مفترق الطريق..!!

ودعها بقبلة ووعد باللقاء..
لم يكن يعرف ان القدر يخبيء له مفاجاة..
فقد سقطت طائرته في المحيط..
وفجأة..
وجد نفسه وحيدا على جزيرة مجهولة ليواجه مصيرا لا يختلف كثيرا عن تِلك الجزيرة..!!

فقط كل ما يملك هو صورة.. جاهد للاحِتفاظ بها..
وأمل..ضئيل في ان يُغادر تلك الجزيرة.. ويرتمي باحضان صاحبة الصورة..!!
بعد ساعات من الانتظار..أيام من الترقب..
ادرك حقيقة الامر..
انه هـُنا.....وهي هناك..!!

شعر بوحدته على تلك الجزيرة..
اشتاق ان يتحدث اليها..
ويتحدث عنها..

صنع شخصية خيالية هي الأشهر في تاريخ السينيما..
"ويلسون"....ليست مجرد كرة..
ولكنها الشخصية التي نشأت بينهما صداقة طوال خمس سنوات..
قضاها على تلك الجزيرة..!!
ولم ينسَ..وهو يغادر تلك الجزيرة الى المحيط..
حيث الامل الضعيف والمصير المجهول..!!
ان ينقش على صخور الجزيرة اسمها كي يراه من ياتي اليها يوما من الايام..
قال : ((اخبروها اني احببتها بكل ما استطيع..وانها كانت معي بكل لحظة..قضيتها هنا))

مشهد...يستحق التأمل

كل منا عمل ما عليه ان يفعل..
هي فعلت ما في وسعها..
وقد عرفـَت بطريقة ما..أنها يحب أن تنساني..
وأنا قمت بعمل ما في وسعي لأكون معها..
وعرِفِـت ..بطريقة ما ايضاً..أنني خسرتها..!!

ما كنت لأغادر تلك الجزيرة أبداً..!!
كنت لأموت هناك..
أموت وحيداً..
كان يمكن ان أصاب بمرض أو جرحا أو شيء ما الى ان اموت بوحدتي..
الخيار الوحيد الذي كنت أملكه..
الشيء الوحيد الذي كنت أستطيع التحكم به..
هو.. متى.. وكيف...وأين سيحدث ذلك..؟؟
لذا، صنعت حبلاً..
وصعدت إلى القمة لأشنق نفسي..
لكني كان يجب أجرب أولاً كما تعودت..
وربطت وزنا الى الجذع..
ولكن الجذع لم يتحمل الوزن ..!!
فكسر طرف الشجرة
لذا، أنا ...لم أستطيع حتى أن أقتل نفسي بالطريقة التي أريد..!!

لم أكن أقوى على شيء..
ولم اكن املك أي شيء..
ولكن فجأة.. غمرني شعور بالدفء..
دفء..لم اعرفه من قبل..
عندها..عرفت ...بطريقة ما ..
بأني يجب أن أبقى..
بطريقة ما..
يجب ألا أتوقف عن التنفس.
بالرغم من عدم وجود سبب للأمل..
وكل ما أفكر به هو أني لن أرى هذا المكان ثانيةً..
وهذا ما فعلته..
بقيت حياً..
لم أتوقف عن التنفس..!!
ثم ذات يوم جاء المدّ.. وأعطاني شراع بدائي..
فعرفت.. بطريقة ما.. انني يجب ان اعيش ، وان اغادر تلك الجزيرة.

كثيرا من الوقت استغرقت.
كثيرا من الامل استنفذت..
وبعد ذلك.... ها أنا..
عدت ...!!
إلى مدينتي..!!

ولدي ثلج في كوبي..!!
وقد.. خسرتها... ثانيةً....!!!!

أنا حزين جداً، أني لست معها..
لكني ممتن جداً لأنها كانت معي على تلك الجزيرة..!!
وأنا أعرف ما يجب علي أن أفعله الآن..
يجب ألا أتوقف عن التنفس..!!
لأن غداً، الشمس ستشرق..
من يعرف.. ماذا يمكن للمدّ أن يعطيه..؟!!

