"بتذكرك.. كل مـــا تيجي لتغيـّم..
وجهك بيذكّــر بالخريـــــــــــــف..
بترجع لي كل ما الدني بدها تعتم..
مثل الهوا اللي مبلّش عَ الخفيف"
اتعودت دايما...في نهاية فصل الخريف..وبدايه الشتا...بداية البرد..
امضي ليله فيروزية....انا.....وفيروز...
نغني...ونفتكر ذكراياتنا سوا..ونحكي حكاياتنا سوا..
بس العيب الوحيد في الليالي الفيروزية...انها مليانة بالحنين..والأشجان..
ومليانه اكتر بأسئله...بدون اجابات..!!
اسئلة من أعماق نفسي........ولنفسي...!!
من الاسئله الكتير اللي بأوصلها..ياترى ايه اغلى حاجة في حياتنا...؟؟
واللي لو ضاعت منا...مفيش حد يقدر يرجعها تاني...؟؟
فكرت كتير..
ولقيت انه اغلى حاجة في حياتنا هي الذكريات..
يمكن لأنها ملكنا احنا وبس...احنا بس اللي نعرف قيمتها..
احنا بس اللي تعبنا فيها وعشناها لحظة بلحظة..
ولو ضاعت وسط زحمة الزمن....مفيش حد يقدر يرجعها لنا...
مكن تكون ذكرياتنا في شارع صغير...او بيت قديم...
شاف اول ضحكة.. وأول فرحة.. وأول صرخة...
عشنا فيه ايام الطفولة وبرائتها..
ممكن نرجع المكان ده بعد سنين ونلاقيه اتغير..
بقى عمارة ضخمة...او حي سكني كبير..
ساعتها بس بنعرف الفرق بين الجدران والذكريات..
الجدران ممكن تتهد....
لكن الذكريات بتفضل عايشة جوانا..
وقيمة اللحظات الحلوة اللي عشناها زمان..
بتاخدنا لعالم تاني..
نفتكر فرحه العيد..
المذاكرة.. اللعب..سهر الليالي..
ضحكتنا الصافيه الجميله...
خوفنا...ورعبنا من خطأ ارتكبناه واتخيلنا بمنظور الصغار ان ده اكبر خطأ في العالم اللي شايفاه عيوننا الصغيرة..!!
امضي ليله فيروزية....انا.....وفيروز...
نغني...ونفتكر ذكراياتنا سوا..ونحكي حكاياتنا سوا..
بس العيب الوحيد في الليالي الفيروزية...انها مليانة بالحنين..والأشجان..
ومليانه اكتر بأسئله...بدون اجابات..!!
اسئلة من أعماق نفسي........ولنفسي...!!
من الاسئله الكتير اللي بأوصلها..ياترى ايه اغلى حاجة في حياتنا...؟؟
واللي لو ضاعت منا...مفيش حد يقدر يرجعها تاني...؟؟
فكرت كتير..
ولقيت انه اغلى حاجة في حياتنا هي الذكريات..
يمكن لأنها ملكنا احنا وبس...احنا بس اللي نعرف قيمتها..
احنا بس اللي تعبنا فيها وعشناها لحظة بلحظة..
ولو ضاعت وسط زحمة الزمن....مفيش حد يقدر يرجعها لنا...
مكن تكون ذكرياتنا في شارع صغير...او بيت قديم...
شاف اول ضحكة.. وأول فرحة.. وأول صرخة...
عشنا فيه ايام الطفولة وبرائتها..
ممكن نرجع المكان ده بعد سنين ونلاقيه اتغير..
بقى عمارة ضخمة...او حي سكني كبير..
ساعتها بس بنعرف الفرق بين الجدران والذكريات..
الجدران ممكن تتهد....
لكن الذكريات بتفضل عايشة جوانا..
وقيمة اللحظات الحلوة اللي عشناها زمان..
بتاخدنا لعالم تاني..
نفتكر فرحه العيد..
المذاكرة.. اللعب..سهر الليالي..
ضحكتنا الصافيه الجميله...
خوفنا...ورعبنا من خطأ ارتكبناه واتخيلنا بمنظور الصغار ان ده اكبر خطأ في العالم اللي شايفاه عيوننا الصغيرة..!!
القصة مـش طقـس يـــــاحبيـبي..
هي قصة ماضي كـــــــان عنيف..
بس هـــلأ.. مابتذكر شكل وجهك
بس بذكر.. قديش كـــان أليف..!!
هي قصة ماضي كـــــــان عنيف..
بس هـــلأ.. مابتذكر شكل وجهك
بس بذكر.. قديش كـــان أليف..!!
زمان..وانا صغير..كنت أجري ...أجري..أجري في الاراضي الواسعه..
كانت احلامي ديما أكبر من سني...
كان نفسي ألمس السحاب بإديا..
وكل ما ابص لبعيد....بعيد....آخر ما نظري يجيب..
كنت دايما اشوف ان الأرض بتلمس السحاب..هناك...عند نهاية الارض..
افضل أجري......وأجري....وأجري..
أجري وانا بأبص لفوق...للسحاب...
لحد ما رجلي الصغيرة...(اللي كانت اصغر من احلامي) ما تقع...
أقع على الارض...
وابص لفوق...
ومتخيل اني قربت اوصل لنهايه الارض...
واني هألمس السحاب...
ابص افوق...
الاقي السحاب لسه زي ما هو.....بعييييييد....بعييييييييد....
أقوم...
أقف...
أجري من تاني..
وتالت...
وعاشر..
وبرضة الاقي نفسي لا وصلت لنهاية الارض..
ولا لمست السحاب...!!
في النهايه...اتعلمت الدرس الاول...
عرفت ان الأرض....أرض...
وان السحاب.....سحاب...
ومها حصل....مهما حصل...
مش ممكن يلمسوا بعض ابدا..
كانت احلامي ديما أكبر من سني...
كان نفسي ألمس السحاب بإديا..
وكل ما ابص لبعيد....بعيد....آخر ما نظري يجيب..
كنت دايما اشوف ان الأرض بتلمس السحاب..هناك...عند نهاية الارض..
افضل أجري......وأجري....وأجري..
أجري وانا بأبص لفوق...للسحاب...
لحد ما رجلي الصغيرة...(اللي كانت اصغر من احلامي) ما تقع...
أقع على الارض...
وابص لفوق...
ومتخيل اني قربت اوصل لنهايه الارض...
واني هألمس السحاب...
ابص افوق...
الاقي السحاب لسه زي ما هو.....بعييييييد....بعييييييييد....
