السبت، ديسمبر 31، 2011

فريدة...؟؟!



- انا جاية اقولك ميرسي على الصورة اللي رسمتهالي طول الوقت ده في عيون كل الناس وخليتهم يشوفوني كده..
- فريدة....؟؟!!!
- هو..................انت...حقيقية...؟؟
- اه طبعا.. حقيقية..؟؟
- بجد يا فريدة...؟؟
-
انت فعلا موجودة..؟
- أه حقيقية وموجودة .. بس ما أسميش فريدة.. اسمي مريم..
- مريم..؟؟!!
- طب...احنا ما اتقابلناش قبل كده..؟
- اتقابلنا كتير.. بس عمرنا ما اتكلمنا..
انت كنت بتبقى قاعد هنا لوحدك.. وانا هناك..
وحاولت كتير اني ألفت انتباهك..
بس انت كنت بتبقى قاعد مركز قوي..
وفي يوم انت كنت قاعد سرحان وبترسم.. وراهنت نفسي انك بترسمني..
مالك..؟؟
مستغرب قوي كده ليه..؟؟

- فريدة... آآآآآآآآآ... قصدي.... مريم..
عندك وقت تسمعيني شوية...؟
- عندي وقت اسمعك كتييير..
- انا... هأحكيلك حاجة غريبة..
رغم اني اول مرة اقابلك..
بس.. حاولي تصدقيها..
هي قصة طويلة...
ركزي معايا..
فريدة...
انا...
.......
............
انا.. بحبك..!!

هناك 82 تعليقًا:

دعاء العطار يقول...

ساعات كتير بتبقى الحاجه اللى بنتمناها قدامنا بس احنا اللى بصين بعيييد ... زى مايكون ماينفعش تكون الا بعيد

وبعد شويه يجى حد ينبهنا ويقولنا دى قدامك اهى .. ليه مش شايفها


الفيلم خرافى بصراحه ليك حق تسمى مدونتك باسمه

يارب تكون لاقيتها :)

دعاء العطار يقول...

اه نسيت اقولك

كل

سنه

وانت

طيب

:)

Bent Men ElZman Da !! يقول...

رغم انها حته صغيره وفى اخر الفيلم
بس جايبه من الاخر :)

كل سنه وانت طيب وسنه سعيده عليك ان شاء الله :))

sara draz يقول...

احلى حاجة فى الدنيا لما احلامنا تبقى حقيقة بجد
حتى لو اختلفت مسمياتها
.. ما يفوق الوصف .. على رأى سوزان عليوان ..
:)
كل سنة وحضرتك بخير ^_^

Tears يقول...

يارب تكون سنة سعيدة و نصلح فيها غلطة حداشر فبراير اللى فاتت و خلت البلد تروح فى سكة تعيدها فيلم الفسدة و الحرامية من الاول

نيسآان يقول...

كل سنه وانت وفريده أو مريم طيبين :)
كل سنه ومصر طيبه وبألف خير.

رحاب صالح يقول...

ما أوسع الغابة
وسع الغابة قلبي
يا مصور ببابي ومصور بقلبي
شايف البحر شو كبير كبر البحر بحبك

شايف السما شو بعيييييييدة بعد السما بحبك
كبر البحر وبعد السما
وأكتر .......
يا سلام يا تيمو
تصدق البوست
والاغنية
والصورة
والفيلم
كل شيء
بجد بيخليني احس ان السنة الجديدة دي سنة حلوة اووي
ومتفائلة جدااااااااا
برغم برودة الجو عندنا
بس دف الاحاسيس بين الاصحاب
ودفء الكلمات دي
بتخليني انسي البرودة واقول
سنة جديدة سعيدة عليك انت وفريدتك
ويارب دايما متفائل
نسيت اقولك اني قبل ما ما اقرا البوست ده سمعت اغنية يا طير يا مسافر ع اطراف الدني لو فيك تحكي للحابيب شو بيني
وكمان شايفة فيلم لاك هاوس امبارح
منزل البحيرة واغنية بول مكارتيني اللي تجنن
بجد حساها سنة جميلة اووووي

.
.

reemaas يقول...