من الفيلم الرائع
Cast Away

الفيلم بيه كثير من المشاهد التي تحتاج الى رؤية متأنية..
ولكن هذا المشهد من اكثر المشاهد تأثيرا..
مشهد نهاية الفيلم..
وهو نفسه مشهد بدايته..!!
البطل يقف في تقاطع رباعي للطرق..
وبينظر للاتجاهات بحيرة من لا يدري عنها شيئا..!!
لقد فقد طريقة...فتساوت كل الطرق بالنسبة له..!!

لحظة..قد تعني الكثير

كنت في حفلة تخريج مجموعة من الدارسين في شهادة (ما)..
وطبعا كان حاضر عدد من المسؤلين والشخصيات الهامة ، وكمان كان فيه ضيف اجنبي مسئول عن التعليم في احدى الدول الاوربية وقاعد معاهم على المنصة..
طبعا انا بصفتي من المهمين (‘;’) كنت قاعد في الصف الاول .
المهم انه تفكيري " التيت " كالمعتاد صمم انه يتابع ادق التفاصيل..
ولحظات السعادة والفرح على وشوش الناس.
وفجأة جه في دماغي فكرة..اني اتابع الناس اللي المفروض انها بترسم الابتسامة على وشوش الناس دي وهي هيئة تسليم الشهادات..
طبعا لحظة تسليم الشهادة فيها طرفين.. طرف بيسلم الشهادة وده بيكرر الفعل ده مع اكتر من واحد..
وطرف بيتسلم الشهادة ودي بتحصل معاه لمرة واحدة بس..!!
قررت اتابع تعبيرات الوشوش بتاعت الطرفين واشوف خيالي وتفكيري ها يوديني لفين.

المهم..لقيت اللي بيسلم الشهادة بدأ يشعر بالرتابة والملل وكان بيسلم على الناس بنفس الـــ (آلـية) اللي بأكرهها جدا...
ومش عارف انه اللحظة دي قد ايه مميزة في حياة الطرف الاخر اللي بيتسلم الشهادة...!!
والصورة اللي بياخدها في اللحظة دي ممكن تكون هي الصورة الوحيدة اللي ها تفضل تفكره بالذكرى دي.
واللي استغربت له اكتر من متابعتي انه الضيف الاجنبي واللي بيسلم على الناس كا بروتوكول من ضمن الهيئة (ولو انه مش بيعرف اللغة العربية ولا فاهم معنى الاسماء اللي بتتنطق)

الا انه كل مرة...فعلا كل مرة...بيجي حد يستلم الشهادة ويسلم على اللجنة والمسؤلين اللي بيسلموا بسرعة وبوشوش خشبية...لما ييجي دور انه يسلم علي الضيف الاجنبي يلاقيه بيقابله بحفاوة وطريقة راقية جدا...مع ابتسامة مختلفة في كل مرة وكأنه بيقول (الابتسامة دي مش زي اللي فاتت عشان اللي فاتت بتعبر عن حاجة والابتسامة ده بتعبر عن سعادتي بيك انت)
ولحد آخر دارس...فضل الضيف يرسم تعبيرات مختلفة وحلوة...وطبعا انا تخيلته بيقول كل مرة تعبير ما..

الدروس المستفادة:
بجد..بيفرق كتير الاهتمام بالآخر..وتخصيص ولو لحظة واحدة من اجله (هو).

كلمة حلوة قريتها زمان وعلقت بذهني:
(أقسى من القسوة على الناس..ان لا تبالي بمشاعرهم)

.

.

...............................اعتذار عن التأخير........................

((بكرة برجع بوقف معكن..
اذا مش بكرة..
البعده أكيد..
انتوا احكوني وانا بسمعكم..
حتى لو للصوت بعيد..
حتى..
لو..
للصوت..بعييييد..))
......................................صوت الملائكة.............

تعليق...لا يليق..!!

