كلاكيت (1)
واقف لوحدك ليه..؟
فريدة..؟!!
تصدقي ان انا كنت بأدور عليكِ..؟؟
بتدور علي انا..؟!!
من غير ما تزعلي..
انا كنت بادور على اي حد اتكلم معاه.
طب ما انا "اي حد"....تحب ندخل جوة..؟؟
هو انت..كنت جاية هنا اصلا ولا معدية بالصدفة..؟؟
معدية....
هنا...اصلا...
جاية...بالصدفة...مش ها تفرق.
بس انا مش عايز ادخل..
المكان هنا زحمة..
وانا.. ما بحبش الزحمة..!!
تحب اوديك مكان انا واثقة انك عمرك ما روحته؟
عارفة يا فريدة..
كل باعدي وانا رايح الشغل من هنا..
كان بيبقى نفسي ادخل اتفرج على البرج اللي
بيلف على ترس جوه.
ترس جوه....؟؟!!
ما تنسى التروس شوية يا حسن..!!
كلاكيت (2)
- مالك..؟ بتدور علي ايه دلوقت..؟
- اي حاجة..اكيد هلاقي حاجة عنها..!!
- طب هو تليفونها مش معاك..؟؟
- للاسف..هي اللي كانت بتتصل..
- طب....مش يمكن.. فريدة دي مش موجودة اصلا..؟؟
طب.. مش يمكن فريدة دي مش موجودة اصلا..؟؟
مش.. يمكن.. فريدة دي مش موجودة اصلا..؟؟
يمكن.. فريدة دي مش موجودة اصلا..؟؟
فريدة دي مش موجودة اصلا..؟؟
دي مش موجودة اصلا..؟؟
مش موجودة اصلا..؟؟
موجودة اصلا..؟؟
موجودة..
اصلا..؟؟
هناك 49 تعليقًا:
أة موجودة أصلاً
موجودة
أصلاً
..
):
حاليا ممكن اقولك مش موجودة اصلا
:(
بس ماتخدش على كلامى اوى يعنى ممكن تفضل تدور عادى مين عالمم..........
مش
موجودة
او
موجودة
احنا اللي بإيدينا نخللي الموجود
موجود
واللي مش موجود
مش موجود
ممكن نخللي
الحلم
حلم
وممكن نخللي
الحلم
حقيقة
تيمو
البةوست ده عامل زي اليومين الاولنيين ف الدراسة والمدرسة والشغل الكتير اللي انشغلت فيه
مبقتش عارفة انا موجودة والا
مش
مو
جو
دة
Ramy:
ممكن تقولها عشروميت مرة ؟؟
بيوحشني وجودك يارامي..
بجد والله :)
Shrouk:
آآآآ..
:,
بس خلاص :)
reemass:
بشكل ما .. او بآخر..
توقعت كل كلمة في تعليقك :)
re7ab sale7:
لو استخدمنا نظريتك دي..
يبقى انت كمان في ايدك
انك تكوني موجودة..
او.. انك تكوني..
مش
مو
جو
ده :)
صدقني
فريده موجوده
زي ماحسن موجود
ولكل حسن...فريده :)
كلاكيت
وجهة نظر
ازرق
فريدة
الحقيقة تلك التدوينات رائعة جدا ورومانسية والحقيقة انتقاءك لديالوج هذا الفيلم اختيار موفق وهذا الفيلم انه بحبه جداً للبعد الانساني الجميل جداً والعميق جداً
والحقيقة جميل أن يصادفني أن تتكلم عن اللون الأزرق لوني المفضل الجميل
الحقيقة التدوينات هنا حبات من اللؤلوء يشبكها خيط رومانسي واحد
تحياتي
حسن أرابيسك
انا طبعا وزى ماهو واضح فى مدونتنى بحب الكتابة عن اليأس والتشاؤم زى عنيا..المكان الوحيد اللى ماستحملش اقرأ فيه عن اليأس حتى ولو بين السطور هنا (عند تيمو )مجرد مابشوف اى بوست بحس انى دخلت الحلم معاك وبستنى انا كمان فريدة..بحب اشوف فى كلامك الانتظار الجميل..الا مش ممكن ابدا يكون جميل الا لما يكون فى يقين ..زى اليقين اللى جواك باللقا مهما اتاخر..
