السبت، أبريل 11

ويبقى التدوين هوالملاذ الاخير..


الهدف من اي حاجة بنعملها في الحياه هو السعادة.. او الراحة.. اللي هي برضه شكلا ما من السعادة.
والفترة اللي فاتت.. اكتشف اني بعدت عن التدوين بقالي فترة..
ولما بسألني انا ليه مش بلاقي ردود افعال الناس على الفيسبوك زي ما انا متوقع من التواصل الفكري..
او ليه مش حاسس الاحساس اللي كان موجود في التدوين..؟
باكتشف حاجة انا ازاي ما اخدتش بالي منها قبل كده..؟؟!!
وهي ان مش كل اصحابي على الفيسبوك مدونين..
لكن كل اصحابي على المدونة... مدونين..!!
وده معناه انه ها اقابل على الفيسبوك ناس كتير من اللي بيعملوا تعليقات في هيئة صور اتحفظت من كتير تكرارها.. واني ها اسمع كلمة (شير) باستجداء كتير.. واني ها اضطر ارد على ناس مافهمتش الموضوع ومع ذلك كتب تعليق لمجرد انه بيقول انه موجود.. وانه (وقف جنبي) في شدتي وماسابنيش في البوست بتاعي ..!!
اذا ..يبقى التدوين هو الملاذ الاخير..
هو العالم الموازي..
عالم موازي.. بعيدا عن الـ (ههههههههه)
و (يا جااااامد) و (لايك يا برنس)
انا هارجع تاني للتدوين..
انا..
هأرجع..
تاني..
للتدوين.

هناك 19 تعليقًا:

زهــــراء يقول...

صباح السعاده يا تامر...
أول تعليق في السريع عن جد مبسوطه اوي اوي برحوعك وليا عوده عشان الرغي انت عارف اني مدونه قبل ما اكون فيس بوكيه ههههههه

زهــــراء يقول...

مسا الفل
رجوع من تانى قبل ما ارغي كالعاده و أوجع دماغك الصوره من فيلم إكس لارج وباعشقه ولابد من رفع القبعه على الاختيار.....
مش هاقدر أوصف لك فرحتي لما قرأت على الفيس انك راجع التدوين ولما لاقيت في الريدر عندي تدوينه جديده ماكنتش مصدقه
مش هاقولك بقى انت اسلوبك وطريقتك وكلام كتير وهري ورغي على الفاضي إنما التدوين له مذاق رائع تحس انك ضربت واحد ايس كريم من النوع المفضل وكان معاك أغلى الناس على قلبك عارف الاحساس ده هو ده احساسي بالتدوين وناسه....
الفيس سرقنا واحنا جرينا عليه لا أنكر اني هجرت مدونتي لفتره بس رجعت لها من تانى وان شاء مافيش هجره تانيه منها أو عنها

في انتظار كل جديد ودعوات أن يهب لك الله كل السعاده والخير

نهر الحب يقول...

لو كتبت حرف واحد...كلمة....جملة...
حتكفي صدقني..
كفاية انها تكون باحساس حاسه وبصدق وبقلبك...
اهم حاجة الارادة...
ولانى عارفة انك مش حتكتب اي حاجة لمجرد الكتابة عارفة برضه ومتأكدة مية في المية ان عندك كلام كتير اوي جواك عاوز تقوله..
واكيد فريدة وحشتك لانها وحشتني اوي...
...
ارجوك ارجوك ارجوك متغبش تاني..

reemaas يقول...

احم احم..
انا بدخل برجلى اليمين اهو.. يارب بس مانطردش (ايموشن متوتر)

كنت اسألنى هوفر عليك عناء التجربة

حتى لو مالقتش ردود على اللى انت كاتبه فى المدونة ( وماعتقدش ان ده هيحصلك) فانا بحس انى بحترم فكرتنى لما انشرها على المدونة بحترم ذكرياتى لما ادونها ..


Uouo Uo يقول...

thx

كشف تسربات المياة
غسيل خزانات
شركة نظافة عامة

رحاب صالح يقول...

انا قفلت الفيس خالص
كدة احين
وحاسة براحة غريبة كنت بعتقد اني هفقتد الفيس بوك والناس الي عليه
لكن اتضح لي العمس
عنتدي اكونت تاني عشان اشرك في المخطوطة بس مبكلمش حد علية ومش معرفة حد اني فاتحة اكونت تاني
زهقت من عالم الفيس الغبي ومن التعليقات الغبية ومن الناس الي بتكتشف مساوئهم الي مش ممكن تتعايش معاها
يبق يالتدوين عالم افتراضي احب فيه أسف علي الازعاج مش تامر مغلازي احب فيه بالحب اتجمعنا مش فاطمة احب فيه صولا مش فاطمة العبيدي احب فيه النسر المهاجر مش جمال احب فيه نوهانتي مش الدكتورة نور ...
العالم ده هو العالم الحقيقي
عودا احمدا يا عزيزي اسف علي الازعاج
وحشتنا تدويناتك بجد
مساء البنفسجات ولو كنت بعرف ابعت صورة هنا كنت بعتلك الزرد البنفسج الي زرعته وزهر اخيرا بعد سنتين

Tamer Moghazy.. يقول...

زهـــراء:
اول الناس اللي نورتني ورحبت بي تاني على بلوجر..
صدقيني كان واحشني الجو هنا.
منا هنا بدانا وان شاء الله نستمر.
شكرا لوجودك :)

Tamer Moghazy.. يقول...

نهر الحب:
بجد وصلتي التعليق جدا..
وحاضر ..حاضر.. حاضر..
مش ها اغيب تاني.
واكيد فريدة وحشاني اكتر :)

Tamer Moghazy.. يقول...

reemaas :
احم احم.. دي بتاعتي انا..
من فضلك ما تقوليهاش..
وبعدين الحكمة بتقول: المجد لمن يكتب من اجله.
وعشان كده..بنرجع هنا.. وبنكتب.
لينا..
.....
...
......ولغيرنا

Tamer Moghazy.. يقول...

رحاب صالح:
حلوة النظرية دي جدا..
احب آسف على الازعاج. مش تامر..

شكرا جدا على البنفسج.. واعتبريه وصل :)

نهر الحب يقول...

شفت بجد انت عملت ايه برجوعك...
الناس رجعت تكتب وتقرأ....
فتحت نفسنا والله

P A S H A يقول...

حمداً لله على السلامة يا كبير نورت بيتك ومطرحك ؛ ما تتأخرش علينا تاني بقى
:)

Uouo Uo يقول...


thank you

سعودي اوتو

سعودي اوتو يقول...

thank you

مدير موقع سعودي اوتو

Tamer Moghazy يقول...

نهر الحب:
وان شاء الله نفسهم ها تتفتح على طول..
شكرا للدعم المعنوي..
شكرا للمتابعة

Tamer Moghazy يقول...

P A S H A:
التدوين منور بوجودك دايما..
شكرا ياصديقي على كلماتك.

حـــلـــم كــــان يقول...

اخيرآ

Tamer Moghazy يقول...

حلم كان:
اخيراً :)

المثالي اون لاين يقول...

شركة المثالية للتنظيف بالجبيل

شركة المثالية لتنظيف المنازل بالجبيل

شركة المثالي اون لاين