أقوم...
أقف...
أجري من تاني..
وتالت...
وعاشر..
وبرضة الاقي نفسي لا وصلت لنهاية الارض..
ولا لمست السحاب...!!
في النهايه...اتعلمت الدرس الاول...
عرفت ان الأرض....أرض...
وان السحاب.....سحاب...
ومها حصل....مهما حصل...
مش ممكن يلمسوا بعض ابدا..
القصة مـش طقـس يـــاحبيـبي..
هي قصـة مـاضي كــــان عنيف..
لكن كله ما عـم يمنــع اشتقلك..
مـادام كــــل سنه فيه خـــريف..
...................................إلى فريدتي....................................
معادنا كل يوم..
بعد ماانام..
بخمس دقايق..
هي قصـة مـاضي كــــان عنيف..
لكن كله ما عـم يمنــع اشتقلك..
مـادام كــــل سنه فيه خـــريف..
...................................إلى فريدتي....................................
معادنا كل يوم..
بعد ماانام..
بخمس دقايق..
هناك 82 تعليقًا:
بصراحه كنت مستنيه البوست ده أووى
كان نفسى أشوف تيمو وهو بيتكلم عن نفسه
(: (:
" ساعتها بس بنعرف الفرق بين الجدران والذكريات..
الجدران ممكن تتهد....
لكن الذكريات بتفضل عايشة جوانا.. "
احنا من غير ذكريات ياتيمو بنبقى فاضييييييييين من جوا اوووى
انسان من غير ذكريات .. اكيد لازم نشفق عليه
" وبرضة الاقي نفسي لا وصلت لنهاية الارض..
ولا لمست السحاب...!!
في النهايه...اتعلمت الدرس الاول...
عرفت ان الأرض....أرض...
وان السحاب.....سحاب...
ومها حصل....مهما حصل...
مش ممكن يلمسوا بعض ابدا.. "
عارف بقى ان كلنا مهما كبرنا برضه بيفضل حلمنا اننا نلمس السحاب ..
مش لازم السحاب اللى هو السحاب
اى حلم بنتمناه اووووى بنشوفه بعيييييييد اوووووووى ... فيه احلام بنوصلها وفيه أحلام بتفضل زى السحاب
نفسنا نلمسها بإدينا بس للاسف هى سحاب
...................
مش قادره اقولك فرحت بالبوست ده قد ايه (: (:
اجمل حاجة اننا نعيش مع ذكرياتنا الحلوة
مهما مر علينا الزمن صعب اننا ننساا
كل سنة وانت طيب
عجبنى الجزء بتاع حلمك ان تلمس ا لسما وكدا
انا كمان وانا صغيرة كان عندى هاجس ان القمر بيكلمنى // مش انا اللى بكلمه
بجد مش بهزر انا
وبمناسبة فيروز اللى لما بتذكر بنسى البوست وصاحب البوست والتدوين كله
نحنا و القمر جيران بيتو خلف تلالنا بيطلع من قبالنا يسمع الألحان ,,
عارف مواعيدنا/// و تارك بقرميدنا أجمل الألوان :)
و ياما سهرنا معو بليل الهنا مع النهدات ,,
و ياما على مطلعو شرحنا الهوى غوى حكايات :)
ميرسى
أنا كل ما باجي هنا بحقد على فريدة :)
ذكرياتك جميله و إحساسك أجمل
بوست حلو أوي...متطولش الغيبة تاني
تحياتي ليك
طيب
مبدأياً
اختي شافتني وانا علي الكمبيوتر وقالتلي انتي بتعملي ايه
شكلك غريب!!!!
ضحكت اوي وقلتلها ليه
قالتلي شكلك حلو ومركز وفرحان
قلتلها بس علشان أنا بقرأ حاجة مهمة وعاوزة أركز
:))
شفت بقي
.........
........
مثل الهوا اللي مبلّش عَ الخفيف
عارفة احساس نسمة الهوا ده أوي...وبداية البرد...والدفا....وكمان فيروز..متهيألي دول مع بعض كفاية يخلوا الدنيا كلها بين ايديا
.....
بس الحنين...والأشجان...مممم
لازم يبقوا موجودين
والذكريات....
من غيرها منقدرش نعيش
"احنا بس اللي تعبنا فيها وعشناها لحظة بلحظة.. "
تخيل لما تفضل جوانا ذكرى لحظة بلحظة الحنين يبقي عامل ازاي...؟؟؟....صعب أوي بس له طعم غريب...
بتخيل حياتنا كدة شبه بعض مفيهاش حاجة ولا ذكريات مميزة حتبقي عاملة زي الليل والسما من غير قمر ولا نجوم ....ضلمة أوي وحنبقي ماشيين فيها تايهين بنخبط وبنقع
......
عارف ان الذكريات بتسندنا عشان منقعش
!!!
.........
عرفت ان الأرض....أرض...
وان السحاب.....سحاب...
ومها حصل....مهما حصل...
مش ممكن يلمسوا بعض ابدا.
يمكن عشان كدة بتمني ديما نرجع صغيرين
عشان احلامنا كانت احلام بنحاول نحققها لكن لما كبرنا بس اتأكدنا انها مستحيلة وان الارض ارض والسما سما
..
بس ساعات بحس ان الطفلة لسه جوايا بتبص للسما وتكلم السحاب وتحاول تلمس القمر ....عارفة انه بعيد بس ساعات بتشوفه...أو بيتهيألها...انه ماددلها ايده وعايز ياخدها معاه في السما...وبخاف اكبر و أقع علي الأرض
...بس لمسه من القمر بعدها وقعة علي الأرض...ممكن نضحي برضه
:))
الاول كده
حمدالله على السلامه :)
الواحد بقاله كتير مستنى بوست منك
بحس انك اكتر حد قريتله بيعرف يحلل اى حاجه من جواها اووووى
الذكريات اجمل حاجه فى حياه الواحد
بس ده لو كلها ذكريات حلوه
فى منها الحلو اللى بنفتكره وبيخلينا نبتسم واوقات نقرر اننا نعيش معاه فتره .. هو وبــس
وفى منها الوحش اللى بيخلينا نكره الذكريات اللى بالشكل ده
والمشكله ان احنا ماينفعش نمحى حاجه من ذكرياتنا مش عاجبانا
يعنى واخدين الحلو ومعاه الوحش
"كانت احلامي ديما أكبر من سني...
كان نفسي ألمس السحاب بإديا.. "
"عرفت ان الأرض....أرض...
وان السحاب.....سحاب...