زي ما قلت انا شخصية بتحب الاهتمام بادق التفاصيل.. وحاسس اني ها اموت من كتر التخيل والتفكير في ادق التفاصيل دي.. بالظبط عامل زي ما تكون حياتي كلها...جزء كبيييير من فيلم Final Destination نقطة صغيرة ..اسرح فيها واهتم جدا بيها وتفضل شاغلة تفكيري لدرجة انها تمنعني افكر في اي حاجة غيرها.. وفجأة الاقي حاجة شدتني لحاجة... والحاجة بتوديني لحاجة تانية..
 وشوية شوية ألاقي نفسي دخلت في حدووووتة انا نفسي مش عارف اخرج منها غير وانا هنا بأكتب عشان انظم افكاري وافتكرها..!!
 نرجع تاني لموضوع التفاصيل..ديما باتاخر في البوست يمكن لاني بحب اهتم بكل حاجة ومش بحب اكتب لمجرد الكتابة وبس.. ولا اعلق عند الناس لمجرد اني ابقى سيبت تعليق وبس..!!
ديما قبل ما اعلق على بوست باهتم اخد جولة في المدونة الاول واتعرف طبعا على كل بيانات وشخصية صاحبها قد ما اقدر لانه ممكن شخصيته مش بتظهر في بوست واحد..
وفي مرة من المرات كنت باتصفح مدونة وصلت ليها بالصدفة وفهمت بعد ساعة من التسلسل في القراْة بتمعن ورسم شخصية صاحب المدونة اكتشفت ان صاحبتها ماتت من سنة 2007 ..!!!
وسبحان الله..المدونة شغالة بآلية من لا يشعر بموت صاحبه.. وبتتلقى رسايل وتعليقات الاصدقاء..!!
وانا بأتابع القراءة.. وتسلسل التعليقات.. فات علي أصعب جزء في التعليقات اللي فيها نقطة التحول.. ما بين عتاب على الغيبة ودهشة من عدم الرد..إلى صدمة تلقي خبر موت صديقتهم لان اختها كتبت تعليق تقول انها ماتت وان الباسوورد مش مع حد عشان كده هي كتبت تعليق تعرف فيه الناس الخبر ده.....!!
صممت اكمل التعليقات للآخر...واتابع التواريخ بتاعتها.. واشوف الزمان عمل ايه في المدونة واتابع مشاعر الاصدقاء المقربين وهي بتتغير وتقل.. وفي خلال دقايق اكون تابعت الشريط الزمني لسنتين وكأني باشوف فيلم بيجري قدامي...!!
الاصدقاء كانوا كتير في اليوم الواحد..وبعدين بيقلوا...بيقلوا..!!
بعدين فاتت شهور..وجه حد يترحم عليها.. وبعدها في الذكري...دخل اصدقاء...والمفاجأة انه المدونة شغالة بنفس الآلية..الرتيبة..!!
وكأن المدونة نجم تم اطلاقه في الفضاء..وقدره انه يلف في مدارة الى ما شاء الله..ويشهد على محتوياته كل من يشاء..!!

..  طول عمري بقول (اصعب حاجة في الكون هي الاستمرارية) وأديني عرفت معنى جديد وشعور خفي جوة الصعوبة دي..ما اعتقدش حد هايلمسة زي ما انا حسيته...!! وتخيلت نفسي بسال نفسي سؤال مهم جدا... لو انا مكانها..يا ترى مين ها يواظب على انه يزور مدونتي ويدعي لي بالرحمة زيها..؟؟ وهو ده....معنى الحب الحقيقي..!! المشكلة الاكبر انه لما حد بيموت بنقول ان الزمن اعظم دواء يعني ها يداوينا بالنسيان.. لكن لما يبقى للانسان العزيز علينا مدونة...واحنا عارفين عنوانها...!!
كل ما ها ندخلها..هنلاقي اخر بوست هو كتبه...يعني بروحة وهو وسطنا..والحالة المزاجية اللي كان فيها وقتها.. وندخل ع التعليقات نلاقي كلامنا ونفتكر مشاعرنا وقتها...وطريقته في الردود علينا بتلقائية...وكمان ها نشوف تعليقاتنا المصدومة وهي بتتغير لما فارقنا

صديقنا واحنا بنبعتها وعارفين انه (مش ها يرد علينا ابداا)...!!

الحكاية عــاملة زي الدوايــــر..
 دواير صغـيرة..جوه دايرة كبيـرة
 الدوايـر الصغيـرة ممكن تتغيـر..
 لكن الدايرة الكبيرة ما بتتغيرش..!!

