقول...

السلام عليكم......
مااااااشى يا تيمو يا عم المشغول حعمل نفسى مصدقة
والله وانا كمان بيوحشنى اوووووى كتابتك وانى ادخل المدونة عندك وعلللللق

وانت طيب يا تيمو وبألف صحة ياررررررب
وتكون فريدة قربت تيجى كدا عشان البوستات تكتر ومنتحرمش من قلمك.

وابقى اسئل

دومت بخير
فى رعاية الله.
shemo

5o5a يقول...

مشفتش الفيلم , بس تعليقك عليه ةالبوست عجبني قوي
وفعلا الحياه مش محتاجه كل التخطيطات دي , الحياه من غير مشاعر واحاسيس متبقاش حياه حتي لو كانت الاحاسيس دي مؤلمه في بعض الوقت , لكن بتدي لحياة الانسان طعم

بجد بوست جميل كالعاده

Ms Venus يقول...

لو كنا بنتولد كبار

كنت اقولك ينفع نوصل للمشهد التالت من غير ما نعدى على الاول والتانى


الاجمل بقى اننا نعمل مشهد رابع

مشهد خاص بكل واحد فينا

عنوان له

علشان دايما الناس تفضل فاكراه


وردة لتيمو

Antika يقول...

مش هروب من المشهد التالت قد ما هو احتياج حتى لو كان مؤقت لأول مشهدين ..

ف الفترة الحالية ..
بقوا لا يُمثلوا أى شئ غير ضغط إضافى :)

wella يقول...

ياااااااااااااااه
بقالى قرن مازروتش مدونتك ياااااه عدى وقت طويل اوى
الوقت بيجرى بسرعة اوى مش بحس بية


رائع كالعادة كلامك ووصف

صحيح احنا بنشيل فى حياتنا حاجات فوق طاقتها
بس قليل اوى اللى اكتشف ان كل ما ينادي به شيء زائف ..
قد لا يساوي لحظةً يشعر فيها بدفء المشاعر الحقيقية..
فا يقرر الانسحاب..من المحاضرة في صمت..
والهرب الى هناك

جامدة بجد الجملة دى

wella يقول...

بص ممكن اطلب منك طلب
ممكن تتفرج على فليم Atonement

فليم حلو اوى اوى مش عارفة اوصفة باية

عوزة اشوف هتقول عنة اية توصفة بكلامك اللى عامل زى اللؤلؤ دة
اية رايك؟؟

دعاء العطار يقول...

تيموووووووووو

ازيك أولاً ؟

ليك حاجه عندى روح خدها (: (:

Ramy يقول...

على فكرة

الموضوع مش محتاج شنط و لا ناس تتحرق

و لا نسيان و لا و لا ولا

الموضوع كله اننا لا نحمل الأشياء أكثر مما تحتمل

حتى بمنظورنا الشرقى بمعنى

أننا لازم نتقبل كل شيىء كما هو من ظرووف و اشخاص

و ده لا يعنى الأستكانه لظروفى لأ لازم اشتغل على تحسنها و انى منتظرش من الناس كتير من الشياء حتى لا أصدم

لأن كل تقدم فى الحياة بيبعدنا غصب عننا عن بعض

فلازم نقدر نقدر ظروف الكل لو حد مش مقدر ظروفنا دى حاجة ترجعله

لكن لازم ناخد الحياة ببساطة اكتر من كدة

.............

يااااه على الكلام بالرغم من انى مش هنفذ منه حاجة (:

...............

مش عارف ازاى فاتنى البوست ده جيت اشوفك فين لقيت ان انت سايب المكان و غايب بقالك كتير

فيشة بنت كبس يقول...

wow:)

Timo.. يقول...

shemo_ joker:
طبعا لازم تصدقيني يا شيموأ عشان انت كمان بتوحشي المدونة..
وبعدين قولي بصوت اعلى يا رب فريدة تيجي بقى :)

Timo.. يقول...

5o5a:
الفيلم حلو ومحتاج اننا ندقق في كل التفاصيل..
وفعلا زي ما قولتي ممكن يكون الطعم حلو.. او مؤلم..
بس الحياه بدون (طعم) ملهاش اي قيمة.

Timo.. يقول...

Ms Venus :
لازم نمر بكل المراحل عشان نوصل لاخر مرحلة ونتعلم منها و.. (باقتناع)

اقتراح المشهد الرابع ها اسيبه للحياه هي اللي تحدده..

اعذريني على غيابي المستمر
ووردتك هي الاجمل وها اشيلها لفريدة عشان احطها في شعرها :)

صباحك مسك وعنبر :)

Timo.. يقول...