ومها حصل....مهما حصل...
مش ممكن يلمسوا بعض ابدا.."
بجد تسلم ايدك :)
اغلى حاجة في حياتنا هي الذكريات..
يمكن لأنها ملكنا احنا وبس...
احنا بس اللي نعرف قيمتها..
وقفت عند التعبير ده كتير...(احنا بس اللى نعرف قيمتها)...فعلا فى ذكريات فى حياتنا لم تعطيها الايام و لا الاشخاص قيمتها الحقيقية..لذلك أعطانا القدر ...نحن فقط جائزة ملكيتها...(ملكنا احنا وبس)...
بوست..مختلف..وكالعادة متميز
تسلم ايدك
اليك هذا الاعتراف الخطير
البوست ده وجعنى
اوى........
وماتسألش ليه ..لانى مش عارفة
لفت نظرى اولا الصورة
تفتكر نقدر نقطع كل الذكريات السيئة زى ماهنقطع صورها؟
احلى حاجة فى كتاباتك يا تيمو انى بحس انى بكتب نفس الكلام ده وبفكر بنفس الطريقة
وعلشان كده كنت مستنية اشوفنى هكتب ايه......لو جاز التعبير طبعا
انا كمان تعلمت الدرس وعلمت ان الارض ارض والسحاب سحاب
تيمو انت رائع جدا وانا بحب فيروز وحابة اسرق منك ليله اختلي معاها انا كمان عجبتني الفكره كتير
تيمو
*****
يااااااااااه كل ده غياب بصراحه غيابك بيطول لكن فى نفس الوقت لما بترجع وتكتب بوست جديد بيكون متميز وده الحاجه الوحيده اللى بتشفع لك اننا نتمتع بكل حرف ....
من الاول كده عاوزه اقولك ان الكومنت بتاعى هيكون طوووووووويل شويه زياده واسف على الازعاج ^_^
اول صوره عن جد روعه بكل المقاييس والكلام اللى عليها وخلفيتها والوانها كل حاجه فيها بتعبر عن احساس يجوز انا اللى فهتمت الصوره ان كل تفصيله فيها لها معنى بس معلش بقى وجهات نظر ...
اغنية فيروز شايف البحر يا سيدى على الرومانسيه باعشق فيروز واغانيها يجوز تكون موجوده على طول بس للاسف باكون قافله الصوت وانا باقرا والنهارده لاول مره السماعات تكون شغاله ...
البوست يحمل ذكريات كل انسان فينا عارف يا تيمو لو طلبت من كل انسان تعرفه يكتب عن ذكرياته هتلاقى اللى كتبت ورقه او ورقتين او اكتر ولكن فى النهايه هتلاقيها كل نفس المعنى والمضمون ما شاء الله .. الله اكبر عليك عبرت عن الذكريات باسلوب ولا اروع من كده
وانا صغيره بقى كنت زيك بس المشكله انى كنت باشوف السما تلمس البحر يعنى على اعتبار انى سكندريه ^_^ المهم انى اكتشفت ان المكان اللى تلتقى فيه السما بالبحر هو بعيد اوى عن انى اوصله وبالتالى عرفت ان مهما عليت قدراتى فى حته مش هاقدر اوصل لها ...
عادة اغانى فيروز تحمل الشجن بس شجن له طابع خاص يعنى ممكن تكتشف وانت بتسمعها انك تبتسم لوحدك وعيونك تلمع انذار بنزول دمعه لكن بعد شويه ترجع فى كلامها وتلاقيها بقيت لمعة حنين او فرحه كانت فى القلب مستخبيه ....
رغم ان الذكريات فيها افراح واتراح لكن تظل الذكريات جزء من شخصية كل واحد فينا
هاقولك بقى عاى حاجه غريبه تانيه لما ارجع بالذاكره لورا شويه طبعا مش كتير انت عارف انى عمرى عشرين سنه فقط ^_^ المهم باكشتف انى ابتسم رغم انه فى احزان لكن بافتكر ناس جميله احتلت جزء منى من قلبى من حياتى افتكرهم وادعى لهم واقول قضضيت معاهم ايام جميله وان شاء الله الجاى اجمل واحلى
".إلى فريدتي..
معادنا كل يوم..
بعد ماانام..
بخمس دقايق "
اشمعنى خمس دقايق ؟؟ يعنى بتزورك فى الاحلام ؟؟ حلو برضه انها تزورك فى ناس تتمنى انها تحلم باحبابها !! المهم انك بتنام بسرعه اوى ^_^ بعد خمس دقايق فقط بتزورك
كالعاده متالق على نفسك
ربنا يحقق كل احلامك ويكون الجاى اجمل واحلى يااااااااااااارب
المزعجه بكلامها ورغيها
زهــــراء
ابتسامه كبييره
وتنهيده
وسرحان ف شويه ذكريات هي كل حياتي :)
بس كده
كل سنه وحضرتك طيب
بوست ده جاي فى وقته أوي
خصوصا أول جزء ده عن الذكريات
حاسة إن كل حاجة قدامي بتفكرني بالذكريات اللي فاتت
بيبقى إحساس غريب أوي
وأه ، بيفرق أوي الإحساس ده مع فيروز :))
بوست جميل أوي يا تيمو :)
كالعادة مش ينفع اقرا لتيمو وخيالى يسكت ابدا
لازم لازم تخليه يسرح مش ممكن كدا بئا شوف حل للموضوع دا بدل ما ارفع عليك قضيه :)
امممممم جد بئا
الذكرى هى جزء اساسي من تكوين الانسان وشخصيته وتفكيره
هو الانسان ايه غير شوية ذكريات فوق بعضها ابقي اختار كلام مش فيه ذ عشان مشوار الكيبورد دا
عارف ياتامر وانا بقرا البوست دا افتكرت رحت لاول ذكري وهو اول بيت سكنا فيه
من مدة قريبه ماما طلبت منى نروح نزور حد من جيرانا هناك فرحت .. فرحت أوى
فرحت انى هشوف أول مكان عينى جت فيه
أول مكان جريت فيه
كنت مرعوبة انى الاقيه اتغير
ورحت واللي ادهشنى
انى لقيته بالظبط زي ما سيبته
حسيت اني مش بقالي 20 سنة مش شفته بالعكس تماما حسيت اني لسه كنت فيه
وانا في الشارع اللي قدام العماره افتكرت وانا بلعب انا واخويا سوا
وانا طالعه السلم افتكرت وانا بجري عليه واقعد انط السلالم شفت مشاهد كتير شفتها مش افتكرتها ولا تخيلتها
شفتني طفله صغننه كل حلمها تطيرررر
تنط عشان تلمس فرع الشجر ولما تلمس فرع قريب تتنطط وتقول هيييييه لمستها
علي فكره لحد الان بنط عشان المس فرع الشجر ومش بلمسها كلها للافس :((
ومن ضمن الذكريات بردو ان المصحف اللي بقرا فيه ناو هو هو نفس المصحف اللي كنت بحفظ منه القرآن وانا صغيرة وبعلم علي الجزء اللي المفروض اسمعه للمس
تخيل الاحساس ايه وانت بتقرا دلوقت وشايف علامتاك وانت صغنن علي الايات وخطوطك :)
عارف الذكرى مش بتكون ذكري الا لو فيها كريزاية :)
فيروز بئا دى نغم الحياه
عارف لما بشغل لها اغنية
بحس ان في نسمه هوا رايقه عدت عليا
حلو البوست جدا بجد
وعملي مود حلو اوي
السلام عليكم....