المهم وانا منساب في افكاري ومتعمق في التخيل والتفكير.. اذا بي الاقي مدونة مبتدئة غير مدرجة .. وغير قارئة..  داخلة تسيب تعليق بالطريقة التالية: ( السلام عليكم.. زيارتى الاولى..وباذن الله لن تكون الاخيره.. البوست رائع..سلمت يداكى ..دمتى بخير بانتظار زيارتك)

يااااااااااااااااه..!!

للدرجة دي..الناس هي كمان بقت ماشية بآلية... ومن غير تذوق او اهتمام بالآخر او بأي فارق..!!

 كل اللي يهمهم يقوموا بمهمتهم ويجمعوا اكبر قدر من القراء..!! و يعملوا الاعلان بتاعهم..عشان كده بقول وبقول وبصوت عالي..وعاوز اوصلها لكل المدونين..التعليقات تهمني.. لكن اللي ها يرد بالآلية الجافة دي ها اقوله شكراً.. بلاش ترد احسن لانه الرد من النوع ده مش محتاجه..!!
أنا مش هأدون لمجرد التدوين.. وأنت بلاش تعلق لمجرد التعليق..!! 

الاغنية دي ما تتخيلوش حلوة ومعبرة قد ايه..

Ain't no sunshine when she's gone

It's not warm when she's away

Ain't no sunshine when she's gone

And she's always gone too long anytime she goes awy

http://proudlylebanese.com/watch/iyYYSSuNmog/Eva_Cassidy_-_Ain't_no_sunshine....html

كلام مع فريدة..

عارفة يا فريدة أول حاجة باعملها ديما ايه؟
اول ما بارجع البيت بافتح الميل....
ايوة..الميل مش الــ Messenger ..
زي ما عملت دلوقت..!!
معرفش.. كأني مستني رسالة..!!
رسالة ليا انا..
رسالة حد كتبها..
كتبها ..مش عملها تمرير " Forward"
زي ما كل الناس بتعمل..
بأدور على رسالة مفيش قبلها : Fw
شوية تفكير وشوية تأمل جوايا..
لقيتني مستني بقالي كتير..
وشوية..شوية اكتشفت اني بأكرة حاجات كتير "مستحدثة"..
او ممكن أسميها مشاعر مهجنه..
مثلا اكتشفت اني بأكره سياسة التمرير دي جدا..
حاجة جافة وخالية من المشاعر..
حتى لما باعيد تمرير رسالة لحد...باحاول اخليها تظهر كأني انا اللي عملتها او ع الاقل اني ارسلتها ليك انت ومهتم انها توصلك بالشكل ده..
يعني بتاخد مني وقت ومشاعر كان ممكن يكون اقل لو عملت زي باقي الناس..

ساعات بحاول واكتب رسالة ..وانتظر الرد على احر من الجمر...
و ديما انا المرسل... وديما باستنى ((رد))..عارفه يا فريدة يعني ايه رد...؟؟
يعني مش كلام..!!

ده انا كمان اكتشفت اني باكره صدى الصوت....لأنه ببساطة....مش صوت..!!

شوية شوية بدأت اقتنع (او اقنع نفسي) اني بحاول اطبق احلام على ارض الواقع وده عمره ما بيحصل لانها ببساطة..احلام..!!
ووصلت في الاخر اني اكره الاحلام...لانها ببساطة...مش واقع..!!

تيجي نسمع اغنية..؟؟

قد إيش كان فى ناس ع المفرق تنطر ناس..
وتشتى الدنى.. ويحملوا شمسيه..
وانا بأيام الصحو ما حدا نطرنى..!!

صار لى شى 100 سنه مشلوحه بها الدكان..
ضجرت منى الحيطان.. ومن صبحيه بقوم..
وأنا عينى ع الحلا والحلا ع الطرقات..
غني له غنيات وهو بحاله مشغول..
نطرت مواعيد الارض وماحدا نطرنى..!!

قديش كان فى ناس ع المفرق تنطر ناس..
وتشتى الدنى.. ويحملوا شمسيه..
وأنا بأيام الصحو ما حدا نطرنى..!!
وأنا بأيام الصحو ما حدا نطرنى..!!
وأنا..
بأيام الصحو..
ما حدا نطرنى..!!

تصبحي على خير..