Antika:
واضح انه احتياج (ضروري) بالنسبه لك في الفترة الحالية..
وجهة نظر انتيكية.. تحترم طبعا :)

Timo.. يقول...

wella:
يااااه انت كمان غايبة بقالك كتير وبجد استنيت تعليقاتك المميزة كتير.

كل انسان بيشوف حياته من وجهة نظره اللي ممكن تكون (صح).. وممكن تكون (خطأ)..

اوعدك اني اشوف الفيلم واقول لك رايي فيه :)
ممكن بقى بلاش تغيبي بالشكل ده تاني..؟

Timo.. يقول...

دعاء العطار:
روحت ومبسوط كتير بالدعوة بس اديني شوية وقت نونو آآآآآد كده..
واوعدك هاافتح صندوق الذكريات و اكتب بوست عن الذكريات :)

Timo.. يقول...

Ramy:
والله بيوحشني وجودك وغصب عني الغياب..
خلاص بقى انت المفروض عارفني ومش محتاج اقولك الكلام ده كل مرة (وش مكسوووف)

الحياه مافيهاش اي ضمانات..
ولازم نحدد احنا عايزين منها ايه..
ممكن لو انا اتاخرت عنك بلاش انت تتاخر..؟؟ ممكن..؟؟ (';')

Timo.. يقول...

فيشة بنت كبس:
(؟)

فيشة بنت كبس يقول...

نعم؟:)

Timo.. يقول...

فيشة بنت كبس:
متهيالي كنت تقصدي دي :(
مش دي :)

وانا قصدت دي (!)
مش دي (؟)

(';')

فيشة بنت كبس يقول...

مش فاهمة بجد!!!:(

لـــولا وزهـــراء يقول...

تيمو

جايه اقولك كل سنه وانت طيب
وباشكرك على ردك عليا فى البوست هنا وعن جد بيعجبنى اسلوبك وانت عارف انى مش باعرف اجاملك
فى انتظار بوست جديد

زهراء

EL pRiNcEssA يقول...

لو خيروني اشيل ف شنطتي ايه
هشيل احلي اللحظات اللي عدت عليا ف الحياة وبس

موضوعك حلو ياتيمو
كل رمضان وانت بخير ابقي عددددي

Ms Venus يقول...

كل سنة وانت طيب يا تيموو

وجع البنفسج يقول...

امم فلسفة برضه ! انا لو راح ازن حياتي بهذا الشكل .. اكيد راح اتعب كثير ومش بعيد اني من كثر الوزن الزايد مااعرف امشي ولا خطوة في حياتي .. بس على شو كل هذا ؟؟ الحياة مابتسوى من غير ذكريات واشخاص وأماكن ..

دشَّرك " يعني سيبك " من كل هذا .. كل عام وانت بخير ورمضان كريم ..

Silver Eyes يقول...

إزيك يا فنان ؟ :)
كل سنة وانت طيب يا تيمو
ورمضان يكون كريم عليك يارب
وربنا يتقبل .. :)
.....
مش عارفة أنا بهرب من التعليق ع البوست دا من أول يوم نزل فيه
ليه !!
يارب أرجع تانى .

reem يقول...

تيموووو
تيمووو
تيمووووووو
كل سنة وانت طيوووووووووب يا تيمووووووو

انت فينك بقى بقى بقى ؟؟

رمضان كريم عليك يااااااااااارب

wella يقول...

كل سنة وانتة طيب ياتيمو
رمضان كريييييييييم

لا مش هغيب بعد كدة تانى بس اهى دنيا نغيب ونروح ونرجع تانى :)


هستنى بوست للفليم اوعى تنسى

Timo.. يقول...

فيشة بنت كبس:
غريبة..!!
مع اني توقعت انك (فاهمة)
...!!

Timo.. يقول...

لولا وزهراء:
كل رمضان وانت بكل الخير ويارب ديما موجودة في كل بوستاتي اللي بتستناكِ :)

Timo.. يقول...

EL pRiNcEssA:
بس ساعات بنشيل اللي في الشنطة واحنا مش عارفين قد ايه وزنه بس بيبان مع المشوار الطويل والايام قد ايه ممكن يكون حمل تقيل..
وساعتها علينا اننا نقرر ممكن (نستغى) عن ايه وممكن (نتحمل) ايه..!!
كل سنة وانت طيبة :)

Timo.. يقول...

Ms Venus :
كل سنة وكل رمضان وانت بكل الخير والسعادة :)

Timo.. يقول...

وجع البنفسج:
الحياة من دون ذكريات ما تسوى..
لاننا هانبقى عايشين اليوم بيومه وبس..
مجرد وجهة نظر :)
كل سنة وانت وكل اهل فلسطين الحبيبة بكل الخير :)

Timo.. يقول...