تيموووووووووووو
لا بجد مش مصدقة بوستين فى وقت قصير كدا .
بجد مبسوطة اووووووى بالبوست
عشان جاى فى وقته اساسا وكمان المدونة هنا وبوستاتك بتوحشنى يارررررب ربنا يهديك كدا ومتتاخرش علينا كتير تانى .
وكمان احساسك فى حلو اوووووووى
وبدعيلك كتير ان فريدة تيجى بسرعة ومتتاخرش اكتر من كدا.
حلو اووووووى اغنية فيروز دى حبقى اسمعها انا كمان تانى .
حلو اووووووى الوصف بتاع اما كنت بتجرى ووصلك لحقيقة ان الارض ارض والسما سما وعمرهم ما حيلمسوا بعض .
دومت عاشق للتفاصيل
دومت مبدع فى احساسك
دومت بخير يا تيمو.
فى رعاية الله
shemo
في النهايه...اتعلمت الدرس الاول...
عرفت ان الأرض....أرض...
وان السحاب.....سحاب...
ومها حصل....مهما حصل...
مش ممكن يلمسوا بعض ابدا..
..
كفاية الجملتين دول
:))
..
بجد بوست جميل
ودمت مبدعا
بخاف تكون رجليا اقصر من احلامي...فبخسر متعة الاحلام البعيدة اوي
تعرف..ساعات الذكريات حتى الحلو منها بيوجع عشان كده بتمنى كتير ارمي حمولي من الذكرى في البحر..بعيد..بس مبيهونش عليا :)
لكن يمكن لو فقدت الذاكرة ف يوم مش هندم اوي
فيروز كمان حبها اوي <3
متغيبش كتير :)
السلام عليكم
اولا كل سنه وفريده بخير ورمضان كريم عليها يارب :)
ثانيا ... انت جيت في حته مازمه معايا بقالها شهرين ثلاثه
معاك حق ذكراياتنا هيا اغلي شي في حياتنا
ومع انها في الغالب بتوجع حتي لو كانت جميله
بس كفايه احساسك انك عندك صندوق مقفول كل ليله تجري وتفتحه
وكل ليله تطلع منه حاجه مختلفه
انا هستاذنك اقول حاجه هنا عني وعن ذكرياتي
رغم ان اجمل اجمل ذكرياتي دايما بتوجعني وبتموتني
الا اني بخاف عليها قوي
بص انا مقلتش حاجه جديده عن اللي انت قلته ولا مفيده
بس عارفه انك منكن تكون فاهم قصدي لانك من المتابعين للمدونه بتاعتي
:)))
اه نسيت حاجه
فريده متتاخريش
:)
تحياتي
7aset ank nazelt post faget..l2etk nazelt post..:)
3agabnee awiii tshbehak le t72e2 al27lam alsa3ba albns3a nwsalha
be eltekaa2 alsamaa w al2rd
bgd tshbeh bimasel alm3naa awii w wak3ee
i feel that u really have an actor sense&imagination..really u have that..
bs..ana msh b7s en al2rd ard w alsamaa samaa..y3nee msh b7s en feh 7aga mosta7elaa madam be ta5od be asbabha..wsd2nee daiman alnas albi7a2a2oo 7agat kberaa
biba 3andohm al fekr da..almoshkla btba fe elestmrar 3la alsabr w almaghood
memories..i feel 2 feelings regard it which is extreme
1st;happy coz they were beautiful days
2nd;disappointed coz they were past & never be back again..wana bkrah a7sas alfokdan da..w al sh3oor al tane bi3`lb fa msh b7b aftkrha,
finally,,i like it & like so ur talent and ur high sense& ur ability 2 express in averyyy good &
creative way wt u want 2 say and wt u feel...
من اجمل الحاجات اللي بحبها في كتاباتك
انك دايما بتلمس حاجة جوايا
بجد البوست جميييييييل قوي كالعادة دايما
ساعتها بس بنعرف الفرق بين الجدران والذكريات..
الجدران ممكن تتهد....
لكن الذكريات بتفضل عايشة جوانا.. "
عجبتني الجملة دي قوي
تحياتي ليك
دعاء العطار:
البوست ده فكرتك انت ، وانا وعدتك بس اتأخرت شوية :)
تعرفي اني عندي كلام كتيييير قوي عن الذكريات لدرجة اني احتمال اعمل جزء تاني وتالت للموضوع ده..؟
انسان بدون ذكريات فعلا بيبقى فاضي قوي من جواه.. زي حد بدون ماضي..
عايش يوم بيوم بدون ذاكرة..
بدون ذكريات..
شكر لانك خلتيني اتكلم عن ذكرياتي :)
Noha Saleh:
فيه ناس بتعيش باقي عمرها على ذكريات عملتها في أوله..!!
كل سنة وانت بكل الخير :)
zay ma tigy:
الاحلام..
فيه منها اللي بيتحقق..
ومنها اللي بيفضل عايش جوانا وبس..
اكيد القمر كان بيكلمك.. او على الاقل بيسمعك..
وعشان كده بقيت انت والقمر جيران :)
انا بجد اللي باشكر وجودك وتواصلك :)
نهر الحب:
فيروز...والخريف..
ومع اول لسعة برد..
باحس بنوع غريب من المشاعر المختلطة..
بياخدني لدنيا الذكريات اللي زي ما قولتي بتسندنا عشان ما تقعش..