عمالة انا ادور على حسن حساه برده حواليا وحسانى مش شيفاه وحساه بيحاول يلفت نظرى وانا اللى مش واخدة بالى :)


كل سنة وانت بالف خير يا تيمو وHappy B D لتانى مرة

Tamer Moghazy يقول...

دعاء العطار:
"زى مايكون ماينفعش تكون الا بعيد"
عجبتي قووووي الجملة دي..!!

كل سنة وانت ديما سعيدة وبكل الخير يا دعاء :)
الميل بتاع المدونة عندك فيه مشكلة مش بيستقبل تعليقات :<

Tamer Moghazy يقول...

Bent Men ElZman Da :
هي حتى من آخر الفيلم مع بعض التعديلات الخاصة بفريدة من وجهة نظري :)
كل سنة وانت اجمل بنت من الزمان ده :)

Tamer Moghazy يقول...

sara adel draz:
"رغم اختلاف المسميات" فعلا يا سارة :)
وحتى لو الحلم ما اتحققش..
بس ديما فيه وقت للاحلام :)
نورتيني يا سارة وكل سنة وانت ديما مبتسمة :)

Tamer Moghazy يقول...

Tears:
يارب يسمع منك..
رغم كل الظلم و الفساد
بنقع..ونقوم ونقول انه بكره احسن..
لو مش لينا..للاجيال الجاية..
وهو ده معنى الامل..
يارب 2012 تكون سعيدة على مصر كلها :)

Tamer Moghazy يقول...

نيسان:
كل سنة وكل مصر بخير وتكون السنة الجديدة احلى من اللي فاتت :)

Tamer Moghazy يقول...

re7ab.sale7:
ان شاء الله يكون احساسك صح وتتحقق كل احلامك للسنة الجديدة.
باستناكِ ديما يا ري بتعليقك المميز ولو ان الصحافة شكها اخدتك منا شوية :)
يارب تكون سنة حلوة عليك وكل سنة وانت طيبة :)

Tamer Moghazy يقول...

reemaas:
بتدوري على حسن بايدك اللي انت حاطاها تحت خدك دي ومش عارف بتبصي على ايه..؟؟
الا صحيح يا نور.. هو انت بتبصي على ايه..؟؟ هاه..؟؟
ديما منوراني ومع كل بوست بابقى عاوز اعرف رأيك لانك من الناس اللي باحب اقرالهم قوي..
كل سنة وانت اجمل بنوتة مصرية :)

لــــ زهــــــراء ــــولا يقول...

- انا جاية اقولك ميرسي على الصورة اللي رسمتهالي طول الوقت ده في عيون كل الناس وخليتهم يشوفوني كده..
- فريدة....؟؟!!!
- هو..................انت...حقيقية...؟؟
- اه طبعا.. حقيقية..؟؟
- بجد يا فريدة...؟؟
- انت فعلا موجودة..؟
- أه حقيقية وموجودة .. بس ما أسميش فريدة.. اسمي مريم..
- مريم..؟؟!!
- طب...احنا ما اتقابلناش قبل كده..؟
- اتقابلنا كتير.. بس عمرنا ما اتكلمنا..
انت كنت بتبقى قاعد هنا لوحدك.. وانا هناك..
وحاولت كتير اني ألفت انتباهك..
بس انت كنت بتبقى قاعد مركز قوي..
وفي يوم انت كنت قاعد سرحان وبترسم.. وراهنت نفسي انك بترسمني..
مالك..؟؟
مستغرب قوي كده ليه..؟؟

- فريدة... آآآآآآآآآ... قصدي.... مريم..
عندك وقت تسمعيني شوية...؟
- عندي وقت اسمعك كتييير..
- انا... هأحكيلك حاجة غريبة..
رغم اني اول مرة اقابلك..
بس.. حاولي تصدقيها..
هي قصة طويلة...
ركزي معايا..
فريدة...
انا...
.......
............
انا.. بحبك..!!
.......................
من اجمل الافلام واصعبها عليا
الفيلم ده لحد الان ش عارفة اشوفه تاني
صعب كتير كتير كتير

اول ما دخلت البوست قلت ياااااااااه لسة فريدة موجودة وبنقلب صفحاتها معاك انا وكل اللي بيدخلولك ..