الحب مش أمنية يا حسن..!!

"عارفة يا فريدة..
انت اللي شجعتيبني أعمل كل الحاجات اللي كنت خايف اعملها..
ومش عارف.. انا ليه كنت خايف اعملها..!!"

- أنا نفسي تحبيني..

- ....................
................
......................
........ديما.. بتقول الحاجة بشكل مختلف..

- مش مهم اني اقولها بشكل مختلف..
المهم اني ماكونش قاصد اقولها بشكل مختلف..

- الحب مش امنية يا حسن.. الامنية ان الحب ده يدوم..

إلى..فريدة..

You and me
We used to be together
Everyday together always
I really feel
That I'm losing my best friend
I can't believe
This could be the end
It looks as though you're letting go
And if it's real
Well I don't want to know..

الاغنية بتاعت الفيلم للي يحب يسمع حاجة حلوة..

http://www.4shared.com/get/54710720/fa49c50d/dont_speak_-_no_douth.html

القلب..الجميل

ساعات بنمشي مشوار طويل ومتعب..عشان بس نوصل للحظة حلوة..
او مجرد كلمة حلوة تهون كل التعب والمشوار..
وساعات بنرفض نمشي مشوار ممتع عشان بنخاف من لحظة ألم..
المشهد ده بيقول يعني ايه لحظة ممكن تكون بتعب العمر كله..
المشهد ده بيقول يعني ايه الكنز الاجمل في الحياة..
انه العقل الجميل..
والقلب الاجمل..

"لقد كنت دائماً أثق بالأرقام.. أثق في المعادلات.. في المنطق الذى يفضى إلى سببٍ ما..
ولكن بعد هذا العمر.. بعد كل ما عرفت ، تسائلت بيني وبين نفسي..ما هو المنطق بحق..؟
من الذى يحدد السبب..؟
من الذي يضع القواعد ويصيغها..!!
وتنقلت بتساؤلاتي في رحلة طويلة بين كل الظواهر..الطبيعية وغير الطبيعية..
المادية..والفلسفية..
بين الحقائق.. والأوهام..
ثم عدت..!!
عدت مرة أخرى من حيث بدأت وقد قمت بأكبر إنجاز فى تاريخى..بل وأهم إكتشاف فى حياتى..
انه فقط.. فى المعادلات الغامضة لنبضات القلب..
حيث لا وجود للأسباب المنطقية واللامنطقية..
عزيزتي..
ربما الجزء الذي يميز الحقيقة من الاوهام يكمن .. بالقلب.. لا بالعقل..
فقط.. اردت ان اخبرك انك الكنز الاجمل في الحياة..
انت العقل الجميل.. 
بل والقلب الاجمل..
انت وحدك السبب فيما أكونه اليوم..
في الحقيقة..
أنت..
كل..
أسبابى..
.............أحبك."

من الفيلم الرائع
A Beautiful Mind

اكتر اغنية حسيتها بتعبر عن المشهد ده..

http://www.4shared.com/get/64504617/3f877155/Celine_Dione_-_Because_you_lov.html

و..جـــاء..نوفمبر..!!

كان يملك كل شيء..
وفجاة..اصبح بلا شيء...
هي فقط كل ما يملك..
وكل ما اراد ان يملك..
فقد جعلته يشعر بالحياة..
يشعر بوجوده..
جعلته يستنشق عبير البحر..
ويلاطف الامواج..
ويداعب الرمال بطرف قدميه..
جعلته يعرف المعنى الحقيقي للوقت..
جعلته يعرف ان لحظة صادقة..قد تكون بالخلود كله..!!
استطاعت ان تغير مقاييس الساعة..
فتنازل عن ساعته الذهبية..
استطاعت ان تغيير معنى التواصل..
فتنازل عن هاتفه..
فقط...هي..كل..ما أراد ان يملك...!!
....انها سارة..

الى..سارة..

كل شهر هو نوفمبر..ساره..
وأنا أحبك كل يوم..
هذا شهرنا،
ولم يكن لينتهى أبدا..
أنا أتنازل عن كل محاولاتي..
للتحكم فى الحياة..
حياتى أو حياتك
سأعيش لشىء واحد فقط..
لأحبك..
لأجعلك سعيدة..
لأعيش اللحظة بسعادة..
سارة..نوفمبر هو كل ما عرفت..
وكل..
ما..
أردت..
أن أعرف.