"...بس لمسه من القمر بعدها وقعة علي الأرض...ممكن نضحي برضه"
طريقتك في الكلمة دي كانك قدامي وبتقوليها لنفسك..خلتيني اعمل كده (';')
ديما بيعجبني وجودك :)
Bent Men ElZaman Da:
مش عارف اقولك ايه على التعليق والكلام الحلو اللي يارب بجد اكون استحقه.. وبجد اعذريني على تأخيري بس باحب اتكلم (لما) يكون فيه حاجة ممكن اقولها..دي طبيعتي (وش مكسوف)
صدقيني الذكريات كلها حلوة.. واللي بزيد حلاوتها انها مابقتش حاضر.. يعني مش ها ينفع نعيشها تاني..
وكمان لازم ناخد الذكريات كلها زي ما هي.. الوحش والحلو..
انت ينفع تدخلي فيلم وتختاري تشوفي المشاهد الحلوة وبس..؟؟
نورتي يا اجمل بنوتة من الزمن ده :)
Story Pain:
عندك حق..
لا الايام..
ولا الاشخاص.. بتدي للذكريات قيمتها..
احنا بس اللي بنحس بقيمتها..
واحنا بس اللي بنمتلكها..
تخيلي حاجة مفيش حد في الدنيا كلها عنده زيها..!!
على فكرة مش انا بس اللي باتاخر في بوستاتي :)
Reemass:
طب ما تيجي نفكر سوا ليه كلامي وجعك..؟
للاسف يا نور مش هانقدر نقطع كل الذكريات السيئة زى ماهنقطع صورها.. بسسس...بنحاول..!!
على فكرة..
انا كمان باحب اشوف كتاباتي بعيونك :)
Paix:
بيعجبني فيك انطلاقتك..في تعبيرات وكمان في كتاباتك :)
فيروز موجودة..ولو تحبي اختار لك اغنية تسمعيها في سهرة الذكريات فانا بختار لك اغنية (الاوضة المنسية)
وجودك ديما بيسعدني،
كل سنة وانت وكل اهل الاردن طيبيين :)
لولا وزهــراء:
اول حاجة (وش مكسووف) عشان بأتاخر وبتستنوني..بس الحمد لله ان فيه حاجة بتشفع لي عندكم :)
عارفة لما باتعب في تصميم صورة وتاخد مني وقت طوييل.. بابقى مستني حد زيك ياخد باله من كل تفصيلة فيها عشان احس اني مش بأكلم نفسي :)
تفتكري ورقة او ورقتين ممكن تلخص ذكريات ايام وليالي وسنين..؟؟
انا عندي صندوق ذكريات ومسحت كلام كتير قوي من البوست عشان مايبقاش طويل..!!
وانت صغيرة كنت بتتفرجي على السما وهي بتلمس البحر..؟؟
ممممممم..كده انا عرفت ليه احساساك عالي وبتاخدي بالك من التفاصيل :)
"وعيونك تلمع انذار بنزول دمعه لكن بعد شويه ترجع فى كلامها وتلاقيها بقيت لمعة حنين "
بتجيبي الكلام الحلو ده منين يا زهراء..؟
وبعدين شكل معادي مع فريدة انكشف وهلاقي الناس كلها معانا..!!
كده ها اضطر اغير المعاد :) :D
عارفة يا زهراء.. فريدة بافكر فيها كل يوم لحد ما انام والاقيها جاية تزورني في الاحلام (';')
ما تعتذريش عن طول التعليق لان كل حرف بيسعدني وبأحب (ازعاجك) و رغيك :)
شيرين سامي:
طيب لما انت تحقدي على فريدة انا اعمل اييييه..؟؟
انا متغاظ منها قوي عشان سايباني لوحدي :(
الغيبة مش بإيدي والله بس مهما غيبت برضه (بارجع) هنا في الاخر عشان باحس بالدفا وانتوا حواليا :)
ديما باستنى تعليقك يا شيرين :)
غير معروف:
وانا كمان.
ابتسامه كبييره
وتنهيده
وسرحان ف شويه يمكن اعرف مين انت.
بس كده :)
sweet angel:
كل سنة وايامك كلها سعادة :)
NaDa:
صحيح بيبقى احساس غريب..
بس مش وحش..
لان اجمل حاجة هي الذكريات.
وطبعا وجود فيروز بيفرق كتير..
نورتيني بوجودك يا ندى وديما مستنيكِ :)
vanilla scent:
مين مين..؟؟
انا شامم ريحة حلوة قووووي...
تكونش دي فانيليا..؟؟
اصلي باحبها قوووي :)
وبعدين يا ستي ارفعي قضية على الاقل ها اشوفك في المحاكم بدل اللقاءات التدوينية اللي مش بتنفع :)
على فكرة.. ممكن اسمحلك تكتبي ذكريات بالـ (ز) اهو على قد صحتك وخلاص..
بس ما تنسيش تبقي تشكريني كل شوية على الموضوع ده :P
عارفة..
كلامك عن الذكريات بجد هو ده اللي انا قصدته..
لما بنروح المكان المرتبط بالذكريات بنشوف المشاهد فعلا وبنعيشها مش بس بنفتكرها..
بنشوف نفسنا واحنا صغيرين وكاننا كنا لسه امبارح. وتخيلي المصحف ده وانت بتوريه لاطفالك عشان يحفظوا منه في يوم من الايام :)
حلو كمان تعليقك ووجودك بريحة الفانيليا الحلوة دي..
صحيح هو مين العبقري اللي اختار لك الاسم الحلو ده..؟
اه بالمناسبة بطلي تتنططي عشان تطولي فروع الشجرة بدل ما تتكعبلي وتخبطي في واحد زي وساعتها مش ها اقولك ها يعمل ايه :)
Shemo_Joker:
بوستين في وقت قصير..؟؟!!!
شامم ريحة تهكم.. وشكلي ها ابتدي اضرب (وش بيحاول يبقى شرير)
"ربنا يهديك كدا ومتتاخرش علينا كتير تانى" ههههههههه والله العظيم ضحكتيني يا شيمو :)
والله يا شيمو حاسس ان فريدة بقت مطلب قومي او من مطالب الثورة والناس كلها بقت بتدعيلي :)
بيوحشني وجودك وتعليقك يا شيمو بس ليا سؤال.. فيييين البانر بتاعي..؟
كل سنة وانت احلى واحلى :)
تيمو
الذكريات......