Silver Eyes:
حلو الوصف اللي قولتيه ويارب اكون استحقة :)
ليه بتهربي من التعليق..؟
يمكن عشان خايفة تعرفي وزن حياتك الحقيقي وتضطري تستغني عن اشياء كنت بتشوفيها (مهمة)..؟؟
اتمنى اعرف رايك.
كل رمضان وانت ديما منوراني :)

Timo.. يقول...

reem:
انا اهو..اهو..اهو..
شوفتيني..؟؟
ايوة ده انا..
اللي لابس تي شيرت اخضر :)
كل رمضان وانت بكل الخير والسعادة انت واسرتك يا اجمل ريم :)

Timo.. يقول...

wella:
لا مش ها انسى عشان ديما بتعجبني وجهة نظرك :)
كل سنة وانت ديما منوراني :)

saragebaly يقول...

كــل عام وانت بكل خير يا تيمو

رمضانك كريم باذن الله :)

طالبة مقهورة ..درجة أولى يقول...

مشكلتنا دايما اننا بنثقل نفسنا بزكريات وألم وأشخاص مش هيرجعوا
مشكلتنا اننا بنكتب المشاعر في ورقة وسط مهام حياتنا ونكتب عليها to do
بس المشكلة ان المشاعر مبتتكتبش
بتتحس وبس..

بوست عبقري اوي يا تيمو
كل سنة وانت طيب وبخير
متأخرة معلشي :)

طالبة مقهورة ..درجة أولى يقول...

لسه شايفة كومينت البلوج بتاع مقهورة
انا الحمد لله دخلت هندسة القاهرة
مبقتش موجودة على البلوج ده بس موجودة ف البلوج التاني

ميرسي اوي اوي على سؤالك

engy يقول...

فعلا اختيار رائع وموفق
ووصفت الاحساس بشكل رائع
بس اعتقد ان المشهدين فى الاول هما اللى هيوصلونا للمشهد الثالث
من غيرهم مش هنوصل ومش هنكون احنا

Timo.. يقول...

saragebaly:
كل سنة وايامك كلها سعادة :)

Timo.. يقول...

طالبة مقهورة:
رضوى..
المهندسة الصغنونة..
تعرفي انها لايقة مع دماغك جدا..؟؟
فعلا يا رضوى المشاعر بتتحس..
مش بتتكتب :)

Timo.. يقول...

engy:
عندك حق..
فعلا المشهدين هما اللي بيوصلونا للمشهد التالت والا مش ها نتعلم حاجة..!!
وده التسلسل الطبيعي للحياه :)

غير معرف يقول...

كل سنة وانت طيب يا تامو بوبا

نهر الحب يقول...

شوفت الفيلم امبارح
..
وكان لازم اجي اقرا البوست ده تاني بعد ما شوفته..
افتكرت اول مرة جيت هنا وكان ده اول حاجة اقراهالك..
سمعت موسيقي شايف البحر وافتكرت..بقالي كتير مكنتش سمعتها...
....
الفيلم نهايته ضايقتني...مع اني مبقتش اقتنع بالنهايات السعيدة عامة...بس اتضايقت
..
تعرف انت فيك من شخصية البطل كتيييير...يمكن عشان كدة كتبت عنه..؟؟!!

...
مش لازم تمر بالمشهد الاول والتاني عشان توصل للتالت...
انا قلتلك لا بالعكس لازم تمر بيهم...بس لازم تتعلم...بس البطل متعلمش...
رجع تاني يدور في نفس دايرته...

شخصية ناتالي في الفيلم البنت اللي اشتغلت شوية معاه...مرت بالمواقف نفسها ..بس في الاخر..اتعلمت..وانسحبت من الدايرة دي...
........

واكتشف ان كل ما ينادي به شيء زائف ..
قد لا يساوي لحظةً يشعر فيها بدفء المشاعر الحقيقية..
فا يقرر الانسحاب..من المحاضرة في صمت..
والهرب الى هناك..
اليها..
الى حيث يناديه قلبه..
......
متأخر...كان متأخر أوي...هو احنا بنعمل كدة في نفسنا وبنوصل ديماً بعد فوات الأوان...
يمكن لو بنكون عاملين حساب الخسارة وان حاجة تضيع مننا حنخاف انها تضيع..لكن طول ما هي حاجة ثانوية في حياتنا مش حنهتم....

الفيلم جميل...من نوعية الافلام اللي بحبها...شوفته مخصوص رغم ان كان فيه حاجات كتير منعاني...

ومبسوطة اني جيت تاني هنا اقرا البوست ده.....
تخيل انه بقاله حوالي سنة..!!
يارب تكون بخير