من الفيلم الرائع
Sweet November..

اغنية حلوة...قوي.. بسمعها دلوقت..
http://www.roomp3.com/l-ar/mp3-485-Jessica_Simpson-When_You_Told_Me_You_Loved_Me.html

عليك ان تثقي اكثر بهذا..

مشـهد أعجـبني..!!

هــــو: كيف مر اليوم...؟؟

هي (بإبتسامة): جيد... لم اقتل احدأ اليوم من المرضى..!!

هـــو :انت طبيبة جيدة.
هي (باستغراب) : من ادراك بهذا...؟!!
هـــو: لدي شعور بهذا.
هي (بإستنكار) : هذا دليل واهٍ ..!!
هـــو: اغمضي عينيك فقط للحظة..
هي: لماذا..؟
هـــو: فقط اغمضيها للحظة..
تغمض عينيها بتوجس ونرقب....فيلتقط يدها.. ويمرر اصبعه بباطن كفها..
هـــو: ماذا افعل..؟؟
هي (مغمضة العينين):انك تلمسني..
هـــو: ألمسك...؟؟ من ادراك بهذا....؟؟
هي: اشعر بذلك..
يترك يدها.. وتفتح عينيها لتجده ينظربعينيها وكأنه يجيبها..
"عليك ان تثقي اكثر بهذا"

من فيلم..

City of Angels

أنت فين مني...؟؟

- آلوو..
- آيواه...
- انت فين...؟
- هنا..
- هنا فين...؟
- في الدنيا..
- بجد انت فين.. ؟
- عاوزني فين..؟

ده انا لما بأرد على الموبايل والاقي اسخف سؤال طلع لنا بيه عصر الموبايل..(انت فييين؟)
والرد الطبيعي على السؤال السخيف و (الحشري ) ده هو :
- وانت مال "...." ؟!!

مرة قريت مدونة بتتكلم عن نفس السؤال بس مش في الموبايل، ده سؤال عام في الحياة بنقابله بشكل متكرر اول ما حد يقابلك يقوم (يثبتك) ويقول لك "انت فين..؟"
وعجبني قوي فكرة المدون اللي اقترح انه السؤال عشان يكون كامل الدسم لازم يكون (انت فين مني...؟) (';')

نفسي افهم يفرق في ايه مكان تواجدي مع المتصل اللي غالبا بيكون عاوز يسال عن حاجة وغالبا بيكون ردي بالتليفون ولا يحتاج الموضوع لتواجدي...!!
ولا هو مجرد فضول سخيف لمعرفة معلومة تخص (الآخر) وخلاص..؟؟
او مرض وتفشى في المجتمع اللي عاوز من وجهة نظري "يعاد تربيته من تاني"..!!

اظرف المواقف اللي قابلتني بسبب بحثي في هذا السؤال انه مرة واحد صاحبي كلمني على التليفون الارضي الثابت والمعلوم مكانة في بيتنا وتاني جملة قالها بعد "آلو"..هي السؤال المحبب إلي (انت فين)....؟؟؟
وطبعا الاجابة المتوقعة مني وانا راسم بحواجبي رقم 88 (هو سيادتك طالبني فين...؟؟!!!)

اعترافات سريعة..

• اعترف باني تلقيت درسا سياسيا قاسيا مؤخراً في كيفية "مسايسة الناس" حتى وان كنت تقودهم الى الذبح..!!
• اعترف باني كنت مخطئأ حين تخيلت ان للمباديء مكان في دنيا الواقع خارج الكتب والمقالات البطولية..!!
• اعترف انني عشت وهم كبييير اسمه : من جد وجد..!!
  
• اعترف بانني تعلمت مؤخرا اننا في المدرسة نتعلم الدروس..ثم نواجه الامتحانات ، أما في الحياة فإننا نواجه الامتحانات..وبعدها نتعلم الدروس..!!
• اعترف أنه يوجد كثيرا من المتعلمين ، ولكن قلة منهم مثقفون..!!
• اعترف بانه لا حياة مع المباديء...ولا مبادي في الحياة..!
  