حلوة ومرة
بنحبها او منحبهاش
بتفضل جوانا ....شايلنها جوه القلب
بنفتكرها من وقت لتاني
مرة ببسمة ومرات بحزن ....بس الاكيد انه كل مرة بنفتكر الذكريات دي بنشتاق لها اووي وبشتاق للماضي...وبنتمني وقتها و كان الزمن وقف ...بس وقف لحظات لنستمتع بيها اكتر لو كانت حلوة....ويمشي الزمن بسرعة لو كانت ذكري مؤلمة
بس برضه بنحن...بنحن للذكريات
ومهما كانت وهتكون هي جزء مهم جدا بحياتنا مش ممكن ننساه مهما كان
تحياتي ورمضان كريم وعيد فطر سعيد كمان.....
ما انا اخيرا خلصت امتحانات بقي وكدة يعني ....^-^
sara adel draz:
الدروس اللي بنتعلما من الذكريات صعب ننساها مهما عدى عليها سنين..
سارة اول مرة تزوريني ويارب ديما منوراني بوجودك..
كل سنة وانت بكل الخير :)
طالبة مقهورة ..درجة أولى:
"بخاف تكون رجليا اقصر من احلامي..فبخسر متعة الاحلام البعيدة"
عارفة يا رضوى..
انا قريت التعليق بتاعك كتير وسرحت فيه اكتر واكتر..!!
يمكن..
يكون عندك حق..
ويمكن..
لأ..!!
حاضر..مش ها اغيب كتير.. :)
Nesreen:
عندك حق يا نسرين..
كفايه احساسك انك عندك صندوق مقفول كل ليله تجري وتفتحيه..وكل ليله تطلعي منه حاجه مختلفه.
والاهم.. ان انت المالك الوحيد له..
ومفيش حد تاني في الدنيا عنده زيه.
على فكرة.. انا فاهم قصدك..قووي :)
وعلى فكرة كمان..
ممكن تعلي صوتك شوية وانت بتقولي لفريدة..
الــ Mic معاكِ :)
بجد مبسوط بوجودك وتعليقك الحلو قوي ده يا نسرين ويارب ديما تكوني منوراني :)
sosonata88:
انت مش جيت عشان انا نزلت بوست..لأ..
انت جيت عشان احساسك حلو.. وعشان كمان تسعديني زي كل مرة جيتِ فيها هنا :)
عارفة اللي انت قولتيه عن الصبر والمجهود واننا يبقى عندنا ايمان اننا نحقق حلمنا ونلمس السما.. ده ببساطة فكرة الامل..
ان يبقى عندنا امل اننا ها نحقق حلمنا في يوم.. وده بيبقى ايمان باللي بنعمله.. بيزيد ويتأكد كل يوم.
اقولك بقى على امل نفسي يتحقق..؟؟
اني اشوف لك بجد مدونة وتخرجي اللي جواك فيها باي شكل..
واكون اول حد يعلق عندك :)
هاستناك كل مرة بانزل فيها بوست.. وانا عارف انك ها تيجي في الوقت المناسب لانك بتعرفي توصلي :)
just waiting:
كل واحد بيبقى جواه ذكريات..
الحلو منها.. والوحش..
المهم..انه يعرف امتى يخرجها وامتى يخبيها جواه..في اخر مكان ممكن حد يوصل له..
كل سنة وانت ديما منوراني..
كل سنة وانت بكل الخير :)
re7ab sale7:
يا سلام عليك يا ري وعلى وصفك..
ساعات بنتمنى الزمن يقف ونستمتع اكتر وقت ممكن باحلى ذكريات..
وساعات بنبقى عاوزين الزمن يمر بسرعة واحنا بنفتكر ذكرى وحشة..
بس في الحالتين.. ديما..بنحن..
بنحن للذكريات..
مبروك الامتحانات ويارب التوفيق ديما :)
كل سنة وانت بالف خير يا رحاب :)
ياه ياتيمو
فكرتني باللذي مضي
بحب اسمع فيروز اوي
بتوديني لعالم تاني
وخلي بالك من فريده لحسن هيتقر عليها كتير:)
ربنا يوفقكوا يارب
ايوان ايوان انا انا ...
ايوان هي فانيليا
يعني يعني بدل ما تحجز تذكرة سفر وتيجي هنا تقولي ارفع قضيه انهو اقرب يعني هه هه اعترف بئا انهو اقرب يلا اعترف انت مش بتعترف ليه بئا عااااا
زكريات زكريات زكريات زكريات زكريات زكريات زكريات زكريات زكريات زكريات
هيييييييييه بكتب زكريات
طب ما تكمل جميلك وخلينى ابوظ اللغه كلها واكتب حسب ما تيجي ايدي علي البتاع دا اللي اسمه كيبورد هه يلا كمل وهقولك ياسيدى
شكرا شكرا شكرا شكرا شكرا شكرا مليون شكرا :P
ال قد صحتي ال هزلت انا مش في مني اتين علي بعض والا كانت خربت
عارف كل مرحله في حياتي ليها مود ونظام كدا بحس انه مود اغاني علي كتب علي تفكير علي نظرة مختلفة للحياه
يعني وانا صغيرة كانت الفتره دي في اغاني مميزة اول اما اسمعها دلوقت عن طريق الصدفه حتي الاقي الفتره دي كلها وكانها بتحصل من جديد حتي طريقه تفكيري ساعتها بلاقيني مش بعمل حاجه الا اني ابتسم ابتسامة خفيفه واقول ياااااه ايام وهكذا فترة اعدادي وثانوي والجامعه والدراسات العليا وما بعدهم كل فتره ليها تيمة معينة بكل تفاصيلها
ومش معني كدا ان الحياة كانت وردي
بس دي طبيعة فينا دايما الحاجه لما بيعدى عليها الوقت وبنتغير شوية من رتم الحياه بتتجرد الذكريات من كل انواع الالم ومش بنفتكر الا الفرحه اللي في الذكري
يعني احنا مش بكينا واحنا صغيرين مش اتبهدلنا في الثانوي مش اتحرق دمنا من دكاترة في الجامعه مش مرينا بتجارب صداقة مره بس عدا وفات مبقاش غير ذكريات
خروجه في عز البرد مع ايس كريم
فرحة النجاح حاجات كتير
يخربيت الرغي انا رغاية جدا مع ان في ناس بتقول عليا اني بخيله اهو اهو مش بخيله
علي فكرة العبقري دا غلث غلاثه ماقولكش عليه يالهووووووووووي اوعي تعرفه لحسن هيغلث عليك :P
لالالالالا هتنطط طبعا وهتقولي ايه ممكن يحصل
يلا قول انا مستنية اهووو ...
I am very impressed with your blog
تيموووووو ..