الصورة الاولانية تحفة والتانية اجمل
الاتنين بيكملو بعض لو حطيناهم قصاد بعض كأنهم صورة واحدة في برواز واحد
هو ده حالها وهي بتفكر فيه وهو ده حاله وهو بيفكر فيها
لو حطينا الصورتين قدام بعض كل واحد بيبتسم للتاني وهوه مش شايفه

مش بس هما لاتنين بيفكروا في بعض لأ بيتخيلوا بعض
ناقص يجمعهم الزمن في اطار واحد

تحياتي لقلمك المبدع
شوفت انا فسرتلك البوست بتاعك ازاي رغم انك لما دخلت عندنا مشوفتش العمل اللي انا حطاه(:
كل سنة وانت وفريدة في سعادة

لولا

rona ali يقول...

افلام احمد حلمى حكايه بيجد يعنى

لخصت الدنيا بشكل جميل اوى

حلوة اوى :))

رحاب صالح يقول...

مساء البنفسج
انا كمان بيوحشني تعليقاتك وبوستاتك
وعلي فكرة مش الصحافة اللي اخدتني
ده موضوع كبييييييير كدة
شكلها قلبت علي تربية وتعليم يا تيمو....
بس انا قررت اكتب صفحات ف مدونتي عن الشغل ده واللي طلعت بيه منه بس كمان شوية
ميرسي علي تعليقك المميز دايما

nour alqamar يقول...

فيلم راااااائع اوووي ..شكرا لك وكل عام وانته بخير ..وسعيده لتعرفي بمدونتك ..
تحياتى

نور

شمس النهار يقول...

كل سنة وانت طيب وبخير وصحة وسعادة

انا بحب الفيلم ده جدا
وخصوصا الاغنية
خطييييييييرة

sosonata88 يقول...

like soo this movie..
it is a very wonderful feeling when u find wt u dream about,in the real life exactly as u imagine him..

and also see that u have to be the right person in away that make u deserve to be a partner to the person who u dream about..

i like ur attitude,beleif & insistence that u will find wt u want and wt u dream about..

i admit that honestly at the begining when i read ur blogger i find that it is soooo hard wt u do that to depend ur life on athing which not exist in current time..and have no guarantee to find it..but now i find that u r right..go ahead & may allah bring to u all wt u dream about & all the best isa..
thnx for ur advice regarding the work..

♥نبع الغرام♥♪≈ يقول...

كل عام وانت بخير


ويارب يسعدك ويفضل قلبك ينبض بالحب

shoshta_ joker يقول...

السلام عليكم...

كل سنة وانت طيب يا تيمووو

وع فكرة البوست الى انت علقت عليه عندى مش كتبتى انا دا كتابت joker .


قولى بقى انت لقيت فريدة ولا اية ها ها فرحنى قصدى مريم ؟؟؟؟؟

يارب يكون السنة الجديدة وشها حلو علينا كلنا يارررررررب.


دومت بخير
فى رعاية الله
shemo

فشكووول يقول...

ازيك يا تيمو
ما هو مالوش مقدمات
بييجى كدا زى القضى المستعجل
وممكن تحب من غير ما تشوف المحبوب
بس فريده كانت حاجه سكر خالص
تحياتى

هاني النجار يقول...

احيانا بتكون السعادة بين ادينا ولا بنشوفها .. زي الكاتب القديم اللي كان بيدور على القلم والقلم في ودنه

Carol يقول...