حسن لما فقد الامل ويأس من وجود فريدة لقاها..واكتشف انها كانت موجودة
لازم نوصل للمرحلة دى قبل ما تتحقق احلامنا نحس اننا بنخسرها فى اكتر وقت بتكون قريبه مننا وهنلمسها خلاص..
متأكده انها موجوده وهنادى عليها معاك تانى بس مش هعلى صوتى انا واثقة انها قريبه جدا
ربنا يسعدك ويفرح قلبك يا تيمو
صباح الغاردينيا تيمو
والف الحمدلله على سلامتك
طيب انت عارف انه فريدة جواك
انت بس هتبص في يوم وتلاقيها جنبك :) "
؛؛
؛
لروحك عبق الغاردينيا
كانت هنا
Reemaas
موجودة مش موجودة
ادينا استمتعنا بفيلم من اجمل الافلام
:))
انا كنت بادور على اي حد اتكلم معاه. طب ما انا "اي حد"
...
بس هو برضه كان بيدور عليها هي علي "فريدة " مش علي أي حد !!!
..........
هو انت..كنت جاية هنا اصلا ولا معدية بالصدفة..؟؟ معدية.... هنا...اصلا... جاية...بالصدفة...مش ها تفرق
.....
الجزء ده بيحسسني ازاي فعلاً حد يبقى معدي من مكان عشان رجليه بس ودته هناك...عشان يشوف حد نفسه يشوفه ومش عارف أصلاً حيشوفه واللا لأ...أو بيتمني يشوفه....
يمكن ده هو القدر اللي يخليك تروح سكة مش عارف ازاي روحتها...
........
......
فريدة موجودة أصلاً ....حسن موجود أصلاً...مين فيهم الحلم ومين الحقيقة...؟؟
حقولك تاني,,, وما زلت مقتنعة ان لو فريدة كانت حلم حسن...فحسن كان حقيقة ليها حتى لو هي نفسها وهم...
..........
وجود حاجة أو حد في حياتنا مش بوجوده المادي....أطلاقاً...ممكن يبقى ناس كتير حوالينا ومنبقاش حاسين بوجودهم وممكن ناس يبقوا حوالينا...وجوانا...بكل تفاصيلهم ..وهما في الحقيقة بعيد "مكاناً"
احنا اللي بنصنع الوجود ده باحساسنا بالناس دول..وهما بيأكدوا لنا ده كمان باحساسهم..
ولو مأكدوش لنا وجودهم الحقيقي جوانا ده لازم يجيلنا وقت نلاقيهم اختفوا من حياتنا...
الفكرة بقي هل المفروض نبقي متعلقين بوهم ناس متمسكين بوجودهم وهما لأ...؟؟
واللا نتخلي عن الأوهام ونشوف الناس اللي فعلاً حوالينا...
بالنسبة ليا ده السؤال اللي ملهوش اجابة....
.........
بس "فريدة" احنا اللي بنرسمها وبنشوف فيها اللي احنا حابينه....زي ما حسن عمل..اللي اتمناه شافه فيها...ورسم صورتها بايده
.......
ووووبس
:)
معلش بحس اني ديماً بقول كلام كتير وبطول عليك...
بس الفيلم ده علي قد ما شوفته
كل مرة بشوف فيه حاجة واحساس جديد...
وانت...هنا...
ديماً بتقول الحاجة بشكل مختلف....ومش المهم انك تقولها بشكل مختلف...
المهم انك مش بتبقى قاصد تقولها بشكل مختلف..
...
متغبش علينا في الكتابة بقي
لا هي موجودة أصلا
بس لسه مش عارفة تعدي بالصدفة عشان تبقى الأي حد اللي تتكلم معاه :)
وحشتنى تدويناتك اوى خالص :)
فريدة ،،
مش موجودة اصلا،،،
ده كويس جدا،،، ليه بقى
عشان ده بيدي امل إنها تكون ممكن
في وقت من الأوقات،، موجودة أصلا
فريدة،،
موجودة اصلا،،،
ده سيء للغاية،، لأن اللي
موجود أصلا دلوقتيــ بكره أكييييد
هايجي وقت،، وما يكونش موجود أصلا
خليها مش موجودة
يمكن يجي يوم وتكون معاك،،
بدل ما تبقى موجودة،،
وتصحى تدور عليها،، متلاقيهاش :(
انسى التروس شوية يا حسن
هى ممكن تكون موجوده اصلا؟
الوجود من عدمه احنا اللى بنحدد وبنخلقه
حمدالله على السلامه :))
sony2000 :
صح لكل حسن ..فريدة..