كل عام وأنت بخير ..
بجد دائما ببقى مبسوط وأنا بقرألك بجد موهبة تحفة ما شاء الله ..
أجمل حاجة بتفضل معانا هى ذكرياتنا ..
تحياتى
مساء الورد
دائماً ما نتذكر ونحس بغصة وحنين لكل
تلك الذكريات التي تحكي واقع مررنا
به عبر حياتنا ونتمنى عودتها فلا
نستطيع وهذا يؤلم بزيادة ويسبب شجن
غريب يتعالى إلى أرواحنا وينهكها ..
طفل وأحلام كبيرة وجري خلف السحب
حتى يلامسه أعتقد مازال هذا الطفل
الصغير يحاول لمس السحاب حتى بعدما
بلغ الرجولة وهذا ما يمزه عن بقية
الناس ...
كلمات جميلة وأحساس عالي أسعدني
أن مررت به عبرك ..
تحياتي وإحترامي
عندى فضول اوى اعرف مين فريده ...
بحس ان الزكريات رغم انها زى ما بتوصف من اهم الحاجات ف حياتنا .. و لما بنرجعلها يمكن بنحس اننا بنرجع لنفسنا .. رغم كده افتكر ان احنا اول الناس اللى بنرمى عليها تراب عشان تختفى .. بنحاول ساعات نتخلص منها حتى لو حلوة .. او يمكن انا بس بعمل كده ...
انا اول مرة اجى هنا .. بس حاسه انى جيت هنا كتير :) و مش هتبقى اخر مرة اجى ان شاء الله..
عارف بقى ان انا اسمى "فيروز" ^_^
كل سنه و انت طيب ..
sony2000:
ومين بيقدر يقاوم فيروز..؟؟
بتخطفنا كلنا وتودينا لعالم تاني.. عالم الذكريات :)
فريدة لما تيجي ها اخبيها في عنيا وها اخد القر والحسد انا :)
vanilla scent:
بَس بَــس بسسسسسسس..
انا اللي غلطان اني اديتك المايك وخليتك تتكلمي :<
"الحاجه لما بيعدى عليها الوقت وبنتغير شوية من رتم الحياه بتتجرد الذكريات من كل انواع الالم ومش بنفتكر الا الفرحه اللي في الذكري"
وعشان كده بنحب ذكرياتنا قوي بكل ضحكها وبكل آلامها..
يمكن عشان بنبقى عارفين حدود الآلم اللي (فات) ، بس لسه مش عارفين حدود الآلم اللي ممكن يكون (جاي).
دنيا رواياتي:
وانا كمان مبسوط انك جيتي ويا رب ديما منوراني :)
elsayed azab:
وانا ربنا يعلم قد ايه بابقى مبسوط لما بتيجي وتنورني :)
يارب ديما ايامك كلها سعادة وفرحة :)
ريبال بيهس :
مساءك مسك وعنبر ريبال..
"طفل وأحلام كبيرة وجري خلف السحب
حتى يلامسه أعتقد مازال هذا الطفل
الصغير يحاول لمس السحاب"
عرفت ازاي..؟؟
"كلمات جميلة وأحساس عالي أسعدني
أن مررت به عبرك .."
بجد مش عارف ارد لان تعبيراتك اكبر من اي رد :)
يارب ديما تنورني وكل سنة وانت بكل الخير والسعادة اللي سببتهم بزيارتك الحلوة دي :)
catroz:
"عندى فضول اوى اعرف مين فريده ؟"
آآآآآ...هه..؟؟ (';')
ليه بتعملي كده في ذكرياتك ؟؟
ها ييجي يوم وانت نفسك اللي تا تشيلي كل التراب عنها لانك اكتر حد (بيحتاجها)..!!
(يمكن) تكوني جيت هنا قبل كده بس بقت (ذكرى) عليها تراب كتير عشان كده انت مش فاكراها..!!
اسمك حلو قوى..
حافظي عليه لان كل انسان بيرتبط باسمه وبيبني معاه كل ذكرياته :)
ها استناك ديما :)
السلام عليكم.......
لا ياتيمو انا عارفة انك طيوب خاااالص مش شرير ولا حاجة متحولش
بس الصراحة هو تهكم فعلا
بس مالك قلبت ع افلاطون كدا وسقراط ههههههه.......
البنر موجود يا تيم فى الحفظ والصون
بس حيطلع فى وقته اول ما اغير القالب باذن الله ....بس هو لسه عندك منه نسخه ها ها ؟؟؟؟؟؟؟؟؟؟
دومت كدا يارررررررررب يتنزل بوستات
ومش مطنشنا
دومت بخير
وكل سنة وانت طيب وعيد سعيد
وعاوزة العدية بقى هههههه
فى رعاية الله
shemo
ياتري ياتيمو فيه فريدة اصلا ولا انت بتكتب لحد لسه مجاش
ولا بتكتب لحد مبقاش ف حياتك خلاص
انت دايما ياتيمو بتفكرني بوجع قديم
وكل اما بنساه بتحصل حاجة جديدة تفكرني بيه
وانت كنت الحاجة الجديدة اللي بتفكرني بيه دلوقت
. . . فيروز اختيار حلو جدا
ياله اقولك صباح الخير وسلام
shemo_ joker:
"دومت بخير..
وكل سنة وانت طيب..
وعيد سعيد..
وعاوزة العيدية بقى هههههه"
بَس..بَسس...بسسسسسس..
سيبي كم القميص..
ده ماركة وها تقطعيه :)
خلاص ها اديك العيدية..
اول ما ااشوفك ها اديك العيدية لحد ما تقولي كفاااااية..
وساعتها ها تعرفي اذا كنت طيب ولا (غسان مطر) :D :)
البانر اكيد عندي نسخة منه..
انا باحتفظ بكل حاجة :)
وابقى افتكري ان انا..ايوة انا..
اللي عملته :P :)
EL pRiNcEssA:
أصل..
يعني..
قصدي..
كنت..
بأقول..
آآآ.. وانت عاملة ايه..؟؟ (';')
صدقيني..
عشان ناخد حاجة..
لازم نسيب حاجة..
وساعات عشان ناخد حاجة..
لازم نسيب حاجات..!!
ومش ها اقولك انسي لانه مش بايدك..
لكن ركزي واهتمي بالحاجة اللي (ممكن) تكون جاية هتلاقي الوجع اللي (راح) اتنسى لوحدة :)
يارب ايامك كلها سعادة وهنا..