  الخلاصة:
  
  كن صاحب مباديء....تصبح مشهورا وسط المئات...
  كن عديم المباديء... تصبح محبوبا من الملاييييييين..

كيف تتجرع المرارة بمساعدة الآخرين..!!

اصبت ببدايات برد من يومين بسبب تعرضي لعوامل جوية مختلفة
فكان لازم احاول الحق نفسي خاصة وان الكحة بتستمر معي فترات طويلة حتى بعد علاج البرد وبتعطلني عن آداء عملي اللي هو "الكــلام"
في ظل الانشغالات اللي ما بتخلصش دورت في صيدلية البيت على اي دوا سعال لان الساعة بقت 3 ومفيش صيدلية قريبة ولم اجد الدواء (اللذيذ ) اللي انا متعود عليه.

ووجد فقط علبة دواء كحة اشتريتها منذ فترة ولم اخذ منها الا جرعة واحدة نظرا لان طعمها شديييييد المرارة (فكروني مرة أبقى أعمل تظاهر ضد شركات الادوية اللي بتعمل ادوية شديدة المرارة ).
المهم ما كانش قدامي حل تاني غير اني اغصب على نفسي واخد جرعة المراراة.. قصدي الدواء شديد المرارة..!!

تاني يوم اللي انا حكيت فيه( يوميات لذيذة جدااا ) أعراض البرد والكحة زادت بسبب الضغوط اللي انا فيها وعدم الاهتمام بصحتي وضغوط ومتطلبات الاخرين ( اللي ديما اكتر من الوقت المخصص لاخذ الدواء ) ، وبرضة لقيت نفس السيناريو قدامي والساعة 3 ونص ومفيش حل غير اني اخد بنفسي من نفس الدواء المُـر تاااني..بس كان الموضوع ألـذ شوية !!
امبارح (مش هحكي ايه اللي حصل) بس تقريبا Copy و Paste من الايام السابقة بس الموضوع بقى عادي او اصبح تعود على المرارة...!!
(ده انا خايف كمان اكون حبيت الدوا المُـر ده او أدمنه)..!!
وهكذا خلصت الزجاجة كلها وخفيت الحمد لله من أعراض البرد.. ودخلت في أعراض الاكتأب..!!

كلمة شكر لابد منها :

شكرا لكل الظروف والآخرين الذين ساعدوني في تجرع المرارة بطريقة بسيطة .

يوميات لذيذة جدااا...

يوميات لذيذة جدااا...

ده ملخص ربع يوم امبارح..