:)
حسن ارابيسك :
اول مرة تزورني
استنيت الزيارة دي كتير بعد ما شوفت اسلوبك الفني الجميل :)
متشكر للزيارة ونورت المدونة :)
Story pain:
بجد مش عارف ارد ع التعليق ده من الكلام الحلو اللي فيه :)
واكيد محتاجين نتجمع كلنا وننادي مع بعض بصوت عالي :)
ريماس:
صباح معطر باجمل غاردينيا :)
وجهة نظرك صح.. اكيد في يوم ها نتقابل :)
وجودك بيسعدني جدا يا ريماس :)
شمس النهار:
مابين..
موجودة..
أو...
(مش موجودة)
عمر من الممكن ان يفنى..!!
نهر الحب:
"انا كنت بادور على اي حد اتكلم معاه. طب ما انا "اي حد""
آآآ..مايتهيأليش..!!
..................
" لو فريدة كانت حلم حسن...فحسن كان حقيقة ليها حتى لو هي نفسها وهم."
آآآ... احتمال برضه..!!
...................
"الفكرة بقي هل المفروض نبقي متعلقين بوهم ناس متمسكين بوجودهم وهما لأ...؟؟
واللا نتخلي عن الأوهام ونشوف الناس اللي فعلاً حوالينا...
بالنسبة ليا ده السؤال اللي ملهوش اجابة."
أنت كمان...؟؟
كده بقينا تلاته..
انا..وانت..وهو. ;)
بالنسبة لاخر كلمة في التعليق... حاضر :)
still-searching :
خلاص انا مستني الصدفة بتاعت ست فريدة :)
وانت كمان وحشتي المدونة :)
فتافيت:
عملتيها ازاي دي يا ري..؟؟
تصدقي مقنعه..؟؟
انا كابهير.. انبهرت :D
ها احاول اقنع نفسي بالفكرة بتاعتك دي :)
غير معروف:
....
......
........ها أحاول :<
Bent Men ElZman Da !! :
اولا: الله يسلمك..
ثانيا: مش ديما صح :)
تسلم على كلماتك الرقيقه
مدونتك حلوه وخفيفه ورايقه كثييير
^.^
راقت لي حروفك و حقاً استمتعت ب رقي مدونتك ~
تقبل مروريّ ^^
صباح الخير
Timo
احساس ما اجهله يحيط بي وانا اقرأ
حروفك ...وربما هو احساس اتجاهله
لااعرف على وجه الدقة ان اصفه
الا ان جملة واحدة للاديبة "سوزان
عليوان" ظلت تترد في رأسي
وانا اتجول بين حروفك
{في داخل كل منا عصفور يبحث عن
مقهاه ويضيع العُمر ولا يلقاه}
اعترف ايضاً
سـ اقيم هنا
واعتذر مقدماً على الازعاج
لا هي اكيد موجودة.. ما هي طلعت موجودة ف الاخر برده بس بصورة تانية !!
فيه لقاء مدونين ف المنصورة.. قلت أقولك لو هتعرف تيجي :)
https://www.facebook.com/events/348908165199060/
هي بتتقالك كدا
" طب.. مش يمكن فريدة دي مش موجودة اصلا..؟؟ "
لكن انت نفسك تسمعها كدا
" موجودة..اصلا.. "
لـــولا (:
دعوة
الحب لايعرف الأرهاب
هي قطعة أدبية جديدة ومتفردة وجريئة للكاتبة الرائعة/ سهى زكي من جريدة أخبار اليوم
وسهى زكي عندما تكتب من واقع تجربتها الصعبة في الحياة كأمرأة تكتب ما بكل ما أوتيت المرأة وهي وحيدة من صلابة ومن ضعف وحب شوق و حزن ووحدة .