و..صباحك مشرق :)
:) تيمو
أنا أنا صاحبه التعليق بتاع غير معرف
بكسل اسجل وبكسل اكتب اسمي كمان :)
عيدك كحك بسكر
☻/ღ˚ •。* ♥♥ ˚ ˚✰˚ ˛★* 。 ღ˛° 。* °♥ ˚ • ★ *˚ .ღ 。
/▌*˛˚ عــــــيــــــــد ** فــــطــر ** مــبـــاركــــ˚ ✰*
تيمو
كل سنه وانت بخير ويارب كل الايام الجايه فرح وسعاده عليك وعلى كل احبابك
يارب يجمعك بفريده عما قريب ان شاء الله
زهراء
تيمووو
وحشتني جدا كتاباتك
ومعلش بقى لو كنت مقصرة
اولا موضوع الذكريات
هي فعلا أغلى حاجة....بس مش دايما
لأن فيه اوقات الذكريات بتكون وحشة لدرجة اننا بنتعذب بوجودها في ذاكرتنا
وفيه ذكريات حلوة جدا بنتألم عشان هي بقت ذكريات بالنسبة لنا
وصحيح ان السحاب هيفضل سحاب والأرض هتفضل أرض
بس لسه الأحلام ممكنة :)
تيمووو
وحشتني جدا كتاباتك
ومعلش بقى لو كنت مقصرة
اولا موضوع الذكريات
هي فعلا أغلى حاجة....بس مش دايما
لأن فيه اوقات الذكريات بتكون وحشة لدرجة اننا بنتعذب بوجودها في ذاكرتنا
وفيه ذكريات حلوة جدا بنتألم عشان هي بقت ذكريات بالنسبة لنا
وصحيح ان السحاب هيفضل سحاب والأرض هتفضل أرض
بس لسه الأحلام ممكنة :)
كل عام وانت بخير يا تيمو
ينعاد عليك وعلى الأسرة الكريمة بالخير والبركة ان شاء الله ..
انا من الناس الي الذكريات بتفرق معايا قوي حلوه او مؤلمه حتي المؤلم منها له طعم بعد ما عدي
اكتر حاجه كنت بحب اعملها وقت الامتحانات كنت بذاكر فوق في الروف واكتب التاريخ ساعتها عشان لما تمر سنه او اتنين وافتكر اختبر احساسي لحظتها وده من الاعدادي وكنت بعمل كده مرت الايام والروف اتهد واتبني مكانه دور كمان لكن اللحظات دي كلها لسه جوايا
معلشي اول مره اطول في رد بس الكلام عن الذكريات بيخلني اتكلم
بوست رائع بجد وبيلمس القلب بسرعه
لو طلعت احساسك لوحده
فده بيكون كفايه انى يوصل بسهوله لقلوبنا
ولما تعمل مكس بين احساسك واحساس فيروز
يبقا مفيش ممكن توصف احساسنا بالكلمات دى
ولما تتكلم تحديدآ عن الذكريات فبكده بتكون جيت على الوتر الحساس
السلام عليكم تيمو
تحياتى
فيروز .. انها قيثارة السماء .. ان صوتها وانغام الرحبانيه يأتون اليك من حولك ولا تسمعها باذنك ولكن تسمعها بجسدك وبجميع جوارحك .. اما ما تجيش به النفس ففيها الكثير
تحياتى
مدونتك جعلتني ابتسم بعد يوم مرهق وطويل جداًوأنا بلاقي حاجات كتير بحبها على صفحات المدونة،أنا بحب أوي الإختلاف ومدونتك مختلفة جداً فبعد إذنك خلاص إنت بقيت من أصدقائي الخيالين.
ومليانه اكتر بأسئله...بدون اجابات..!!
اسئلة من أعماق نفسي........ولنفسي...!!
هو دة اللي بحسه لما بسمع فيروز فعلا هو البوست دة من شهرين تقريبا
معرفشي ليه توقفت عن الكتابه بس اسلوبك رائع فعلا
عندك حق الذكريات هى احنا هى نفسنا هى كيان بيتحرك جوانا بيكبر وبيلعب وبينضج مع مرور الوقت
بوست جميل اوى
انا عن نفسى نفسى امسح أى ذكريات زجعتنى وأفتكر الذكريات اللى فرحتنى بس
يوست رائع
جميل اوى بجد البوست
و مدونه رائعه
متابعه باذن الله
كل خريف وانت بخير
كل اغنية لفيروز وانت بخير
بس الاجمل من الخريف
انك تسمع فيروز مع حد عزيز عليك
بيبقي اغلي من الذكريات ومن كل اللي فات
دمت بخير ..
جايدا العزيزي
كل سنة وايامك كلها اعياد :)
================================
لولا وزهراء :
عارف اني متاخر بس امنيتي ان كل لحظة وانت بخير لكل ايامك الجاية :)
still-searching:
وعشان الاحلام ممكن بحالول احولها لوتقع ملموس..
انت كمان وحشتي المدونة :)
وجع البنفسج:
يارب تنعاد عليك الايام وانت واهلك بكل الخير والسعادة :)
5o5a:
فعلا.. حتى الذكريات المؤلمة بيبقى ليها طعم تاني غير الالم بعد ما تتحول (لذكريات) وعشان كده بنحب ذكرياتنا بحلوها ومرها :)
نورتيني وياريت دايما تعليقاتك تتطول :)
حلم كان:
اقولك سر..
اسمك مرتبط معايا بآخر مشهد في فيلم "عن العشق والهوى"
وده انا باحبه جدا..
تعليقك بجد فرق معايا جدا :)
فشكووول:
منورني للمرة الاولى.. وللاسف اتاخرت في الرد عليك..
يابخت فيروز والرحبانية بوصفك الراقي لفنهم :)
اتمنى وجودك ديما :)
غير معروف:
تعليقك خلاني انا كمان اعمل كده :)
وعجبني قوي وصف الاصدقاء الخيالييين..
بس متهيالي المفروض انا كمان اعرف مين اصدقائي الخياليين..
نورت المدونة :)
rona Ali:
انا ما توقفتش ولا حاجة هي بس مسألة انشغال ومود الكتابة عندي له طقوس ورونق خاص :)
نورت المدونة للمرة الاولى :)
محبة الرحمن:
اسمك حلو..
ووجودك في المدونة هو الاجمل :)
نورتيني :)
EL pRiNcEssA :
كل خريف وربيع وصيف وشتا وانت مستمتعة بكل لحظة في حياتك :)
فيروز هي الذكريات..
والذكريات من غير فيروز مش بتتحس :)
إرسال تعليق