ابتسامة أخر الليل :)

تدوينتك جعلتني أبتسم لهذا الشعور الرقيق

كل عام و أنت بخير :)

هبة فاروق يقول...

تيمو
امتى بقى حتعرفنا على فريده
شكلك كده لقيتها ....بس لو لقيتها اوى تسيبها
لان اللى بيروح مبيرجعش
كل سنه وانت طيب تيمو

نهر الحب يقول...

عندك وقت تسمعني شوية...؟
........
مع ان البوست كله عبارة عن كلمات الفيلم...
كلمات
حسن...
ل....فريدة..
(باستثناء كام كلمة...!!!)
ومع انه زي كل بوستاتك اللي من الفيلم ديماً

الا اني أول ما قريته كان الوحيد اللي شفت فيه ..
"تامر"...
هو اللي قايله..
ل...فريدة!!!....
...
...
هو صحيح .."حسن"..لقى..."فريدة"؟؟؟
ولما لقاها...
ازاي اتاكد انها حقيقة..
مش حلم؟؟؟؟!!!!
...........

هو متأكدش على فكرة...
ولا هي...
يمكن بس لما لمس ايديها ولمست ايديه..!!

بس ممكن من كتر ما حد يكون عايش الحلم ومقتنع بيه اوي بيبقي خلاص شايفه حقيقة..
وميبقاش فيه حاجة تقدر تخليه يصحي منه...

لما فريدة كانت حلم..كان برضه متأكد أنها حقيقة...
..........
عشان فريدة تبقي حقيقة...
لازم حسن كمان يبقي حقيقة....
عشان هي كمان كانت شايفاه حلم بعيد اوي عنها..
هما الاتنين وجودهم مرتبط بوجود بعض
حقيقة بتكمل التانية..
وتلجتين دايبين جوا بعض..
أو حلم عايشين جواه لو حدهم...(ومع بعض)

من وجهة نظري
المشهد ده ناقصله كلمة في الآخر تكمله
!!
....
........

مالك..؟؟
مستغرب قوي كده ليه..؟؟
...
مش قلتلك صوتك ماليها!!!

reemaas يقول...

انا جيت تانى:)

لسببين

اولا علشان اقولك ان سبب ايدى دى سى حسن :)

وببص علشان بدور عليه مش واخد بالك ولا ايه

السبب التانى رد سهاد

بجد خلانى اسرح كتير

هم فعلا لقوا بعض ازاى

ازاى ممكن انت تلاقى فريدة وانا الاقى حسن وكل واحد يلاقى نصه التانى

سهاد قالت:عشان فريدة تبقي حقيقة...
لازم حسن كمان يبقي حقيقة....

الجملة على اد ما حيرتنى على اد ما سببتلى فزع رهيب

E73 يقول...

I love this movie

صاحبة الشباك يقول...

من قريب كنت بفتكر المشهد ده بالذات أوي:)

هو أنت مش يتكتب كتير ليه ؟

وكل سنة وأنت طيب :)

nellyaly يقول...

أحلى حاجة فى الدنيا أن الإنسان يلاقى اللى بيحبه وبيحترمه, فبيكون فعلا حلم, وأن مثلا دايماُ الأقى صديقة تكونى بتحترمنى وبتحترم افكارى, مش صداقة مزيفة, بس بجد أن شاء الله هلاقى الصداقة دى

وتحياتى لك

نيللى على

عباس ابن فرناس يقول...

بصراحة كنت سوف اعلق وانا لا ادرى ماذا سوف اقول بضبط وحينما وقع نظرى على هذه الجملة : انا لا ادون لمجرد التدوين
رجاء .. لا تعلق لمجرد التعليق ! ) شعرت ان احدهم صفعنى على وجهى وهو يقول انتبه

يبدو من اسم المدونة ومن الموضوعات انك من المعجبين اوالمغرمين بى اعمال الفنان احمد حلمى الذى لا يهواه غير فنان ايضا

راقتنى الزيارة
تحياتى المستعطرة

Sarah .. يقول...