• خلصت شغل الساعة 12بالليل ..
• خرجت 12 وربع..
• طريق 45 كان زحمة جداا..
• المفروض اكون في دمنهور قبل 1 معرفش ازاي..!!
• المفروض اعدي على شركة اشتري حاجات مطلوبة ومتاخرة بقالها 4 ايام
• مفيش شركة في رمضان بتستنى لبعد 12 عشان التراويح والسحور وكده..
• اضطريت اظبط مع واحد صاحبي في الشركة عشان يستناني ويعمل لي اوردر ويطلع الحاجات من المخزن ويعمل لي الفاتورة ..كل ده بالتليفون..!
• المفروض اوصل ياسر بعد كل ده لانه استناني بعد مواعيد الشركة.
• الساعة بقت 1 الا ربع وانا لسه ع الطريق..
• ياسر بيطلبني يستعجلني
• نسيت جهاز صيانة واصلا ماكونتش ها الحق شركة الصيانة..!!
• اكتشفت ان العربية بتغلي وانه فيه مشكلة حرارة..
• المشكلة زادت ومفيش مية كافية ع الطريق..
• ياسر بيطلبني تاني يستعجلني..
• اتصال من الشناوي..
• اتصال سخيف من حد (ة) للسؤال على كورس والمفروض اني اجاوب طبعا :(
• الساعة بقت 1 وانا لسة ع الطريق والطريق واقف معرفش ليه..!!
• ياسر بيطلب تالت والمفروض انه اتاخر كتير عشاني..!!
• العربية بتغلي ومفيش وقت اقف احط لها مية لان الطريق ماشي ببطء بسبب مشكلة وانا في الحارة اللي في النص ومينفعش أقف وكمان مستعجل..!!
• 6 اتصالات من ارقام غريبة..واصرار كبير اني ارد وسط كل ده..
• الطريق وقف خالص بسبب حادثة عربية نقل..
• التليفون التيت بيعمل (تيت..تيت...تيت..) يعني انا خلاص باموت وباخلص شحن..
• وصلت دمنهور 1:30........وياسر مشي..والشركة قفلت..!!
• اكتشفت المفاجأة...طلمبة المياة بتاعت العربية هي سبب المشكلة...
• اللي يغيظ اكتر اني مغيرها من حوالي شهرين بمبلغ وقدره لانها الاصلية ومش المفروض تبوظ قبل 3-4 سنين خالص..!!
• الميكانيكي التيت اللي بص على العربية قال لي كلمة طريفة قرت اخدها منهج في حياتي بعد ان حاولت الاستفسار من سيادته عن سبب زعل الست طلمبة هانم فرد بكل ذوق واناقة وتنميق وتدقيق وقال بلغة اهل الصنعة..(ماليش فيه يا استاذ)
• اتصال من حد رخم بيستفسر عن الصيانة..
• الساعة 2 ولازم الحق اروح وفي نفس الوقت ما عملتش اي حاجة وكمان لازم امشي براحة واخد معايا مية بزيادة.
• وصلت دسوق 2:45 بطلوع الروح..
• قابلت (صدفة) مهندس صيانة قال لي خبرين..واحد وحش..والتاني اوحش..الاول انه انا كان ليا قطعة مرتجع وفلوسها متاخرة...والتاني..انه القطعة مش ها تدخل مرتجعات الشركة ومبروك عليك القطعة البايظة يا معلم..!!
• المفروض بكرة عندي كورس 11 صباحا..وميعاد بعد الظهر في المحافظة وبعد الفطار اطير على اسكندرية للشغل
• المفروض ااجل كل ده عشان اظبط العربية لاني مش ها ينفع اسافر باليل ولا اتحرك من غيرها خااالص.
• وصلت البيت 3:45 ومليش نفس اعمل حاجة وعاوز انام فقط..عشان اليوم ده يخلص..!

..........................................................................وغدا...يوم جديد.

آسف..على الازعاج..

أبدأ منين..
كل الببان متأفـله..
أبدأ منين..
كل الخطاوى مزلزله..
أبدأ منين..
و انا الغريب و غريبه فيا الأسئله..
والأسئله تبدأ منين.. أبدأ منين..

آسف..على الازعاج..

السيد / رئيس الجمهورية
ارسل لك الخطاب رقم 372
انا المواطن / حسن صلاح الدين زيدان

حلم رجل مضحك

في بحثه عن الاجوبة للاسئلة الأزلية..

كتب الرائع "فيودور ديستوفسكي" هذه الرواية الخيالية..

حلم رجل مضحك - ديستوفسكي

"أنا رجلٌ مضحك، وهم ينعتونني الآن بالمجنون، وقد كانَ من شأن هذا النعت أن يكونَ رفعاً من قَدْري لو أنّهم تراجعوا عن اعتباري مضحكاً، كما فعلوا في السابق. لكنني بعد اليوم لن أغضبَ عليهم، فجميعُهم لطفاء بالنسبة لي حتى وهم يهزؤون بي، بل لعلهم يصبحونَ أكثر لطفاً حين يفعلونَ ذلك، ولو لم أكن شديد الحزنِ وأنا أنظر إليهم لضحكت معهم ليسَ على نفسي بالطبع ولكن لكي أُسرّي عنهم، شديد الحزن لأني أراهم يجهلونَ الحقيقة؛ بينما أعرفُها أنا، ما أصعَبَ الأمرَ على من يعرف الحقيقةَ وحده، إنهم لن يفهموا ذلك.‏"

ده جزء صغير من الرواية للتشويق..
وده كلام من النوع التقيل..
وعشان محدش يتهمني بأني الأخ الرفيق" تيموفيـتـش"
او اني افقه سراديب اللغة الروسية مرفق ترجمة القصة باللغة العربية للناس اللي موش بتعرف روسي.

http://www.4shared.com/file/75218611/d68a79fa/___online.html?s=1