الهدف من اي حاجة بنعملها في الحياه هو السعادة.. او الراحة.. اللي هي برضه شكلا ما من السعادة.
والفترة اللي فاتت.. اكتشف اني بعدت عن التدوين بقالي فترة..
ولما بسألني انا ليه مش بلاقي ردود افعال الناس على الفيسبوك زي ما انا متوقع من التواصل الفكري..
او ليه مش حاسس الاحساس اللي كان موجود في التدوين..؟
باكتشف حاجة انا ازاي ما اخدتش بالي منها قبل كده..؟؟!!
وهي ان مش كل اصحابي على الفيسبوك مدونين..
لكن كل اصحابي على المدونة... مدونين..!!
وده معناه انه ها اقابل على الفيسبوك ناس كتير من اللي بيعملوا تعليقات في هيئة صور اتحفظت من كتير تكرارها.. واني ها اسمع كلمة (شير) باستجداء كتير.. واني ها اضطر ارد على ناس مافهمتش الموضوع ومع ذلك كتب تعليق لمجرد انه بيقول انه موجود.. وانه (وقف جنبي) في شدتي وماسابنيش في البوست بتاعي ..!!
اذا ..يبقى التدوين هو الملاذ الاخير..
هو العالم الموازي..
عالم موازي.. بعيدا عن الـ (ههههههههه)
و (يا جااااامد) و (لايك يا برنس)
انا هارجع تاني للتدوين..
انا..
هأرجع..
تاني..
للتدوين.
هناك 17 تعليقًا:
صباح السعاده يا تامر...
أول تعليق في السريع عن جد مبسوطه اوي اوي برحوعك وليا عوده عشان الرغي انت عارف اني مدونه قبل ما اكون فيس بوكيه ههههههه
مسا الفل
رجوع من تانى قبل ما ارغي كالعاده و أوجع دماغك الصوره من فيلم إكس لارج وباعشقه ولابد من رفع القبعه على الاختيار.....
مش هاقدر أوصف لك فرحتي لما قرأت على الفيس انك راجع التدوين ولما لاقيت في الريدر عندي تدوينه جديده ماكنتش مصدقه
مش هاقولك بقى انت اسلوبك وطريقتك وكلام كتير وهري ورغي على الفاضي إنما التدوين له مذاق رائع تحس انك ضربت واحد ايس كريم من النوع المفضل وكان معاك أغلى الناس على قلبك عارف الاحساس ده هو ده احساسي بالتدوين وناسه....
الفيس سرقنا واحنا جرينا عليه لا أنكر اني هجرت مدونتي لفتره بس رجعت لها من تانى وان شاء مافيش هجره تانيه منها أو عنها
في انتظار كل جديد ودعوات أن يهب لك الله كل السعاده والخير
لو كتبت حرف واحد...كلمة....جملة...
حتكفي صدقني..
كفاية انها تكون باحساس حاسه وبصدق وبقلبك...
اهم حاجة الارادة...
ولانى عارفة انك مش حتكتب اي حاجة لمجرد الكتابة عارفة برضه ومتأكدة مية في المية ان عندك كلام كتير اوي جواك عاوز تقوله..
واكيد فريدة وحشتك لانها وحشتني اوي...
...
ارجوك ارجوك ارجوك متغبش تاني..
احم احم..
انا بدخل برجلى اليمين اهو.. يارب بس مانطردش (ايموشن متوتر)
كنت اسألنى هوفر عليك عناء التجربة
حتى لو مالقتش ردود على اللى انت كاتبه فى المدونة ( وماعتقدش ان ده هيحصلك) فانا بحس انى بحترم فكرتنى لما انشرها على المدونة بحترم ذكرياتى لما ادونها ..
thx
كشف تسربات المياة
غسيل خزانات
شركة نظافة عامة
انا قفلت الفيس خالص
كدة احين
وحاسة براحة غريبة كنت بعتقد اني هفقتد الفيس بوك والناس الي عليه
لكن اتضح لي العمس
عنتدي اكونت تاني عشان اشرك في المخطوطة بس مبكلمش حد علية ومش معرفة حد اني فاتحة اكونت تاني
زهقت من عالم الفيس الغبي ومن التعليقات الغبية ومن الناس الي بتكتشف مساوئهم الي مش ممكن تتعايش معاها
يبق يالتدوين عالم افتراضي احب فيه أسف علي الازعاج مش تامر مغلازي احب فيه بالحب اتجمعنا مش فاطمة احب فيه صولا مش فاطمة العبيدي احب فيه النسر المهاجر مش جمال احب فيه نوهانتي مش الدكتورة نور ...
العالم ده هو العالم الحقيقي
عودا احمدا يا عزيزي اسف علي الازعاج
وحشتنا تدويناتك بجد
مساء البنفسجات ولو كنت بعرف ابعت صورة هنا كنت بعتلك الزرد البنفسج الي زرعته وزهر اخيرا بعد سنتين
زهـــراء:
اول الناس اللي نورتني ورحبت بي تاني على بلوجر..
صدقيني كان واحشني الجو هنا.
منا هنا بدانا وان شاء الله نستمر.
شكرا لوجودك :)
نهر الحب:
بجد وصلتي التعليق جدا..
وحاضر ..حاضر.. حاضر..
مش ها اغيب تاني.
واكيد فريدة وحشاني اكتر :)
reemaas :
احم احم.. دي بتاعتي انا..
من فضلك ما تقوليهاش..
وبعدين الحكمة بتقول: المجد لمن يكتب من اجله.
وعشان كده..بنرجع هنا.. وبنكتب.
لينا..
.....
...
......ولغيرنا
رحاب صالح:
حلوة النظرية دي جدا..
احب آسف على الازعاج. مش تامر..
شكرا جدا على البنفسج.. واعتبريه وصل :)
شفت بجد انت عملت ايه برجوعك...
الناس رجعت تكتب وتقرأ....
فتحت نفسنا والله
حمداً لله على السلامة يا كبير نورت بيتك ومطرحك ؛ ما تتأخرش علينا تاني بقى
:)
thank you
سعودي اوتو
نهر الحب:
وان شاء الله نفسهم ها تتفتح على طول..
شكرا للدعم المعنوي..
شكرا للمتابعة
P A S H A:
التدوين منور بوجودك دايما..
شكرا ياصديقي على كلماتك.
اخيرآ
حلم كان:
اخيراً :)
إرسال تعليق