كنت جاية اقولك انى بقالى كتير مجتش هنا .. ولا انت كمان :)
فلقيت بوست جديد ولقيت منك كومنت عندى كمان :):)

- انا جاية اقولك ميرسي على الصورة اللي رسمتهالي طول الوقت ده في عيون كل الناس وخليتهم يشوفوني كده..

انا وقفت قدام الجملة دى كتير ..
اصل الصورة الجميلة اللى اترسمت كانت جميلة فى عيون الناس كلها بس ...... !
محدش شاف جمالها بجد غيرى .

يمكن كان حقيقة مُتمثلة فى حلم ..
وكان أحلى انه يبقى كدا وميتحققش !


عندك وقت تسمعيني شوية...؟
- عندي وقت اسمعك كتييير..

.........

_ يمكن الكومنت غريب ومش مفهوم .. بس اعتقد انك هتعرف انا عايزة أوصّل ايه :)
_ كومنت سهاد .. حلو


..
ينفع تبقى توصل لفريدة سلامى ! :):)

Story pain يقول...

..رغم ان الحوار ده انا كنت فكراه جدا بس حسيت دلوقتى انى بقرأه لاول مره..وخصوصا وأنا بقرأ الجزء ده

- فريدة....؟؟!!!
- هو..................انت...حقيقية...؟؟
- اه طبعا.. حقيقية..؟؟
- بجد يا فريدة...؟؟
- انت فعلا موجودة..؟

الاجمل ان حسن قابل فريدة بعد ما تعب أوى..ويمكن كمان يأس وصدق انها ماكنتش موجودة..

والاجمل اننا نلائى احلامنا بعد ماتعبنا اوى ويمكن كمان يأسنا وصدقنا اننا مش هنوصلها...

برده مش هقدر اقول غير انك متميز دايما

sony2000 يقول...

بكلمه واحدا

بتبتدي كل حاجه حلوا:)

Tamer Moghazy يقول...

لولا وزهراء:
اه.. لسه فريدة موجودة يا لولا..
وصفحاتها اكتر من اللي بيتنشر بكتيييير..!!
كل المشكلة انه هي في زمان وحسن في زمان تاني..
وعشان نجمعهم مع بعض بنحاول نخلي كل واحد يحس بوجود التاني زي فيلم:
The lake house

على فكرة لما دخلت عندك تجولت في البوستات اللي فاتتني بس للاسف النت فصل وانا باعلق اكتر من مرة وكمان اخر بوست مش اتحمل عشان التحميل عندي فيه مشكلة..
لكن.. انا ديما موجود... عندك..
وديما باحب وجودي...عندك..
(';')

Tamer Moghazy يقول...

rona ali :
ومش عارف يا رونا الحكاية ها تاخدني لفين...!!
منوراني ديما :)

Tamer Moghazy يقول...

re7ab.sale7 :
حلو برضة التربية...والتعليم يا ري..
بس المهم.. نربي صح.. قبل ما نعلم غلط..
لان غالبا التعليم بيبقى غلط..
فا على الاقل تبقى التربية صح..
عشان الاجيال اللي تطلع تعرف تعلم نفسها او تعرف تختار اللي ها تتعلمه في مرحلة (اعادة التعليم) اللي معظمنا بيعيدها..!!
فاهمة حاجة..؟؟

Tamer Moghazy يقول...

نور القمر :
اكيد انت اللي نورتيني بوجودك يا نور يا قمر :)
ها استناك ديما والا الناس مش ها تعرف تعلق من الضلمة :)

Tamer Moghazy يقول...

شمس النهار:
الفيلم ده له معايا حكايات وحكايات..
وكل ما تحسي انك خلصتيه وفهمتيه..
تعالي عندي ها تكتشفي حاجة جديدة :)
نورتيني بنور شمسك وديما بانتظارك.