ورغم أني لا أحب تصنيف أن هناك أدب للمرأة وأدب للرجل ، إلا أن أدب سهى زكي يحمل في رحمه تجربة المرأة بكل أبعادها الانسانية في فرحها غير المكتمل وفي حزنها الذي لايميت
مدونة سهى زكي ، مدونة لمن يستحق أن يقرأها
http://soha-zaki.blogspot.com/
كل سنة و انت طيب يا تيمو
عيد سعيد عليك وعلى اسرتك الكريمه
اممممم مش بحب اعلق عند حد ومودي مش تمام عشان مش انقله طاقة سلبية بس بما ان البوست أصلاً يوجع فنتكلم بقى :D
بص ياتيمو
المشهد التاني ده بيخليني مش عارفه اشوفه من كتر الدموع
مشهد بيتكرر في حياة كل حد فينا بشكل مختلف
صراع ...
بين صوت العقل اللي نفسك تقوله اسككككككككت بقى حرام عليك وهو مصمم يواجهك بحقيقة انت عارفها كويس بس مش قادر تصدقها لأن لو صدقتها هتلاقي نفسك وحيييييييد وغريب في الدنيا
وبين صوت قلبك اللي بيطبطب عليك ويقولك ماتخافش هي موجودة وهنلاقيها
وانت محتار مين الصح ...
امممممم اعتقد موجودة بس وقت اللقا لسه ماجاش :)
قول ورايا بقى
موجودة
موجودة
موجودة
موجودة
قولها كل يوم قبل النوم وبعد ماتصحى وبالشفا :) :)
لا طبعا كل واحد ليه فريده موجوده ومستنيه في مكان :)
فريده حقيقيه وموجوده وقريبه قوي بس بص كويس :)
ṀiŜs.ĴŋỘộЙ :
شكرا على الزيارة الجميلة..
نورت المدونة :)
soma Eyes :
راق لي وجودك واستمتعت بزيارتك :)
Nadeen:
{في داخل كل منا عصفور يبحث عن
مقهاه ويضيع العُمر ولا يلقاه}
ابتسامة غامضة لتعليقك العميق
ازعاجك اجمل انواع الازعاج .
ارجوا ان تحافظي عليه :)
مجرد حلم صغنتوت:
اكيد عدى وفات وانا لسه زي البطة الكسلانة:)
لـــولا وزهـــراء:
بتعرفي ازاي تدخلي جوة السطور..
وعشان كده ..
ديما باستنى تعليقك :)
حسن ارابيسك:
دائما احترم اختياراتك..
واثق فيها.
ان شاء الله ازورها.
gogo!sf
كل سنة وايامك كلها اعياد :)
دعاء العطار:
حاضر..
حاضر..
اديني باقول اهو :)
قد ايه باستنى تعليقك ديما يا دعاء..
وقد ايه انت عارفة ده..
فا بلاش تتاخري تاني بقى لان وجودك بيفرق :)
Nesreen :
"لا طبعا كل واحد ليه فريده موجوده ومستنيه في مكان :)"
- ايوا..فين بقى المكان ده..؟
"فريده حقيقيه وموجوده وقريبه قوي بس بص كويس :)"
- حاضر :)
كل واحد مننا
ليه فريدة بيدور عليها
وهي نصه التاني
.
.
.
علي فكرة هيا موجودة
اصلا
.
.
بس انت اصبر وهيا جاية
موجوده
ومش تدور عليها
هتلاقيها دون ادني عناء
عارف ....
ساعات كدا بنحب نتكلم نتكلم في اي حاجه في كل حاجه بس رغم اننا بنحب دا
لكن بيفرق الشخص
مين اللي يقدر يطلع الكلام دا
من غير اي معاناه
.....
بتفرق بردو :)
ساعات كدا في اوقات معينة ربنا بيبعتلك الشخص دا وساعات
أحبك جداً
وأعرف أن الطريق إلى المستحيل طويـل
وأعرف أن زمان الحنيـن انتهى
ومات الكلام الجميل
...
أحبك جدا...
...
أحبك جداً وأعرف أني أعيش بمنفى
وأنت بمنفى
وبيني وبينك
ريحٌ
وغيمٌ
وبرقٌ
ورعدٌ
وثلجٌ ونـار
وأعرف أن الوصول لعينيك وهمٌ
وأعرف أن الوصول إليك
انتحـار!!!
...
أحبك جداً
...
وأعرف أني أسافر في بحر عينيك
دون يقين
وأترك عقلي ورائي وأركض
أركض
أركض خلف جنونـي
...
أحبك جداً
وجداً وجداً
نزار قباني (............)
_لغة الإحساس والعيون ابلغ من لغة القلم_
إرسال تعليق