Tamer Moghazy يقول...

sosonata88:
عارفة..
فكرتيني باغنية قديمة قوي من فيلم بينوكيو بتقول:
"حين ترى نجما وتتمنى امنية..
فلا يهم من تكون..
لا ما تتمناه ستناله..
فقط..
لو انك تمنيت باخلاص"

When you wish upon a star
Makes no difference who you are
Anything your heart desires
Will come to you

If your heart is in your dream
No request is too extreme
When you wish upon a star
As dreamers do

When you wish upon a star
Your dreams come tru


بحب تعليقك...جدا :)

Tamer Moghazy يقول...

نبع الغرام:
ربنا يسمع منك ..
كل سنة وانت بكل الخير :)

Tamer Moghazy يقول...

shemo_ joker:
فريدة غلبتني معاها يا شيموأ..
شوية تظهر وشوية تختفي..
مش عارف بقى اعمل ايه..
(';')

Tamer Moghazy يقول...

فشكووول:
فريدة مش بس حاجة حلوة..
دي احلى حاجة عندي :)
وفعلا زي ما بتقول مالوش مقدمات
نورتني لانك من الناس اللي باحب اسمع رايها و وجودها ديما :)

Tamer Moghazy يقول...

هاني النجار:
ماهو اهم من اننا نشوفها يا هاني.. اننا نحسها :)
ولو الكاتب ده كان حس بوجود القلم على ودنه..
ماكانش تعب نفسه وقعد يدور عليه :)
نورني وجودك.

Tamer Moghazy يقول...

Carol:
وانا كفاية علي ابتسامة اخر الليل دي..
لانها بتبقى اخر حاجة حلوة في يومنا..
وبتكمل معانا في عالم الاحلام :)
بجد مبسوط بالتعليق الحلو ده.

Tamer Moghazy يقول...

هبة فاروق:
بصي يا هوبة..
انا قررت اعمل فرحي 12/12
وعشان كده ها ادي فريدة فرصة لحد 11/12
و....بس :)

اه نسيت.. اول ما اشوفها ها اسلم لك عليها :)

Tamer Moghazy يقول...

نهر الحب:
طول ما حسن بيدور على فريدة..
وطول ما فريدة بتدور عن حسن..
لازم الاتنين يتقابلوا عند نقطة..
وساعتها بتكون (نقطة توقف الزمن)

الامل هو اللي بيعيشنا..
الامل هو اللي بيخلينا نكمل..
وساعات الامل ما بيتحققش..
وساعتها.. باشكره..
من كل قلبي..
لانه عيشني لحظات جميلة في انتظار تحقيقه..
وكل لحظة فيها.. بابقى عيشتها واستمتعت بيها وكانها حقيقة ثابتة وموجودة.

وصدقيني..
حتى لو ما كانش فيه فريدة.. فانا باشكر شخصيتها اللي خلتني احب واستمتع بكل لحظة معاها (في خيالي).


نقط...
نقط....
...وكمان...نقط..

Tamer Moghazy يقول...

reemaas:
((ظللت طوال سنوات عمري ابحث عن المراة المثالية..
وحين وجدتها..
وجدتها تبحث عن..الرجل المثالي))
انيس منصور

انت خلتيني افكر في الكلمة دي بعد ما قريت تعليقك..

انا حاسس انه فريدة حقيقة..
وعشان كده لازم حسن يكون هو كمان حقيقة.
يمكن يكون مجرد احساس..
بس....... انا مصدقه..!!

Tamer Moghazy يقول...

E73:
i love your comment :)

Tamer Moghazy يقول...

NaDa:
وعشان انت كنت بتفكري فيه.. انا كتبت عنه :)
انا (بأكتب) كتير و(بانشر) القليل اللي ينفع يتنشر منها..!!
كل سنة وانت ديما سعيدة :)

Tamer Moghazy يقول...

nellyaly:
أحلى حاجة فى الدنيا أن الإنسان يلاقى اللى بيحبه وبيحترمه, فبيكون فعلا حلم,
و.....اتحول لحقيقة :)

ربنا يحقق كل احلامك يا نيللي ..
نورتيني بوجودك

Tamer Moghazy يقول...

عباس ابن فرناس :
راقتني زيارتك ايضا..
كما راقني جدا ملاحظتك لكلماتي بخصوص التعليق..
اتمنى ان كلنا نعمل بيها لان التعليق بيوصل رسالة وعشان كده لازم نهتم بالرسالة.
الفيلم عميق.. وانا اعشق الاشياء العميقة :)
تحية لوجودك :)

Tamer Moghazy يقول...

Sarah:
((اصل الصورة الجميلة اللى اترسمت كانت جميلة فى عيون الناس كلها بس ...... !
محدش شاف جمالها بجد غيرى ))

انت خلتيني اعمل كده :) بجد

((يمكن كان حقيقة مُتمثلة فى حلم ..
وكان أحلى انه يبقى كدا وميتحققش !))

ولو لو انه راي غريب شوية..
بس مضطر اقولك انه للاسف دي كمان وجهة نظري يا سارة..!!

ساعات الحلم بيكون احلى لانه بيفضل في النهاية (حلم)

عاوز اقولك فهمت اللي عاوزة تقوليه من اول جملة..
وسهاد ديما الكومنت بتاعها حلو.
وسلامك ها اقوله لفريدةاول ما اشوفها بعد ما انام بخمس دقايق:)

Tamer Moghazy يقول...

Story pain:
باحب حاجتي قوي..
عشان (باتعب) فيها...قوي.
وصدقيني احلى حاجة اللي بتيجي بعد تعب..
وبيبقى صعب اننا نفرط فيها ابدا :)
.....
........باستنى تعليقك..
............ديما :)

Tamer Moghazy يقول...

sony2000:
وبكلمة واحدة..
خليتي يومي حلو :)
مبسوط بالكومنت اللي معناه اكبر من عدد حروفه بكتير :)

Miss LoZa يقول...

ابتسمت ودمعت وقلبى دق :)

dandana يقول...

يعنى انا مش هاقول اكتر من اللى الناس قالته فى الفيلم
حتى تعليقاتهم على الاختلافات البسيطة والفارقة جدا برضو

بس عايزة اعلق على حاجة تانية
على عدد التعليقات

يا سلااااااااااااااااام
فكرتنى بزمن التدوين الجميل قبل ما الفايس يبتلعنا كلنا جواه

لانى كنت بفكر من يومين بس انى محتاجة انغمس اكتر فى عالم المدونات من جديد
وانسحب من الفايس تدريجيا

انا مبسوطة اوى انى شوفت العدد دا

Ms Venus يقول...

احساس تانى يا تيموووو :)


ازيك

Ahmed ElGaMmaL يقول...

شكرا انك فكرتنى بالمشهد العملاق دة
بس خلاص :)

غير معرف يقول...

boba
ازيك يا تامو غريبة انك تمسح تلعيق من غير ما ترد علية

richardCatheart يقول...

اممممممممممممم ازيك يا تيمو بقالى كتير ماجتش اطمن عليك يارب تكون بخير وديما بخير

انا بحب المشهد دا اووووووووووى عارف كدا زى مايكون اخدت شوب ميه بتلج فى عز الحر وبترتوى

المهم مريم فريدة الاتنين وجهين لنفس القلب

هفضل كل ما تفرج على اسف على الازعاج او الف مبروك افتكرك حاجه غريبه ماعرفش ليه يا اخى :) تعرف انت ؟؟

غير معرف يقول...

اول زياره للمدونه
:)
رائع البوست :)
دمت موفق :)

شفـقــة و إحســــان يقول...

من كتر ما بتحب احمد حلمى وبتحسسنى انك هو
بصراحة هو رائع وافلامه رائعة

غير معرف يقول...

البعض يُصر على أن تكون حرفيّاً "فريدة" وإن جاءت مريم لا يكترثون، لمجرد أنهم يبحثون عن"فريدة" لا مريم!!
ما أشقاهم!! أحيانًا أرى أن فيما يحدث لهم عدالة ما.. لأنهم - بهذه العقلية - لا يستحقون مريم، ولا فريدة :)
أسعدني مروري هاهنا .. فلك من القلب تحيةღ

صفا سارة يقول...

مجتش انا هنا من زمان :)
لعلك بخير :)

غير معرف يقول...

بوبا كل عيد حب وانت طيب يا تيمو

EL pRiNcEssA يقول...

هي فريدة هتيجي امتي
كل سنة وانت طيب ياتيمو

Tamer Moghazy يقول...

Miss LoZa:
حلو قوي اللي انت قولتيه..
والاحلى..اللي انت عملتيه في الكومنت ده :)

Tamer Moghazy يقول...

dandana:
وبجد انا كمان مبسوط انك جيتِ هنا..
وانا ديما باقول ان الفيس ضار جدا بالصحة..
ورغم اني باحاول احبه.. الا اني في الاخر باضطر اقول.. اني مش عارف احبه..!!

خليك هنا احسن :)

Tamer Moghazy يقول...

Ms Venus:
ووجودك كمان عمل احساس تاني يا فينوس..
والله بيوحشني تعليقك وحاسس اني باختفي حتى من نفسي.. سامحيني :)

Tamer Moghazy يقول...

RoMa:
وشكرا لوجودك الحلو جدا ..
مشاهد كتير في الحياة بتعدي مننا من غير ما نلحق ناخد بالنا ونتاملها :)

Tamer Moghazy يقول...

boba:
زي ما تعليقك ما يهمش حد غيري..
كمان ردي على التعليق ممكن ما يهمش حد غيرك.

Tamer Moghazy يقول...

richardCatheart :
حتى لو اتاخرتِ في المتابعة وانا اتاخرت في الرد..
فانت عارفة قد ايه انا باعزك وباحب كتاباتك.. وانا عارف ان مش بيمنعك انك تيجي غير انشغال الحياه :)

زي ما قولتي فريدة ومريم وجهان لنفس العملة..
وعشان كده انا عارف انت ليه بتفتكريني لما بتتفرجي ع الفيلم :)

بلاش تتاخري عني لو حتى انا اتاخرت عن مدونتك :)

Tamer Moghazy يقول...

:no0o0r in my♥
مبسوط بزيارتك ويارب ديما تعجبك المدونة :)

Tamer Moghazy يقول...

شفقة واحسان:
ابتسامة حلوة لتعليقك الحلو ده :)
منوريني ديما :)

Tamer Moghazy يقول...

bentnass:
القدر...والمصير..
وجهان لنفس العملة يا صديقتي :)

اسعدني مرورك ايضا ها هنا..
ولك من كل قلبي تحية :)

Tamer Moghazy يقول...

صفا سارة:
تصدقي وانا كمان...؟!!!!
بس ما يمنعش ان تعليقك وحشني :)

Tamer Moghazy يقول...

EL pRiNcEssA :
آآآآآ...
اصل...
يعني...
قصدي..
اقول...
آآآ...
وانت عاملة ايه..؟؟

Khadega Ghatwary يقول...

:) !!!

دمعة حائرة يقول...

أنا لا أقرء لمجرد القرأة ولا أعلق لمجرد التعليق أن أبحر دائماوراء الحروف وإن لم تكتمل وإن كانت قديمة قتظل لها قيمة مادمت محتفظة بروحها من وقت كتابتها تعليقى الحب زى الشمس بيطلع وكل يوم بس بطرق مختلفة لناس كتير بس فى يوم بتكون الشمس قاصدة انها تنور مكان اكتر من مكان وقتها ووقتها بس هتظهر الاميرة يعنى ببساطة تابع الشمس تسلم حروفك